ރައްޔިތުންގެ ފައިސާ އިސްރާފުކުރުމުގައި މުއިއްޒަކީ ލާމަސީލު މިސާލެއް: އާޒިމް
ރައްޔިތުންގެ ފައިސާ އިސްރާފު ކުރުމުގައި ރައީސް މުއިއްޒަކީ ލާމަސީލު މިސާލެއް ކަމަށް މާލޭ މޭޔަރ އާދަމް އާޒިމް ވިދާޅުވެއްޖެއެވެ. މޭޔަރު އެގޮތަށް ވިދާޅުވީ އެމްޑީޕީން ޕީޓްރަލް ކަންމަތީ ބައްދަލުވުމުގައި ވާހަކަ ދައްކަވަމުންނެވެ.
ރައީސް މުއިއްޒު އެއްވެސް ކަމެއް (ރައްޔިތުންގެ ފައިދާއަށް) ނުކޮށް ކުރަމުން ދަނީ އިސްރާފުކަމަށް ވިދާޅުވަމުން އާޒިމް ވިދާޅުވީ ފޮނި ކަނޑައިގެން ނޫން ގޮތަކަށް މުއިއްޒަށް ސަރުކާރު ނުހިންގޭ ކަމަށެވެ.
މުއިއްޒުގެ ވެރިކަމަށް މިއަދު ދޮޅު އަހަރު ވެގެން ދިޔައިރު ލިބުނު އެކައްޗެއް ވެސް ނެތް ކަމަށް މާލޭ މޭޔަރ ވިދާޅުވިއެވެ.
31 ޖެނުއަރީ 2025 ގައި ބޭއްވުމަށް އެމްޑީޕީން ތައްޔާރު ވަމުންދާ ފުދިއްޖެ- ފުނޑިއްޖެ ހިގާލުމަށް ވޯމްއަޕް ކުރުމުގެ ގޮތުން ބޭއްވި ފުރަތަމަ ކަންމަތީ ބައްދަލުވުން އޮތީ ޕީޓްރަލް ކަންމަތީގައެވެ. މި ބައްދަލުވުމުގައި އެމްޑީޕީ ލީޑަރޝިޕްގެ އިސްވެރިންނާއި ގިނަ އަދަދެއްގެ މެންބަރުންނާއި މުއިއްޒުގެ ސިޔާސަތުތަކާ ދެކޮޅު އެތައް ބަޔަކު ބައިވެރިވިއެވެ.
ފުދިއްޖެ- ފުދިއްޖެ ހިނގާލުމަށް ތައްޔާރުވުމުގެ ގޮތުން ސިލްސިލާ ގިނަ ހަރަކާތްތަކެއް މުޅިރާއްޖޭގައި ދަނީ ހިނގަމުންނެވެ.
