އަންހެނުންނާ ފިރިހެނުން ނޫން ޖިންސެއް ނޯންނާނެ: ޓްރަމްޕް

އެމެރިކާގެ 47 ވަނަ ރައީސް ޑޮނަލްޑް ޓްރަމްޕް ރިޔާސީ އަމުރަކުން އެމެރިކާ ގަބޫލުކުރާނީ ދެ ޖިންސު ކަމަށް ކަނދައަޅުއްވައިފިއެވެ. އެމެރިކާ ގަބޫލުކުރަނީ ފިރިހެނުންނާއި އަންހެނުން އެކަނި ކަމަށް ޓްރަމްޕްގެ ރިޔާސީ އަމުރުގައި ބުނެފައިވެއެވެ. އެނޫން ޖިންސުތަކަކީ ދެކޮޅުނުޖެހޭ ހަގީގަތެއްގެ މައްޗަށް ބިނާވެފައިވާ ޖިންސްތަކެއް ކަމަށް ރިޔާސީ އަމުރުގައި ބަޔާންކުރެއެވެ. 

މީގެކުރިން އެމެރިކާއިން ބަލައިގެންފައިވާ އަންހެން ފިރިހެން ހެދުމާ ޖިންސް ބަދަލުކުރުން ހުއްދަވުމުގެ ސިޔާސަތުތަކާއި ގުޅިގެން ރިޔާސީ މި އަމުރުގެ ސަބަބުން ސަރުކާރުގެ މުއާމަލާތްތަކާއި، މަދަނީ ހައްގުތަކުގެ ހިމާޔަތްތަކާއި އަދި ފެޑެރަލް ފަންޑިންގ އާއި ގުޅޭގޮތުން ޓްރާންސްޖެންޑަރުންނާ ގުޅޭ ސިޔާސަތުތަކަށް އަސަރުކުރާނެއެވެ. މީގެ އިތުރުން ޖަލުތަކަށްވެސް އަސަރުކުރާނެއެވެ. މި އަމުރުގެ ސަބަބުން ޕާސްޕޯޓާއި ވީޒާ ފަދަ ރަސްމީ ލިޔެކިޔުންތަކަށްވެސް އަސަރު ކުރާނެއެވެ.

ރިޔާސީ މިއަމުރުގެ ދަށުން ރައީސް ޓްރަމްޕް ވަނީ ޖިންސީ ތަފާތު ނަޒަރިއްޔާތަކަށް ތާއީދުކުރާ ނުވަތަ ކުރިއަރުވާ ހުރިހާ ސަރުކާރުގެ ޕްރޮގްރާމްތަކާއި، ސިޔާސަތުތަކާއި، ބަޔާންތަކާއި އަދި މުއާމަލާތްތައް ހުއްޓާލާފައެވެ.

ވަކި އެހެން ރިޔާސީ އަމުރެއްގައި، ރައީސް ޓްރަމްޕް ވަނީ ފެޑެރަލް ސަރުކާރުގެ ތެރޭގައި ހިންގާ ހުރިހާ ތަފާތުކަމާއި، ހަމަހަމަކަމާއި، ހިމެނުން އެކުލެވޭ ޑީ.އީ.އައި ޕްރޮގްރާމްތައް ހުއްޓާލާފައެވެ. މިބުނާ ރިޔާސީ އަމުރަށް ކިޔަނީ "ހައްދުފަހަނައަޅާފައިވާ އަދި އިސްރާފުވާ ސަރުކާރުގެ ޑީ.އީ.އައި ޕްރޮގްރާމްތަކާއި އިސްކަންދިނުންތައް ނިމުމަކަށް ގެނައުން" އެވެ. އެ ރިޔާސީ އަމުރުގައި ހުރިހާ ފެޑެރަލް އޭޖެންސީތަކާއި ފެޑެރަލް ގްރާންޓްތައް ލިބޭ ނުވަތަ ފެޑެރަލް ކޮންޓްރެކްޓްތައް އޮންނަ ފަރާތްތައްވެސް ހިމެނެއެވެ.