ހެޔޮވެރިކަން: އައްޑޫސިޓީ މަގުތަކުގައި ތާރުއެޅުން
މަސައްކަތް ނިމޭނީ އަންނަ ފެބްރުއަރީ މަހު
އަތޮޅު ތަކުގައި ސަރުކާރަކުން ހިންގާ އެންމެ ބިޔަ އެއް މަސްރޫއަކީ އައްޑޫ މަގުތައް ހެދުމެވެ. އައްޑޫސިޓީ މަގުތަކުގައި ފެންބޮޑުވުމާއި އަޑިގުޑަންވެ ދުއްވާ އެއްޗިއްސާއި ހިނގާ ބިނގާވެ އުޅެން ދަތިވުމުގެ މައްސަލައަށް ދާއިމީ ހައްލެއް ލިބިގެން ދާނެ މި މަޝްރޫއު ގެ މަސައްކަތް ދެ އަހަރުތެރޭގައި ނިންމޭނެއެވެ.
2021 ވަނަ އަހަރުގެ ފެބްރުއަރީ މަހު 18ގައި އިންޑިއާގެ އެފްކޮންސް އިންފްރާސްޓްރަކްޗަރ ހަވަލުކޮށްގެން ހިންގާ އައްޑޫ މަގުހެދުމުގެ މަޝްރޫއު ނިމޭނީ އަންނަ އަހަރުގެ ފެބްރުއަރީ މަހުއެވެ.
މަގުތައް ރަނގަޅު ފެންވަރަކަށް ހެދުމުގެ ގޮތުން ތާރު އެޅުމުގެ އިތުރަށް ބައެއް ސަރަހައްދުގައި ގައު އެތުރުން ވެސް ހިމެނިފައިވާ މިމަޝްރޫއުގައި އައްޑޫގެ 107 ކިލޯ މީޓަރުގެ މަގު ހަދާނެއެވެ.
މިހާރު ކުރިއަށް ދަނީ ތާޅު އެޅުމުގެ މަސައްކަތެވެ. ތާރު އަޅަން ފަށަފައިވަނީ ފޭދޫންނެވެ.
އެއްވެސް ސަރުކާރެއްގައި އައްޑު އަށް އަދި ހާއްސަކޮށް ފޭދު އަށް ކޮށްދީފައި ނުވާ އެތައް ކަމެއް މި ސަރުކާރުން ކޮށްދެމުން އަންނަ ކަމަށް ފޭދޫ ދާއިރާގެ އިއްޒަތްތެރި މެމްބަރު މުހައްމަދު ނިހާދު ވިދާޅުވެއެވެ.
