ޝާހިދުގެ އެއްބާރުލެއްވުން ނަޝިދަށް ދެއްވާނެ
ރައީސް ނަޝީދު ޝާހިދާ ބައްދަލު ކުރެއްވުން
ހީރަސްނިއުސް 
އެމްޑީޕީގެ ޗެއަރޕަރސަން (އިލެކްޓް) ރައީސް މުހައްމަދު ނަޝީދާ އާއި އެމްޑީޕީގެ ރައީސް އޮނަރަބަލް އަބްދުއްލާ ޝާހިދު ބައްދަލު ކުރައްވައިފިއެވެ. މިއަދު އޮތް މިބައްދަލު ކުރެއްވުމުގައި ރައީސް ނަޝީދަށް އޮނަރަބަލް ޝާހިދު މަރުހަބާ ދެންނެވިއެވެ.
މިއަދުގެ ބައްދަލުވުމުގައި ޒިންމާދާރު އިދިކޮޅު ޕާޓީގެ ގޮތުގައި އެމްޑީޕީން ސަރުކާރު ޖަވާބުދާރީކުރުވުމާ ގުޅޭގޮތުން މުހިއްމު މަޝްވަރާތަކެއް ދެބޭފުޅުން ކުރެއްވެވިއެވެ.
އެމްޑީޕީގެ ޙަރަކާތްތައް އިތުރަށް ވަރުގަދަކޮށް، 2028 އަށް ޕާޓީގެ ސަފުތައްް ރުކުރުވާލުމަށް ޕާޓީގެ ރައީސްގެ ހައިސިއްޔަތުން ރައީސް ނަޝީދަށް ފުރިހަމަ އެއްބާރުލުން ދެއްވާނެ ކަމުގެ ޔަގީންކަން އޮނަރަބަލް ޝާހިދު އެރުއްވެވިއެވެ.
އެމްޑީޕީގެ ޗެއަރޕާސަން ކަމަށް ރައީސް ނަޝީދު އިންތިހާބުވެ ވަޑައިގަތުމާއި ގުޅިގެން އެމްޑީޕީ ލީޑަރޝިޕްގެ ބޭފުޅުންނާ ރައީސް ނަޝީދު ވަދައިގަންނަވަނީ ވަކިވަކީން ބައްދަލު ކުރައްވަމުންނެވެ.
