ހެންވޭރުދެކުނު ބާރުވެރިވުމަށް | ގައުމީ މަޖިލީހަށް ތުއްތު
މީހަކު ފެނުމުން ޕާޓީ ސިފަވާ މީހަކު ދާދި މަދުވާނެ- އެމްޑީޕީގައި ޗާލީ ތުއްތު އަކީ އެމީހާ
މީހެއްގެ ނަން ބުނުމުން އެކަމަކާ އެތަނެއް ހަނދާންވާ މީހުން ތިބެއެވެ. އެތަނެއްގެ ނުވަތަ އެކަމެއް ނަމާއެކު ފާހަގަވާ މީހުންވެސް ތިބޭ ނޫން ހެއްޔެވެ. ޕޯޑިއަމްތަކާއި ސްޓެޖް މަތީން ނުފެނި ސިޔާސީގޮތުން މަގުބޫލު މީހަކަށް ވެވެނީ ދާދި މަދު މީހަކަށެވެ. ޕޯޑިއަމެއްއްގެ ފަހަތުން ނޫނީ ބިޔަ ބޮޑު ޕާޓީއެއްގެ ތެރެއިން މީހަކަށް އެ މީހަކު ފެނުމުން ޕާޓީ ސިފަވާ މީހަކު ދާދި މަދުވާނެއެވެ. އެމްޑީޕީގައި ޗާލީ ތުއްތު އަކީ އެމީހާއެވެ.
ވޭތުވެދިޔަ ދިހަވަރަކަށް އަހަރު ޗާލީ ތުއްތާ ނުލާ އެމްޑީޕީގައި އެއްވެސް ހަރަކާތެއް ހިންގާފައި ނުވާނެކަމަށް ބުނުމަކީ ދޮގަކަށް ނުވާނެއެވެ. ވީހާލެއްގައި ވެގެން އެމްޑީޕީގެ ހިދުމަތުގައި ދެމިހުރި އެންމެ ފާހަގަކޮށްލެވޭ ޒުވާނަކީ ޗާލީ ތުއްތުއެވެ. ޕާޓީއަށްޓަކާ ކުރަންޖެހި ނުކުރެވުނުކަމެއް ވޭތުވެ ދިޔަ ދިހަ އަހަރު ތެރޭގައި ތުއްތުއަކަށް ނެތެވެ.

އެމްޑީޕީގެ މުޒާހަރާތަކާއި ދަތުރުތަކާއި އެނޫންވެސް ކުދި ބޮޑު ކޮންމެ ހަރާކާތަކަށް ތައްޔާރުވުމަށް އަމަލީ ގޮތުން ކުރަންޖެހޭ އެންމެ ކުދިކުދި ކަންކަމުން ފެށިގެން އެކަމެއް ނުވަތަ އެހަރަކާތެއްގެ ހުރިހާ ކަމެއް ނިމެންދެން ދެގޮތެއްނުވެ ހުންނަ މީހަކަށް ޗާލީ ތުއްތުވެއެވެ. މުޒާހަރާތަކާއި ޖަލްސާތަކާއި ދަތުރުތަކުގެ އަމަލީ މަސައްކަތްތައް ކުރަމުން އެހުރިހާ ކަންކަމެއްގެ އަޑާއި މައްޒަރުތައް ނަގާ ރައްކާތެރިކޮށް ބަލަހައްޓަމުން ސޯޝަލް މީޑިއާއަށް ފޯރުކޮށްދީ އެމްޑީޕީގެ އަޑު ކެނޑުނަ ނުދީ ނަހައްޓާ މޭސްތިރިއަކީ ތުއްތެވެ.
އެމްޑީޕީގެ ހިދުމަތުގައި އެއް ފަހަރަށްވުރެ ގިނަ ފަހަރު ތުތްތު ނުދާ ރަށެއް ނެތޭ ބުނުމަކީވެސް ދޮގަކަށް ނުވާނެއެވެ. މުޒާހަރާތަކާއި އެއްވުންތަކުގައި ލީޑްރޯލެއް ތުއްތު އަބަދުވެސް ކުޅެއެވެ. ތުއްތަކީ ކާކު ކުރަނީ ކިއްތޯ ނުބަލާ ޕާޓީއަށްޓަކާ ކުރަން އެވަގުތަކު ޖެހުނު ކޮންމެ ކަމެއް ކުރާ ހިތްވަރުގަދަ ޒުވާނެކެވެ. ތުއްތުގެ އިހުލާސްތެރި ހިދުމަތުން ޕާޓީގެ ހުރިހާ ލީޑަރުންގެ ލޯތްބާއި ރުހުން ވަނީ ހޯދާފައެވެ. އާއްމު މެންބަރުންގެ އިތުބާރާއި ގާތްކަން ވަނީ ހޯދާފައެވެ.

ޗާލީ ތުއްތު ފެނުމުން އެމްޑީޕީ ފެންނަ ކަމުގެ އިހުސާސް މީހުނަށް ކުރެވޭ ވަރަށް އިހުލާސްތެރި ހިދުމަތާއި މިންނަތް މަސައްކަތުން ތުއްތު ވަނީ އެމްޑީޕީއާ ލާމެހިފައެވެ. ނުވިކި އެއްގޮތެއްގައި ދެމިހުރުމުގެ މިސާލަކަށް ވެސް ތުއްތު ފުދެއެވެ.
މަސައްކަތާއި ހިދުމަތާއި ތަޖުރިބާއާއި އެކު އެމްޑީޕީގެ ސިޔާސަތު ކަނޑައަޅާ ހިސާބުގައި ބަސްބުނުމަށް ޗާލީ ތުއްތަށް ވުރެ ވަކީން އައުލާކަން ބޮޑު މީހަކު މަދު ވާނެއެވެ. ގިނަ ބައެއް އެދުމުގެ މަތީން މިފަހަރު ގައުމީ މަޖިލީހުގެ މެންބަރުކަމަށް ޗާލީ ތުއްތު ( ހުސައިން ޝާފިއު) އެހުރީ ނިކުމެއެވެ. އެމްޑީޕީގެ ގައުމީ މަޖިލީހުގައި ހެންވޭރު ދެކުނު ތަމްސީލް ކުރަން ތުއްުތު ވަރެއް ހަމަ ނުހުންނާނެއެވެ. ތުއްތުގެ ފުރިހަމަ އިތުބާރާއި ލޯބީގައި ހެންވޭރު ދެކުނު އެމްޑީޕީ މެންބަރުންނަށް އަބަދުވެސް ހާއްސަ މަގާމެއް އޮތުމުން ހިތާ ހިތުގެ ގުޅުމަކުން ވަނީ ގުޅިފައެވެ.




