ރާހުލް ގާންދީގެ އިސްތިއުނާފް ކޯޓުން ބޭރުކޮށްލައިފި!

2019 ވަނަ އަހަރުގެ އަބުރުގެ މައްސަލާގައި ރާހުލް ގާންދީގެ މައްޗަށް ކުށް ސާބިތުވެ، ދެ އަހަރަށް ޖަލަށްލުމަށް ދަށު ކޯޓުން ނެރުނު އަމުރު މަޑުޖައްސާލައި ސަސްޕެންޑް ކޮށްދިނުމަށް އެދިހުށަހެޅި މައްސަލައައް ސޫރަތު ސެޝަންސް ކޯޓުން ވަނީ އޭޕްރީލް މަހުގެ 13 ވަނަ ދުވަހު ދެ ފަރާތުގެ އަޑުއެހުމެއް ބާއްވައި ހުކުމް 20ވަނަ ދުވަހަށް ތާވަލްކޮށް ބޭއްވި އަޑުއެހުމުގައި ކޯޓުންވަނީ އިސްތިއުނާފް ކުރި މައްސަލަ ބޭރު ކޮށްލާފައެވެ. ރާހުލް ގާންދީގެ މައްޗަށް އިއްވާފައިވާ ހުކުމް ކޯޓުން މަޑުޖައްސާލި ނަމަ ނުވަތަ ސަސްޕެންޑް ކުރި ނަމަ، ކޮންގްރެސް ގެ ލީޑަރަށް ޕާލަމެންޓުގައި އަލުން ފުރުސަތު ލިބުނީހެވެ.

ކޮންގްރެސްގެ ޖެނެރަލް ސެކްރެޓަރީ ޖައިރާމް ރަމޭޝް ވިދާޅުވީ ގާނޫނުގެ ދަށުން އަދިވެސް ލިބެން ހުރި ހުރިހާ އޮޕްޝަނެއް އެ ޕާޓީން ބޭނުން ކުރަމުން ގެންދާނެ ކަމަށެވެ. "ހުރިހާ ވައްކަންކުރާ މީހުންނަށް ވެސް މޯދީގެ ނަން އެއްގޮތް ވަނީ ކީއްވެތޯ" ރާހުލް ގާންދީ ވިދާޅުވުމާ ގުޅިގެން، ރާހުލް ގާންދީ ވަނީ ލޯކް ސަބާގެ ގޮނޑި ނުގެއްލޭ ކަމަށް ނިންމައިފައެވެ.

ރާހުލް ގާންދީގެ އިސްތިއުނާފުގައި ސެޝަންސް ކޯޓުގައި ބުނެފައި ވަނީ އެންމެ ބޮޑު އަދަބެއް ދޭން ނުޖެހޭ ކަމަށާއި ޝަރީއަތަކީ އިންސާފުވެރި ޝަރީއަތެއް ނޫން ކަމަށެވެ. ރާހުލް ގާންދީގެ ވަކީލް ކޯޓުގައި ވިދާޅުވީ މެޖިސްޓްރޭޓްގެ ހުކުމަކީ އާދަޔާ ހިލާފު ހުކުމެއް ކަމަށާއި އެއީ ޝަރީއަތުގެ މަޖިލީހުގެ ގާޒީ "ރެކޯޑުގައި ހުރި ހުރިހާ ހެއްކެއްގެ ހޮޓްޕޮޗެއް" ހަދާފައިވާ ކަމަށެވެ.

ރާހުލް ގާންދީއަކީ ތަކުރާރުކޮށް ކުށްވެރިވާ ބޭފުޅެއް ކަމަށާއި އެ ވާހަކައަށް މައާފަށް އެދުމަށް ދެކޮޅު ހެއްދެވި ކަމަށް މައްސަލަ ހުށަހެޅި ޕޫރްނޭޝް މޯދީ ވަނީ ވިދާޅުވެފަ އެވެ.