ހީރަސް ރެސިޕީ: ދޮންރިހަ
ބޭނުންވާ ތަކެތި
4 ޖޯޑު ފެން
3/1 މޭޒުމަތީ ސަމުސާ ރީނދޫ
3 ބިލަމަގު / 1 އަނބު (ކޮށާފަ)
1 ޖޯޑު ކާށި ހުނި
2 މޭޒުމަތީ ސަމުސާ ދިރި
2 މޭޒުމަތީ ސަމުސާ ދަވިއްގަނދު
ހިކަނދިފަތް
ރާނބާ ފަތް
500 ގ މަސް (ކުދިކޮށް ކޮށާފަ)
2 ފިޔާ (ކޮށާފަ)
1 ގިތެޔޮ މިރުސް (ކޮށާފަ)
4 ލޮނުމިދު (ގާނާފަ)
1 ސައި ސަމުސާ އިނގުރު (ގާނާފަ)
3 މޭޒުމަތީ ސަމުސާ ކުކިންގ އޮއިލް
1 ޖޯޑު ކާށި ކިރު (ބޯކިރު)
ތައްޔާރު ކުރާނެ ގޮތް
ކާށި ހުނި ކޮޅާއި އެކު، ފިޔާ، ލޮނުމިދު އަދި ހިކަނދިފަތް ކޮޅުގެ 2/1، އަދި ދިރި، ދަވިއްގަނދު، އިނގުރު، ރީނދޫ ބްލެންޑަރުން ރަގަޅަށް ހިމުން ވަންދެން ގިރާލާށެވެ. ތެޔޮކޮޅު ތެއްޔެއްގައި ހޫނުކުރުމަށްފަހު، ބާކީ ހުރި ފިޔާ، ހިކަނދިފަތް، ލޮނު އަދި ލޮނުމިދުކޮޅު އެޅުމަށްފަހު ރަނގަޅަށް މިލުވާލާށެވެ. މިރުސް އަދި ރާނބާފަތް މީގެ ތެރެއަށް އަޅާ ހަލާލުމަށްފަހު، މަސް އަޅާ ރޯފިލުވާ ލާށެވެ. ދެން ބްލެންޑް ކޮށްފައިހުރި ޕޭސްޓް ކޮޅު މީގެ ތެރެއަށް އަޅާލާށެވެ. ފެން، އަދި ބިލަމަގު ކޮޅުވެސް އެއްކޮށް ލައިގެން ރަނގަޅަށް ކައްކާލާށެވެ. ކެކެން ފެށުމުން ބޯކިރު ފޮދު އަޅަލާ، މަތި ޖަހައިގެން އިރޮކޮޅަކު ކެއްކުމަށްފަހު ލޮނު ހެޔޮވަރުކޮށް ނިންމާލާށެވެ.
