މުއިއްޒަށް: ސިނގިރެޓާނޫޅެ ވެރިކަންދޫކޮށް އެހެންކަމަކާއުޅޭ!
ރާއްޖޭގެ ރައީސް ކަމުގައި ހުރި މުއިއްޒަކީ ހަގީގަތުގައިވެސް ޑައުންސިންޑްރޯމް ކުއްޖަކަށްވުރެ ވެސް "ސިކު" މީހަކީތައެވެ. ބުއްދި ގޯސްވެފައި ހުރި މީހަކީތާއެވެ. ސަލާމަތް ބުއްދި ނެތް މޮޔައިންވެސް މުއިއްޒު ދައްކާ ކަހަލަ ފެންނުހިފޭ ވާހަކައެއް ނުދައްކާނެއެވެ. ބުއްދި ހަމަ މީހެއްނަމަ ރައީސުލްޖުމްހޫރިއްޔާގެ މަގާމުގައިހުރެ ހޮޅިވާހަކައެއް ނުދައްކާނެއެވެ.
ސިނގިރެޓް އެތެރެކުރުމާއި ވިޔަފާރި ކުރުމާއި ދުންފަތުގެ އިސްތިއުމާލު ކުރުމަކީ ރާއްޖޭގައި މަނާކަމެއެ ނޫނެވެ. ސިނގިރެޓްގެ ވިޔަފާރިއަކީ ގާނޫނީ ހަމަތަކުގެ ތެރެއިން ސަރުކާރުގެ ހުއްދަ ލިބިގެން ކުރާ ވިޔަފާރިއެކެވެ.
ސިނގިރެޓް އެތެރެކޮށް ވިއްކަނީ ގަވައިދުން ހުއްދަލިބިގެން އިންޕޯޓް ޑިއުޓީއާއި ޖީއެސްޓީއާއި ސަރުކާރަށް ދައްކަންޖެހޭ އެ ނޫންވެސް ފީތަކާއި ޓެކްސް ދައްކައިގެންނެވެ. ސިނގިރޭޓަކީ ދައުލަތަށް އެންމެ ބޮޑު އާމްދަނިއެއް ލިބޭ ވިޔަފާރި މުދަލެވެ.
ރާއްޖޭގައި ފުޅާދާއިރާއެއްގައި ސިނގިރެޓްގެ ވިޔާފާރި ކުރާ މީހުން އެ ވިޔަފާރި ކުރަންފެށީ މުއިއްޒު ވެރިކަމުގައި މިހިނގާ ދޮޅު އަހަރު ތެރެއަކުނޫނެވެ. އެހެނެއް ކަމަކު މުއިއްޒަށް ވެރިކަން ލިބުނީ އެމީހުން އެ ވިޔަފާރި ކޮށްކޮށް ތިއްބައެވެ.
ސިނގިރޭޓްގެ ވިޔަފާރި ކުރާމީހުން ސިނގިރެޓް ވިއްކަނީ މުއިއްޒާ ސިޔާސީ ގޮތުން ހިޔާލު ތަފާތުވެގެންނަމަ މުއިއްޒުގެ ވެރިކަމުގެ މާކުރިއްސުރެ އެމީހުން ސިނގިރެޓްގެ ވިޔަފާރިނުކޮށް ކުރިހީ ކޮންމެވެސް އެހެން ކަމެކެވެ.
މޮޅުތަކެއް ވާނެކަމަށް ސިނގިރެޓްގެ ޓެކްސް ބޮޑުކޮށްގެން އޮޅަން ޖައްސައިގެން ހޯދަން އުޅުނުވަރާ ގާތަށްވެސް ފައިސާ ނުލިބުނެވެ. ސިނގިރޭޓް ވިއްކާ މީހުންނާ ޑީލްހަދައިގެން އެމިހުން އޮބި އަޅާލަން އުޅެގެންވެސް ކަންފުޅެއް ވާގޮތް ނުވުމުން ސިނގިރެޓް ވިއްކާ މީހުން ދެކެ ރުޅިއަރައިގަނެގެން ރައީސް ކޮސްގޮވަން ފެށީއެވެ. ކިތަންމެ ވަރަކަށް ސިޔާސީ ވާދަވެރިންނާ ގުޅުވައިގެން ރައީސް ބާޒާރު ބައްޗާ ހެދުނަކަސް މޭ ސިހޭނެ މީހަކު ނެތެވެ.
ސިނގިރެޓް ވިއްކާ މީހުން ސިނގިރޭޓްގެ ވިޔަފާރި ހުއްޓާލާ އެހެންކަމަކާ އުޅެން ރައީސް ކަމުގައި ހުރެ މުއިއްޒު ބުނާއިރު އެހެންކަމަކާ އުޅެންވީ އެމީހުންނެއް ނޫނެވެ. މުއިއްޒެވެ. އާއިލާ ޜޫޅުމުން ލޯތްބާއި ކުލުނު ނޭނގި ބޮޑުވެފާހުރި ވަކަރުގޭ ކުއްޖަކު ގައުމުގެ ވެރިކަން ކުރަން އުޅުމަށްވުރެ ރަށުތެރެއިން އެހެންކަމަކާ އުޅުން މާރަނގަޅު ވާނެއެވެ.
