ރާއްޖެ ރީދުކުރުމުގެ ކާމިޔާބު ފުރަތަމަ ދަތުރު!

ރާއްޖޭގެ ރަށްތައް އަނެއްކާވެސް ރީނދޫ ކޮށްލުމަކީ އެމްޑީޕީގެ ރައީސް ޝާހިދުގެ އަމާޒެވެ. ކުރިއަށް އޮތް އިންތިހާބުތަކުގައި އެކީ އެކައްޗަކަށް މުޅި ރާއްޖެ ރީދުވެފައި އޮންނަތަން ދުށުމަކީ މުޅި އެމްޑީޕީގެ ވިސްނުމެވެ. އެމަގަށް ކުރެވޭ މަސައްކަތް މިހާރު އެވަނީ ފެށިފައެވެ. 

ރާއްޖެ ރީދުކުރުމުގެ ހިތްވަރުގަދަ މަސައްކަތް އެމްޑީޕީގެ ރައީސް އަރިއަތޮޅުން އެފެއްޓެވީއެވެ. އެމްޑީޕީގެ އެންމެ ވަރުގަދަ އެއްކިއްލާއަކީ އަބަދުވެސް އަރިއަތޮޅެވެ. އުކުޅަހަކީ ދެގޮތެއްނުވާ އެއް ހަބެވެ. އެމްޑީޕީގެ ތާރީހާ އުކުޅަސް ގުޅިފައި އޮންނަނީ ވަކިނުވާ ގާތް ބަދަހި ގުޅުމަކުންނެވެ. ރަސްދުއާއި ތޮއްޑުއަކީވެސް އެމްޑީޕީގެ ރަން ރީދޫކުލައިން ފަވާލެވިގެން ދިޔަ ތާރީހީ ދެރަށެވެ. 

އެމްޑީޕީގެ ރައީސް އަބްދުއްލާ ޝާހިދު އުކުޅުހާއި ތޮއްޑުއާއި ރަސްދޫއަށް ހުސް ހަފްތާގައި ކުރެއްވި ދަތުރުންވެސް އެރަށްރަށުން އެމްޑީޕީއަށް ކުރާ އިތުބާރާއި އެމްޑީޕީއާއި ގުޅިފައިވާ އުންމީދުގެ ބޮޑުކަމާއި މަތުވެރިކަން ސާފުވެގެން ދިޔައެވެ. 3 ރަށުންވެސް ފެނިގެން ދިޔައީ އުފާވެރި އުއްމީދީ މަންޒަރެވެ. އެމްޑީޕީ އުފެދިގެން އައި ފަލްސަފާގެ މަތީގައި، އެމްޑީޕީގެ ރަން ރީނދޫ ލަޝްކަރު އަދިވެސް އޮތީ ބަދަހިކޮށްކަމެވެ.

އެމްޑީޕީގެ ރައީސް ޝާހިދުގެ އެ ދަތުރުފުޅުގައި އެމްޑީޕީއަށް މެމްބަރުން ގިނަ އަދަދެއްގެ މީހުން ސޮއިކުރި ކުރުމުން ދައްކާ ދެނީ އެމްޑީޕއާއި މެދު ރައްޔިތުންކުރާ އުންމީދެވެ. އިތުބާރެވެ. އެމްޑީޕީ އެނބުރި އަންނާނީ މާ ވަރުގަދަކޮށްކަމެވެ. 

ރައީސް މުއިއްޒު ސަރުކާރުގެ ޕްލޭނެއް ނެތް ސިޔާސަތުތަކުގެ ސަބަބުން ރައްޔިތުން ތިބީ ވަރަށް ބޮޑަށް ހިތްހަމަނުޖެހިފައެވެ. ނުރުހިފައެވެ. އެމްޑީޕީ ވެރިކަމަށް ގެނައުމަށް ކެތް މަދުވެފައެވެ. އެހެން ކަމުން އަނެއްކާވެސް އެމްޑީޕީގެ ސަފުތައް ރުކުރުވާލައި، އިންތިހާބުތައް ކާމިޔާބުކޮށް ރައްޔިތުންނަށް ހިދުމަތްކޮށްދިނުމަށް އެރަށްރަށުގެ ރައްޔިތުން ތިބީ ބޭނުންވެފައެވެ. ރައްޔިތުންގެ ވެރިކަމެއް، ރައްޔިތުންނަށްޓަކައި ކޮށްދޭނީ އެމްޑީޕީންކަން އެމީހުން ގަބޫލު ކުރެއެވެ. 

އުކުޅަހާއި ރަސްދުއާއި ތޮއްޑުއަކީ ފަތުރުވެރިކަމުން އާމްދަނީ ހޯދައި، ދައުލަތުގެ ހަޒާނާއަށް އެސިނާއަތުން ލިބޭ ފައިސާ ވައްދާ 3 ރަށެވެ. މުއިއްޒު  ސަރުކާރުގެ ދޯހަޅި ސިޔާސަތުތަކުން މުޅި ސިނާއަތު ހަލާކުވެ އިގްތިސާދު އިތުރު އަނދަވަޅަކަށް ވެއްޓިދާނެ ކަމުގެ ބިރު އެރަށްރަށުގައި އިންތިހާއަށް ބޮޑެވެ. ބޮޑުކަންނޭލީގެ މަސްވެރިންނަށް މުއިއްޒު ސަރުކާރުން ޖައްސަމުންދާ ހާލުގެ ނުބައި އަސަރު ސީދާ އެންމެ ބޮޑަށް ކުރާ ބަޔަކަށް އެ 3 ރަށުގެ މީހުން ވެއެވެ. މުއިއްޒުގެ ދަނޑުވެރިކަމުގެ ސިޔާސަތުގެ ދޯހަޅި ކަމުން ތޮއްޑޫގެ ދަނޑުވެރިން ތިބީ ނާއުންމީދުވެ ގޮތް ހުސްވެފައެވެ. އެހެން ކަމުން މުއިއްޒު ސަރުކާރު ބަލިކޮށް، އަނެއްކާވެސް ރައްޔިތުންނަށް އުއްމީދީ ވެރިކަމެއް ކޮށްދޭނެ ޕާޓީއަކީ އެމްޑީޕީކަމަށް އެ ތިންރަށުގެ ރައްޔިތުން ގަބޫލުކުރެއެވެ.