8933 ޑޮލަރުގެ އަގުހުރި މޭބިސްކަދުރު ވަގަށް ނެގި މީހަކު ހައްޔަރުކޮށްފި
މޭބިސްކަދުރުތައް އޭނާ ވިއްކާފައިވަނީ އޮންލައިންކޮށް ނީލަންކިޔައި ގެންނާއި ވިއްކާ ސައިޓުތައް މެދުވެރިކޮށް
ނާއިރާ
ޖަޕާނުގެ އޮކަޔާމާ ޕްރިފެކްޗަރގެ ގްރީންހައުސްއަކުން ގާތްގަނޑަކަށް 1.43 މިލިއަން ޔެން (8933 ޑޮލަރު) ގެ އަގުހުރި މޭބިސްކަދުރު ވަގަށް ނެގިކަމުގެ ތުހުމަތުގައި، 42 އަހަރުގެ ފިރިހެނަކު ހޮނިހިރު ދުވަހު ހައްޔަރުކޮށްފި ކަމަށް އެ ގައުމުގެ ފުލުހުން ބުނެފިއެވެ.
މޭބިސްކަދުރު ވަގަށް ނެގުމުގެ އެހެން މައްސަލައެއްގައި މީގެ ކުރިން ދައުވާ އުފުލާފައިވާ މަސަކާޒޫ މަޔެދާ، މި ތުހުމަތުތަކަށް އިންކާރު ކުރަމުން ފުލުހުންގެ ތަހުގީގުގައި ބުނެފައިވަނީ، އޭނާ ހަނދާންވާ ގޮތުން އެތަނުން ނެގި މޭބިސްކަދުރު ފޮށިތަކުގެ އަދަދު 650 އަށް ނާރާނެ ކަމަށެވެ.
ފުލުހުން ތުހުމަތުކުރާ ގޮތުގައި މީނާ މި ވައްކަން ކޮށްފައިވަނީ އޮގަސްޓް މަހުގެ 4 ވަނަ ދުވަހުގެ ހެނދުނު 7:00 އާއި ޖެހިގެން އައި ދުވަހުގެ ހެނދުނު 6:00 އާ ދެމެދުގެ ވަގުތެއްގައެވެ. އޭނާ ވަގަށް ނެގި ތަކެތީގެ ތެރޭގައި "ޝައިން މުސްކަޓް" އާއި އެ ނޫންވެސް ބާވަތްތަކުގެ މޭބިސްކަދުރު ހިމެނެއެވެ. ފުލުހުން ބުނި ގޮތުގައި، ދިރިއުޅުމުގެ ހަރަދުތައް ހަމަޖެއްސުމަށްޓަކައި އެ މޭބިސްކަދުރުތައް އޭނާ ވިއްކާފައިވަނީ އޮންލައިންކޮށް ނީލަންކިޔައި ގެންނާއި ވިއްކާ ސައިޓުތައް މެދުވެރިކޮށެވެ.
