ގައްދާރުކަމާއި މުނާފިގުކަމުގާ ދެވަނައެއްނެތް!
ހުރިހާ ވާހަކައެއް ދައްކާ ޖެއްސިހާ ވައްތަރެއް ޖެއްސީ ދިވެހި ރައްޔިތުންގެ ކުރިމަތީގަ
ނިފާގުން ފޯވެ ހީލަތަ މަކަރު ހަދާ ގައްދާރުންގެ ވާހަކަ އަހަމެވެ. އެކަމަކު އުޅެއުޅެވެސް މިވަރު ބަޔަކު ނުދެކެވެ. ހަޔާތެއް ހުސްކޮށް އެލަނީ ރައްޔިތުނަށް ދޯކާ ދީގެން ދައުލަތް ވީދާކެއުމުގައެވެ.
ތިބީ ރައީސް ޔާމީނު ބޭނުންހާ ދުވަހެއް ވަންދެން ވެރިކަމުގައި ބަހައްޓަން ގަންދީ ވައުދުވެގެންނެވެ. ރައީސް ޔާމީނާ ހަމައިގައި ފަތިގަޏޑު ފިރުކާލެވޭނެ އެކަމުވެސް ނެތި ރައީސް ޔާމީނު ބެހެއްޓެވި ހިސާބެއްގައި ހުރެގެން ހިދުމަތުގައި ދެމިތިބެން ފޮނު އެރުވި ބައިނގަނޑުގެ ހިޔަޅުކަމާއި ދޮގުވެރިކަން ނިކަން ދެކޭށެވެ. ވަކި މީހެއް ވަކިވަރެއް ނޫނެވެ.
މިކްސްޑް ވީޑިއޯ: މީސްމީޑިއާ @އަޖާނަލް_އެމްވީ
މިހާ މުނާފިގު، މިހާ ދޮގުވެރި ބަޔަކު މާތްކަލާނގެ ގަންދީ ހުވާކޮށްގެން ވެރިކަމާ ހަވާލުވެ ތިބެ ދައުލަތް ޖެހުނުތާކުން ނޮޅާކައިނުލާ ތިބޭނެކަމަށް ގަބޫލުކުރާނީ ކިހިނެއް ހެއްޔެވެ. އެހުރިހާ ވާހަކައެއް ދައްކާ ޖެއްސިހާ ވައްތަރެއް ޖެއްސީ ދިވެހި ރައްޔިތުންގެ ކުރިމަތީގައެވެ. ނައިބު ބޭކަލުންގެ ޒަމާންނަމަ ބަނޑު ބިންމަތީ ޖައްސާ އެއްތެލުންތަޅާ ބުރިން ހަންނަގަން ނުޖެހޭ ވަރުގެ އެކަކުވެސް އޭގެ ތެރެއަކުނެތެވެ.
ޑރ. ޝަހީމް ޑރ. ޝަޒްރާމެނަށް ނިސްބަތްކޮށް ބުނިހެން އެހެން ގައުމެއްގައިނަމަ ފުލުހުންނާ ސިފައިން ނިކުމެ ގައުމު މިންޖު ކުރާނެތާ ކިތަންމެ ދުވަހެކެވެ. ކަޅުދިގު ހޮޅި ކައްޒާބެއް އިސްވެހުރެ ގައްދާރުންގެ ބައިގަނޑެއް ގައުމު ދަވާލަން ދީގެން ފަސްއަހަރު ވަންދެން ހަމަ ތިބެން ވީހެއްޔެވެ.
