ހީރަސް ސުފުރާ: ބްލޫބެރީ މޮހީޓޯ

ހީރަސް ސުފުރާ ފަޅުފިލުވާލުމަށް ތައްޔާރުކޮށްލަން މިއުޅެނީ ބްލޫބެރީ މޮހީޓޯ ތައްޓެކެވެ. ބްލޫބެރީ މޮހީޓޯއަކީ ރޯދަވީއްލާ ގަޑިއަށް ވަރަށް ކަމުދާނެ، ވަރަށް ފަސޭހައިން ތައްޔާރު ކޮށްލެވޭ ބުއިމެކެވެ.

ބޭނުންވާ ތަކެތި:

(ބްލޫބެރީ މޮހީޓޯ ތައްޓެއް ތައްޔާރު ކުރުމަށް) 

• 3 މިންޓްފަތް
• 1/2 އައުންސް ބްލޫބެރީ ސިރަޕް
• 2 އައުންސް ސްޕްރައިޓް
• 3/4 ލުނބޯ ޖޫސް

ގާނިޝް ކުރުމަށް:

• މިންޓް ފަތްކޮޅެއް
• އައިސްކިއުބް
• ލުނބޯ ފޮތި ތުނިކޮށް ފޮތިކޮށްފައި

ތައްޔާރުކުރާނެގޮތް:

• މިންޓްފަތާއި ސިރަޕާއި ޝޭކަރއަށް އަޅާފައި ހަލުވާލާށެވެ.
• އެއްކުރި މިންޓްފަތާއި ސިރަޕްގެ ތެރެއަށް ލުނބޯ ޖޫސް އަދި އައިސް ކިއުބް އަޅާފައި އިތުރަށް ހަލުވާލާށެވެ.
• ތަށްޓެއް ނަގާފައި ތަށްޓަށް ތައްޔާރު ކުރި ބްލޫބެރީ މޮހީޓޯ އަޅާފައި އޭގެ ތެރެއަށް އައިސްކިއުބާއި ލުނބޯ ފޮތިތަކާއި މިންޓް ފަތް އަޅާފައި މައްޗަށް ސްޕްރައިޓް ފޮދު އަޅާލާށެވެ.

ބްލޫބެރީ މޮހީޓޯ ތައްޓެއް އެހުރީ ތައްޔާރުވެފައެވެ.