މި ރަން މެޑަލް ހޯދުމަށް އުމުރުން 29 އަހަރުގެ ފޯގަޓް ވަނީ ހަފްތާއެއްހާ ދުވަހު ބަނޑުހައިހޫނުކަމުގައި ހުރެފައިއެވެ. އަދި  ބަރުދަން ލުއިކުރުމަށް ސޯނާގައި ވެސް އެތައް ގަޑިތަކެއް ހޭދަކޮއްފައިވެއެވެ.

ނަމަވެސް އެންމެ 100 ގްރާމް އާއިހެދި  ފޮގަޓް ވަނީ ޑިސްކޮލިފައިވެފައެވެ.

"ރެސްލިންގައި މޮޅުވެ ބަލިވީ. އަހަރެންގެ ހުވަފެންތައް ފުނޑުފުނޑުވެއްޖެ. އަހަރެންގެ އަތުގައި އިތުރު ބާރެއް ނެތް،" އެކްސްގައި ފޮގަޓް ލިޔެފައިވެއެވެ.

ފަސް ފަހަރު ބެލޮންޑިއޯ އެވޯޑް ހޯދާފައިވާ ރޮނަލްޑޯ ވަނީ އަންގާރަ ދުވަހު ކުޅުނު މެޗުގެ ފުރަތަމަ ހާފުގައި ތިން ގޯލް ޖަހައި ދެ އެސިސްޓް ކޮށްފައެވެ.

ޕްރިންސް ސުލްތާން އަބްދުލްއަޒީޒް ސްޓޭޑިއަމްގައި ކުޅުނު މެޗުގައި އަލްނަސްރު އިން ވަނީ ލިބުނު ހިލޭ ޖެހުމަކުން މެޗުގެ ފުރަތަމަ 11 މިނެޓު ތެރޭގައި ލަނޑު ޖަހާ މެޗުގެ ލީޑު ނަގާފައެވެ. މި ލަނޑު ކާމިޔާބުކޮށްދިނީ ކްރިސްޓިއާނޯ ރޮނަލްޑޯއެވެ. 

ހަމައެއާއެކު، ލިބުނު ދެވަނަ ހިލޭ ޖެހުން ކާމިޔާބުކޮށް، މެޗުގެ 21 ވަނަ މިނެޓުގައި ރޮނަލްޑޯ ވަނީ އަލްނަސްރުގެ ލީޑު ބޮޑުކޮށްފައެވެ.

ފުރަތަމަ ހާފް ނިމުމާއި ގާތްވެފައި ވަނިކޮށް އޭރިޔާ ބޭރުން ފޮނުވާލި ބޯޅަ ގޯލަށް ފަސޭހަ ކަމާއި އެކު ވައްދާލައި ރޮނާލްޑޯ ވަނީ  72 ގަޑިއިރު ތެރޭގައި، ޖެހިޖެހިގެން ދެ މެޗުގައި ހެޓްރިކު ހަދާ, އޭނާގެ ކެރިއަރުގެ 65 ވަނަ ހެޓްރިކު ކާމިޔާބުކޮށް ރިކޯޑް މުގުރާލާފައެވެ.

އެއާއެކު ރޮނާލްޑޯ ވެގެން ގޮސްފައިވަނީ 21 ވަނަ ގަރުނުގައި އެންމެ ގިނަ ހެޓްރިކް ހެދި ކުޅުންތެރިޔާގެ ރިކޯޑް މުގުރާލާފައެވެ.

އުމުރުން 23 އަހަރުގެ ނޯވޭގެ ކުޅުންތެރިޔާ ވަނީ އިނގިރޭސި ފުޓްބޯޅައިގެ ފުރަތަމަ ސީޒަނުގައި އަޖައިބު ކުރަނި ކުޅުމެއް ދައްކަދީފައެވެ.

އޭނާ ވަނީ ޕެޕް ގާޑިއޯލާގެ ސައިޑުގައި ހުރެގެން ޕްރިމިއާ ލީގާއި ޗެމްޕިއަންސް ލީގާއި އެފްއޭ ކަޕް ކާމިޔާބުކޮށް މުބާރާތެއްގައި 52 ގޯލު ޖަހައިފައެވެ.

އާލިންގް އާއި އެކު މެންޗެސްޓާ ސިޓީއިން އަހަރުގެ އެންމެ މޮޅު ކުޅުންތެރިޔާގެ އެވޯޑަށް ނޮމިނޭޓްވެފައި ތިބި އަނެއް ދެކުޅުން ތެރިންނަކީ ކެވިން ޑަ ބްރޫން އާއި ޖޯން ސްޓޯންސްއެވެ. 

މީގެ އިތުރުން ހަ ކުޅުންތެރިންގެ ޝޯޓްލިސްޓުގައި އާސެނަލްގެ ބުކާޔޯ ސާކާ އާއި މާޓިން އޯޑެގާޑް ގެ އިތުރުން މިހާރު ބަޔާން މިއުނިކަށް ކުޅެމުން އަންނަ ސްޕާސްގެ ކުރީގެ ފޯވާޑް ހެރީ ކޭން ހިމެނެއެވެ.

2017 ވަނަ އަހަރު ދުނިޔޭގެ ރެކޯޑް ފީއެއްގެ ގޮތުގައި 200 މިލިއަން ޕައުންޑަށް ޕީއެސްޖީއާ ގުޅުނު ނޭމާ ވަނީ ލީގު 1 ކުން ހޮނިހިރު ދުވަހު ލޮރިއޮން އާއި ދެކޮޅަށް ކުޅެ އެއްވަރުވި މެޗުގެ ސްކޮޑުން ބާކީކޮށްފައެވެ.  އާ ސީޒަނަށް ކޯޗު ލުއިސްގެ ޕްލޭންތަކުގެ ތެރޭގައި އޭނާ ހިމެނިފައެއް ނުވެއެވެ.

ނޭމާ އަށް ފްރާންސް ޓީމުން އަހަރަކު 25 މިލިއަން ޔޫރޯ (21.6 މިލިއަން ޕައުންޑް) ގެ އާމްދަނީއެއް ލިބެމުންދާ ކަމަށް ބެލެވެއެވެ.

ރިޕޯޓްތައް ބުނާ ގޮތުގައި އޭނާއަށް ސައުދީ އަރަބިއްޔާގައި އަހަރަކު 150 މިލިއަން ޔޫރޯ (129.2 މިލިއަން ޕައުންޑް) ލިބޭނެއެވެ. އެއީ ޕީއެސްޖީގައި އޭނާއަށް ލިބުނު އާމްދަނީގެ ހަ ގުނަ އެވެ. 

ބްރެޒިލްގެ މި ކުޅުންތެރިޔާ ވަނީ ޕީއެސްޖީއަށް 173 މެޗު ކުޅެދީ، ލީގު 1 ގެ ފަސް ތަށި ހިމެނޭ ގޮތަށް 13 ތަށި ހޯދައިދިނުމުގެ އިތުރުން 2020 ވަނަ އަހަރުގެ ޗެމްޕިއަންސް ލީގުގެ ފައިނަލަށް ދަތުރުކޮށްދީފައިވެއެވެ.

އުމުރުން 35 އަހަރުގެ ތަރި އޭނާގެ 20.5 މިލިއަން ފޮލޯވަރުންނާ އެކު އެ ވީޑިއޯ ޝެއާރ ކޮށްފައި ވަނީ "މަޝާ އައްލާ، ބެސްޓް އޮފް ދަ ބެސްޓް، އަލްހަމްދުލލިއްލާ” ކިޔާލަފައެވެ.

ރެއާލް މެޑްރިޑްގެ ކުރީގެ ފޯވާޑް އަދި ބެލޮންޑިއޯ ހާސިލްކުރި ކުޅުންތެރިޔާ އަލް އިއްތިހާދާ ގުޅުނީ މިހާރުގެ ހޫނު މޫސުމުގެ ޓްރާންސްފާރ ވިންޑޯގައެވެ. އޭނަގެ ތިން ސީޒަނުގެ ކޮންޓްރެކްޓެއްގެ އަގު އަހަރަކު 215 މިލިއަން ޑޮލަރަށް އަރާނެ ކަމަށް ލަފާކުރެވެއެވެ.

 ބެންޒެމާ ވަނީ މިހާތަނަށް ޖިއްދާ ޓައިގާސްއާއެކު ހަތަރު މެޗު ކުޅެ، ތިން ލަނޑު ޖަހައި، އެއް އެސިސްޓް ކޮށްފައެވެ.

ގައިދީންނަށް ހާއްސަކޮށްގެން ޕްލޭސްޓޭޝަން ބޭނުންކޮށްގެން ބޭއްވި މުބާރާތް ނިންމާލައިފިއެވެ. މުބާރާތް ކުރިއަށް ގެންދިޔައީ ދުބާއީ ޕޮލިސްގެ ޕޮޒިޓިވް ސްޕިރިޓް އިނިޝިއޭޓިވް އިން ނިންމާލީ  ޖެނެރަލް ޑިޕާޓްމަންޓް އޮފް ޕުނިޓިވް އެންޑް ކަރެކްޝަނަލް އެސްޓޭބްލިޝްމަންޓްސް އާއި ވީސްލޭޝް އީސްޕޯޓްސް އާއި ގުޅިގެންނެވެ.

ނިންމުމުގެ ރަސްމިއްޔާތުގައި މުބާރާތުގެ ޗެމްޕިއަނުންނަށް ޝަރަފުވެރި އިނާމްތަކާ މެޑެލް ދިން މި މުބާރާތަކީ ހުރިހާ ގައިދީންގެ މެދުގައި ޕޮޒިޓިވިޓީ އާއި ކުޅިވަރު ކުޅުން ކުރިއެރުވުމަށެވެ.

ޖުމްލަ 165 ގައިދީން ބައިވެރިވި މުބާރާތް އެންމެ ފަހުން ނިންމާލީ އެންމެ މޮޅު ކުޅުންތެރިންނަށް ފައިސާގެ އިނާމާއި މެޑަލް ދީގެންނެވެ.

އޭނާވަނީ ޕާކިސްތާން ކްރިކެޓް ތަމްސީލުކޮށް 30 ޓީ20އައިއެސް  އާއި ހަތަރު އޯޑީއައިއެސް މެޗުގައި ދެ ފޯމެޓުގައި ވެސް 369 އަދި 33 ލަނޑު ހަދާފައެވެ.

މިހާރު 18 އަހަރުގެ އުއްމީދީ ކްރިކެޓް ކުޅުންތެރިޔާ ވަނީ އޭނާ ކުޅުން ދޫކޮށްލާކަން ޕާކިސްތާން ކްރިކެޓް ބޯޑަށް އަންގާފައެވެ. ޕާކިސްތާނުގެ މީޑިއާތަކުން ރިޕޯޓްކުރާ ގޮތުގައި އޭނާ ރިޓަޔާ ކުރަން ނިންމީ އޭނާގެ ދީނީ ޢަޤީދާތަކުގެ ސަބަބުންނެވެ.

"އަހަރެން މިދަނީ ކްރިކެޓް ދޫކޮށްލާފައި އިސްލާމްދީނާ އެއްގޮތަށް ދިރިއުޅުން އުޅެން،" އޭނާ ބުނެފައިވޭއެވެ. އެކަމަކު ބޯޑުން އަދި އެ ޚަބަރު ކަށަވަރު ނުކުރެއެވެ.

އުމުރުން 36 އަހަރުގެ މެސީ ފްރާންސްގެ ޗެމްޕިއަން ޕެރިސް ސެއިންޓް ޖާމައިން ދޫކޮށްލީ 2022-23 ވަނަ އަހަރުގެ ސީޒަން ނިމުމާ ގުޅިގެންނެވެ.

އިންޓަ މިއާމީގެ ކޯއޯނަރު ޑޭވިޑް ބެކަމް ބުނީ މެސީ ގެނައުމަކީ "ހުވަފެނެއް ހަގީގަތަކަށް ވެގެން ދިޔަ ކަމެއް" ކަމަށެވެ.

އަދި މީގެ ދިހަ އަހަރު ކުރިން މިއާމީގައި އާ ޓީމެއް ބިނާކުރުމުގެ ދަތުރު ފެށިއިރު ހުވަފެން ދެކެމުން އައީ ދުނިޔޭގެ އެންމެ މޮޅު ކުޅުންތެރިން މި އަޖައިބު ކުރުވަނިވި ސިޓީއަށް ގެނައުން ކަމަށްވެސް ބެކަމް ބުންޏެވެ.

ބެކަމް އިތުރަށް ބުނެފައިވަނީ ލިއޯ ފެންވަރުގެ ކުޅުންތެރިއަކު އޭނާގެ ކްލަބާ ގުޅެމުންދާތީ އެއަށްވުރެ ފަޚުރުވެރި ނުވެވޭނެކަށެވެ. އެކަމަކު ރަނގަޅު ރަހުމަތްތެރިއަކާއި އަޖައިބު ކުރުވަނިވި މީހަކާއި އޭނާގެ ލޯބި އާއިލާ އޭނާގެ އިންޓަ މިއާމީ ކޮމިއުނިޓީއާ ގުޅުމަށް މަރުހަބާ ކިޔުމުން ވެސް ވަރަށް އުފާވާކަމަށެވެ.

"އަހަރެމެންގެ އެޑްވެންޗާގެ ދެން އޮންނަ މަރުހަލާ މިތަނުން ފެށެނީ، އަދި ލިއޯ ދަނޑަށް ނުކުންނަން ތަންދެކެން ކެތް ނުކުރެވޭ."

ގާތްގަނޑަކަށް ވިހި އަހަރު ގައުމަށް ހިދުމަތް ކޮށްދީފައިވާ ޗެޓްރީ އަކީ ފުޓްބޯޅަ ކުޅުންތެރިންގެ ތެރެއިން ބައިނަލްއަގުވާމީ ގޮތުން  ހަތަރު ވަނަ އަށް އެންމެ ގިނަ ގޯލު ޖެހި ކުޅުންތެރިޔާއެވެ.

އޭނާ ވަނީ 142 މެޗުން 93 ސްޓްރައިކް ޖަހާފައި - ގަދަ އެއްވަނަ ނިސްބަތްވަނީ ކްރިސްޓިއާނޯ ރޮނާލްޑޯ (200 މެޗުން 123 ގޯލް) ދެވަނަ މަގާމު ނިސްބައިވަނީ 148 މެޗުން 109 ގޯލް ޖަހައިގެން އީރާނުގެ ލެޖެންޑް އަލީ ދާއީ އަދި  ތިންވަނަ މަގާމު ނިސްބައިވަނީ ލިއޮނަލް މެސީ (175 މެޗުން 103 ގޯލް) އަށެވެ.

އުމުރުން 31 އަހަރުގެ ބްރެޒިލް ފޯވާޑް ލިވަޕޫލް ދޫކޮށްލީ އޭނާގެ ކޮންޓްރެކްޓް ހަމަވުމާ އެކުއެވެ.

އަލް އަހްލީއާއެކު ތިން އަހަރުގެ އެއްބަސްވުމެއްގައި ސޮއިކޮށްފައިވާ ފިރްމީނޯ ވަނީ ލިވަޕޫލަށް 362 މެޗު ކުޅެ 111 ގޯލް ކާމިޔާބުކޮށްދީފައެވެ. ބްރެޒިލްގެ ގައުމީ ޓީމުގެ ކުޅުންތެރިޔާ އިނގިރޭސި ކްލަބުގައި ހޭދަކުރި ދުވަސްވަރު ވަނީ ޕްރިމިއާ ލީގާއި ޗެމްޕިއަންސް ލީގާއި އެފްއޭ ކަޕް އަދި ކަރަބައޯ ކަޕް ކާމިޔާބުކޮށްފައެވެ.

އުމުރުން 26 އަހަރުގެ ޕޯޗުގަލް މިޑްފީލްޑަރު ކޮންޓްރެކްޓްގައި ބާކީ އަހަރެއް އޮތްއިރު އޭނާ ވަކިވަނީ މޮލެނާގައި ހަ ސީޒަން ހޭދަކުރުމަށްފަހުގައެވެ.

ނޭވޭސް އަކީ ޔޫރަޕްގެ ކްލަބެއް ދޫކޮށް ސައުދީ އަރަބިއްޔާގެ ޕްރޯ ލީގަށް އެންމެ ފަހުން ގުޅުނު ކުޅުންތެރިޔާއެވެ.

މި މަހުގެ ކުރީކޮޅު ކަރީމް ބެންޒެމާ ރެއާލް މެޑްރިޑް ދޫކޮށް އަލް އިއްތިހާދަށް ބަދަލުވެފައިވެއެވެ.

މިޑްފީލްޑަރު ގޯލޯ ކާންޓޭ ވަނީ މި ހަފްތާގެ ކުރީކޮޅު ޗެލްސީ ދޫކޮށް ފްރާންސްގެ ޓީމް މެޓް ބެންޒެމާއާ ގުޅެން އަލް އިއްތިހާދުގައި އެއްބަސްވެފައެވެ.

ޗެލްސީގެ ކީޕަރު އެޑޫއާ މެންޑީ ވެސް ސައުދީ ޕްރޯ ލީގުގެ އަލް އަހްލީ އަށް ސޮއިކުރުމާ ގާތްވެފައިވާއިރު، މެންޗެސްޓާ ސިޓީގެ ޕޯޗުގަލް މިޑްފީލްޑަރު ބާރްނާރްޑޯ ސިލްވާ އަކީ އަލް ހިލާލްގެ އަމާޒެކެވެ.

އޭނާ ވަނީ ޕެރިސް ސެއިންޓް ޖާރމެއިން، މެންޗެސްޓާ ޔުނައިޓެޑް އަދި އޭސީ އަދި އިންޓަ މިލާން ފަދަ ކުލަބުތަކަށް 511 ގޯލް ޖަހައި ހަތަރު ގައުމެއްގެ ލީގު ތަށި ހޯދައިފައެވެ. އަދި މީގެއިތުރުން ބެލޮންޑިއޯ އަށް 11 ފަހަރު ނޮމިނޭޓް ވެސް ވެފައެވެ.

ފޯވާޑް ރިޓަޔާ ވިއިރު އޭނާއަށް ވަނީ 122 މެޗުއްގައި ބައިނަލްއަގުވާމީ ގޮތުން 62 ގޯލު ޖަހައިގެން ސްވިޑެންގެ މިހާތަނަށް  އެންމެ ގިނަ ލަނޑު ޖެހި ކުޅުންތެރިޔާގެ މަގާމުވެސް ހޯދާފައެވެ.

ޒްލަޓަން އިބްރާހިމޮވިޗް އޭނާގެ ފުޓުބޯޅައިގެ ހަޔާތް ސިފަ ކުރަމުން ބުނެފައި ވަނީ "އަހަރެން މުޅި އުމުރު ދުވަހު މިކަން ކުރަމުން މިއައީ. ފުޓްބޯޅަ އަހަރެން ފިރިހެނަކަށް ހެދީ. ދުވަހަކުވެސް ހަޔާތުގައި ނުދަންނަ އެތައް މީހުން ދަސްވި . އަހަރެން ދުނިޔެ ދަތުރު ކުރަން ލިބުނީ ފުޓްބޯޅައިގެ ސަބަބުން. މި ހުރިހާ ކަމެއްވީ ފުޓްބޯޅައިގެ ސަބަބުން" ކަމަށެވެ.

އުމުރުން 51 އަހަރުގެ އާޖެންޓީނާއަށް އުފަން މައުރީސިއޯ އޭނާގެ އާ ރޯލު ފަށާނީ 1 ޖުލައި 2023 ގައި ދެ އަހަރުގެ ކޮންޓްރެކްޓެއްގެ ދަށުންނެވެ. އަދި އިތުރަށް އަހަރެއް އެޔަށް އިތުރުކުރުމުގެ އިހުތިޔާރުވެސް އޭނާއަށް ވަނީ ލިބިފައެވެ.

ކްލަބުން ބުނާ ގޮތުން މައުރީސިއޯ އަކީ ފާހަގަކޮށްލެވޭ ޓްރެކް ރެކޯޑެއް އޮތް ދުނިޔޭގެ ފެންވަރުގެ ކޯޗެކެވެ. އަދި އެމީހުން އެންމެން ވެސް އިންތިޒާރު ކުރަމުން އައީ އޭނާ އެ ބޯޓަށް އަރުވަން ކަމަށެވެ. މީގެ އިތުރަށް ޗެލްސީން ބުނެފައިވަނީ ޕޮޗެޓީނޯ އަކީ އެ މީހުންގެ ފުރަތަމަ ޗޮއިސް ކަމަށާއި އަދި މަޝްވަރާކޮށްގެން ކަންކަން ކުރަން އެ ކްލަބަށް ގެނައި ހަމައެކަނި ކޯޗު ކަމަށެވެ.

މައުރީސިއޯ މަސައްކަތް ކުރާނީ ސްޕޯޓްސް ޑައިރެކްޓަރުން ކަމަށްވާ ޕައުލް ވިންސްޓަންލީ އާއި ލޯރެންސް ސްޓިވަޓްއާ އެކުގައެވެ.

މި ހަލަބޮލިކަން ފެށިގެން އައީ ސްޓޮޕް ޓައިމްގައި ތައިލެންޑްއިން ނަތީޖާ ހަމަހަމަ ކުރުމުން، ޓީމުތަކުގެ ބެންޗުތަކުގެ މެދުގައި ހަމަނުޖެހުންތައް ހިނގައިގެންނެވެ. އިތުރު ވަގުތުގެ ފުރަތަމަ މިނެޓުގެ ތެރޭގައި އިންޑޮނޭޝިއާ އިން 3-2 އިން ލީޑު ނެގިތަނާ އިތުރު މާރާމާރީއެއް ފެށުމުން ދަނޑުމަތީގަ ހަމަނުޖެހުންތައް އިތުރަށް ގޯސްވިއެވެ.

ދަނޑުގައި ތައިލެންޑުގެ އަނިޔާވެރި ކުޅުމުގެ ނަތީޖާއަކަށްވެގެން ދިޔައީ އެންމެ 8 ކުޅުންތެރިންނާއެކު މެޗު ނިންމާލަން ޖެހުމެވެ.

ތައިލެންޑްގެ ފުޓްބޯޅަ އެސޯސިއޭޝަނުން ވަނީ ދަނޑު މަތީގައި ހިނގި ހާދިސާތަކާ ގުޅިގެން މާޔޫސްކަން ފާޅުކޮށް މައާފަށް އެދިފައެވެ. އަދި މިމައްސަލަތައް ތަހުގީގުކޮށް އެކަމުގައި ބައިވެރިވެފައިވާ އެންމެނަށް އެކަށީވެގެންވާ އަދަބު ދޭން ކޮމިޓީއެއް އެކުލަވާލާނެ ކަމުގެ ޔަގީން ކަންވެސް ދީފައިވެއެވެ.

ފަޖާރު ރަހްމާން އާއި ބެކްމަން ޕުޓްރާގެ ލަނޑުތަކުން 1991 ވަނަ އަހަރަށް ފަހު އިންޑޮނޭޝިއާއަށް ސައުތުއީސްޓް އޭޝިއަން ގޭމްސްގެ ފުރަތަމަ ރަން މެޑަލް ކަށަވަރުވީ ތައިލެންޑުން ހޯދި ދެވަނަ ރީނދޫ ކާޑުގެ ސަބަބުންނެވެ. ރަތްކާދުލިބިގެން އިތުރު ދެ ކުޅުންތެރިން ކުޅުމުން ބާކީ ކުރުމުންނެވެ.

އޭޝިއަން ފުޓްބޯލް ކޮންފެޑެރޭޝަން (އޭއެފްސީ) އިން ބުނީ އެ ހާދިސާތަކާ ގުޅިގެން "މާޔޫސް" ވެފައިވާ ކަމަށާއި މިކަމާ ގުޅޭގޮތުން ތަހުގީގެއް ހިންގާނެ ކަމަށެވެ.

އަދި އެމީހުން ފާހަގަކުރަނީ ފެއާ ޕްލޭ އަށް ދެފަރާތުންވެސް އިހުތިރާމް ކުރުމަށާއި އަދި މިފަދަ ހުރިހާ އަނިޔާވެރި އަމަލުތަކާމެދު ޒީރޯ ޓޮލަރެންސް އެޕްރޯޗެއް އެމީހުން ގެންގުޅެނޭކަމަށެވެ.

އެމްސްޓަޑަމްގައި ހުންނަ ކްލަބް އޭޖެކްސް އިން ނެރުނު ބަޔާނެއްގައި ބުނެފައިވަނީ،”އެފްސީ ގްރޮނިންގެން އާއި އޭޖެކްސް ކުޅުން 10 މިނެޓް ފަހުން ސަސްޕެންޑްކޮށްފައިވަނީ ދަނޑަށް ފަޔަރވޯކް އުކައިގެން އެތައް ބައިވަރު ހާދިސާތަކެއް ކުރިމަތިވުމުންނެވެ."

އަޔެކްސް އިން އެމީހުންގެ ވެބްސައިޓުގައި ނެރުނު ބަޔާނެއްގައި ބުނެފައިވަނީ މެޗުގެ ބާކީ ބައި ކުޅޭނީ ސަޕޯޓަރުންނާ ނުލައި މެއި މަހުގެ 16 ވާ އަންގާރަ ދުވަހުގެ އެ މީހުންގެ ގަޑިން މެންދުރު ފަހު 3 ޖަހާއިރުކަމަށެވެ.

ޑަޗް ޓޮޕް ފްލައިޓް ލީގުގެ މެޗުތައް ހުކުރު ދުވަހުން ފެށިގެން ހަތަރު ފަހަރެއްގެ މަތިން ވަގުތީ ގޮތުން މަޑުޖައްސާލާފައި ވަނީ ދަނޑަށް އެއްޗެހި އުކުމާ ގުޅިގެންނެވެ.

ސްޕެއިންގެ ކުރީގެ މިޑްފީލްޑަރު، ސާޖިއޯ ބުސްކެޓް 34، ބާސެލޯނާއަށް 718 މެޗު ކުޅެދީފައި ވެއެވެ. މިއީ އެ ކްލަބުގެ ތާރީހުގައި ތިން ވަނައަށް އެންމެ ގިނަ މެޗު ކުޅެފައިވާ ކުޅުންތެރިޔާއެވެ.

ބާސެލޯނާ ކްލަބާއެކު ބުސްކެޓްސް ހޯދި ކާމިޔާބުތަކުގެ ތެރޭގައި ލަލީގާގެ އަށް ތަށި ހޯދުމާއި، އެކު ހަތް ކޮޕާ ޑެލްރޭސްއާއި 7 ސްޕެނިޝް ސުޕަ ކަޕް އަދި ތިން ޗެމްޕިއަންސް ލީގު ކާމިޔާބުކުރުން ހިމެނެއެވެ.

ބުސްކެޓްސް ބުނެފައިވާ ގޮތުން އޭނާގެ މި ނިންމުމަކީ ފަސޭހަ ނިންމުމަކަށް ނުވި ނަމަވެސް މިހާރު ވަގުތުއައިސް ޖެހިއްޖެއެވެ. ބާސާގައިކުރި ދަތުރަކީ ހަނދާން ނައްތާނުލެވޭނެ ދަތުރެއްކަމަށް އޭނާ ބުނެއވެ. މީގެ އިތުރުން އޭނާ ބުނެފައިވަނީ އޭނާ އަބަދުވެސް ހުވަފެނުގައި ދެކެމުން އަންނަނީ ބާސެލޯނާ ޓީޝާޓާއި އެތާގެ ދަނޑުގައި ކުޅޭތަން ކަމަށެވެ. އޭނާގެ ހުރިހާ ހުވަފެނަތަކެއް މިހާރުވަނީ ހަގީގަތުގައި ހާސިލް ވެއްޖެ ކަމަށް ދެކެއެވެ. ފުރަތަމަ ދުންވަހުން ފެށިގެން ފަހު ދުވަހާ ޖެހެންދެން އޭނާއަށް މިކަމުގައި އެހީތެރިވެދިން ހުރިހާ ފަރާތް ތަކަށް އޭނާ ޝުކުރު އަދާކޮއްފައިވެއެވެ.

ބުސްކެޓްސް އެންމެ ފުރަތަމަ ބާސާއަށް ކުޅެން ނުކުމެފައިވަނީ 2005 ވަނަ އަހަރު ޒުވާން ކުޅުންތެރިއެއްގެ ގޮތުގައިއެވެ. އޭނާގެ މި ދަތުރު ނިމުމަކަށް ދާއިރު އޭނާވަނީ ތިން ޔޫރަޕިއަން ސުޕަ ކަޕާއި ތިން ކްލަބް ވޯލްޑް ކަޕް ވެސް ކާމިޔާބުކޮށްފައިއެވެ. މިހާރު އޭނާ ހުރީ ނުވަ ވަނަ ލީގު ޗެމްޕިއަންކަން ހޯދައިގެން ބާސެލޯނާގެ ކެރިއަރު ނިންމާލުމުގެ މަގުމަތީގައެވެ.

ބުސްކެޓްސް ކޭމްޕް ދޫކޮށްލަން ނިންމިކަން އިއުލާން ކުރަމުން ބާސެލޯނާއިން އޭނާ ސިފަކޮށްފައިވަނީ "މިހާތަނަށް ކްލަބް ތަމްސީލުކުރި އެންމެ މޮޅު އެއް ކުޅުންތެރިޔާ"ގެ ގޮތުގައެވެ. ސީނިއާ ޓީމާއެކު ބުސްކެޓްސް ހޭދަކުރި 15 އަހަރުގެ ތެރޭގައި އޭނާ ވަނީ 18 ގޯލް ޖަހައި 40 އެސިސްޓް ދީފައެވެ. 

ހުސްވި އަހަރު ޑިސެމްބަރު މަހު ސްޕެއިންގެ ކުރީގެ ކެޕްޓަން ބުސްކެޓްސް ވަނީ ބައިނަލްއަގުވާމީ ފުޓްބޯޅައިން ރިޓަޔާކޮށްފައެވެ. ބުސްކެޓްސް ވަނީ ގައުމީ ޓީމާއެކު 2010 ވަނަ އަހަރުގެ ވޯލްޑް ކަޕްކުޅެފައެވެ. އަދި 2012 ވަނަ އަހަރުގެ ޔޫރަޕިއަން ޗެމްޕިއަންޝިޕް ކާމިޔާބުކޮށްފައިއެވެ. 

މުހައްމަދު އެލް މޮރަބިޓީ ފުރަތަމަ ފަހަރަށް ސަހަރާ އަލްޓްރާ ޓްރޭލް އިން ސެލްފް-ސަފިޝިއެންސީ ކާމިޔާބު ކުރީ އޭނާގެ ބޭބެ ރާޝިދާ ވާދަކޮށް ފަސް ފަހަރު ދެވަނަ ހޯދުމަށްފަހުގައެވެ.

"އަހަރެންގެ ބޭބެއަށްޓަކައި އަހަރެން ވަރަށް ދެރަވޭ" އެލް މޮރަބިޓީ އޭނާގެ މޮޅަށް ފަހު ބުންޏެވެ. "އޭނާ މޮޅުވާން ޖެހޭނީ އެކަމަކު މިއީ ކަން އޮތް ގޮތް، އަންނަ އަހަރު އިންޝާالله".

10 ވަނަ ފަހަރަށް ޗެމްޕިއަންކަން ހޯދުމަށް އަޒުމް ކަޑައަޅައިގެން ހުރި ރާޝިދު އެމްޑީއެސްގެ ކެރަވަން ދޫކޮށްލީ ހަތަރު ވަނަ ސްޓޭޖުގައި ރޭހުން ބޭރުން މީހެއްގެ އެހީ ހޯދުމާގުޅިގެން ލިބުނު ތިން ގަޑިއިރުގެ ޕެނަލްޓީއާ ގުޅިގެންނެވެ.

ލެސްޓާ ސިޓީއާ ދެކޮޅަށް ކުޅުނު މެޗުގައި އާލިންގް ހާލަންޑް ކުޅުނީ އެންމެ 45 މިނެޓަށެވެ. ނަމަވެސް އެއީ މެންޗެސްޓާ ސިޓީގެ ފޯވާޑަށް އިތުރު ރެކޯޑަކާ އެއްވަރު ކުރަން ފުދޭ ވަރަށް ވުރެ ގިނަ ވަގުތެވެ.

ޕްރިމިއާ ލީގުގެ 30 އިން ހަލާންޑް މެޗު ފެށިއިރު، އިއްތިހާދު ސްޓޭޑިއަމްގައި 25 މިނެޓް ފާއިތުވެގެން ދިޔައިރު ހަލާންޑް ހުރީ 32 ވަނައިގައެވެ. އެއީ 2018 ވަނަ އަހަރު ހެދި ޕްރިމިއާ ލީގުގެ ސީޒަނުގައި އެންމެ ގިނަ ލަނޑު ޖެހި މުހައްމަދު ސަލާހުގެ ރެކޯޑާ އެއްވަރުކުރި ރެކޯޑެވެ.

އެއް ސީޒަނެއްގައި އިތުރު ގޯލު ޖެހިފައިވަނީ ހަމައެކަނި އެންޑީ ކޯލް އާއި އެލަން ޝިއާރާ އެވެ. އެ މީހުނަށް އެކަން ކުރަން އޮތީ 42 މެޗެވެ. މި ސީޒަނުގައި ލީގުގައި ބާކީ އަށް މެޗު މެންޗެސްޓާ ސިޓީއަށް އެބައޮތެވެ. ޗެމްޕިއަންސް ލީގާއި އެފްއޭ ކަޕްގައި އިތުރު ކުރިއެރުން ލިބިގެން އެ އަދަދު 14 އަށް އުފުލިގެން ހިނގައި ދާނެ އެވެ.

ފަރަންސޭސިވިލާތުގެ ގައުމީ ޓީމަށް 121 މެޗްގައި ކެޕްޓަންކަން ކުރުމުގެ ރެކޯޑާއެކު ފްރާންސްގެ ކެޕްޓަން ހޫގޯ ލޮރިސް ގައުމީ ޓީމަށް ފުޓްބޯޅަ ކުޅުން ހުއްޓާލައިފިއެވެ.  އޭނާ ވަނީ 145 މެޗް ގައުމީ ޓީމަށް ކުޅެދީފައެވެ.

އެކަކު އެންމެ ގިނަ މެޗް ފްރާންސްގެ ގައުމީޓީމަށް ކުޅުމުގެ ރެކޯޑް ގާއިމުކޮށްފައި ވަނީވެސް ހޫގޯ ލޮރިސްއެވެ. 2018 ވަނަ އަހަރު ވާރލްޑް ކަޕްގެ ތަށި ދެވަނަ ފަހަރަށް ފަރަންސޭސީން އުފުލާލީވެސް ލޮރިސްގެ ކެޕްޓަންކަމުގައެވެ.

ލޮރިސް ގައުމީ ޓީމަށް ކުޅުން ހުއްޓާލީ އޭނާއަށް ކޮންދެވޭނެ ހުރިހާ ކަމެއް ގައުމީ ޓީމަށް ކޮށްދެވިފާ ވާކަމަށް ގަބޫލް ކުރެވުމުންނެވެ. ވާރލްޑް ކަޕްގެ ފައިނަލްގައި އާޖެންޓީނާ އަތުން ފަރަންސޭސީން ބަލިވި މި ވަގުތަކީ އޭނާގެ ބައިނަލްއަގުވާމީ ކެރިއަރ ނިމުމަކަށް ގެންނަން ޖެހޭ ވަގުތުކަމަށް އޭނާ ގަބޫލުކުރެއެވެ.

ޔޫރޯއަށް ޓީމް ތައްޔާރުވާން ފެށުމުގެ ކުރިން އެކަން ކުރުމުން ކޯޗަށް ވެސް ޓީމް އެކުލަވާލުމުގައި ފަސޭހަ ވެގެންދާނެކަމަށް ލޮރިސް ދެކެއެވެ. ގިނަ ވަގުތު އާއިލާއަށް ދޭން ބޭނުންވާ ލޮރިސް ބުނާ ގޮތުގައި އޭސީ މިލާންގެ މައިކް މައިގްނާންއަކީ އޭނާ ނެތްތަން ފުރޭ ފެންވަރުގެ މޮޅު ކުޅުން ތެރިއެކެވެ.

މެސީއާއި އެކު ބާސެލޯނާއަށް ކުޅުނު ރޮނާލްޑީނިއޯ ބުނާ ގޮތުން ޕްރޮފެޝަނަލް ކެރިއަރުގައި އުމުރުން 50 އަހަރު ވަންދެން ވެސް ކުޅެވޭ ވަރަށް ހުނަރާއި ބުންވަރާއި ފެންވަރު މެސީ ގައިގައި ހުންނާނެއެވެ.

މެސީ ވޯލްޑް ކަޕްއަށް ކުޅޭ އެންމެ ފަހު މެޗްގައި މެސީގެ ހުވަފެން ހަގީގަތަކަށް ހެދުމަށް މެސީގެ ފެންވަރު ދައްކާލާނެ ކަމަށް ރޮނާލްޑީނިއޯ ދެކެއެވެ.

އުމުރުން 35 އަހަރުގައި ވޯލްޑް ކަޕް ފައިނަލަށް މިރޭ ނިކުންނަ މެސީ އަކީ ކުޅުމަށާއި ފެންވަރަށް ބަދަލެއް އައިސްފައި ނުވާ އެތައް އަހަރުތަކެއްގެ ދުނިޔޭގެ އެންމެ މޮޅު ކުޅުންތެރިޔާއެވެ.

ވޯލްޑް ކަޕްގެ ފައިނަލުގައި އާޖެންޓީނާ އާއި ފްރާންސް މިރޭ ބައްދަލުކުރާ ފައިނަލް މެޗަކީ މެސީ ވޯލްޑްކަޕުގައި ކުޅޭނެ އެންމެ ފަހު މެޗެވެ. ގަތަރުގެ ލުސައިލް ސްޓޭޑިއަމްގައި ރާއްޖޭ ގަޑިން މިރޭ އަށެއް ޖަހާއިރު ފެށޭ ވޯލްޑްކަޕް 2022 ގެ ފައިނަލް މެޗަކީ ހުރިހާ ގޮތަކުންވެސް ލިޔަނަލް މެސީއަށް ވަރަށް މުހިންމު މެޗެކެވެ.