އަދުރޭއަށް ކެހިދޭން ޔާމީނު ވައުދު ވެއްޖެ!
އިއްތިހާދުގެ ޕާޓީއަކަށް ވާދަކުރަން ގޮނޑިއެއް ނުދޭނަން: ޔާމީނު
ޔާމީނާ ކޯލިސަން ހަދައިގެން އުޅެނީ އަދުރޭއެވެ. އެނޫން މީހަކު ޔާމީނާ ކޯލިސަން ހަދައިގެން އުޅެނީއެއް ނޫނެވެ. އަމްދުން އެ ދެއްކި ވާހަކަ އަކުން އެހެން ބަޔަކު ކޯލިސަން ހަދާކަށް ވެސް ނޫޅޭނެ ތާއެވެ. ފުރަގަހު ބެނާގައި ޕީޕީއެމް-ޕީއެންސީ ޖަހައިގެން ހުރެ ކުރިއަށް އޮތް އެއްވެސް އިންތިހާބެއްގައި އެހެން ބަޔަކަށް ވާދަކުރަން ގޮނޑިއެއް ދޫކޮށް ނުލާނެ ކަމަށް ޔާމީނު ބުނީ ނޭނގިގެން ނޫންކަން ޔަގީނެވެ. އެހެން ޕާޓީ އަކަށް އެއްވެސް ގޮނޑިއެއް ދޫނުކުރާނެ ކަމަށް ޔާމީން އެ ބުނީ ވަރަށް ފާޅުގައެވެ. އެހެން ޕާޓީތަކާ ކޯލިޝަން ހެދިޔަސް، ދެން އެއްވެސް ދާއިރާއެއްގެ އެއްވެސް ގޮނޑިއެއް އެހެން ޕާޓީ އަކަށް ދޫކޮށްނުލާނެ ކަމަށް ޔާމީން އެ ބުނަނީ ފިސާރި ގަޓު ހުރެގެންނޭ ހީވެއެވެ.
ކައުންސިލް އިންތިހާބުގެ ކައުންސިލް ގޮނޑިއެއްހާ ހިސާބު ވެސް ދެނެއް އިއްތިހާދުގެ ޕާޓީއަކަށް ދޫނުކުރާނެ ކަމަށް ބުނަމުން ރައްޔިތުންގެ މަޖިލިސްގެ މެމްބަރުކަމަކީ އެއަށް ވުރެ މާ ސީނިއާ ކަމެއްކަމަށް ޔާމީނު ބުންޏެވެ. އެހެން ވީމާ ރައްޔިތުންގެ މަޖިލީހުގެ މެމްބަރު ކަމުގެ ގޮނޑި ވެސް އެއްވެސް ދާއިރާ އަކުން ދޫނުކުރާނެ ކަމަށް އަޑަށް ބާރުލާފައި ބުންޏެވެ. ޔާމީން ބުނާ ގޮތުން ދ. އަތޮޅާއި ނ. އަތޮޅަކީ ކުރިން އެމްޑީއޭއަށް ދޫކޮށްލާފައި އޮތް ދެ އަތޮޅެވެ. އެކަމަކު ދެން އެ ގޮތަށް އަމަލު ނުކުރާނެ ކަމަށް ބުނެ ސަންޓްރެވަލް ޝިޔާމަށް ވެސް ކޮޅުއެއްލިއެވެ.
އެ ދުވަހަކުން ހުރިހާ ގޮނޑި އެއްގައި ބަގުޑި ބައްދައިގެން އޮންނާނީ ޔާމީނު ކަމަށް ރަށު ތެރޭގައި ކުދިން ކިޔާ އުޅެއެވެ. ފައިސާއާއި ބަރާ ހެދި ބޯ ސަކަރާތް ވަނީ ތޯއްޗެކޭ ކިޔާ މީހުންވެސް މަދެއް ނޫނެވެ. ޔާމީނު ދޫ ނުކުރިއްޔާާ އެހެން މީހަކަށް ގޮނޑިއެއް ނުލިބޭނެތޯ ސުވާލު ކުރާމީހުން ވެސް އުޅެއެވެ. ހުދުމުހުތާރުކަމާ އަނިޔާވެރިކަން އިތުރަށް ކިޔައިނުދިނަސް ރައްޔިތުންނަށް ކަންކަން ވަރަށް ސާފެވެ. ޕާޓީތަކުން ކޯލިޝަން ހަދަނީ އެ މީހުންނަށް ވެސް ފައިދާ ތަކެއް ވާތީއެވެ. އެހެން ނޫނީ ވިއްޔާ ވަކި ޔާމީނާ އެއްކޮށް ކޯލިޝަން ހަދަންވީ ސަބަބެއް ނެތެވެ.
ގޮނޑިއެއް ކީއްކުރަން ހެއްޔެވެ. އެއްވެސް ފައިސާއެއް ވެސް ދޫނުކުރާށެވެ. ދޫކޮށްފިއްޔާ ޔާމީނަށް މަދުވާނެއެވެ. އެކަމަކު ރައްޔިތުން ޔާމީނަށް ގޮނޑިއެއް ދޭނެބާއޭ ހިތަށް އަރައެވެ. ގަދަބަސް ބުނާއިރު ހީވަނީ 2023 ކާމިޔާބު ކޮށްގެން އަރާ ހުންނަ ހެންނެވެ. އެރުނިއްޔާ އެރިފައި ޔާމީނަށް ތިޔަ ހުރެވެނީ ޒާތެއްގެ އެއްޗަކަށެވެ.
ޕީޕީއެމް އާއި އެކު މިހާރު އިއްތިހާދު ވެގެން މަޖިލިސްގައި ތިބީ ޕީއެންސީ މެންބަރުންނެވެ. ޔާމީނު މި ދައްކަނީ ފައިނު މާވަޑި އާދަނުމެން މަގުމަތިކޮށްލާނެ ވާހަކައެވެ. އާދަނުމެން ހުޅުބު ފައިބާ އިރުވެސް އެފަތަނީ ޔާމީނައިގެންނެވެ. އެކަމަކު އަދުރޭ ދެކެ އަރާފައިގެންފައި ހުރި ރުޅީގެ ވަރުން މިހާ ކުރިން ޔާމީނު އެ ހުރީ ފުފޭވަރެވެ.
މި ވާހަކަ ދައްކައިގަތީމާ މި ވާހަކަވެސް ކެންސަލް ކުރާނެއެވެ. އެކަމަކު އާހިރުގައި ކަންތައް ކުރާނީ ޕީއެންސީއަށް ވެސް އިންތިހާބެއްގައި ވާދަކުރަން ޖާގަ ނުދޭ ގޮތަށެވެ.
