އެންމެގިނަ ހުސްގޮޑިއާ ވާހަކަދައްކަން ޖެހުމުގެ ރެކޯޑް މުއިއްޒަށް

ވެރިކަމުގެ އަރާބާރުގައި ވެރިއަކުހުއްޓާ ވެރިއަކު ލަދުގަންނަވާލެވޭނީ އެހާކަށް ވަރަށެވެ. ދުނިޔޭގެ ތާރީހުގައިވެސް އެއް ހާޒިރެއްގައި އެންމެ ގިނަ ހުސްގޮނޑިއާ މުހާތަބުކޮށް ވާހަކަ ދެއްކުމުގެ ރެކޯޑް މި ލިބުނީ ހުސްގޮނޑި ޓިކެޓުން ވެރިކަން ހޯދި ދިވެހީންގެރާއްޖޭގެ ރައީސް މުއިއްޒަށެވެ.

އެތާރީހީ ޝަރަފް މުއިއްޒަށް ލިބުނީ ހއ. ދިއްދޫންނެވެ. ދިއްދޫ ދަތުރުން ހއ. ދިއްދޫއަކީ ކޮންކަހަލަ ރަށެއްކަމާއި ދިއްދޫ އޮތީ ކިހިނެއްކަށް ޑރ. މުހައްމަދު މުއިއްޒަށް ރަނގަޅަށް އެނގިގެން ހިނގައްޖެއެވެ. ދިއްދޫ އޮތީ ޑރ. މުއިއްޒާ އެކުގައި ނޫންކަން މުއިއްޒަށާއި ދިއްދޫ ދާއިރާގެ މެންބަރ ފުނަމާ ލަތީފަށް ކިތަންމެހާވެސް ރަނގަޅަށް ހާމަވެގެން ހިނގައްޖެއެވެ. 

ގޮށްމުށްކަވާ މޭފުއްޕާފައި ދިއްދޫ ދާއިރާގެ މެންބަރ ފުނަމާ ލަތީފް އަޑަށް ބާރުލާފައިލީ ހަޅޭކުން އެކަން މާބޮޑަށް ސާފުވިއެވެ. މުއިއްޒު ކުރިމަތީގައި ބައިންދައިގެން ވާހަކަ ދައްކަމުން ދިޔަދިޔުމުން ލަތީފްގެ މޫނުމަތިން ފެންނަނީ ނުތަނަވަސް ކަމެވެ. ހާސްވުމާއި ގޮތް ހުސްވުމެވެ. 

ޑރ. މުއިއްޒު ސަރުކާރަކީ ހަކަތަހުރި ސަރުކާރެކޭ، ވަރުގަދަ ސަރުކާރެކޭ، ބަލިނުކުރެވޭނެ ސަރުކާރެކޭ ލަތީފް ބުނިއިރު ދިއްދޫން އެކަނިވެސް މުއިއްޒު ސަރުކާރުގެ ބަލިކަށިކަން އެނގިގެން ހިނގައްޖެއެވެ. 

ލަދުގަންނަ ވަރަށް ހުސްގޮނޑިޔާ މުހާތަބު ކުރަން ޖެހުނު ޖަލްސާގައި މުއިއްޒު ސައިޒުވެފައި ވާވަރު މުއިއްޒު ދެއްކި ވާހަކައިންވެސް އެނގިގެން ދިޔައެވެ. މުއިއްޒަށް ދިއްދޫގައި ހީކުރިވަރާ ގާތަށްވެސް ތާއީދު ނެތްކަން ހުސްގޮނޑި ޖަލްސާއިން މުއިއްޒަށް އިހުސާސްވިއެވެ. ފުނަމާ ލަތީފުމެންގެ ބާރު ދިއްދޫން ކެނޑިފައި ވާވަރާއި މުއިއްޒަށް ތާއީދު އޮތްކަން ދައްކަން ކުޅުނީ ޑްރާމާކަން މުއިއްޒަށް އެނގުނެވެ. 

މުއިއްޒަށް ތާއީދު އޮންނަ ތަންތާ ދައްކާޒާތުގެ މަވެތި ބަސްތަކުން ވާހަކަ ނުދައްކާ މުއިއްޒު ހުރީ ދިއްދޫ ރައްޔިތުންގެ ކުރިމަތީގައި ސައިޒުވެފައެވެ. މުއިއްޒު އެދުނީ ދިއްދޫގެ ހުރިހާ ރައްޔިތުން ރަށުގެ ތަރައްގީގެ ވިސްނުމުގައި އެކުވެރިކަމާ އެކީގައި ކުރިއަށް ގޮސްދިނުމަށެވެ. 

ދިއްދޫގައި ގާއިމުކުރެވިގެންދާ އެއްވެސް ކަމަކީ ރަށުން ގެންދެވޭނެ އެއްޗެއް ނޫން ކަމަށާއި، ކޮންމެ ސިޔާސީ ފިކުރެއްގެ ބައަކަށްވެސް ރަށުގައި ތަރައްގީއަށް ކުރެވޭ ކަންކަމުން ފައިދާވާނެކަމަށް ބުނެ ދިއްދޫ މީހުންގެ ކުރިމަތީގައި ކުޑަކަކުލަށް މުއިއްޒަށް ޖެހުނީ ތިރިވާށެވެ. ހިދުމަތްދޭ އިރަކު އެއްވެސް ތަފާތެއް ނުކުރަމޭ، ހިޔާލު ތަފާތު ވެދާނެއޭ، ތަފާތު ހިޔާލު ފާޅުވެސް ކުރައްވަންވީއޭ ބުނެ ރީތިކޮށް ދިއްދޫގައި މުއިއްޒު ސައިޒުވިއެވެ. 

ގޮތްހުސްވެފާ ހުރިވަރުން ސިޔާސީ ފިކުރު މުހިންމެއް ނޫނޭ، ހުރިހާ ރައްޔިތުން ހަމަހަމައޭ ބުނަން މުއިއްޒަށް މަޖުބޫރުވީއެވެ. ގަތްލަދުން އެއަރޕޯޓާ އަޅުވާ ދިއްދުއަށް ދެން ނާންނާނެކަމަށް ބުނަން ވެސް މަޖުބޫރުވީއެވެ. މަވެތިކަމުގައި ހައްދު ފަހަނަ އަޅާފައިވާ މުއިއްޒަށް ދިއްދޫ ރައްޔިތުންގެ ކުރިމަތީގައި ވައްވަކެއް ނުޖެއްސުނެވެ.