ތުރުކީގައި ފެންބޮޑުވެ 14 މީހަކު މަރު
އެންމެ ބޮޑަށް ފެން ބޮޑުވެފައި ވަނީ ސަންލީއުރްފާގައި
ހުސްވި މަހު ތުރުކީއަށް އައި ބިންހެލުމުގައި ވީރާނާވެފައިވާ ހިސާބުގނަޑުގައި ފެންބޮޑުވެގެން 14 މީހަކު މަރުވެއްޖެއެވެ. އެންމެ ބޮޑަށް ފެން ބޮޑުވެފައި ވަނީ ސޫރިޔާގެ ސަރަޙައްދީ ރޮނގު ކައިރީގައި އޮންނަ ސަންލީއުރްފާ އަށެވެ. ފެންބޮޑުވެގެން މަރުވި މީހުންގެ ތެރެއިން ދެމީހުންނަކީ އަދީޔަމަން ދެ މީހުންނެވެ. 12 މީހުންނަކީ ސަންލީއުފްރާގައި ދިރިއުޅޭ މީހުންނެވެ. ބިންހެލުމުގައި ސަންލީއުރްފާގެ ގިނަ ގެތަކާއި އިމާރާތްތައް ވަނީ ވީރާނާވެފައެވެ. އެ ތާނގެ ގިނަ މީހުން ދިރިއުޅެނީ ޓެންޓުތަކާއި ކޮންޓެއިނަރުތަކުގައެވެ.
:quality(70)/cloudfront-eu-central-1.images.arcpublishing.com/thenational/5JQIZRLICU75ICS6CIYWH55YUA.jpg)
ފެންބޮޑުވެގެން ގިނަ ބަޔަކު ފެންގަނޑާ އެކު ކޯރުތަކަށް ދަމައިގަނެފައިވާ ކަމަށްވެއެވެ. ކުރިއަށް އޮތް ހަފުތާގައި ވެސް އެ ސަރަޙައްދުތަކަށް ބޯކޮށް ވާރޭ ވެހޭނެ ކަމަށް އެ ތާނގެ މޫސުމާ ބެހޭ އިދާރާއިން ލަފާކުރެއެވެ.
މަރުވެފައިވާ މީހުންގެތެރޭގައި އެއް އަހަރުގެ ތުއްތު ކުއްޖަކު ވެސް ހިމެނެއެވެ. އަނެއްކޮޅުން އެތަނުން ފަސް މީހުން ގެއްލިގެ އެ މީހުން ހޯދުމަށް ކަމާބެހޭ އޮފިޝަލުން ދަނީ މަސައްކަތް ކުރަމުންނެވެ.
