ރޭގައި ފެނިގެން އެދިޔައީ ކުޑަކުޑަ ޑެމޯއެއް

މުއިއްޒުގެ އަޅުކުދިން ކޮޅަކީ ކަނު ބީރު މަންމަން ބައެކެވެ. އެމީހުން ކުރިން ބުނަމުން ދިޔައީ އެމްޑީޕީއެއް މީހަރު ނެތްކަމަށެވެ. އެމްޑީޕީގެ ވަރަ ބިނދިއްޖެކަމަށެވެ. އެމްޑީޕީ ގޮވާލައިގެން ބަޔަކު އެއްނުވާނެ ކަމަށެވެ. އެމީހުން ހީކުރީ ކަޅު ދިގު ކައްޒާބުގެ އަޅުންނަށް މުޅި ގައުމު ބަދަލު ވެއްޖެކަމަށެވެ. 

ސަހަރޯ އެހެނެއް އެކަމެއް ނުވިއެވެ. މީގެ ދުވަސް ކޮޅެއް ކުރިން ހެދިގޮނޑު ދޮށުގައި ޖަލްސާއެއް އެމްޑީޕީން ބޭއްވީމާ އެތަނަށް ދިޔަ މީހުންފެނި ސިއްސައިގެން ދިޔައެވެ. އެހެންނަމަވެސް ދެރަނުވާން ވާހަކަ ގޮވީ އެ ޖަލްސާއަށް ދާނެ މާގިނަ ބަޔަކު ނުވިކަމަށެވެ. އެމްޑީޕީގެ ސައިޒަަކީ އެއީކަމަށް ބަޅުވާ ބާދީންގެ ބައިގަޑު އެއްވާނަކަށް މީޑިއާގައި އަޑު އެރުވިއެވެ. 

ރޭ ކާނިވާ ސަރަހައްދުގައި ޖަލްސާއެއް އެމްޑީޕީން ބާއްވާލަން އުޅޭ ވާހަކަ ދައްކާލާއިރަށް މުޅި ހޮޅި ސަރުކާރު ކުޑަކަކުލަށް ތިރިވިއެވެ. ޖަލްސާއަށް މީހުން އަތުވެދާނެތީ ގަތްބިރުން އުނބަށް ނުޖަހާ ކަމެއްނެތެވެ. މަސްވެރިންނަށް ނުދީ ހުރި ލާރިގަނޑު ދޭންވެގެން މިފްކޯއާއި ފިއުލް ސަޕްލައި ދޮވެލައިގެންވެސް 34 މިލިޔަން ހަމަކުރީއެވެ. ބީއެމްއެލްގައި އެކައުންޓުނެތް ދޯނިފަހަރަށް ލާރިނުދީ ދޯނިގައި މަހަށްދާ ހުރިހާ މަސްވެރިންގެ ގަނޑުލާރިން އޮޑިވެރިޔާގެ ބީއެމްއެލްގެ ލޯނަށް ކެނޑީމާ މަސްވެރިންނަށް ދޭނެ ލާރިއެއް ނޯންނަގޮތަށް މަސްވެރިންނަށް މަހުގެ އަގު ދައްކަން ހަމަޖެއްސީއެވެ. 

ބަޖެޓްގައި ސަބްސިޑީއާއި އިނާޔަތުން ކަނޑަންބުނި އެއްވެސް އެއްޗެއް ނުކަނޑަން ބުނެ ކައްޒާބު އަނެއް ދޮގުހެދީއެވެ. މާލޭ ކައިރި ރަށްރަށުން މީހުން އަޔަނުދޭން ރަށްރަށަށް ގޮސް މީހުންގެ ދެފައި މައްޗަށް ވެއްޓި ރޮއިހޭރި ސަލާން ޖެހީއެވެ. އެމްޑީޕީގެ ޖަލްސާއަށް ހިނގައްޖެނަމަ ވަޒީފާއިން ކަނޑާލާނެކަމުގެ ބިރު ދައްކާ އެ ވަގުތާ ދިމާކޮށް އެކިފާޑުގެ އިވެންޓްތައް ބާއްވާ މީހުން އެއްވިޔަ ނުދޭން ކައްޒާބަށް ކުރެވުނުހާ ކަމެއް ކުރިއެވެ.

ކައްޒާބުގެ ފިއްތުންތައް ބޮލާލާޖަހާ އެމްޑީޕީގެ ޖަލްސާއަށް ރޭ ކާނިވަލަށް ދިޔަމީހުން ކައްޒާބުގެ ބޮޓުންނަށް ނުފެނުމަކީ އަޖައިބެއް ނޫނެވެ. ކައްޒާބުގެ ކުލީ ގަލަންތަކުން މީހުނަށް މައްޒަރު ބަދަލުކުރަން އުޅުނަސް އެކަމެއް ނުވިއެވެ. ބިރު ފަހަނައަޅާގޮސް ހުދުމުހުތާރު މުއިއްޒުގެ އަނިޔާވެރިކަމާ ދެކޮޅަށް ވަރަށް ފާޅުގައި ބަސް އިއްވައިފިއެވެ. 

ރޭގައި ފެނިގެން އެދިޔައީ ކުޑަކުޑަ ޑެމޯއެކެވެ. މުއިއްޒު އިތުރަށް ނުބައި ނުލަފާކަށް ރައްޔިތުންނަށް ދައްކާނަމަ އިންގިލާބުކޮށްލަންވެސް ރައްޔިތުން ފަހަކަށް ނުޖެހޭނެއެވެ. ރައްޔިތުންގެ މަޖިލިސް މުށުތެރެއަށްލާ ފަނޑިޔާރުގެ އަޅުވެތި ކުރާ ހިސާބުން ރައްޔިތުންގެ ބާރު މުއިއްޒުގެ މައްޗަށް ނުހިނގާނެކަމަށް ހީކޮށްގެން ނުވާނެއެވެ. ކުލީ ގަލަންތަކާއި އަޅު ކުދީންކޮޅު ކަނަސް ބީރަސް އެންމެނަކު ކަނެއް ބީރެއް ނޫނެވެ.