އެސްޓީއޯ: އެސްޓްރާ ޒެނެކާގެ އެކްސްލޫސިވް ޑިސްޓްރިބިއުޓަރ
އާސަންދައިގެ ދަށުން އެކުންފުނީގެ 14 ބޭހެއް މިހާރުވެސް ލިބޭނެ
ފާމަސޫޓިކަލްގެ އުފެއްދުންތަކުގައި ދުނިޔޭގެ އެންމެ ކުރިއަރާފައިވާ އެއް ކުންފުނި އިނގިރޭސިވިލާތުގެ އެސްޓްރަޒެނިކާ ކުންފުނީގެ އުފެއްދުންތަކެއް އެސްޓީއޯ އިން ރާއްޖެއަށް ވަނީ ތައާރަފުކޮށްފައެވެ. އެސްޓްރަޒެނިކާއަކީ ކޮވިޑްގެ ތެރޭގައި މީހުންގެ ސިކުނޑީގައި އެ ނަމެއް ހަރުލި އިތުބާރު އޮތް ބްރޭންޑެކެވެ.
ބޭސް އުފައްދާ ސީދާ ކުންފުންޏާ ގުޅިގެން ޚަރަދު ކުޑަކޮށް ބޭސް އެތެރެކުރެވި، ދާއިމީ ބަލިތަކަށް އާއްމުކޮށް ބޭނުންކުރަންޖެހޭ ބޭސް ހުސްނުވެ ލިބޭނެކަމުގެ ޔަގީންކަން އެސްޓްރާ ޒެނެކާގެ އެކްސްލޫސިވް ޑިސްޓްރިބިއުޓަރެއްގެ ގޮތުގައި އެސްޓީއޯ ހަމަޖެހުމުން ލިބިގެން ދިޔައީއެވެ.
އާސަންދައިގެ ދަށުން އެކުންފުނީގެ 14 ބޭހެއް ލިބޭނެ ގޮތަށް މިހާރުވެސް ވަނީ ރެޖިސްޓްރީ ކުރެވިފައެވެ. މީގެ ތެރޭގައި ކެންސަރު ބައްޔާއި، ގޭސްޓްރިކް، އަދި ހަކުރު ބަލީގެ މީހުންނަށް ޚާއްސަ ބޭސްތައްވެސް ހިމެނެއެވެ.
އެސްޓްރަޒެނީކާއާއެކު ވެވުނު އެއްބަސްވުމުގެ ދަށުން ސިއްހީ ދާއިރާ ކުރިއެރުވުމަށް ސަރުކާރުން ކުރަމުންދާ މަސައްކަތަކާއި، އެސްޓީއޯގެ އަމާޒުތަކައް ވާސިލްވުމަށް އިތުކުރިއެރުންތައް ލިބިގެން ދާނެއެވެ. އިތުރު މެދުވެރިއަކާ ނުލައި ބޭހާއި ސިއްހީ ދާއިރާގެ އުފެއްދުންތައް އުފައްދާ ސީދާ ކުންފުނިތަކުން ފެންވަރު ރަނގަޅު ބޭހާއި ސިއްހީ ދާއިރާގެ އުފެއްދުންތައް ރާއްޖެ އެތެރެކޮށް ފުޅާދާއިރާއެއްގައި ލިބޭނެ މަގު ފަހިވުމަކީ ލިބުނު ބޮޑު ކާމިޔާބެކެވެ.
ޑޮކްޓަރުން ބޭސް ލިޔެދިނުމުގައި ފެންވަރު ރަނގަޅު ބޭސް އިޚުތިޔާރުކޮށް ދާއިރާ ފުޅާވެ ބަލި މީހާއަށް އަވަހަށް ނަތީޖާ ފެންނާނެ ފަދަ ގޮތަކަށް ފަރުވާ ލިބުމަށް މަގުފަހިވެގެންދާނެކަމަކަށް މިކަންވެގެން ދާނެއެވެ.
އެސްޓީއޯއިން ދަނީ ސީދާ ބޭސް އުފައްދާ 26 ކުންފުންޏަކާއި އެކު އެއްބަސްވުން ހަދައި މިހާރުވެސް މަސައްކަތް ކުރަމުންނެވެ. މިއީ ރާއްޖެއަށް ރަނގަޅު ކޮލިޓީގެ ބޭސް އެތެރެކޮށް އާންމުކޮށް ބޭނުން ކުރާ ބޭސް ހުސްނުވެ ލިބޭނެ ކަމުގެ ޔަޤީންކަން އިތުރުކުމަށް ސަރުކާރުން ކުރަމުންދާ މަސައްކަތަށް ލިބޭ މުހިންމު ބާރެކެވެ.
