މުސާރަނުދެވިގެން ބޭންކުގައިހުރި އަމިއްލަމީހުންގެ ލާރިކޮޅު ދަމައިގަންނަނީ!

ދައުލަތުގެ މުވައްޒަފުންނަށް މުސާރަ ދެވޭނެގޮތް ނެތިގެން ލޭންދޭނަށް 1 ބިލިއަން ރުފިޔާ ބޭންކް އޮފް މޯލްޑިވްސް (ބީއެމްއެލް) އިން ނުދިނުމުން މުސާރަ ދޭން ސަރުކާރަށް ގޮތް ހުސްވެއްޖެއެވެ. މުވައްޒަފުނަށް ނޮވެމްބަރުމަހުގެ މުސާރަދީފައި ވަނީވެސް ބޭންކު އޮފް މޯލްޑިވްސްއިން 700 މިލިއަން ރުފިޔާ ލޭންދޭނަށް ނަގައިގެން ކަމަށް ކަށަވަރު މަސްދަރަކުން މައުލޫމާތު ލިބިފައިވެއެވެ.

ދައުލަތުގެ ރިޒާވް އަދަޔާ ހިލާފަށް ދަށަށްގޮސް ޑޮލަރުގެ އަގު އިންތިހާއަށް އުފުލި ބޭންކް ތަކަށް ވަނީ ޑޮލަރުގެ ޝޯޓޭޖް ކުރިމަތިވެފައެވެ. މިހެން މިކަން އޮއްވާ މި ހިނގާ ޖެނުއަރީމަހު ދައުލަތުގެ މުވައްޒަފުންނަށް މުސާރަ ދެވޭނެ ގޮތް ނެތުމުން ސަރުކާރުން ބޭނުންވީ ބޭންކުން 700 މިލިޔަން ރުފިޔާ ލޭންދޭނަށް ހޯދާށެވެ. ބީއެމްއެލްގެ ކޭޝްފްލޯއަށް ވަރަށް ބޮޑަށް ނުރަނގަޅު އަސަރުކޮށް ޑޮލަރ ޝޯޓޭޖް އިންތިހާއަށް ބޮޑުވެފައިވާތީ ސަރުކާރުގެ އެހުށަހެޅުމަށް ބީއެމްއެލް ބޯޑުން އިއުތިރާޒް ކުރިއެވެ. ނަތީޖާއެއްގެ ގޮތުން ބޯޑްގެ ޗެއަރމަންއާއި އެކު ބޯޑު މެންބަރުން ތަކެއް މަގާމުން ވަކިކޮށްލީއެވެ.

އާންމު ރައްޔިތުންގެ ޑިޕޮޒިޓް ފައިސާއިން ބޭންކު އޮފް މޯލްޑިވްސްއިން ސަރުކާރަށް ލޭންދޭނަށް ފައިސާ ނަގަން ޖެހުނީ ފައިސާ ޗާޕު ކުރުން ހުއްޓާލުމުންނެވެ. ފައިސާ ޗާޕް ކުރުމަށް މުއިއްޒު ބޭނުން ވިޔަސް އެމްއެމްއޭއިން ފުރުސަތު ދޭން ބޭނުން ނުވެގެން އެކަންވަނީ ނުވެފައެވެ. މިކަހަލަ ކޮންމެ ދަނޑިވަޅެއްގައި މީގެކުރީން ސަރުކާރު ތަކަށް ބަޖެޓް ސަޕޯޓްގެ ގޮތުގައި ހިލޭ އެހީއަށާއި އިންޓްރަސްޓް ކުޑަ ލޯނުގެ ގޮތުގައި އިންޑިއާއިން ދިވެހި ސަރުކާރަށް އެހީތެރިކަން ދެއެވެ. އީގޯ ބޮޑުކަމުން އެ ދޮރުވެސް މުއިއްޒު އަމިއްލައަށް ވަނީ ބަންދު ކޮށްފައެވެ. 

ޖެނުއަރީ މަސް ނިމެމުން ދާއިރު މުސާރަ ދެވޭނެ ގޮތް ނެތިގެން ކޮމާރޝަލް ރޭޓްގައި ރާއްޖޭގައި ހުރި ބޭންކުން ތަކުގައި ރައްޔިތުން ރައްކާކޮށްފައި ހުރި ލާރިކޮޅުން ލޯނު ހޯދަން ބޭންކު ތަަކަށް ސަރުކާރުން ދަނީ ޕްރެޝަރ ކުރަމުންނެވެ. ރާއްޖޭގެ ކޮމަރޝަލް ބޭންކުންނާއި ސިލޯނު ބޭންކުން ކޮންމެވެސް ވަރަކަށް ކޮމަރޝަލް ރޭޓުގައި ކުރު މުއްދަތެއްގައި އަދާކުރުމަށް ޖަމާގައި ހުރި އާއްމުންގެ ފައިސާއިން ލޯނު ދޭގޮތަށް ހަމަޖެހިފައިވާ ކަމަށް އިތުބާރު ހުރި މަސްދަރުތަކުން މައުލޫމަތު ލިބެއެވެ. އެހެން ނަމަވެސް ޖެނުއަރީ މަހުގެ މުސާރަ ދިނުމަށް ބޭނުންވާ 700 މިލިއަން ރުފިޔާ ހަމަ ނުވެގެން ސަރުކާރު އަދި އޮތީ ކޮށި އަރައަރައެވެ.