މިކުންފުނިން ފޯރުކޮށްދެމުންދާ ޚިދުމަތްތަކަކީ ރައްޔިތުންގެ ދިރިއުޅުމާއި ސީދާ ގުޅިފައިވާ އަސާސީ ޚިދުމަތްތަކެއް ކަމުގައިވުމުން، އެ ޚިދުމަތްތައް އެންމެ ފުރިހަމަގޮތުގައި ފޯރުކޮށްދިނުމަށް ގެންނަންޖެހޭ އަޕްގްރޭޑްތަކާއި، މެއިންޓަނެންސް ފަދަ ރޭވިގެން ކުރާ މަސައްކަތްތަކާއި ގުޅިގެން ޚިދުމަތައް އެއްވެސް ކަހަލަ މެދުކެނޑުމެއް އަންނަ ނަމަ، އެ މަސައްކަތް ހިނގާނެ ވަގުތާއި، ސަރަހައްދާއި، އެ މަސައްކަތައް ހޭދަވާނެ ކަމަށް ބެލެވޭ ވަގުތާއި އެހެނިހެން މައުލޫމާތު ދުރާލާ މިކުންފުނިން ސޯޝަލް މީޑިއާއާއި، މީޑިއާގެ ވަސީލަތްތައް މެދުވެރިކޮށް އަންގަމުން ގެންދާނެ ކަމުގައި ދަންނަވަމެވެ. އަދި މިދެންނެވި ގޮތާއި ޚިލާފަށް މިހާތަނަށް މިކުންފުނީގެ މެނޭޖްމަންޓުން އަމަލުކޮށް، އެއްވެސް ސަހަރައްދަކުން ކަރަންޓުގެ ހިދުމަތް މެދުކަނޑާލާފައި ނުވާނެ ކަމުގެ ޔަގީންކަން އަރުވަމެވެ.

ރިޔާސީ އިންތިޚާބާއި ގުޅުވައިގެން "ދިޔަރެސް" ނޫހާއި، "ޗެނަލް 13" އިން މިކުންފުންޏާއި މެދު ރައްޔިތުންގެ އިތުބާރު ގެއްލޭގޮތަށް އަދި، ކުންފުނީގެ ތަސައްވުރު ކިލަނބުވާ ގޮތަށް ކަނޑައެޅިގެން ހަގީގަތާއި ޚިލާފު ވާހަކަތަކެއް ފަތުރަމުންދާކަން ވަނީ ފާހަގަ ކުރެވިފައެވެ. އެގޮތުން ރިޔާސީ އިންތިހާބާއި ގުޅުވައި، މިކުންފުނިން ހިޔާ ޓަވަރުތަކުން ކަރަންޓުގެ ޚިދުމަތް މެދުކަނޑާލަން އުޅޭ ކަމަށްބުނެ ބުހުތާނު ދޮގު ޚަބަރުތައް ދަނީ ފަތުރަމުންނެވެ. މި ދެންނެވި ޚަބަރުތަކަކީ، އެއްވެސް ކަހަލަ އަސާސެއްގެ މައްޗަށް ބިނާކޮށް ފަތުރަމުންދާ ޚަބަރުތަކެއް ނޫން ކަމުގެ ޔަގީންކަން އެންމެހާ ރައްޔިތުންނަށް އަރުވަމެވެ. ބިނާކުރަނިވި ފާޑު ކިޔުމަށް މި ކުންފުނިން އަބަދުވެސް މަރުޙަބާ ކިޔަމެވެ. އެހެން ނަމަވެސް، ފަޚުރުވެރި ދިގު ތާރީހެއް އޮތް މި ކުންފުންޏާއި، ކުންފުނީގެ މުވައްޒަފުން ބަދުނާމުކޮށް، ރައްޔިތުންނަށް ފޯރުކޮށްދޭ އަސާސީ ޚިދުމަތްތަކާއި ގުޅުވައި ކަނޑައެޅިގެން ދޮގު ވާހަކަ ފަތުރައި،  ނުތަނަވަސްކަން  އުފެއްދުމަކީ  މިކުންފުނިން  ބަލައިގަންނާނެ  ކަމެއްނޫން ކަމުގައި ދަންނަވަމެވެ. 

ނޫސްވެރިކަމުގެ މިނިވަންކަމާއި، ޚިޔާލުފާޅުކުރުމުގެ މިނިވަންކަމަކީ ޤާނޫނު އަސާސީއާއި ދިވެހިރާއްޖެއިން ބައިވެރިވެފައިވާ ބައިނަލްއަޤްވާމީ މުއާހަދާތަކުން  ކަށަވަރުކޮށްދީފައިވާ އަސާސީ ޙައްޤެއް ނަމަވެސް، މިކުންފުންޏާއި ގުޅޭގޮތުން ފަތުރަމުންދާ ހަގީގަތާއި ޚިލާފު ދޮގު ވާހަކަ ތަކަކީ، އެ އަސާސްތަކާއި ކަނޑައެޅިގެން ޚިލާފަށް ފަތުރަމުންދާ ވާހަކަތަކެކެވެ. އެހެންކަމުން ރައްޔިތުންނަށް މައުލޫމާތު ފޯރުކޮށްދިނުމުގައި ނޫސްވެރިކަމުގެ މިނިވަންކަމާއި، ޚިޔާލުފާޅުކުރުމުގެ މިނިވަންކަމުގެ އަސާސްތަކާއި، އިންތަކާއި މިންތައް، ދެމެހެއްޓުމަށް އިލްތިމާސްކުރަމެވެ.

ރ. އަނގޮޅިތީމު މެޖިސްޓްރޭޓް ކޯޓުގެ އައު އިމާރާތް ހުޅުއްވައި ދެއްވުމުގެ ރަސްމިއްޔާތުގައި އުއްތަމަފަނޑިޔާރު އަހުމަދު މުއުތަސިމް އަދުނާން މިމޭރުމުން ވާހަކަފުޅު ދެއްކެވުމުން ޝަރުއީ ނިޒާމާ މެދު އުންމީދު އައުވެއެވެ. އިމާރާތުގެ ދަތިކަމާ ހުރެ އިންސާފަށް ވާސިލުވުމަށް ރައްޔިތުންނަށް ހުރި ހުރަސްތައް ނައްތާލުމުގެ ގޮތުން ރަށްރަށުގައި މެޖިސްޓްރޭޓް ކޯޓުތައް ބިނާކުރުމަކީ ކޮންމެހެން ކުރަންޖެހޭ ކަމެކެވެ. 

ކުޑަވަރެއްގެ ދެ ކޮޓަރީގައި ހިންގަމުން އައި ރ. އަނގޮޅިތީމު މެޖިސްޓްރޭޓް ކޯޓުގެ އައު އިމާރާތް ހުޅުވިގެން ދިޔަ ދިއުމަކީ އަނގޮޅިތީމު ރައްޔިތުންނަށް އަދުލު އިންސާފަށް ވާސިލު ވުމަށް ހުޅުވިގެން ދިޔަ ސަރާސަރު މަގެކެވެ. އަނގޮޅިތީމު މެޖިސްޓްރޭޓް ކޯޓުގެ އައު އިމާރާތަކީ މި ދިޔަ އަހަރުގެ އޮކްޓޯބަރު މަހުގެ ތެރޭގައި ރ. އަނގޮޅިތީމު ކައުންސިލާއި ހަވާލުކޮށްގެން 8 މަސް ދުވަހުން އިމާރާތްކޮށް ނިންމި ތަނެކެވެ. ރަށާއި އެކަށީގެންވާ ފެންވަރުގައި ކޯޓެއްގައި ހުންނަން ޖެހޭ ހުރިހާ ވަސީލަތެއް ގާއިމު ކޮށްގެން ހުޅުވި ރ. އަނގޮޅިތީމު މެޖިސްޓްރޭޓް ކޯޓު ހުޅުވުމުން ވެސް ޝަރީއަތް ކުރުމުގެ ހަލުވިކަން ކުރިއަށް ވުރެ ބޮޑަށް އެ ރަށަށް ލިބިގެން ދާނެއެވެ. ޝަރީއަތް ކުރާނެ ވަކި މާލަމަކާއި، މެޖިސްޓްރޭޓުންނާއި މުވައްޒަފުން މަސައްކަތްކުރުމަށް ވަކިން ހާއްސަ ކުރެވިފައިވާ ބައިތައް ހިމެނޭ ގޮތަށް ހުރި ކޯޓު ފަރުމާ ކޮށްފައިވަނީ އާންމުންނަށް ހިދުމަތް ފޯރުކޮށް ދިނުމަށް ފަސޭހަ ވާނެ ގޮތަށެވެ.

ޝަރުއީ ދާއިރާގެ ހިދުމަތްތެރިންގެ އަގުވަޒަން ކުރެއްވުމަކީ އުއްތަމަފަނޑިޔާރު ވަރަށް ބޮޑު އިސްކަމެއް ދެއްވާ ކަމެކެވެ. ރ. އަނގޮޅިތީމު މެޖިސްޓްރޭޓް ކޯޓު ހުޅުވުމުގެ ރަސްމިއްޔާތުގައި 2021 ވަނަ އަހަރު ތަކްރީމް ކުރައްވާފައިވާ ރިޓަޔާރޑް މެޖިސްޓްރޭޓުންގެ ޝަރަފުގެ މުގުރާއި މެޑެލް ދެއްވުމަކީ މިކަމުގެ ހެއްކެކެވެ. އަނެއް ކޮޅުން ޝަރުޢީ ދާއިރާއަށް ގިނަ ދުވަހު ހިދުމަތް ކުރައްވައި ރިޓަޔަރ ކުރައްވާފައިވާ މުވައްޒަފަކަށް ޝަރަފުގެ ފިލާ އެރުވުމަކީ ވެސް ދާއިރާގައި ހިދުމަތް ކުރުމުގެ ޝައުގުވެރިކަން އިތުރު ވެގެން ދާނެ ކަންކަމެވެ.