ހޮޅި ސަރުކާރުގެ ގަޅި 3 އަހަރު | 2.8 ބިލިޔަން ޑޮލަރގެ ދަރަނި އުފައްދައިފި

ސެންބެއަށް: ސުމަކުން ފަށައިގެން ޖަހަނީ ކޮޅަކަށްނޫން އެކޮޅުކޮޅުން

ހޮޅި ސަރުކާރުގެ ގަޅި 3 އަހަރު | 2.8 ބިލިޔަން ޑޮލަރގެ ދަރަނި އުފައްދައިފި

ރައީސުލްޖުމްހޫރިއްޔާގެ ނައިބަކަށް މިހާރު ހުރީވެސް މުއިއްޒު ކަހަލަ މަވެތިކަން ބޮޑު މީހަކީތާއެވެ. އޭނާއަކަށް މި ރާއްޖެއަކީ ހިނގަ ހިގާ އޮތް ދައުލަތެއް ކަމެއް ނޭނގުނެވެ. އެތައް ހާސް އަހަރެއް ވަންދެން ދިރިއޮތް ހަޒާރަތެއް ކަމެއް ނޭގުނެވެ.

އަޖައިބެއް ނުވާނެ ހެއްޔެވެ. ރާއްޖޭގައަކީ އަރަންޏާއި ދަރަނި ވާރުތަވަމުން އައި ސަރުކާރެއް އޮތް ދައުލަތެއްކަން ވެސް އޭނާއަކަށް ނޭގުނެވެ. ރާއްޖޭގައި ސަރުކާރެއް އުފެދި ހިނގަން ފެށީ 2023 ގައެއް ނޫނެވެ.

އެތައް ރަސްކަލަކާއި ރައީސުންނެއް ރާއްޖޭގައި ވެރިކަންކޮށްފިއެވެ. ޑރ. މުއިއްޒަކީ ދިވެހި ރާއްޖޭގެ ދެވަނަ ޖުމްހޫރިއްޔާގެ ހަތްވަނަ ރައީސެވެ. މުއިއްޒު ސުމަކުން ފަށާނީ އެހެން ނޫންނަމަތާއެވެ. 

މުއިއްޒު ވެރިކަމާ ހަވާލުވީއިރު ވާރުތަވީ ހަމައެކަނި ދަރަންޏެއް ނޫނެވެ. ދައުލަތުގެ މިލްކިއްޔާތުގައި އެތައް ބައިވަރު މުދަލަކާއި އެސެޓެއް ހުއްޓެވެ. އަނެއްކޮޅުން މުއިއްޒު ރާއްޖޭގެ ވެރިކަމާ ހަވާލުވީއިރު ރާއްޖޭގެ ރިޒާވްގައި 581.2 މިލޔަން ޑޮލަރު ހުއްޓެވެ. ސެވޮރިންގ ފަންޑްގައި 2 މިލިޔަން ޑޮލަރު ހުއްޓެވެ. 2 އަހަރު ވަންދެން ޓޫރިސްޓަކު ނައިސް ގައުމުގެ ބޯޑަރު ބަންދު ވެފައި އޮވެމެ ކުރީ ސަރުކާރު ނިމުނުއިރު ޔޫސެބްލް ރިޒާވްގެ ގޮތުގައި 267 މިލިޔަން ޑޮލަރު ހުއްޓެވެ. ލިބެންޖެހި ނުލިބި އެތައް ފައިސާއެއް ހުއްޓެވެ. 

އެހެން އެކަން އޮތްއިރު 2023 ގައި ރައީސް މުއިއްޒު ވެރިކަމާ ހަވާލުވީއިރު ރާއްޖެއޮތީ ސުމެއްގައެއް ނޫނެވެ. ސުމަކުން ފެށޭނީ ސުމެއްގައި އޮތްނަމަތާއެވެ، ސުމަކުން ފަށައިގެން ގައުމު ކޮޅަށްޖެހި ވާހަކަ ބުނަން ލަދު ނުގަންނަކަމެވެ. 

ތެދެކެވެ. މުއިއްޒު ވެރިކަމާ ހަވާލުވީއިރު ކުރިއްސުރެ ވާރުތަވަމުން އައި ދިގު މުއްދަތުން އަދާކޮށް ނިންމަންޖެހޭ ލޯނުތަކާއި ދައުލަތުގެ އެސްއޯއީ ތަކުގެ ދަރަނި ތަކާއެކު ދައުލަތުގެ ދަރަނި އޮތީ 120 ބިލިޔަން ރުފިޔާގައެވެ. އެހެން ވެރިކަންތަކުގައި ވެސް އެއިރަކަށް ދައްކަންޖެހޭ އަދަދަކަށް ޑިފޯލްޓް ނުވެ ލޯނަށް ފައިސާ ދައްކައެވެ. އެގޮތުން މުއިއްޒު ވެރިކަމުގައި ހޭދަވި 3 އަހަރު ތެރޭގައި ވެސް 1.45 ބިލިޔަން ޑޮލަރގެ ދަރަނި ދައްކައިފިއެވެ.

މުއިއްޒު ވެރިކަމުގައި 1.45 ބިލިޔަން ޑޮލަރގެ ދަރަނި އަދާ ކުރިއިރު މުއިއްޒުގެ ވެރިކަމުގެ 3 އަހަރުގެ ތެޜޭގައި 2.8 ބިލިޔަން ޑޮލަރގެ ދަރަނި ވަނީ އުފައްދާފައެވެ. މިހާރުން މިހާރަށްވެސް 152.7 ބިލިޔަން ރުފިޔާގެ ދަރަނި ދައްކަން އެބައޮތެވެ. އެހެން ކަމުން ސުމަކުން ފަށައިގެން މުއިއްޒު ގައުމު ނަގާ ކޮޅަށް ޖަހައިފިއޭ ބުނެ ބައިސާ ކަނޑަނީ ކާކަށް އޮޅުވާލަން ހެއްޔެވެ. 

ކުޑަކުޑަ މިސާލެކެވެ. އެ ބުނާ ސުމަކުން ފެށިއިރު ރާއްޖޭގައި ޑޮލަރެއް 16.70ރ އަށް ލިބުނެވެ. 3 އަހަރު ތެރޭގައި މުއިއްޒު ގައުމު ނަގާ ކޮޅަށް ޖެހީމާ ބްލެކް މާކެޓުން ޑޮލަރެއް ގަންނަން ލިބެނީ 24.50 ރުފޔާއަށެވެ. ނަތީޖާއަކީ 2023 ނޮވެމްބަރ 17 އަށް ގައި އިންފްލޭޝަން އޮތް ވަރަށްވުރެ 17 ނޮވެމްބރ 2026ގައި އިންފްލޭޝަން ހުރީ %40 މަތީގައެވެ. އެހެން ކަމުން މުއިއްޒު ގައުމު ކޮޅަށް ޖެހުމުގެ ނަމުގައި ޖަހަނީ އެކޮޅުކޮޅުންނެވެ.