ކަނޑާލަންވީ ކުރީގެ ރައީސުންގެ އިނާޔަތެއް ނޫން! ޝިއުނާމެން!

ހަރަދު ކުޑަކުރުމުގެ ގޮތުން ކުރީގެ ރައީސުންނަށް ދެވޭ އިނާޔަތް ކަނޑާލުމުގެ ވާހަކަ ސަރުކާރުގެ ބޭކާރު މަގާމުތަކުގައި ތިބޭ ޝިއުނާމެން އެބަ ދައްކައެވެ. އާނއެކެވެ. ކުރީގެ ރައީސުންގެ އިނާޔަތްތައް ކަނޑާލަންވީއެވެ.
ދައުލަތުން ކުރެވޭ އެންމެ ބޮޑު އިސްރާފަކީ އެއީ ކަމަށްވަންޏާ އެކަންކުރުން މާލަސްވެއްޖެއެވެ. އެކަމަކު ކުރީގެ ރައީސުންގެ އިނާޔަތުގެ ވާހަކަ މުއިއްޒުގެ އައުވާނުން ލައްވާ މުއިއްޒު ދައްކުވަނީ އިހުލާސްތެރި ނިޔަތެއްގައި ކަމަކަށް ގަބޫލެއް ނުކުރެވެއެ.
ކުރީގެ ރައީސަކަށް މުއިއްޒު ނުވެ ދުނިޔެ އޮތްހާ ދުވަހު ވެރިކަމުގައި ހުންނަން ވިސްނައިގެން ރަސްކަލަކަށް ވާންއުޅޭ މީހަކަށް ކޮން ކުރީގެ ރައީސުންނެއް ހެއްޔެވެ.
ގައުމެއްގެ ހައިސިއްޔަތުން އަދާކުރަންޖެހޭ އަގުތަކެއް ހުންނާނެއެވެ. ކުރީގެ ރައީސުންނަކީ ގައުމެއްގައި ވަރަށް ބޮޑު އެސެޓެކެވެ. ކުރީގެ ރައީސަކަށް ގައުމުން ހިމާޔަތާއި ޝަރަފާއި އިނާޔަތް ލިބިދޭން ޖެހޭނެވެ.
ރައީސްކަން ކޮށްފައިވާ މީހަކު ދައުލަތުގެ އަޅާލުމެއް ބެލެހެއްޓުމެއް ނެތި ދޫކޮށްލެވިގެން ނުވާނެއެވެ. ގައުމީ ސަލާމަތަށްޓަކައި ވެސް ކުރީގެ ރައީސުންނަށް އިނާޔަތާއި ހިމާޔަތް ދޭންޖެހޭނެއެވެ.
ސަރުކާރުގެ ހަރަދުތައް ކުޑަކޮށް ދެކޮޅުޖެހޭ ގޮތަކަށް ވެރިކަމެއް ކުރަން އުޅޭނަމަ ކަނޑާލަންވީ ކުރީގެ ރައީސުންގެ އިނާޔަތެއް ނޫނެވެ. ކަނޑާލަންވީ ޝިއުނާމެން ކަހަލަ ބޭކާރު މީހުންނެވެ.