ސްޓެލްކޯ މުއައްޒަފުންނަށް ފަސްޓްއެއިޑް ޕްރޮގްރާމް

ސިއްހީ ކުއްލި ހާލަތްތަކަށް މުއައްޒަފުން އަހުލުވެރިކުރުވުން

ސްޓެލްކޯ މުއައްޒަފުންނަށް ފަސްޓްއެއިޑް ޕްރޮގްރާމް
މަސައްކަތުގެ މާހައިލަކީ ރައްކާތެރި އަމަން ތަނަކަށް ހެދުމަކީ ސްޓެލްކޯއިން ވަރަށް ބޮޑު އިސްކަމެއް ދޭކަމެކެވެ. މަސައްކަތުގެ މާހައުލުގައި މުއައްޒަފުންނަށް ދިމާވެދާނެ ސިއްހީ ކުއްލި ހާލަތްތަކަށް މުވައްޒަފުން އަހުލުވެރިވެ ކުރުވުމަކީ ސްޓެލްކޯގެ އެންމެ ބޮޑު އެއް އަމާޒެވެ. 

ސިއްހީ ކުއްލި ހާލަތްތަކަށް މުއައްޒަފުން އަހުލުވެރިކުރުވައި ތައްޔާރުވެ ތިބުމަށް އުނގަންނައި ދިނުމުގެ ގޮތުން ސްޓެލްކޯއިން އެކިފެންވަރުގެ ތަމްރީނު ޕްރޮގްރާމްތައް ހިންގަމުންދެއެވެ. އެގޮތުން އެ ކުންފުނީގެ މުވައްޒަފުންނަށް ބޭސިކް ފަސްޓް އެއިޑް ޓްރެއިނިންގ ޕްރޮގްރާމްތަކެއް ވަނީ ކުރިއަށް ގެންގޮސްފައެވެ.

ފަސްޓް އެއިޑް ޕޮރޮގްރާމްގެ ދަށުން މުއައްޒަފުން ފުރަތަމައެހީގެ ހާއްސަ ފަންނީ މައުލޫމާތާއި ހުނަރު ވަނީ ހޯދާފައެވެ. ވަޒީފާގެ މާހައުލުގައި، މުވައްޒަފުންގެ ސަލާމަތާއި ރައްކާތެރިކަން ކަށަވަރު ކުރުމަކީ ސްޓެލްކޯ އަބަދުވެސް އަހައްމިއްޔަތުކަން ދޭކަމެކެވެ.