ކަރެކްޝަންގެ އިންޒާރު! ޔާމީނު އެނބުރި ޖަލަށް!
ޔާމީނު މިނިވަންވުމަކުން ރައީސް ސޯލިހަށް ގެއްލިވަޑައި ގަންނަވާނެ މަސްލަހަތެއްނެތް
ގޭބަންދުގެ އިތުރުލުޔެެއް ރައީސް ޔާމީނަށް ދީފައިވަނީ ބޭސްފަރުވާއާއި ކަސްރަތުގެ ބޭނުމަށްޓަކާ އެގޮތަށް އެދި ވަޑައިގަތީމައެވެ. އަދި ސައިކޭޓްރިސްޓެއް ނުވަތަ ފިޒިއޮތެރަޕިސްޓެއް ކަހަލަ ކޮންމެހެން ބައްދަލު ކުރަންޖެހޭ ފަރާތެއް ވާނަމަ ކަރެކްޝަނަށް ކުރިއާލާ އެންގުމަށްފަހު ބައްދަލު ކުރެވޭ ގޮތަށް އިގްރާރުވެ ސޮއި ކުރައްވައިގެންނެވެ. ލުއިތަކެއް ދެވޭނީ ކަންތައް ތަކެއް މަތިކޮށްގެންތާއެވެ. ރައީސް ޞޯލިޙަށް ވެސް ރައީސް މުއިއްޒަށް ވެސް ގައިދީ އަކަށް ލުޔެއް ދެއްވޭނީ ވަކި ވަރަކަށެވެ.
އިގްރާރާ ޚިލާފް ވެއްޖެ ނަމަ ފިޔަވަޅު އަޅާނެ ކަމުގެ އިންޒާރު ކަރެކްޝަނުން ދީފިއެވެ. ވެރިކަމުގައި ހުންނެވީ ޞޯލިޙް ވިޔަސް ނުވަތަ މުއިއްޒު ވިޔަސް ގާނޫނު ހިންގަން ޖެހޭނެއެވެ. ރައީސް ޔާމީނު މިނިވަން ކަމާއެކު ކިތަންމެ ވަރަކަށް އުޅުއްވިޔަސް ރައީސް ސޯލިހަށް ގެއްލިވަޑައި ގަންނަވާނެ ހާއްސަ މަސްލަހަތެއް މިހާރަކު ނުއޮންނާނެއެވެ. އެކަމަކު ޑރ. މުއިއްޒު އެ އާއި މުޅިން ތަފާތުވާނެއެވެ. ސަރުކަރު އެކުލަވާލުމާއި މަޖިލިސް އިންތިހާބަށް ޕާޓީތައް ތައްޔާރު ވަމުންދާ މި ދަނޑިވަޅުގައި ރައީސް ޔާމީނު ވީއްލިފާ ހުންނެވުމަކީ ޑރ. މުއިއްޒުގެ މަސްލަހަތާއި ވަރަށް ބޮޑަށް ގުޅުން ހުރިކަމަކަށް ނޫނީ ނުޥާނެއެވެ.
އިގްރާރާ ޚިލާފްވެ، ލުއި ހޯދި ބޭނުން ނޫން އިތުރު ކަންކަމުގައި ރައީސް ޔާމީން އުޅުއްވަންޏާ މުޢިއްޒުގެ ވެރިކަމުގައި ވިޔަސް އެނބުރި ޖަލަށް ވަޑައިގަތުމަކީ އެއްވެސް ގޮތަކުން ރައީސް ޔާމީނަށް ރަނގަޅު ގޮތެއް ނޫނެވެ.
