ގަބުރާ ކަދުރާ ސިހުރަށް ކަޅިކޮށް ހުސްގޮނޑި ތަހުތަށްވީ!

މާމުގުރާ، ގެރިބޮލާ، ތަލަބޯމައިކާ، ޖަނގިޔާ އިން މަގު ދައްކާ ކަޅުދިގު ހޮޅި ކައްޒާބަކު އުނބަށް ޖެހުމަކީ ސިއްސައިގެންދާވަރުގެ ކަމެއް ނޫނެވެ. ސިހެންޏާ ސިހޭނީ އުނބަށް ނުޖަހާ ގޮތަށް ކަމެއް ކުރިއްޔާއެވެ. 

ހެލްމެޓު ވާގަޑެއްހެން އެއް ކަންހުޅިން އަނެއް ކަންހުޅިއަށް ހުންނަ ނުރަ ކޫރަކީ ދީނީ ތުނބުޅިއެއް ކަމަށް ބަޔަކަށް ހީވީތާއެވެ. ވާތްފަރާތު ބުމަ މަތީގައި ހުންނަ ބޯ ކުރަގަނޑަކުން ސަޖިދައިގެ ސިއްކަ ޖެހެވިގެން ހިންޏަށް ހަކުރު އޮޅުވާލީއެވެ.

ބޭރަށް ކިޔަވާން ގޮސް ހުރެގެން އެއްބަނޑު ކަނބުލޮ އަނތްބެއްގެ މަގާމަށް ލައިގެން ރޯނު އެދުރު ވީމާ ޕީއެޗްޑީވެސް މޮޔަވާނެއެވެ. ކަޅުދިގު ކަމުދާ ކަމަނާގެ ޗޮއިސް މޮޅު ގޮތަކަށް އަންމަ ބަލާފާ ކޮށްލި ހަވާލުން އަނބިދަށުވީމާ ގޯހެއް ނޫނެވެ. 

ނުކަށަވަރަސް ލެއްވީމާ ތަންމައްޗަށް މަރުވީމާ މޫނު ދެކެން ކޮއްޕާ ގަޅުވާ ގެންދިޔަޔަސް ވާރުތަ މުދަލަށް ބަޅި ގަތުމުން ދޮން އަމަޔަށް ކެހިދޭނެއެވެ. ކޮޅުދާލީން އުޑަށް ވާހަކަ ގޮވޭވަރުގެ ނާބުސްހާނާއެއް ބިނާކުރެވޭނެއެވެ.

ދިދައާ ވާހަކަ ދައްކާ ބައިހަރަމަށް އަތްނަގައިގެން ދެއަތުގެ އިނގިލި ކުރިތައް ޖައްސައިގެން ދައްޖާލީ ލޯ ހަދައިގެން އިލުމިނާޓީ ވިއްކާކަން މީހުނަށް އޮޅިފައި އޮވެދާނެއެވެ. ގަބުރާ ކަދުރާ ސިހުރަށް ކަޅިކޮށްގެން ލޯމަތީ ދަމާލި ފަރުދައިން ހުސް ގޮނޑި ތަހުތަށް ވީތާއެވެ. 

ޗަކޮޔާމެން ސޭ ބޮއިގެން މަސްކަނޑު ހޯދާ މަސްވިއްކާ ފައިސާ ފުނިތައް ގިނަވެ ކަތުން ކަނޑުލޭނު އެޅުން ގޯސް ވީއެވެ. ޖާސޫސުކުރާ އުދުހޭ ބައްތެއްޔާ ކަނޑު އަޑި ހާވާ ކުރަހާ އުތުރުކަރާ އަސްކަރު ފައްސާލާ ނަމުގައި ސިޔާދަތީ ފަލަބޮޑު ރޮގުތެރެއަށް އުތުރުކަރަ ވައްދާ ފޮރުވާލީތާއެވެ. އެއް އަހަރުން 60 ބިލިޔަން ފެން ފޮދަކާ ނުލާ ދިރޭނީ މާކަނޑު އަޑިން އަޅާ ޒާތުގެ ޓަނަލަކަށް ގޮހޮރު ވީމާތާއެވެ. 

ބުޅަލު ބުޑު އުބުން ޖެހީމާ ބުޅާ ދުވެފިލާހެން ކަޅުދިގު ކައްޒާބު ފިލާ ރައްކާވުމުގެ ދުވަސް ލައްކަ ކައިރިވެއްޖެ ކަމަށްވެއެވެ. ވަކި ދީދިއަކަށް ވަކިބަޔަކު ހެދިގޮތް ނުހެދިޔަސް ގާތްވާން އުޅޭތީ ސިހުރު ތުމުމަތުގައި ކިރުމައި ހުރަގެއަށް ލީހެން ހަދީޖާ ރެހެންދި ހެދިހެން ހަދައިގެންވެސް ކަމެއް ނިންމަފާނެއެވެ.