ހީރަސް ރެސެޕީ: ފޮނި ބިސްކޯދު
ހީރަސް ރެސެޕީ މިއަދު މި ހާއްސަކޮށްލަނީ ފޮނި ބިސްކޯދަށްށެވެ.ފޮނި ބިސްކޯދަކީ ކުޑަ ވަގުތު ކޮޅަކުން ، މަދު ބާވަތްތަކަކުން ހަދާލެވޭ އަނގަޔަށް މީރު ކާނާއެކެވެ.މިއީ އާއިލީ އެއްވުންތަކާއި ހަފްލާތަކުގައި ތައްޔާރުކޮށްލަން ވަރަށް ކަމުދާނެ ކާނާއެކެވެ.
ފޮނި ބިސްކޯދު ހަދަން ބޭނުންވާނެ ތަކެތި:
- 1 ޕެކެޓް ކުރީމް ކްރެކާޒް ބިސްކޯދު
- 1/2 ގެރި ކިރު
- 1 ކާށި ހުނި
- 6 ވައް ދޮންކެޔޮ
- 1/2 ވެނީލާ އެސެންސް
- 1/2 ޖޯޑު ފެންޓާ ސްޓުރޯބެރީ
ތައްޔާރު ކުރާނެ ގޮތް:
- ހެޔޮވަރުގެ ތައްޓަކަށް ދޮންކެޔޮ ނޮޅާލާފައި ، ދޮންކެޔޮތައް ރަނގަޅަށް މޮޑެލާ
- އެއަށްފަހު ހުންޏާއި ގެރި ކިރު ، ދޮންކެޔޮތަކު ތެރެއަށް އަޅާ މޮޑެލާ
- ބިސްކޯދުތައް ފުނޑުކޮށްލާފައި މޮޑުނު ދޮންކެޔޮގަނޑު ތެރެއަށް އަޅާލާފައި ހިމުންވާ ވަރަށް މޮޑެލާ
- އެންމެ ފަހުން ފެންޓާ ޖޯޑު، ބިސްކޯދުތައް ތެރެއަށްއަޅާ އެއްކޮށްލާ
