ހީރަސް ރެސިޕީ: ލޮނުމިރުހު ފަޅޯރިހަ
ހީރަސް ރެސިޕީ ލޮނުމިރުހު ފަޅޯރިހައަށް މިފަހަރު ހާއްސަކޮށްލާނަމެވެ. މަދުން ނަމަވެސް ލޮނުމިރުހު ފަޅޯރިހަ އަކީ ކައްކާއުޅޭ ރިހައެކެވެ. އަނގަޔަށް މީރު ރިހައެކެވެ. ކައްކަން ވެސް އުނދަގުލެއް ނޫނެވެ.
- ރެސިޕީގައި ވާމިންވަރުން 4 މީހަކަށް ލޮނުމިރުހު ފަޅޯރިހައިން ފުދޭނެއެވެ.
- ބޭނުންވާ ތަކެތި
1 ރިއްސެޔޮލީ ފަޅޯ ( 700 ގ. ހުންނަ ވަރުގެ)
3 ފިޔާ
3 ލޮނުމެދު
2 މޭޒުމަތީ ސަމުސާ ހަކުރު
5 ޖޯޑު ކާށި ބޯކިރު
3 މޭޒުމަތީ ސަމުސާ ލޮނުމިރުސް ހަވާދު
2/1 ޖޯޑު ލޮނުމިރުސް
4/1 ސައި ސަމުސާ މުގުރި އަސޭމިރުސް
3 ހިކަނދިފަތް
4/1 ސައި ސަމުސާ ރީނދޫ
1/2 1 ޖޯޑު ވަޅޯމަސް
1 ޗިކަން ކިއުބް
1 ފަޅި ލުނބޯގެ ހުތް
8 ރާނބާފަތް
1/2 ސައި ސަމުސާ މުގުރި ދިރި
1/2 ސައި ސަމުސާ މުގުރި ފޮނި ތޮށި ކާފޫރު ތޮޅި
ލޮނުކޮޅެއް
ތެޔޮފޮދެއް
- ތައްޔާރު ކުރާނެ ގޮތް
ފިޔަވަޅު 1
- ފަޅޯ ރިހަޔަށް ހެޔޮވަރަށް ކޮށާލާށެވެ
- ކޮށާލި ފަޅޯކޮޅު ލޮނުކޮޅެއްލައިގެން ޗަސްނުވާ ވަރަށް ފެނުގާ ކައްކާ މަޑުކޮށްލާށެވެ.
- ފިޔާތައް އާދައިގެ ވަރަކަށް ތުނިކޮށް ކޮށާލާށެވެ.
- ލޮނުމެދުކޮޅު އޮލަކޮށް ގާނާލާށެވެ.
- ރާނބާފަތްތައް 1/2 އިން ބުރިބުރިކޮށްލާށެވެ
- ވަޅޯ މަސްކޮޅު ދޮޅުޖޯޑް ހުންނަ ވަރަށް ކޮށާލާށެވެ.
ފިޔަވަޅު 2
- ތަވާ އުނދުން މައްޗަށް އުދާލާފައި ހޫނުވީމާ ކުޑަތެޔޮ ފޮދެއް އަޅާލާށެވެ.
- ތެޔޮ ފޮދު ހޫނުވުމުން ފިޔާ، ހިކަނދިފަތް، ރީނދޫ ،ލޮނު، ރާނބާފަތް މިރުސް އެއްކޮށް އަޅާލާށެވެ.
- މަޑު ގިނީގައި ބަހައްޓައިގެން ދޭފަތުން ހަލަމުންދާށެވެ.
- އެބައި ހަނާވީމާ ލޮނުމެދު އަސޭމިރުސް ފޮނތޮށި ކާފޫރުތޮޅި އެއްކޮށް ލާށެވެ.
- މަސްކޮޅު ވެސް އަޅާލާށެވެ.
- ރަނގަޅަށް އެއްވީމާ ހަވާދު އަދި ލޮނުމިރުސްކިރުގައި ގިރާފައި އަޅާލާށެވެ.
- ފަޅޯކޮޅު ވެސް އަޅާލާށެވެ.
- ދެން ބާކީހުރި ހުރިހާ ބާވަތް އެއްކޮށް އަޅާފައި ކައްކާށެވެ.
