Maldives Real Time Facts & ޒުރޫ https://heerasnews.com/rss/author/ޒުރޫ Maldives Real Time Facts & ޒުރޫ dv ކޮޕީރައިޓް: Heerasnews llp (P013622021) ރައީސް ފުޅަދޫ ރައްޔިތުން ހެއްވާލައިފި https://heerasnews.com/1762 https://heerasnews.com/1762 ޒަމާނުއްސުރެ ކުޑަކުޑަ އާބާދީއެއް އޮންނަ ފުޅަދުއަކީ ހޮސްބަރގް އަތޮޅުގެ ނަމުގައި ޖިއޮގްރަފީގޮތުން ދުނިޔޭގެ ޗާޓްގައި ފާހަގަ ވެފައި އޮންނަ ގުދުރަތީ ވަކި އަތޮޅެއްގައި ހިމެނިފައި އޮންނަ އެއްރަށެވެ. ސިޔާސީ ގޮތުން މާޅޮސް މަޑުލު ދެކުނު ބުރީގެ ބައެއްގެ ގޮތުގައި މީހުން ދިރިއުޅޭ ތިން ރަށެއް އެއްފަޅެއްގައި ހިމެނޭ "ފަޅުތެރެ"އަށް ނިސްބަތްވާ މާޝްހޫރު ގޮއިފުޅަފެހެންދޫގައި ހިމެނޭ ތިންރަށުން އެއްރަށެވެ.

ރަށާމެދު ރަށުގެ ރައްޔިތުން އެކިވަރުގެ އުންމީދުތައް ކޮށް އުންމީދު ކެނޑި މާޒީ އަސަރު ގަދައެވެ. ހިއްޗެވެ. ބައިމަދު ފެންލޮނު ލަފާފުރުން ދަތި ރަށަކަށް ލެއްވުމަކީ ރައްޔިތުމީހާގެ ކުށެއް ނޫނެވެ. ގެއްލި އުވިދިޔަ މާޒީގެ ހިތި ހަނދާންތަކާ ކުޅަ ތަޖުރިބާތަކުން ނެއްޓި މިނިވަން އިންސާނަކަށް ފުޅަދޫ ރައްޔިތުން މިއަދު ބަދަލު ކޮށްލީ ހެޔޮވެރިއެއްގެ ހެޔޮކަމެވެ. ހެޔޮ ވިސްނުމެވެ. ގެނެވޭ ހެޔޮ ބަދަލެވެ. 

ފުޅަދޫގެ ޒުވާނެއް ކަމުގައިވާ މުހައްމަދު ޝާނީޒު ބުނިގޮތުގައި ހަދާން ވާންފެށީއްސުރެ ފުޅަދުއަކީ އެއްވެސް ސަރުކާރަކުން ސަމާލުކަން ދީފައިވާ ރަށެއްކަމުގައެއް ނުވެއެވެ. ރަށައް އަރާ ފޭބުމަކީ އެންމެ ބޮޑު އެއް ތަކުލީފުކަމުގައި ޝާނީޒް ސިފަކުރިއެވެ. ރަށަށް ދެވެނީ ގޮއިދޫ ނެރުން ވަދެވޭ ވަރުގެ ދިޔަވަރެއް އޮތިއްޔާ އެގޮތަށް ގޮއިދޫ ނެރަށް ވަދެގެންނެވެ. ޓޫޓީ އިންޖީނުއެޅި ކުޑަދޯނި ގަނޑަކަށްވެސް ދިހަބާރަތާ ބީހިނުލާ ގޮއިދޫ ނެރުން ވަދެގެން ރަށު ގޮނޑުދޮށަށް ކައިރިކޮށް ނުލެވެއެވެ.  ދިޔަވަރު ހިކުނަސް ގޮއިދޫ ނެރުމަތި ކުޑަކޮށް ގަދަވެ ލިޔަސް އޮޑިދޯނިފަހަރު ފަޅައް ވަންނަންޖެހެނީ މާ ދުރުގައި އޮންނަދޮރު ކަނޑުންނެވެ. ރަށައް ފައިބަން ޖެހެނީ ޑިންގީއެއްގައި ނޫނީ މޫދައް އެރިގެންނެވެ.

މުދާގެންނަން ދާ ހަރަދު ބޮޑުވެގެން ދާންޖެހޭ މައިގަނޑު ސަބަބެއްކަމުގައި ވަނީ ސީދާ ރަށައް މުދާ ނުބޭލޭތީވެއެވެ. ނަމަވެސް މިސަރުކާރުން ވަރަށް ގާތުން ފުޅަދޫ ރައްޔިތުންގެ އަޑުއަހާ މިވަނީ އެންމެ ފުރިހަމައައް ބަދަރެއް އަޅާދެއްވާފަކަން ޝާނީޒް އުފަލާއެކު ފާހަގަކުރެއެވެ. މުހައްމަދު ޝާނީޒު އިތުރަށް ފާހަގަ ކުރެއްވި އަނެއް ކަމަކީ ރަށުގެ އަވަށު ތެރޭ ހުރި އިންޖީނުގޭގެ ވާހަކައެވެ. އަޑު ގަދަވުމުގެ ސަބަބުން ކައިރީގައި ވަށައިގެން ހުރިގޭގޭ މީހުންނައް ހަމަ ނިދި ނުލިބޭ ވާހަކައެވެ. އިރު އިރު ކޮޅާ ކަންރަންޓު ކެނޑުމުގެ  ސަބަބުން އެތައްބައެއްގެ އަގު ހުރި ތަކެތި ހަލާކުވެއެވެ. ނަމަވެސް މިކަމަށް ވެސް މި ސަރުކާރުން ހައްލެއް ހޯދާދިނުމުގެ ގޮތުން މީހުން ދިރިއުޅޭސަރަހައްދާ މުޅިން ވަކިން ފެނަކައިގެ އާއިމާރާތެއް އަޅުއްވާދެއްވާ ހިދުމަތް ދޭން ފެށުމަކީ އެތަކެއް ރައްޔިތުންނައް ލިބުނު ލުއިފަސޭހައެއްކަން ޝާނީޒް އުފަލާއެކު ފާހަގަ ކުރިއެވެ. އޭގެ އިތުރުން ނަރުދަމާގެ މަސައްކަތްވެސް މިހާރު ދަނީ ކިރިއަށް ކަމަށް އޭނާ މައުޅުމާތުދިނެވެ.

މިކަން މިހެން އޮއްވާ އަނެއްކާވެސް އިތުރު ވައުދުތަކެއް ވެވަޑައިގެން ރައީސް ކަންތައްތަކެއް ކޮއްދެއްވާނެ ކަމުގައި ފުޅަދޫގެ ރައްޔިތުންނަށް  ރައީސް ވަނީ އިއުލާން ކުރައްވާ ޔަގީންކަން ދެއްވާފައެވެ. އިންޑޯ ވޮލީ ކޯޓަކާ، ވޭސްޓްމެނޭޖްމެންޓް ސެންޓަރަކާ، ފަޅުތެރޭގައި ރިސޯޓަކާއި ފްލޯޓިން ޖެޓީއެއް އަޅާ އެކޮމަޑޭޝަން ބްލޮކެއް ވެސް އަޅާދެންވާނެކަމަށް ވައުދުވެވަޑައިގަތީއެވެ. ރައީސް ސޯލިހު ވައުދު ފުއްދަވާނެ ކަމަމެދަކު ފުޅަދޫ ރައްޔިތުން ޝައްކެއް ނުކުރެއެވެ. ރައީސް ސޯލިހަށް ރައްޔިތުންގެ އިތުބާރު އެބަ އޮތެވެ. ކުރީގެ ސަރުކާރުތަކުން މިކަހަލަ ކުދި ރަށްރަށައް އިހުމާލުވެފަިވިއަސް ރައީސް އިބްރާހީމް މުހައްމަދު ސޯލިހް ފުޅަދޫގެ ރައްޔިތުން އެތިބީ ހެއްވާލާފައެވެ.

]]> Tue, 22 Aug 2023 12:50:34 +0500 ޒުރޫ ޔާމީނުގެ ބަދަލުގައި މުއިއްޒު ނޫންގޮތެއް https://heerasnews.com/1761 https://heerasnews.com/1761 2013އިން ފެށިގެން 2018 އާއި ހަމައަށް އޮތް އަނިޔާވެރި ސަރުކާރު ނިމި އާދައުރެއް ފެށިގެން ދިއައެވެ.2018ގައި ފެށިގެން 2023ގައި ނިމިގެން މިދާ ސަރުކާރުގެ ދައުރަކީ ދިވެހިންނައް އުފާ ފާގަތިކަން ލިއްބައިދިން ދައުރެކެވެ. 

ކޮވިޑުގެ ދަތިހާލުގައި ވެސް ގައުމު ނަގާ ކޮޅައްޖެއްސެވީ މުއިއްޒު އެއް ނޫނެވެ. ޒަމާނުއްސުރެ އެތައް ނިކަމެތި ރައްޔިތުންނެއް އިންތިޒާރު ކުރަމުން ދިއަ ބޯހިޔާވަހިކަމުގެ އުއްމީދުގައި ކުލަ ޖައްސައި ދެއްވީ މުއިއްޒު އެއް ނޫނެވެ.

ކުޑަރަށެއް ބޮޑުރަށެއް ނުބައްލަވާ ނަރުދަމާ އަޅާދީ އެ ނިންމާ ލައްވަނީ މުއިއްޒުއެއް ނޫނެވެ. .އެތަކެއް ޒުވާނުން އުންމީދު ކުރަމުންއައި ފުޓްސެލް ދަނޑުތައް އެންމެ ފުރިހަމައަށް ނިންމާލަ ދެނީ މުއިއްޒުއެއް ނޫނެވެ.

މާލޭގެ އެންމެ ކާރުބާރު ބޮޑު އެއްމަގު ކަމުގައިވާ އަމީނީ މަގުގައި ތާރު އަޅައި ނިންމާލަނީ މުއިއްޒު އެއް ނޫނެވެ. މަތިހަށި ނަގާފައި ހަދަން ނިކުތް މަޖީދީމަގު ދެކިފާ ގަތްބިރުން ހަވާލާ މަތިއެއްވަރު ކޮށްލާ ގައުއަތުރާ އިހުއޮތް ހާލަށްވުރެ މަޖީދީމަގު ހަލާކޮށްލީ ލިއެވެ. މާލޭ ދެކުނު ފަޅަށް ނެރެއް ކަނޑާ އެތައް އުޅަދެއް ފުޑާލީ އާޖުފާޖު ނޭނގޭ މޭޔަރ މުއިއްޒެވެ. މާލޭ ހުޅަނގު ބޭރުމަގު އުތުރަށް ވެލިއަޅާ އުސްކޮށް މާލޭ ހުޅަގުކޮޅަކީ ސްވިމިންގޕޫލަކަށް ހެދި ހޮޅި މުއިއްޒެވެ. މިހެން ގޮސް ކިތަންމެ ކަމެއް ކިޔާލަދެވި ދާނެއެވެ. އިތުރައް މުޅި މާލޭގައި މުއިއްޒު ލައްވާ ހޮޅިއަޅާކަށް ރައްޔިތުންނެއް ބޭނުމެއްނޫނެވެ.

ހަގީގަތަކީ އިދިކޮޅުން ކިތަންމެ ވަރަކައް މުއައްޒު ނެރުވައިގެން ވޯޓު ހޯދުމަަށް ރައްޔިތުން ގާތައް އަޔަސް މިއަދު ރައްޔިތުން ތިބީ ގޮތް ނިންމައި ގެންނެވެ. ދެވަނަ ދައުރެއް އިބްރާހީމް މުހައްމަދު ޞާލިހް އަށް ދިނުމަށެވެ. ވަކި އާބާދީ އަކަށް ނުބަލާ ގައުމު ތަރައްގީ ކުރަން ވިސްނަވައިގެން މަސައްކަތް ކުރެއްވި އަދި ކުރައްވާނެ ރައީސް އަކީ ރައީސް އިބްރާހީމް މުހައްމަދު ސާލިހްއެވެ.

މުޅި ޖުމްލަކޮށް ބުނެލާނަމަ މުއިއްޒު އަކަށް އެއްކަމެއް ވެސް ނުކުރެވޭނެއެވެ. ހޮޅިހޮއްލަން މުއިއްޒު ވެރިކަމަށް ގެންނަން ބޭނުމެއް ނޫނެވެ. ޕީޕީއެމަށް ވެސް ބޭނުމެއް ނޫނެވެ.

]]> Mon, 21 Aug 2023 08:12:22 +0500 ޒުރޫ މީ އަޅުގަނޑު ދައްކާލާ ހުވަފެނެއް:ނާޒިމް https://heerasnews.com/1759 https://heerasnews.com/1759 ދުނިޔޭގެ އެކި ގައުމު ތަކުގައި ރިޔާސީ އިންތިހާބަކީ އެންމެ ވާދަވެރި ކަމާއެކު ބާއްވާ އެއް އިންތިހާބެވެ. ތަފާތު ޕާޓީ ތަކުގެ ތަފާތު ހިޔާލު ތަކުގެ ތަފާތު ވައުދުތައް  ފެނިގެން ދެއެވެ.

ރާއްޖެއަކީ ވެސް ރިޔާސީ އިންތިހާބުގެ ފޯރި ކުޑަ ގައުމެއް ނޫނެވެ. އެގޮތުން މި ދުވަސްވަރަކީ ރިޔާސީ އިންތިހާބުގެ ފޯރިޖެހި ޕާޓީތަކުންނާއި އަމިއްލަ ގޮތުން ވާދަކުރައްވާ ބޭފުޅުންގެ ކެންޕޭނު ހިގަމުންދާ ދުވަސްވަރެކެވެ.  އެކި އެކި ވައުދުތަކާ މެނިފެސްޓޯތައް އިއުލާން ކުރެވެމުން އިވެމުން އެބަ ދެއެވެ.

އެހެން ނަމަވެސް އިއްޔެ ރޭގެ ވަގުތެއްގައި އިއުލާން ކުރެވިގެން ދިޔައީ MNPގެ ވެރިކަމެއްގައި މާލެއައް ރާވާފައިވާ ހިޔާލީ ތަސައްވަރެކެވެ. ވިސްނާލުމެއް ނެތި ބަލާލައިފި ކޮންމެ މީހަކައް ސިފަ ވާނީ ހަމަ ސިންގަޕޫރާއި އެއް ފަދައިންނެެވެ. އެހާވެސް ކުރެހުންގަނޑާއި ވީޑިއޯޕްރެސެންޓޭސަން ފުރިހަމައެވެ. ނަމަވެސް ވިސްނާލައިފި މީހަކަށް މިކަން ގަބޫލު ކުރަން ދަތިވާނެއެވެ.

ރާއްޖެއަށް މުހިންމީ އަދިވެސް ވެރިރަށް މާލެއައް ބަރޯސާވުންތޯއެވެ. .ނޫނީ ޖަނަވާރުންގެ ޑޭކެއަރ ސެންޓަރެއްތޯއެވެ. ނޫނީ ތޮއްޖެހިފައިވާ މާލެ ސިޓީއަށް އަނެއްކާ ވެސް ބާރުބޮޑު ކުރަން އިތުރު މޯލްތަކާއި މުނިފޫހި ފިލުވުމުގެ ނަމުގައި ވަކި މަގްސަދެއް ހާސިލް ކުރުމައްޓަކައި ނާސިގެ ތަކެއް އުފައްދަން ތޯއެވެ.

ހަގީގަތަކީ މިއަދު ދިވެހިން ބޭނުން ވަނީ، އަމިއްލަ ރަށުގައި ނުވަތަ ރަށާއި ކައިރިން ހުރިހާ ހިދުމަތެއްވެސް ފަސޭހަ ކަމާއެކު ލިބެން ހުންނާށެވެ. ޖަނަވާރުންގެ ބަދަލުގައި މަސައްކަތުގައި އުޅޭ މައިންނަށް އެ މީހުންގެ  ކުދިންބލާނެ ރައްކާތެރި ޑޭކެއަރ ތަކެވެ. 

އެންމެ ބޮޑު ތަރައްގީއަކީ ދުނިޔޭގެ އެންމެ ޑެންސިޓީ ބޮޑު ވެރި ރަށަށް މާކެ ހެދުމަށް ދެއްކި މޮޅު ވާހަކަ ދައްކައިގެން މާލެ ނައިސް ނުވާ ގޮތަށް ހަދާ މާލެ ބިނާކުރުމުގެ ނަމުގައި މާލެފަނާ ކުރަން ކިރުފެލާ ގެރިއަށް ރައްތައް ވާކަށް މިހާރަކު ރަށުމީއަށް ގަބޫލެއް ނުކުރެވެއެވެ. އެ ބައެއްގެ އަމިއްލަ ރަށުގައި ސިއްހަތާ މުޖުތަމައަށް ނޭދެވޭ އަސަރެއް ނުކުރާނެ ފަދަ ކުޅިވަރާއި މުނިފޫހިފުލުވޭނެ ތަންތަނެވެ. .

ކޮންމެއަކަސް ވައުދެއް ވެއްޖެއެވެ. މިބޭފުޅުންނައް އުޅެ އެޅެވެސް އޮއްޓަރެއް ހުރި ރައްޔިތުންނަށް ފައިދާހުރި ވައުދެއް ނުވެވުނެވެ. ވާނީވެސް އެހެން ތާއެވެ. MDP ގެ މެނިފެސްޓޯގައި ނެއް ވައުދެއް ނެތެވެ.

މާކުރިން ވައުދުވެ ވައުދު ފުއްދަމުން އައި ވެރިއަކަށް ދެންވެސް ކުރެވޭނެ ކަންކަމާ ކޮއްދެވޭނެ ކަންކަމާ މާބޮޑަށް އެނގެއެވެ. ރައްޔިތުން އެންމެ ބޭނުން ޖެހިފަ ތިބި ކަންކަން މާގާތުން އެނގެއެވެ. ވައުދުގެ ވައުދު ފުއްދަވާ ވެރިއަކު ޓެސްޓްކޮށް އޭ ސްޓަރ ދީފާވާ އެހުރީ ހިދުމަތަށް ނިކުމެއެވެ. ރައްޔިތުން މިއަދު ބޭނުން ވަނީ ހަގީގީ ކުލަޖެހިފަވާ އުފާވެރި އަމާން ރާއްޖެއެކެވެ. ނާޒިމް މެން ތިޔަވދައްކަވާ ކުލަ ނުޖެހޭނެ ހުވަފެނެއް ނޫނެވެ.

]]> Sun, 20 Aug 2023 03:03:19 +0500 ޒުރޫ ޑިމޮކްރެޓުންގެ ރެއިންބޯ ހައްގު https://heerasnews.com/1537 https://heerasnews.com/1537 އެމެރިކާގައި ޑިމޮކްރެޓިކް ޕާޓީއަކީ އެމެރިކާގެ ބޮޑެތި ސިޔާސީ ޕާޓީތަކުގެ ތެރޭގައި ހިމެނޭ ޕާޓީއެކެވެ. އެ ޕާޓީގެ ޕްލެޓްފޯމްގައި ގިނަ މަސްލަހަތުތަކާއި ސިޔާސަތުތައް ހިމެނެއެވެ. ޑިމޮކްރެޓިކް ޕާޓީން އާންމުކޮށް އެލްޖީބީޓީކިޔޫ ހައްގުތަކާއި ހަމަހަމަކަމަށް ތާއީދު ކުރެއެވެ. އެހެނަސް ޕާޓީގެ ސްޓޭންޑެއްގެ ގޮތުގައި އެއްޖިންސުން ގުޅުން ހިންގުން ވަކިން ޕްރޮމޯޓް ކޮށް ހިތްވަރެއް ނުދެއެވެ.

ޑިމޮކްރެޓިކް ޕާޓީއަކީ ތާރީހީ ގޮތުން އެލްޖީބީޓީކިޔޫ ހައްގުތަކަށް ވަކާލާތު ކުރުމުގައި ހަރަކާތްތެރިވާ ޕާޓީއެކެވެ. ކައިވެނީގެ ހަމަހަމަކަމާއި ތަފާތު ނުކުރުމުގެ ރައްކާތެރިކަން ފަދަ ސިޔާސަތުތައް ކުރިއެރުވުމުގައި މުހިންމު ދައުރެއް އަދާކޮށްފައިވާ ޕާޓީއެކެވެ. ޑިމޮކްރެޓުންގެ ގިނަ ބަޔަކު ވަނީ އެލްޖީބީޓީކިޔޫ ފަރުދުންނަށް ހަމަހަމަ ހައްގުތަކާއި ރައްކާތެރިކަން ކަށަވަރު ކުރުމަށް އަމާޒުކޮށްގެން އަޅާފައިވާ ފިޔަވަޅުތަކަށް ތާއީދުކޮށްފައެވެ.

ޑިމޮކްރެޓިކް ޕާޓީއަކީ، ކޮންމެ ސިޔާސީ ޕާޓީއެކޭ އެއްފަދައިން ތަފާތު ވިސްނުމާއި ޚިޔާލު ތަފާތު ފަރުދުންގެ މައްޗަށް އެކުލެވިގެންވާ ޕާޓީއެއްކަން ފާހަގަ ކުރުން މުހިންމެވެ. ޕާޓީގެ ޕްލެޓް ފޯމުން އާންމުކޮށް އެލްޖީބީޓީކިޔޫ ހައްގުތަކަށް ތާއީދުކުރާއިރު ވަކިވަކި ޑިމޮކްރެޓުންގެ ވިސްނުން އެއްޖިންސުން ގުޅުން ހިންގުމާ ނުވަތަ އެލްޖީބީޓީކިޔޫ ހައްގުތަކާ ގުޅޭ ވަކި މައްސަލަތަކުގައި ތަފާތު ވެދާނެއެވެ. އެކި ސިޔާސީ ބޭފުޅުންގެ ސިޔާސަތު ތަކާއި މަގާމުތައް ނުވަތަ ޚުދު ޕާޓީގެ ޕްލެޓްފޯމްގެ މައްޗަށް ދިރާސާކޮށް އެކި މައްސަލަތަކުގައި އެ ބޭފުޅުންގެ ވިސްނުން އިތުރަށް ފުރިހަމައަށް ދެނެގަތުމަކީ އަބަދުވެސް ރަނގަޅު ކަމެކެވެ.

ދިވެހިރާއްޖޭގެ ދަ ޑިމޮކްރެޓްސްއަކީ ކުރީގެ ރައީސް މުހައްމަދު ނަޝީދަށް ތާއީދު ކުރައްވާ މެންބަރުން އިސްވެ ތިއްބަވައިގެން އުފައްދަވާ ޕާޓީއެކެވެ. އިލެކްޝަންސް ކޮމިޝަނުން ޑިމޮކްރެޓްސް އުފެއްދުމުގެ ހުއްދަ ދިނީ މެއި 24 ގައެވެ. އެއާ އެކު އެ ޕާޓީ އުފެއްދުމަށް ބޭނުންވާ 3000 މެމްބަރުން ހަމަކުރުމުގެ މަސައްކަތް ޕާޓީއިން ވަނީ ފަށާފައެވެ.

ރާއްޖޭގައި ދަ ޑިމޮކްރެޓްސް އުފައްދަނީ އެމެރިކާގެ ޑިމޮކްރެޓިކް ޕާރޓީގެ ސިޔާސަތުތަކާ އެއްގޮތަށް ކަމަށްވެއެވެ. އެމެރިކާގެ ޑިމޮކްރެޓްސް އަކީ އެލްޖީބީޓީކިޔޫ ހައްގުތަކަށް ވަކާލާތު ކުރުމުގައި ހަރަކާތްތެރިވާ ޕާޓީއެކެވެ. އެހެން ކަމަށް ވާނަމަ ދަ ޑިމޮކްރެޓްސް އަކީ އެއްޖިންސުން ގުޅުން ހިންގުމަށް ހިތްވަރުދޭ ޕާޓީއަކަށް ވެދާނެހެއްޔެވެ.

ދަ ޑިމޮކްރެޓްސް އަކީ ރައީސް ނަޝީދުގެ މަސްލަހަތުގައި ނަޝީދުގެ ފިކުރު ދިރުވަން އުފައްދާ ޕާޓީއެއް ކަމާމެދަކު ޝައްކެއް ނެތެވެ. ރައީސް ނަޝީދުގެ ވަށައިގެން ހުރި ކަންކަމަށް ބަލާލުމުން އެލްޖީބީޓީކިޔޫ އަށް ތާއީދު ކުރައްވާކަމަށް ގަބޫލު ކުރެވޭ ހެކިތައް އެބަހުއްޓެވެ.

ރައީސް ނަޝީދާ ދެބެންގެ ދެދަރި އައިޝާ ވެރޯލް ނިއުޒީލޭންޑްގައި އެލްޖީބީޓީ ޕްރޮމޯޓް ކުރައްވައެވެ. އައިޝާ ވެރޯލް އަކީ އަންހެނެކެވެ. ނިއުޒިލެންޑްގެ ވަޒީރެކެވެ. ކައިވެނި ބައްލަވައިގެން އުޅުއްވަނީ ވެސް އެއްޖިންސުންނެވެ. އެލިސް ރެވެލް ކިޔާ އަންހެނަކާއެވެ. އެ މުޑުދާރު އަމަލު ކުރުމުގައި އައިޝާ ވެރޯލް ދެމިހުންނަވާއިރު އާއިލީ އަދި ސިޔާސީ ބަދަހިގުޅުން ރައީސް ނަޝީދާއި އަދި މުޅި އެ އާއިލާ އައިޝާ ވެރޯލްއާއި އެކު ބަރާބަރަށް އޮވެއެވެ. 

އަނެއް ކޮޅުން ދާދިފަހުން ރައީސް މުހައްމަދު ނަޝީދުގެ ކޮއްކޯފުޅު ނާޒިމް އަބްދުއްސައްތާރު ވަނީ ފާޅުކަން ބޮޑުކޮށް އެއްޖިއްސުން ގުޅުން ހިންގިކަން ސާބިތުވެފައެވެ. ފުޅާ ދާއިރާއެއްގައި މަތީފެންވަރެއްގައި ދާދިފަހުން އެއްޖިންސުން ގުޅުން ހިންގާފައިވާ އެ ހަނޑި މުޑުދާރު އަމަލު ރައީސް ނަޝީދުގެ ޢައިލާގެ ތެރޭގައި އޮތްކަން ސާބިތުވުމުން ދަ ޑިމޮކްރެޓްސްއަކީ އެލްޖީބީޓީއާއި ދެކޮޅު ނުހެދޭނެ ބައެއްކަމަށް ބުނާނެ ޖާގަ އެބައޮތެވެ. 

]]> Tue, 20 Jun 2023 09:57:57 +0500 ޒުރޫ އެޖެންޓް އަފީފާ މަޖިލީހުގެ ތަޅުން https://heerasnews.com/1536 https://heerasnews.com/1536 އަމިއްލަ މަންފާއެއް ހާސިލް ކުރުމަށް އެ ބުނާ 13 މެންބަރަކު ތިބީ އިއްޒަތްތެރިކަމާއެކުއެވެ. 13 މެމްބަރުންނަކީ ވެސް އެ ދާއިރާތަކަށް އެންމެ ހަރާންކޯރު ތޭރަ މެމްބަރުންނެވެ. އިއްޒަތްތެރިކަމާއެކު ގަދަބާރުން ހުރިހާކަމެއް ވެސް ކުރައްވާށެވެ. ގަދަރުވެރިކަމާއެކު ތިމާ ބޭނުން ގޮތަކަށް ކަންކަން ހިންގުމަށެވެ. ރުޅިވެރިކަމާއި، ފަޓުލޫނާއި، ދުފާއެއްޗެހީގެ ވާހަކަވެސް ދެކެވެނީ ގެއްލެން އޮތް އެއްޗެއްގެ ބޮޑުކަމުންނެވެ. ކަންވާނީ ވެސް އެހެންނެވެ. އެއްޗެއް ގެއްލިގެންދާ އިރު އެ އެއްޗެއްގެ އަގުވެސް އެނގެއެވެ. 

ޖަލްސާގައި އާޒިމް އެހާ ވަރަށް އަވަގުރާނަ ގޮވި އިރު، ރިޔާސަތުން އިންނެވީ މެންބަރު މޮސްޓާ ވިދާޅުވިހެން މަކުނު ސައްކެޔޮ ގަހަށް އަރާ އިންނަ ގޮތަށެވެ. މާދުރުގައި ހުންނެވި ބޭފުޅަކު ވިދާޅުވި ގޮތަށް މަޖިލީހުގެ ނިޒާމް ގެއްލުވާލަން ފުރުސަތު ދީގެންނެވެ. އަދި މަންޒަރު ބަލައިގެން އަތްޖައްސަވާށެވެ.

މުޅި ގައުމު ފާލުން ނައްޓުވާލުމަށް ކުރާ މަސަތްކަތަކީ ރައީސް ނަސީދުގެ އެޖެންޓެއްގެ ހައިސިއްޔަތުން އަފީފު އިސްވެ ހުންނަވާ ކުރައްވަމުން ގެންދަވާ މަސަތްކަތެކެވެ. "އިސްލާމްދީނުގެ އަސްލުތަކާ ހިލާފުނުވެ، ދިވެހިރާއްޖޭގައި ބަސްމޮށުމުގެ އަދަބުތަކަށް ހުރުމަތްތެރިކޮށް ހިތައިގެން، މަޖިލީހާއި މަޖިލީހުގެ އެއްވެސް މެންބަރެއްގެ އިއްޒަތާއި ކަރާމާތަށް އުނިކަމެއް ނާންނާނެ ގޮތަށް" މެންބަރަކު މަޖިލީހުގެ ތަޅުމުގައި ދައްކަމުން ގެންދާ ވާހަކައެއް ހުއްޓާލުމަށް ރިޔާސަތަކަށް ނުއެންގޭނެއެވެ. އެކަހެނަސް އެޔާހިލާފަށް ބަސްމަގު ހުރެއްޖެނަމަ ވަގުތުން ހުއްޓުވަން ޖެހެއެވެ. 

ރިވެތި ހަމަޔާ އުސޫލު އޮޅާލާ މަޖިލސް 13 މެންބަރުންގެ ނާޗަރަންގީ ހޯލަކަށް ބަދަލުކުރުމުގައި އެޖެންޓް އަފީފް އިންނަވަނީ ނިންމާލުމުގެ އަމރުގެ ކޯލު އަންނަން ދެނެވެ. ނިޒާމީ ނުކުތާތަކަށް ފުރުސަތު  ދީގެން މަޖިލީސްގެ ކަރާމާތައް އަރައިގަންނަން އަފީފު ފުރުސަތު ދެއްވަމުންނެވެ. 13 މެމްބަރަކު ބޭނުންވާ ގޮތަށެވެ.

]]> Mon, 19 Jun 2023 19:06:17 +0500 ޒުރޫ ބާރާއި ނުފޫޒު ހޯދުމަށް ސަރުކާރާ ދެކޮޅަށްނުކުތުން https://heerasnews.com/1535 https://heerasnews.com/1535 ބާރާއި ނުފޫޒަށްޓަކައި ސަރުކާރާ ދެކޮޅަށް ނުކުތުމަކީ ގިނަ ފަހަރަށް ނުރައްކާތަކާއި ޔަގީންކަން ނެތް ކަންތައްތަކުން ފުރިފައިވާ ކޮމްޕްލެކްސް އަދި ގޮންޖެހުންތަކެއް ހުރި މަސައްކަތަކަށް ވެދާނެއެވެ. ފާހަގަ ކުރުން މުހިންމީ ބާރާއި ނުފޫޒަށްޓަކައި ސަރުކާރަކާ ދެކޮޅުހެދުމަކީ ގާނޫނީ އަދި އަޚްލާޤީ ގޮތުން ފައިދާތަކެއް ކުރާނެ ކަމެއް ނޫންކަމެވެ. 

ސަރުކާރުގެ ބާރަށް ގޮންޖަހާލުމަކީ، ސަރުކާރުގެ ސިޔާސަތުތަކާއި، ނިންމުންތަކާއި، ނުވަތަ އަމަލުތަކާ މެދު ސުވާލު އުފެއްދުމަށް ނުވަތަ އެކަމަށް ފުރައްސާރަ ކުރުމަށް ތިމާގެ ހިތުން ވަރުގަދައަށް ގަބޫލު ކުރެވޭ ގަބޫލު ކުރުމެކެވެ. ހާލަތަށް ބަލާފައި ސުލްހަވެރި މުޒާހަރާތަކާއި، މަދަނީ ނުކިޔަމަންތެރިކަމާއި، ގާނޫނީ ގޮންޖެހުންތަކާއި، ނުވަތަ ހަތިޔާރާއެކު ދެކޮޅުވެރިވުން ފަދަ ތަފާތު ގޮތްގޮތަށް އިދިކޮޅު ފަރާތްތައް ދެކޮޅުވެރި އަމަލުކުރެއެވެ.

ސަރުކާރާ ދެކޮޅަށް އިދިކޮޅު ކަންކަމުގައި ބައިވެރިވުމަކީ ވަކިވަކި ފަރުދުން ނުވަތަ ޖަމާއަތްތަކަށް ބޮޑެތި ނުރައްކާތަކެއް ކުރިމަތިވެދާނެ ކަމެކެވެ. މި ނުރައްކާތަކުގެ ތެރޭގައި ޖިސްމާނީ ގެއްލުން، ޖަލަށްލުން، ދިރިއުޅުމުގެ ވަސީލަތްތައް ގެއްލުމާއި، ތިމާގެ އަމިއްލަ އަބުރާއި، ނުވަތަ އަމިއްލަ ގުޅުން ތަކަށް ގެއްލުން ލިބުން ހިމެނެއެވެ. ގިނަ ފަހަރަށް ސަރުކާރުތަކުގެ އަތްމަތީގައި ގިނަ ވަސީލަތްތަކާއި ބާރެއް ހުރުމުން، ސަރުކާރުތަކަށް ފައިދާހުރި ގޮތެއްގައި ގޮންޖަހާލުމަކީ ދަތިކަމެކެވެ.

އެއްގޮތް ކަންބޮޑުވުންތަކެއް ނުވަތަ ލަނޑުދަނޑިތަކެއް ހިއްސާކުރާ އެއް ވިސްނުމެއްގެ ފަރުދުން ނުވަތަ ޖަމިއްޔާތަކުގެ ނެޓްވޯކެއް ބިނާކުރުމަކީ ބާރާއި އެއްބާރުލުން ލިބިގެންދާނެ ކަމެކެވެ. އިއްތިހާދުގެ ގައުމުތަކަށް އެހީތެރިކަމާއި ވަސީލަތްތަކާއި ތަޖުރިބާއާއި ރައްކާތެރިކަން ފޯރުކޮށްދީ، އިދިކޮޅު ހަރަކާތުގެ ފައިދާއާއި އަސަރު އިތުރު ކުރެވޭނެއެވެ. ސްޓްރެޓެޖީތަކާއި އުކުޅުތަކުގެ މަޤްޞަދުތަކަށް ބަލާއިރު ތަފާތު ސްޓްރެޓެޖީތަކާއި އުކުޅުތައް ބޭނުން ކުރެއެވެ. އޭގެ ތެރޭގައި މީޑިއާ ކެމްޕޭންތަކުގެ ތެރެއިން އާންމުންގެ ހޭލުންތެރިކަން އިތުރުކުރުމާއި، އާންމު ޚިޔާލު އެއްކުރުމާއި، ގާނޫނީ ހަނގުރާމަ ތަކުގައި ބައިވެރިވުމާއި، ސިޔާސަތަށް ބަދަލު ގެނައުމަށް ލޮބީކުރުމާއި، ނުވަތަ އިންތިޚާބު ތަކުން ނުވަތަ އެ ނޫން ވެސް ގޮތް ގޮތުން ސިޔާސީ ބާރު ހީވާގިކަމާއެކު ހޯދުން ހިމެނެއެވެ.

ސިޔާސީ މޫސުމާއި އާންމުންގެ ތަސައްވުރަށް ނަޒަރު ހިންގާލާއިރު ސަރުކާރާ ދެކޮޅުހެދުމުގެ ކާމިޔާބީ ނުވަތަ ނާކާމިޔާބީއަށް ނުފޫޒު ފޯރުވޭނީ އޮތް ސިޔާސީ މާހައުލާއި އާންމު ރައްޔިތުންގެ ތަސައްވުރުގެ ސަބަބުންނެވެ. އާންމުންގެ ތާއީދާއި ހަމްދަރުދީއާއި، މީޑިއާ ކަވަރޭޖާއި، ބައިނަލްއަޤްވާމީ ޚިޔާލާއި، އާބާދީގެ ޖުމްލަ މޫޑުން މިފަދަ މަސައްކަތްތަކުގެ ނަތީޖާއާއި އަސަރު ބައްޓަން ކުރެވިދާނެއެވެ. 

އަޚްލާޤީ ގޮތުން ވިސްނަންޖެހޭ ކަންތައްތަކަށް ބަލާއިރު އަމިއްލަ ފައިދާއަށް ނުވަތަ އަމިއްލަ މަސްލަހަތަށްޓަކައި ބާރާއި ނުފޫޒު ހޯދުމުގެ އަޚްލާޤީ ނަތީޖާތަކަށް ވިސްނުން ކޮންމެހެން ބޭނުންތެރިއެވެ. ތިމާގެ މޮޓިވޭޝަންސް ސާފުކޮށް ދެނެގަނެ، ކުރާ އަމަލުތައް އިންސާފުވެރިކަމާއި، އިންސާފާއި، ހެޔޮވެރިކަމުގެ އުސޫލުތަކާ އެއްގޮތްވާކަން ކަށަވަރު ކުރުން މުހިންމެވެ.

ފާހަގަކޮށްލަންޖެހޭ ކަމަކީ ބާރާއި ނުފޫޒަށް ސަރުކާރާ ދެކޮޅަށް ދިއުމަކީ އޭގެ ޒާތުގައި މަތިވެރި ނުވަތަ ހެޔޮކަމެއް ނޫނެވެ. މިފަދަ އަމަލުތަކުގެ ފަހަތުގައިވާ ސަބަބުތަކާއި އުސޫލުތަކާއި ނިޔަތްތަކުގެ ސަބަބުން އެ އަމަލުތަކުގެ އަޚްލާޤީ އަދި މުޖުތަމަޢަށް ވަރަށް ބޮޑަށް އަސަރު ފޯރުވައެވެ.

]]> Mon, 19 Jun 2023 19:03:51 +0500 ޒުރޫ މަނާ މަންތިރިވެ ބޮނދު ބުޑަށް ސައިކިޔާ އަރާނެ ގެ ހުސްވެއްޖެ https://heerasnews.com/1499 https://heerasnews.com/1499 ނަސީދު މިހާރު ދެން އެންމެ ރަނގަޅު ވާނީ އަނެއްކާ ވެސް އިސްތިއުފާ ދެއްވިއްޔާއެވެ. އެ މަނިކުފާނު އިސްތިއުފާ ދެއްވާފައި މެންބަރުކަން ވެސް ދޫކުރައްވާ ވަޑައިގެންނެވިއްޔާއެވެ. ސިޔާސީ ގޮތުން ނަޝީދަށް ދެން ކުރިމަގެއްނެތެވެ.  ކުރިން ރައްޔިތުން ދިން ލޯތްބާއި އިޙްތިރާމެއް ނެތެވެ. އެ އިހުތިރާމާ ލޯބި އަމިއްލަފުޅަށް ވެއްޔާ މޮޑެލައްވައިފިއެވެ.

ގިނަ ރައްޔިތުންގެ ލޯތްބާއި އިހްތިރާމު އޮތީ ރައީސް އިބްރާހިމް މުޙައްމަދު ޞާލިޙަށެވެ. ހަގީގަތާ ދެކޮޅަށް މަސައްކަތް ކުރައްވައިގެން ނަޝީދަށް ނަތީޖާއެއް ހާސިލު ނުކުރެއްވޭނެއެވެ.

ރައްޔިތުން އިސްކުރާ މަގާމެއްގެ ދައުރު ފުރިހަމަ ކުރެއްވޭ ބޭފުޅަކަށް ނަޝީދު ނުވެއެވެ. ރައްޔިތުންގެ މަޖިލީހުގެ މެންބަރުކަމަށް މާލޭ ރައްޔިތުން ކުރިންވެސް އޭނާ ހޮވިއެވެ. އުޅުއްވެވުނު ގޮތަކުން ދައުރު ފުރިހަމަ ނުކުރައްވާ ޖެހިވަޑައިގަތީ މަގާމާ ވަކިވެ ވަޑައި ގަންނަވާށެެ. އެމްޑީޕީގެ ފުރަތަމަ ވެރިކަމުގައި ރައީސްކަން ލިބި ވަޑައިގަތުމުން ވެސް ޖެހިވަޑައިގަތީ މަގާމު ދޫކުރައްވާށެވެ. ރައްޔިތުންގެ މަޖިލީހުގެ ރައީސް ކަން ލިބި ވަޑައިގަތުމުން ޖެހިވަޑައިގަންނަވަނީ ހަމަ އެދަތުރެވެ.

މަޖިލީހުގެ ރައީސް މުހައްމަދު ނަޝީދު އެ މަގާމުން ވަކިކުރުމަށް އެމްޑީޕީގެ ޕީޖީ ގުރޫޕުން ނިންމާފައިވާ ނިންމުމާއެކު އެ ކަމާއި ގުޅޭ ގަރާރުގައި 54 މެންބަރުން ސޮއި ކުރައްވައި އިތުބާރު ނެތްކަމަށް އެއޮތީ ހުށަހަޅާފައެވެ. ނަޝީދުގެ އިތުބާރު ނެތްކަމަށް  ފާސް ކުރުމަށް ބޭނުންވަނީ 44 މެންބަރުންގެ ވޯޓެވެ. އެހެންކަމުން މަޖިލީހުގެ ރައީސް ކަމުން ނަސީދު ވަކިކުރަން ފާސްވާނެކަން ޔަގީނެވެ.

މަޖިލީހުގެ ރައީސް ކަމުގައި އިންނަވާއިރު މައްޗަށްގޮޅީ މެދު ދާއިރާގެ ރައްޔިތުން ތަމްސީލު ނުކުރެއްވޭކަން ނަޝީދަށް ވިސްނި ވަޑައިގަތީ އިތުބާރު ނެތްކަމުގެ ވޯޓު ނަގާ ހިސާބަށް ދިޔުމުންނެވެ. މައްޗަންގޮޅީ މެދު ދާއިރާގެ ރައްޔިތުން ހަނި އަގުލަބިއްޔަތަކުން ދާއިރާ ގޮނޑީގައި ވެޑުވީމާ ރައްޔިތުން މަތިން ހަނދުމަ ނައްތަވާ ލައްވައިގެން ހުންނެވުމަށް ފަހު ކުއްލިޔަކަށް ދާއިރާ ރައްޔިތުން ހަވާލުކުރެއްވި މަސްއުޅިއްޔަތު އަދާ ނުކުރެއްވުނުކަން އިހުސާސްވެ ވަޑައިގެންފިއެވެ. ދައުރު ހަމަވާން އަހަރަކަށް ވުރެ ކުރުވުމުން ދެން ދާއިރާގެ ރައްޔިތުން ތަމްސީލުކުރައްވަން ބޭނުންފުޅުވެ ވަޑައިގަންނަވާ ވާހަކަ ދެއްކެވީމާ ދާއިރާ ރައްޔިތުން ކުރަނި މަލަމާތެވެ. 

ވެރިކަން ލިބި ވަޑައިގަތުމުން ހެއްދެވިހެން އިސްތިއުފާދީފަ ގެއައް ކަނޑާލާށޭ ބުނާކަށް ނެތީމެވެ. މީހުންލައްވާ ނުބައިހައްދަމުން އަންދާގާނޫނު ކުޅެމުން ދާއިރު ރައްޔިތުން ތިބީހޭލާ ބަލާށެވެ. ރައްޔިތުންގެ އިހުސާސެއް ޑިމޮކްރަސީއެއް ވެސް އެނގިވަޑައެއް ނުގަތެވެ. ވެރިކަމެއްވެސް ނުކުރެއްވުނެވެ.

އާދައިގެ މަތިން ދައުރު ހަމަ ނުކުރައްވާ މައްޗަންގޮޅީ މެދުދާއިރާގެ ގޮނޑި ވެސް ދޫކޮށް ލެއްވިއްޔާ މާރީތިވާނެއެވެ. ނަސީދު ކުރިއަށް ކުޅުއްވާ ހަކުޅި އާއި ގޭ މީހުންކުޅޭ ކުޅިއާއި ، މީހުންލައްވާ މިހާރު ތިޔަ ކުޅުއްވާކުޅި ރައްޔިތުންނަށް ސާފެވެ. ރޭންބޯ ދިދަ ނަންގަވައިގެން އަނެއް ގޮތް ހޯއްދަވައިގެން އަނެއް ރާއްޖެއަށް ޗަގޯސް ހައްދަވަން ވަޑައިގަންނަވާށެވެ.

މަނިކުފާނަށް ރައްޔިތުންޖެ މަޖިލީސްގެ އިތުބާރެއް ނެތެވެ. ރައްޔިތުންގެ އިތުބާރެއްވެސް ތެވެ. ކުޅުއްވިހާ ކުޅިއެއް ތިޔަ ކުޅުއްވީ ފަހަތަށެވެ. ގޯލު ޖެއްސެވީ ބައިކޮޅަށެވެ. ތިޔަ ހުންނެވީ މަނާ މަންތިރިވެ ބޮނދު ބުޑަށް ސައިކިޔާ އަރާނެ ގެ ހުސްވެފައެވެ. ރަނގަޅުވާނީ މިނައްވަރު ވިދާޅުވާހެން ގެއަށް ކަނޑާލެއްވިއްޔާއެވެ.

]]> Wed, 07 Jun 2023 13:02:39 +0500 ޒުރޫ މެންބަރުން ނަސީދަށް : މުގާބޭއަށް އިތުބާރެއް ނެތް https://heerasnews.com/1498 https://heerasnews.com/1498 އައު ގާނޫން އަސާސީއެއް ހަދައިގެން މަޖިލީހަށް މިނިވަންކަން ހޯދިތާ ގާތްގަނޑަކަށް 15 ވަރަކަށް އަހަރު ވަނީއެވެ. އެމުއްދަތުގައި އެތައް ޖަލްސާއެއް ބާއްވާފައިވެއެވެ. 6 ޖޫން 2023 ވަނަ ހޯމަ ދުވަހު ބޭއްވީ ވެސް ރައްޔިތުންގެ މަޖިލީހުގެ ޖަލްސާ އެކެވެ. ހުދު މުހުތާރުކަން އިންތިހާ ދަރަޖައަށް ފެނިގެން ދިޔަ ޖަލްސާއެކެވެ. މީހަކު މޮޔަވެ ހޭބުއްދި ފިލާފައި އިން ޖަލްސާއެކެވެ. އިދި ކޮޅު މެންބަރުން އޭޖީއަށާއި ސަރުކާރުގެ މެންބަރުންނަށް އަތް އުއްކަވާ އަޑުފުޅު ގަދަ ކުރައްވަމުން ގެންދެވިއިރު މަޖިލީހުގެ ރިޔާސަތުގައި އިންނެވި މަޖިލީހުގެ ރައީސް މުހައްމަދު ނަޝީދު އިންނެވީ ހިނިފުޅުވަޑުވާލަ ވަޑުވާލައެވެ. އެ މެންބަރުންނާ ހެދި މަޖިލީހުގެ ނިޒާމް ގެއްލިފައިވާއިރު ވެސް ރިޔާސަތުން އެކަމަކަށް މާބޮޑު ފަރުވާލެއް ނެތެވެ. 

ސިފަވީ މަސްހޫރު މުގާބޭގެ ވެރިކަމުގެ ވާހަކައެވެ. މީހުންގެ ކުރިމަތީ ހަޔާތް ކުޑަކޮށް ނަޝީދު އުޅުއްވާތަން މީގެކުރިން ވެސް ފެނެއެވެ. އެހެން ނަމަވެސް މިވަރުގެ ކަމެއް އަދި ނުފެނެއެވެ. މަޖިލީހުގެ ރައީސް ޔޯލައެވެ. ރާއްޖޭގެ ކުރީގެ ރައީސް ވެސް މެޔޯލައެވެ. މިވަރުގެ ބޭފުޅަކު މިހާ ގޮތެއް ނެތުނީ ކީއްވެބާއެވެ. ކޮކަޑިކޭމީދާ ގަދަވީމާ އުޅޭފާޑަށް މި ރައީސްމީހާ އުޅުއްވަނީ ކީއްވެބާއެވެ. މައްސަލަ ހުށަހެޅުއްވި އަދި މަޖިލީހުގެ ރިޔާސަތު ވެސް ތާއީދު ކުރައްވައިގެން ހުންނެވި އިދިކޮޅު މެންބަރުންނާ އެ ނޫން މެންބަރުންނާ މެދު ރިޔާސަތުން ވަރަށް ހުޝިޔާރެވެ. ގޮނޑިކޮޅުގައި އިންނަވައިގެން ބާރަށް ބަސްފުޅުވިދާޅުވެއެވެ. ދެންމެ ދެންމެ ނަން އިއްވަން ޖެހިވަޑައިގެންފާނެ ކަމުގެ އިންޒާރު އެ މެންބަރުންނަށް ދެއްވައެވެ. އެހެން ނަމަވެސް އެވީ ހުސް ވާހަކަފުޅު ތަކަކަށެވެ. މަޖިލީހުގެ ނިޒާމް އޮތީ އެކޚި އެކައްޗަކަށް ގެއްލިފައެވެ. ސީދާ ރިޔާސަތުން ކަންކުރެއްވި ގޮތުންނެވެ.

މަޖިލީސް ހިނގާ ގޮތާ މެދު ހިތްހަމަނުޖެހި، އެމްޑީޕީގެ މެންބަރުން ނުރުހުން ފާޅުކުރާތާ އެތައް ދުވަހެއް ވެފައިވާއިރު، އެ ޕާޓީން ބޭއްވި ޕީޖީ ބައްދަލުވުމެއްގައި ވަނީ ނަޝީދު މަޖިލީހުގެ ރައީސް ކަމުން ވަކިކުރަން ނިންމާފައެވެ. އެހެންވެ، އެ މަނިކުފާނުގެ އިތުބާރު ނެތް ކަމުގެ މައްސަލަ ހުށަހަޅަން ބޭނުންވާ ސޮއި ހަމަކުރުމުގެ މަސައްކަތް ފެށިއެވެ.

ޕީޖީ ބައްދަލުވުމުގައި ބައިވެރިވި 41 މެންބަރުންގެ ތެރެއިން 36 މެންބަރުން ވޯޓް ދެއްވީ ނަޝީދުގެ އިތުބާރު ނެތް ކަމަށެވެ. މަޖިލީހުގައި ނަޝީދާ ނުލައި އެމްޑީޕީގެ 55 މެންބަރުން ތިއްބަވައެވެ. މަޖިލީހުގެ ރައީސްގެ އިތުބާރު ނެތް ކަމުގެ މައްސަލައެއް ފާސް ކުރަން ބޭނުންވަނީ 43 މެންބަރުންގެ ވޯޓެވެ. އެހެންވެ، އެމްޑީޕީން ބޭނުން ވެއްޖެ ނަމަ، ނަޝީދު އެ މަގާމުން ވަކި ކުރެވޭނެއެވެ. 54 ހަތަރު މެންބަރުންގެ ސޮއާއިއެކު ނަޝީދުގެ އިތުބާރު ނެތްކަމުގެ މައްސަލަ އެއޮތީ މަޖިލީހަށް ވައްދާފައެވެ. ނަސީދުގެ އަޑިނުބައި ރޭވުން އަދި ކުރިއައް އޮތީއެވެ. ވެރިކަމާހުރެ މީހަކު ބުލިޗްބޯ ހަމަށް ގޮސް ހަމަ ބުއްދިފިލާ ރޭރެއް ރޭރުވެގެން އުޅޭފާޑަށް އުޅޭތަން އަދި ފެންނާނެއެވެ.

]]> Wed, 07 Jun 2023 13:00:31 +0500 ޒުރޫ ތަރައްގީއަށް ހުރަސްއެޅޭ ހާލަތްތައް https://heerasnews.com/1493 https://heerasnews.com/1493 ޤައުމެއްގެ ތަރައްޤީއަށް އޮތް ހުރަހަކީ އެ ޤައުމެއްގެ ވަކި ޙާލަތްތަކާއި ކޮންޓެކްސްޓަށް ބަލާފައި ތަފާތުވެދާނެ ކަމެކެވެ. ނަމަވެސް ގިނަ ގައުމުތަކަށް ދިމާވާ އާންމު ބައެއް ހުރަސްތައް އެބަހުއްޓެވެ. މިއީ ޤައުމެއްގެ ތަރައްޤީއަށް ހުރަސް އެޅިދާނެ މުހިންމު ބައެއް ކަންތައްތަކެވެ.

ސަރުކާރަށް ގިނަގިނައިން ބަދަލު އައުމާއި، ސިޔާސީ ހަމަނުޖެހުންތަކާއި، ކޮރަޕްޝަނާއި، ފައިދާހުރި ވެރިކަމެއް ނެތުމަކީ ތަރައްގީގެ މަސައްކަތްތަކަށް ހުރަސްއެޅޭ ނުތަނަވަސް މާހައުލެއް އުފެދިދާނެ ކަމެކެވެ. އެކަށީގެންވާ އިންފްރާސްޓްރަކްޗަރެއް ނެތުމާއި، ފަގީރުކަން މަތިވުމާއި، އާމްދަނީގެ ނުތަނަވަސްކަމާއި، ރައުސުލްމާލާއި ކްރެޑިޓް ލިބުން މަދުވުމާއި، މަދު ސިނާއަތްތަކަށް ނުވަތަ ވަސީލަތްތަކަށް ބަރޯސާވުން ފަދަ ކަންކަމަކީ އިގްތިސާދީ ކުރިއެރުމާއި ތަރައްގީއަށް ހުރަސްއެޅޭ ކަންކަމެވެ. ތަޢުލީމަށް އެކަށީގެންވާ ވަރަށް އިންވެސްޓް ނުކުރުމާއި، ފެންވަރު ރަނގަޅު ތަޢުލީމު ނުލިބުމާއި، ވަޒީފާގެ ބާޒާރުން ޑިމާންޑްކުރާ ހުނަރާއި ވަޒީފާގެ ބާރުގެ ހުނަރު ތަފާތުވުމަކީ ދުނިޔޭގެ އިޤްތިޞާދެއްގައި ވާދަކުރުމުގެ ޤާބިލުކަން ޤައުމަކަށް ހަނިކުރެވޭނެ ކަމެކެވެ.

ދަތުރުފަތުރާއި ހަކަތައާއި މުވާސަލާތީ އިންފްރާސްޓްރަކްޗަރ އެކަށީގެންވާ ވަރަށް ނުލިބުމަކީ ވިޔަފާރި ހަނިވެ، ގުޅުމަށް ހުރަސްއެޅި، އިންވެސްޓްމަންޓްގެ ހިތްވަރު ގެއްލިދާނެ ކަމެކެވެ. ތަފާތުކުރުމާއި، ޖިންސީ ނުތަނަވަސް ކަމާއި، އިޖުތިމާޢީ ހަމަނުޖެހުން ތަކާއި، އިޖުތިމާޢީ އެއްބައިވަންތަކަން ނެތުން ފަދަ މުޖުތަމަޢުގެ މައްސަލަތަކުގެ ސަބަބުން ތަރައްޤީގެ މަސައްކަތް ތަކަށް ބުރޫއަރާ، އިޖުތިމާޢީ ޓެންޝަންތައް އުފެދިދާނެއެވެ.

ކުޅިތައް ކެނޑުމާއި، ތަޣައްޔަރުވުމާއި، މޫސުމަށް އަންނަ ބަދަލުތަކާއި، ވަސީލަތްތައް މަދުވުން ފަދަ މައްސަލަތަކުގެ ސަބަބުން ޤައުމެއްގެ ދެމެހެއްޓެނިވި ތަރައްޤީއާއި ދިގުމުއްދަތުގެ ތަނަވަސްކަމަށް ގެއްލުންހުރި އަސަރުތަކެއް ކޮށްފާނެއެވެ. އެކަށީގެންވާ ސިއްހީ ޚިދުމަތުގެ ނިޒާމުތައް ނެތުމާއި، ފެންވަރު ރަނގަޅު ސިއްހީ ހިދުމަތްތައް ނުލިބުމާއި، ބަލިތައް އާންމުވުމަކީ އިންސާނީ ތަރައްޤީއާއި އުފެއްދުންތެރިކަމަށް ނޭދެވޭ އަސަރުތަކެއް ކޮށްފާނެ ކަމެކެވެ.

ދުނިޔޭގެ އިގްތިސާދީ އުފުލުންތަކާއި، ވިޔަފާރީގެ ހުރަސްތަކާއި، ބައިނަލްއަޤްވާމީ ހަމަނުޖެހުންތަކާއި، ގުދުރަތީ ކާރިސާތައް ފަދަ ޤައުމެއްގެ ކޮންޓްރޯލުން ބޭރުގައިވާ ކަންތައްތަކަކީ ތަރައްޤީގެ މަސައްކަތްތަކަށް ވަރަށް ބޮޑަށް އަސަރުކުރާ ކަންކަމެވެ.

]]> Tue, 06 Jun 2023 11:55:15 +0500 ޒުރޫ ރާއްޖޭގެ ތަރައްޤީގެ ދުވެލި ރަނގަޅު https://heerasnews.com/1485 https://heerasnews.com/1485 ގުދުރަތީ ރީތިކަމާއި ރީތި ޖަޒީރާ ތަކުގެ ސަބަބުން މަޝްހޫރު މި ދިވެހިރާއްޖެއިން އިން އަންނަނީ ގައުމުގެ ތަރައްގީ އިތުރުކޮށް، ރައްޔިތުންގެ ދިރިއުޅުން ރަނގަޅު ކުރުމަށް މަސައްކަތް ތަކެއް ކުރަމުންނެވެ. ދިވެހި ރާއްޖެއިން އަންނަނީ ތަރައްޤީގެ އެކި ދާއިރާ ތަކުގެ ތެރެއިން އިންފްރާސްޓްރަކްޗަރއާއި ޓޫރިޒަމް ދެމެހެއްޓެނިވި ގޮތެއްގައި ކުރިއަށް ގެންދިއުމަށް އަމާޒު ކޮށްގެންނެވެ. ފާއިތުވި އަހަރުތަކުގައި ސަރުކާރުން ވަނީ ފަތުރުވެރިކަމާއި ވިޔަފާރިއަށް މަގުފަހިކޮށް ދިނުމުގެ ގޮތުން ދަތުރު ފަތުރުގެ އިންފްރާސްޓްރަކްޗާރއާއި އެއާޕޯޓް ތަކާއި ކަނޑު ބަނދަރުތައް ފަދަ ކަންކަން ރަނގަޅު ކުރުމަށް ބޮޑު އިންވެސްޓްމަންޓެއް ކޮށްފައެވެ. އަދި ތައުލީމީ ދާއިރާގައި ފާހަގަ ކޮށްލެވޭ މިންވަރަށް ފުރުސަތުތައް ހޯއްދަވައި ދެއްވާފައިވެއެވެ. މި މަސައްކަތް ތަކުގެ މަޤްޞަދަކީ ރާއްޖޭގެ އެތެރެއާއި ބޭރުގެ ގުޅުން ރަނގަޅުކޮށް، ފަތުރުވެރިންނާއި ވިޔަފާރި ތަކަށް ދިވެހިރާއްޖެއަށް ވަދެވޭނެ މަގު ފަހިކޮށް ދިނުމެވެ.

ދިވެހިރާއްޖޭގެ އިގްތިސާދުގައި ފަތުރުވެރި ކަމަކީ މުހިންމު ދައުރެއް އަދާކުރާ އެއްޗަކަށް ވާއިރު، ދެމެހެއްޓެނިވި ގޮތެއްގައި ފަތުރުވެރި ކަމުގެ އުސޫލުތައް ކުރިއެރުވުމަށް ސަރުކާރުން އަންނަނީ މަސައްކަތް ކުރަމުންނެވެ. މީގެ ތެރޭގައި ނާޒުކު ކަނޑުގެ އިކޯސިސްޓަމް ހިމާޔަތް ކުރުމާއި، ޒިންމާދާރު ފަތުރުވެރި ކަމަށް ހިތްވަރު ދިނުމާއި، އިކޯފްރެންޑްލީ ރިސޯޓްތައް ތަރައްޤީ ކުރުމުގެ މަސައްކަތްތައް ހިމެނެއެވެ. ފަތުރުވެރިކަމުގެ ކުރިއެރުމާއި ތިމާވެށި ހިމާޔަތް ކުރުން ބެލެންސް ކޮށްގެން، ދިވެހިރާއްޖޭގެ އަމާޒަކީ ފަތުރުވެރި ކަމުގެ ސިނާއަތުގެ ދިގު މުއްދަތަކަށް ދެމެހެއްޓެނިވި ގޮތެއްގައި ކުރިއަށް ގެންދިއުމެވެ.

ދިވެހިރާއްޖޭގައި ތައުލީމާއި ސިއްހީ ހިދުމަތްތައް ރަނގަޅު ކުރުމަށް ސަރުކާރުން ވަނީ ބުރަ މަސައްކަތް ތަކެއް ކޮށްފައެވެ. ތައުލީމީ ފެންވަރު މަތި ކުރުމަށާއި ވޮކޭޝަނަލް ޓްރޭނިން ޕްރޮގްރާމްތައް ހިމެނޭ ގޮތަށް ތައުލީމީ ފުރުސަތުތައް ފުޅާކުރުމަށް އިންވެސްޓްމަންޓްތައް ކޮށްފައިވެއެވެ. ހަމަ އެފަދައިން ސިއްހީ ފަރުވާގެ އިންފްރާސްޓްރަކްޗަރ އާއި ޚިދުމަތްތައް ރަނގަޅުކޮށް، ރަނގަޅު ސިއްހީ ވަސީލަތްތައް ފޯރުކޮށްދީ އާބާދީއަށް ފަރުވާ ދިނުމަށް ކުރެވެން ހުރި ހުރިހާ މަސަތްކަތެއް ވަނީ ކުރަންފަށާފައެވެ.

ފާހަގަ ކޮށްލެވޭ ކަމަކީ ތަރައްގީއަކީ ހިނގަމުންދާ ކަމެއް ކަމަށާއި، ރާއްޖޭގެ އެކި ދާއިރާތަކާއި ސަރަހައްދު ތަކުގައި ކުރިއެރުންތައް ތަފާތު ވެދާނެ ކަމަށެވެ. އިގްތިސާދީ އަދި އިޖުތިމާއީ ތަރައްގީއަށް ވަގުތު ނަގާއިރު، މަގުމަތީގައި ކުރަންޖެހޭ ކަންކަމާއި ދަތުރު ފަތުރުގެ ސަބަބުން ގޮންޖެހުން ތަކެއް ކުރިމަތި ވެދާނެއެވެ. ނަމަވެސް، ދިވެހިރާއްޖެއިގެ ތަރައްޤީގެ ދުވެލި ހަގީގަތުގައިވެސް ރަނގަޅު ވަމުންދާ ނަމަ، އެއިން ދޭހަވަނީ، ޤައުމުގެ ލަނޑުދަނޑިތަކާ ދިމާއަށް ހެޔޮ ފިޔަވަޅު ތަކެއް އަޅަމުން ދާކަމެވެ. ދައްކާލަން އަދި އަޑު އަހާލަން ވެސް އެހާމެ ފަސޭހަ ވާހަކަ އެކެވެ! 

]]> Sun, 04 Jun 2023 16:35:13 +0500 ޒުރޫ އިސްލާމްދީނަށް ފުރައްސާރަކުރާ މީހުނާ ދުރުވާންޖެހޭ https://heerasnews.com/1472 https://heerasnews.com/1472 އިސްލާމީ ޝަރީޢާގެ މަޤްޞަދުތައް (މަޤާޞިދުއްޝަރީޢާ) ވަރަށް ސާފެވެ. އިސްލާމީ ޝަރީޢާގެ އަމާޒަކީ އެ ޝަރީޢާގެ ތެރެއިން މުޅި އިންސާނިއްޔަތުގެ ފައިދާ ދެނެގަތުމެވެ. ކުރު ގޮތަކަށް ދަންނަވާނަމަ، މި ޝަރީޢާގެ އިބްތިދާއީ މަޤްޞަދަކީ މުޅި އިންސާނިއްޔަތަށް ދުނިޔެ އާއި އާޚިރަތުގައި ލިބެން ހުރި ފައިދާ ތަކުގެ ޙަޤީޤަތް އަންގައި ދިނުމެވެ. މިއަށް ވުރެ ތަފްޞީލުކޮށް ދަންނަވާ ނަމަ، މުޅި ޝަރީޢާގެ މަޤުޞަދަކީ އިންސާނާގެ އަސާސީ އަގުތައް (ފަންޑަމެންޓަލް ވެލިޔުސް) ރައްކާތެރިކޮށް ޙިމާޔަތް ކުރުމެވެ. 

މި ދެންނެވި (ފަންޑަމެންޓަލް ވެލިއުސް) އަސާސީ އަގުތަކަކީ:

(1) ދީން (ނުވަތަ އިސްލާމީ ޢަޤީދާ)، 

(2) ނަފްސު (ނުވަތަ އަބުރާއި ފުރާނަ ނުވަތަ ދިރިހުރުން)، 

(3) ދަރިފަސްކޮޅު (ނުވަތަ ނަސްލު)، 

(4) ފިކުރު ނުވަތަ ބުއްދި (އިންޓެލެކްޓް)، 

(5) މުދާ (ނުވަތަ މާލު) އެވެ.

އެހެން ކަމުން މުޅިއިސްލާމީ ޝަރީޢާގެ މަޤުޞަދުގެ އެންމެ ކުރީގައި މި ވަނީ އިސްލާމް ދީން ޙިމާޔަތް ކުރުމުވެ. މުޅި އިސްލާމީ ޝަރީޢާގެ ހުރިހާ އަސާސް ތަކެއް ބިނާވެފައި ވަނީ އިސްވެ މި ދެންނެވި މަޤުޞަދުތައް ޙާޞިލު ކުރުމުގެ މައްޗަށެވެ. ދީނުގެ އެއްވެސް ކަމެއް މި އަސާސްތަކާ ޚިލާފެއް ނުވާނެ އެވެ.

ޝަހާދަތުގެ މާނަ އަކީ ﷲ ފިޔަވައި ޙައްޤު ގޮތުގައި އަޅުކަން ވެވޭ އެއްވެސް ފަރާތެއް ނުވުމެވެ. ﷲ ފިޔަވައި އަޅުކަން ވެވޭ ހުރިހާ ފަރާތްތައް ނަފީ ކުރުމާއި ހަމައެކަނި ﷲއަށް ހުރިހާ ބާވަތެއްގެ އަޅުކަންތައް ޘާބިތު ކުރުމެވެ. އެ އިލާހަށް އަޅުކަން ކުރުމުގައި އެއްވެސް ފަރާތެއް ބައިވެރި ނުކުރުމެވެ.

މުޙައްމަދު ޞައްލަﷲ ޢަލައިހިވަސައްލަމައީ ﷲގެ ރަސޫލާ ކަމުގައި ހެކިވުމުގެ މާނައަކީ އެ ކަލޭގެފާނަކީ ﷲ ތަޢާލާ ފޮނުއްވި ރަސޫލެއް ކަމަށް ޤަބޫލު ކުރުމާއި އެ ކަލޭގެފާނު ކުރެއްވި އަމުރުފުޅު ތަކަށް ކިޔަމަންވުމާއި، އެ ކަލޭގެފާނު ދެއްވާފައިވާ ޚަބަރުތައް ތެދުކުރުމާއި، އެ ކަލޭގެފާނު ނަހީ ކުރައްވައި މަނާ ކުރައްވާފައިވާ ކަންކަމުން ދުރުހެލިވުމާއި، އެ ކަލޭގެފާނު ދެކެ ލޯބިވުމެވެ. އަދި އެ ކަލޭގެފާނުގެ ބަސްފުޅުގެ ކުރިޔަށް އެހެން އެއްވެސް މީހެއްގެ ބަސް އިސް ނުކުރުމެވެ.

އިސްލާމީ ޝަރީޢާގެ މަޤްޞަތުތައް ޙިމާޔަތް ކުރުމަކީ އެންމެހައި މުސްލިމުންގެ މައްޗަށް އޮތް ވަރަށް ބޮޑު ދީނީ ވާޖިބެކެވެ. އަދި އިސްލާމީ ޤައުމެއްގައި ވެރިކަމުގެ ފަރާތުން އެންމެ ބޮޑު ސަމާލު ކަމެއް ދޭން ޖެހޭނީ މި މި މަޤްޞަދު ޙިމާޔަތް ކުރާށެވެ. ދީން ޙިމާޔަތް ކުރުމަށް އެންމެ ބޮޑު އިސްކަމެއް ނުދޭނަމަ، އިސްލާމީ ވެރިކަމެއްގެ ބޭނުމެއް ވެސް ނެތެވެ.

އިސްލާމް ދީން ޙިމާޔަތް ކުރުމަށްޓަކައި ދީނަށް ފުރައްސާރަ ކުރުން ހުއްޓުވަން ޖެހެއެވެ. ދީނުގެ އަސާސް ތަކަށް ތަޙައްދީ ކުރުމަށް ޖާގަދެވިގެން ނުވާނެއެވެ. ކީރިތި ޤުރުއާނަށް އިންކާރު ކުރެވިގެން ނުވާނެއެވެ. ކައު އިތުރު ރަސޫލާ ޞައްލަﷲ ޢަލައިހިވަސައްލަމް އަށް ހަޖޫޖެހިގެން ނުވާނެއެވެ. މުޅި ކާއިނާތުގެ ވެރި ގަދަ ކީރިތިވަންތަ މާތް ﷲ އަށް ތައުހީނު ކުރެވިގެން ނުވާނެއެވެ. މިފަދަ ކަމެއް ކޮށްފި މީހަކަށް ވަގުތުން ފިޔަވަޅު އެޅެންޖެހެއެވެ. މިއިން ކަމަކީ ވާހަކަ ދައްކައި ދިރާސާ ކޮށްގެން މަޝްވަރާ ކޮށްގެން ދޭތެރޭ މެދުގެ ޙައްލެއް ހޯދޭނެ (ކޮމްޕްރަމައިޒް ކޮށްގެންވާނެ) ކަން ކަމެއް ނޫނެވެ. މިއީ އެންމެ ހަރުކަށި އަދަބު ލަސް ނުކޮށް ދޭން ޖެހޭނެ ނުބައި ޝައިޠާނީ ޢަމަލު ތަކެކެވެ.

ދީނީ ކަންކަން ކޮމްޕްރަމައިޒް ކުރުމަކީ އިސްލާމީ މުޖުތަމާއެއްގައި އުފެދޭނެ އެންމެ ބޮޑު ފިތުނައެވެ. މި ފަދަ ފިތުނަ ތަކަށް ޖާގަދެވިއްޖެ ނަމަ، ދެން ނުކުންނާނެ ނުބައި ނަތީޖާތައް އަންދާޒާ ކޮށްލާން ވެސް ނޭނގޭނެއެވެ. އިސްލާމީ ޚިލާފަތުގެ ދުވަސްވަރު ވެސް އުފެދުނު އެންމެ ބޮޑު ފިތުނައަކީ އިސްލާމް ދީނުގެ ބައެއް ރުކުން ތަކަށް އިންކާރުކޮށް މުރުތައްދު ވުމުގެ ނުބައި ފިތުނައެވެ. މި ފިތުނައިގެ ސަބަބުން މުސްލިމުންނަށް ލިބުނު ގެއްލުންތައް އިސްލާމީ ތާރީޚުން އެހެރީ ފެންނާށެވެ.

އެތަނެއްގައި އިސްލާމް ދީން ނެތިއްޖެ ނަމަ، ރާބުއިމާއި ޒިނޭ ކުރުމާއި ވައްކަން ކުރުމާއި ދޮގުހެދުމާއި މި ނޫންވެސް ނުބައި ހުރިހާ ކަންކަން މުޖުތަމަޢުގައި ޢާއްމު ވާނެއެވެ. ނަތީޖާއަކަށް ވާނީ އިންސާނީ އަގުތައް ވެއްޔާ މޮޑެވުމެވެ. ސައްތައިން ސައްތަ އިސްލާމީ ދިވެހި މުޖުތަމައުން ވެސް އިސްލާމް ދީން ކޮމްޕްރަމައިޒް ކުރަން މަސައްކަތް ކުރާ މީހުން ފާޅުގައި އެބަފެނެއެވެ. އެމީހުންގެ ފިތުނައިން މިގައުމު ސަލާމަތް ކުރައްވާށިއެވެ.

 

]]> Wed, 31 May 2023 14:55:32 +0500 ޒުރޫ ދެ މިނިސްޓަރުންގެ އިތުބާރުނެތްކަމަށް ހުށަހެޅީ ފަސާދަ އުފައްދަން https://heerasnews.com/1463 https://heerasnews.com/1463 އެޓާނީ ޖެނަރަލް އިބްރާހިމް ރިފްއަތާއި ފޮރިން މިނިސްޓަރު އަބްދުﷲ ޝާހިދުގެ އިތުބާރު ނެތް މައްސަލަ މަޖިލީހަށް އޮތީ ހުށަހަޅައިފައެވެ. މިކަން ކުރުމުގެ ފަހަތުގައި އޮތީ މުޅިން އެހެން ނިޔަތެކެވެ. ސަރުކާރަށް ފިއްތުމެއް ކުރިމަތި ކުރުވުން ކަމަށް ބެލެވެއެވެ.

ދެ ވަޒީރެއްގެ އިތުބާރުނެތް ކަމަށް ހުށަހެލި ހުށަހެޅުމުގައިވާ ސޮއިކުރެއްވެވި ދެ މެންބަރަކު ވިދާޅުވާ ގޮތުން އެ ބޭފުޅުން އެ ހުށަހެޅުން ހުށަހެޅީ އިތުބާރު ނެތްކަމަށް ފާސްވާނެ ކަމަކަށް ނޫނެވެ. މަޖިލީހުގެ ތެޅުމުގައި އެ ދެ ވަޒީރުންގެ އިއްޒަތުއްނަފްސް ކަތިލައްވާ ވަގަށް ގޮވާލުމުގެ ނިޔަތުގައިކަމަށް އެ މެންބަރުން ވިދާޅުވިއެވެ. އެއްގޮތަކުން ނުވިއްޔާ އަނެއް ގޮތަކުން ގައުމު ހަލަބޮލިކޮށް ފަސާދަ އުފައްދަން މަޖިލީހުގެ ރިޔާސަތުން މިދަނޑިވަޅު އެއްބާރުލުން ދެއްވާނެ ކަމަށް ޔަގީންވާތީ ކޮށްލި ކަމެއްކަމަށް ނަންނުޖެހުހުން ޝަރުތުކޮށް އެ ދެމެންބަރުން ވިދާޅުވިއެވެ.   

މަޖިލިހަށް އިތުބާރު ނެތްކަމުގެ މައްސަލައެއް ވައްދަން ބޭނުންވާ އަދަދަށް ވާދަވެރިންނަށް މެމްބަރުން ހަމަވެއެވެ. އެހެންވެ، އެފަދަ މައްސަލަތައް ހުށަހެޅިދާނެއެވެ. ފާސްވާ އަދަދަށް ވޯޓު ނުލިބުނަސް ހެޔޮތާއެވެ. މިއީ މި ވަގުތަށް މަޖިލީހުގައި ގަދަ ހިފުމަކަށް ދާނެ މައްސަލައެއް ނޫނެވެ. ވަޒީރުންގެ ދިފާއުގައި މާ ބޮޑު މަސައްކަތެއް ކުރަން ސަރުކާރަށް ޖެހޭފަދަ ހަލަތެއްވެސް ނޫނެވެ.

މަޖިލީހުގައި މެންބަރުން މިހާރު ބެހިފައި އޮތް ގޮތުން، އެމްޑީޕީން ވަކިވި މެންބަރުންނާއި އެ ޕާޓީއާ އަލަށް ގުޅިވަޑައިގަތް ނިލަންދޫ ދާއިރާގެ މެންބަރު އަބްދުލް މުހުސިން ހަމީދު (ޖޭފޯ) ހިމަނައިގެން އެ ޕާޓީގައި މިހާރު ތިބީ 56 މެންބަރުންނެވެ. އެކަމަކު، އެ ލިސްޓުން މަޖިލިހުގެ ރިޔާސަތުގައި އިންނަވަނީ މަޖިލިހުގެ ރައީސް ނަޝީދުގެ ނަން އުނިކުރުމުން އެމްޑީޕީގެ މަޖިލިސް މެމްބަރުންގެ އަދަދަކީ 55 އެވެ.

"ދަ ޑިމޮކްރެޓްސް" ގެ ނަމުގައި މުޅިން އާ ސިޔާސީ ޕާޓީއެއް އުފެއްދުމުގެ މަސައްކަތް ކުރައްވަމުން އަންނަ އެމްޑީޕީގެ ކުރީގެ މެންބަރުންގެ އަދަދަކީ 13 އެވެ.  މަޖިލީހުގައި ދެން ތިއްބަވާ ޕީޕީއެމް/ޕީއެންސީ އެއްކޮށްލައިގެން މިހާރު ވަނީ 8 މެންބަރުންނެވެ. އިދިކޮޅުން ސަރުކާރާ އަރާ ހަމަކުރަން އަދި 27 މެންބަރުންގެ ވޯޓު ބޭނުން ވާނެ އެވެ. އެހެންކަމުން ނަގަން މިއުޅޭ ވަޒީރުންގެ އިތުބާރު ނެތްކަމުގެ މައްސަލަޔަކީ ސައިބޯނި ބޮތްކެއް ފަދަ އެއްޗެކެވެ.

ސިޔާސީގޮތުން ވަޅިންނުޖެހުނިއްޔާ މުއްގަނޑުންވެސް ޖެހޭތޯ ވާދަވެރިން އުޅޭނެއެވެ. ވާދަވެރިން ވަޒީރުންގެ އިތުބާރު ނެތްކަމަށް ހުށަހަޅައިގެން ރައްޔިތުންނަށް ދައްކާދޭން އެއުޅެނީ ވަޒީރުންގެ އިތުބާރު ނެތްކަމެއް ނޫނެވެ. ވަޒީރުންގެ އިތުބާރު ނެތްކަމަށް ހުށަހަޅައިގެން އެއުޅެނީ އެ ވަޒީރުންގެ އިތުބާރު އޮތްކަން ސާބިތުކޮށް ދޭށެވެ. އޭރުންވެސް ވާދަވެރިންގައި ހަކަތައެއް ނެތްކަން ދޭހަވޫން ނޫންކަމެއް ނުވާނެއެވެ. 

]]> Mon, 29 May 2023 19:41:53 +0500 ޒުރޫ ހުދުމުހުތާރު ސަގާފަތުން ދުރުހެލިވުމުގެ މުހިންމުކަން https://heerasnews.com/1466 https://heerasnews.com/1466 ހުދުމުހުތާރު ސަގާފަތުން ދުރުހެލިވުމަކީ އާންމުކޮށް ފަރުދުންނާއި މުޖުތަމައު ތަކަށް ފައިދާހުރި ކަމެކެވެ. ކަމުގެ މުހިންމު ބައެއް ނުކުތާތަކަށް އަލި އަޅުވާލެވޭތޯ ބަލާނަމެވެ.  ހުދުމުހުތާރު ސަގާފަތް ތަކުގައި ފަރުދީ މިނިވަންކަމާއި ހައްގުތައް ފިއްތާލައެވެ. އެއީ ގިނަފަހަރަށް ވާހަކަ ދެއްކުމާއި އެއްވެ އުޅުމާއި ޚިޔާލު ފާޅުކުރުމުގެ މިނިވަންކަން ހަނިކޮށް، ފަރުދުންގެ ޚިޔާލު ފާޅުކުރުމާއި، މަސްލަހަތު ކުރިއަށް ގެންދިއުމާއި، ނިންމުންތައް ނިންމުމުގެ މަރުހަލާތަކުގައި ބައިވެރިވުމުގެ ޤާބިލުކަން ހަނިކުރުމެވެ. މި މިނިވަންކަން ނެތުމަކީ މާޔޫސްކަމާއި، ނުރުހުމާއި، އުފެއްދުންތެރިކަމާއި އާ އުފެއްދުންތެރިކަން ފިލުވައިލުމަށް މަގުފަހިވާ ކަމެކެވެ.

ހުދުމުހުތާރު ސަގާފަތްތަކުގައި ގިނަ ފަހަރަށް ޖަވާބުދާރީވުމާއި ހާމަކަން ބޮޑު ގޮތެއްގައި ކަންކަން ކުރުމުގެ ނިޒާމުތައް ނެތެއެވެ. ނިންމުންތައް ނިންމުމަކީ މަދު ފަރުދެއްގެ ނުވަތަ އެންމެ ލީޑަރެއްގެ އަތްމައްޗަށް ޖަމާވެފައިވާ ކަމަކަށް ވާތީ، ކޮރަޕްޝަނާއި، ފަޚުރުވެރިނކަމާއި، ބާރުގެ ބޭނުން ނުހިފުމަށް މަގުފަހިވެ ދާނެއެވެ. އެކަށީގެންވާ ޗެކް އެންޑް ބެލެންސްތަކެއް ނެތި، އިންސާނީ ހައްގުތަކާ ހިލާފުވުމާއި، އިގްތިސާދީ ގޮތުން ގޯސްކޮށް ކަންކަން ބެލެހެއްޓުމާއި، ވަސީލަތްތައް ނުހައްގުން ބަހާލުމުގެ ނުރައްކާ ބޮޑުވެއެވެ.

ހުދުމުހުތާރު ސަގާފަތް ތަކުން ގިނަ ފަހަރަށް ތަފާތު ފިކުރުތައް ނިއްވާލައި، ޚިޔާލު ތަފާތުވާ މީހުންގެ ޚިޔާލުތައް އެއްފަރާތް ކޮށްލައެވެ. މިއީ ޚިޔާލު ބަދަލު ކުރުމަށް ހުރަސްއެޅި، މައްސަލަތަކަށް ބަދަލު ހައްލުތައް ހޯދުމަށް ހުރަސް އެޅިދާނެ ކަމެކެވެ. މިފަދަ މާހައުލު ތަކުގައި ފަރުދުންނަށް ސްޓޭޓަސް ކުއޯއަށް ގޮންޖަހާލުމުގެ ހިތްވަރު ގެއްލި، އަމިއްލަ އަދި މުޖުތަމައުގެ ކުރިއެރުން ދަށްވެދާނެ އެވެ. ހުދުމުހުތާރު ސަގާފަތް ތަކުން ގިނަ ފަހަރަށް އިޖުތިމާޢީ ބައިބައިވުންތައް އިތުރަށް ގޯސްކޮށްލަނީ ވަކި ޖަމާޢަތްތަކެއް ފިއްތާލައިގެން ނުވަތަ އެހެން މީހުންނާ މެދު ފަޚުރުވެރިވުން ކުރިއަރުވައިގެންނެވެ. މިކަމުގެ ސަބަބުން ނަސްލީ، ދީނީ، ނުވަތަ ސިޔާސީ ރޮނގުތަކުން މުޖުތަމަޢުގެ ފުން ބައިބައިވުން ތަކެއް އުފެދި ދާނެއެވެ. ހައްދު ފަހަނަޅާފައިވާ ހާލަތް ތަކުގައި އަނިޔާވެރިކަމާއި، މަދަނީ ހަމަނުޖެހުން ތަކާއި، ދިގުދެމިގެންދާ ހަމަނުޖެހުން ތަކަކަށް ހިނގައި ދާނެއެވެ.

ހުދުމުހުތާރު ސަޤާފަތް ތަކުގެސަބަބުން އިޤްތިޞާދީ ގޮތުން ނޭދެވޭ ނަތީޖާތަކެއް ކުރިމަތިވެ ދާނެއެވެ. އިންސާފުވެރި އަދި ހާމަކަން ބޮޑު ވިޔަފާރީގެ މާހައުލެއް ނެތުމަކީ އިންވެސްޓްމަންޓާއި އިނޮވޭޝަންއަށް އޮންނަ ހިތްވަރު ގެއްލިދާނެ ކަމެކެވެ. އިޤްތިޞާދީ ނިންމުންތައް ނިންމުމުގައި ގިނަ ފަހަރަށް ދުއްވާލަނީ އިޤްތިޞާދީ ގޮތުން ރަނގަޅު އުސޫލު ތަކެއްގެ ބަދަލުގައި ސިޔާސީ ވިސްނުން ތަކެއް ކަމުން، ވަސީލަތްތައް ނާކާމިޔާބުވެ، ވަސީލަތްތައް ގޯސްކޮށް ބެހުމަށް މަގުފަހިވެއެވެ. މިކަމުގެ ސަބަބުން އިގްތިސާދުތައް ހުއްޓި ނުވަތަ ދަށަށް ގޮސް، އިގްތިސާދީ ކުރިއެރުމުގެ ފުރުސަތުތައް މަދުވެ، މުއްސަނދިކަމުގެ ފަރަގު ބޮޑުވެއެވެ.

ހުދުމުހުތާރު ސަގާފަތް ތަކުން ގިނަ ފަހަރަށް ފިކުރީ އަދި ފަންނުވެރިކަމުގެ ޚިޔާލު ފާޅުކުރުން ހަނިކޮށް، އިންސާނީ އުފެއްދުންތެރި ކަމާއި އާ އުފެއްދުން ތަކުގެ ފުރުޞަތު ހަނިވެގެން ދެއެވެ. މީހުންގެ ޝައުގުވެރިކަން ކުރިއަށް ގެންދިއުމާއި، ހުނަރު ތަރައްޤީ ކުރުމާއި، ނުވަތަ އެ މީހުންގެ ޚާއްޞަ ނަޒަރިއްޔާތުތައް ޙިއްޞާ ކުރުމަށް މިނިވަން ނުވުމުން، މުޖުތަމަޢެއްގެ ޖުމްލަ ސަޤާފީ އަދި ފިކުރީ ތަރައްޤީއަށް ހުރަސް އެޅެއެވެ.

ހުދުމުހުތާރު ސަގާފަތް ތަކުގެ ސަބަބުން އިޖުތިމާޢީ އިތުބާރާއި އެއްބައިވަންތަކަން ގެއްލިދެއެވެ. ފަރުދުން ނިންމުންތައް ނިންމުމުގެ މަރުހަލާއިން ބާކީވެފައިވާ، އަނިޔާލިބިފައިވާ، ނުވަތަ ބާކީވެފައިވާ ކަމުގެ އިހުސާސް ކުރެވުމުން، އިޖުތިމާއީ ގުޅުންތައް ރޫޅި، ބީރައްޓެހި ކަމުގެ އިހުސާސް ކުރެވިދާނެއެވެ. މިކަމުގެ ނަތީޖާއަކަށް ވެދާނީ އިޖުތިމާޢީ ފޭރާން ބަލިކަށިވެފައިވާ މުޖުތަމަޢެއް ފަޅައިގެން ގޮސްފައި އޮތުމެވެ. ހުރިހާ ހުދުމުހުތާރު ސަގާފަތް ތަކެއްގައި އެއް ސިފަތަކެއް އެއް މިންވަރަކަށް ނުފެންނަކަން ފާހަގަ ކުރުން މުހިންމެވެ. ނަމަވެސް މިފަދަ ސަގާފަތްތަކާ ގުޅިފައިވާ ނުރައްކަލާއި އުނިކަންތަކުގެ ސަބަބުން ގިނަ ފަހަރަށް އެދެވިގެން ވަނީ، އިތުރަށް ހުޅުވާލެވިފައިވާ، ހުރިހާ ފަރާތް ތަކެއްހިމެނޭ، އަދި ބައިވެރިވާ މުޖުތަމަޢު ތަކަކަށް މަސައްކަތް ކުރުމެވެ.

]]> Mon, 29 May 2023 18:33:48 +0500 ޒުރޫ ޤައުމެއްގެ ތަރައްޤީގައި ހަމަޖެހުން ވަރަށް މުހިންމު https://heerasnews.com/1465 https://heerasnews.com/1465 ޤައުމެއްގެ ތަރައްޤީގައި ހަމަޖެހުމަކީ ވަރަށް މުހިންމު ދައުރެއް އަދާކުރާ އެއްޗެކެވެ.  ދެމެހެއްޓެނިވި އިގްތިސާދީ ކުރިއެރުމާއި، އިޖުތިމާއީ ކުރިއެރުމާއި، ސިޔާސީ ހަމަޖެހުމަށް އޮތް ބިންގަލަކީ ހަމަޖެހުމެވެ. ޤައުމެއްގެ ތަރައްޤީއަށް ހަމަޖެހުން މުހިންމުވާ މުހިންމު ބައެއް ސަބަބުތައް ބަޔާން ކޮށްލެވޭތޯ ބަލާނަމެވެ.

ހަމަޖެހުމަކީ އިޤްތިޞާދީ ކުރިއެރުމާއި އިންވެސްޓްމަންޓަށް ފަހި މާޙައުލެއް އުފެއްދުމެވެ. ގާނޫނުތަކާއި ގަވާއިދުތަކާއި ސިޔާސަތުތައް ލަފާކުރެވޭ އަދި އެއްގޮތަކަށް ތަންފީޒު ކުރެވޭ ހަމަޖެހޭ ގައުމެއްގައި އިންވެސްޓަރުންނާއި ވިޔަފާރި ތަކުން ވަސީލަތްތައް ކޮމިޓްކޮށް ރިސްކް ނަގަން ފަސޭހަވެއެވެ. ހަމަޖެހުމުގެ ސަބަބުން ޔަގީންކަން ނެތްކަން ކުޑަވެ، ނުރައްކާތައް ކުޑަވެ، އެތެރޭގެ އަދި ބޭރުގެ އިންވެސްޓްމަންޓަށް ހިތްވަރު ލިބި، ވަޒީފާގެ ފުރުސަތުތަކާއި އުފެއްދުންތެރި ކަމާއި ޖުމްލަ އިގްތިސާދީ ތަރައްގީ އިތުރުވެގެން ދެއެވެ.

ހަމަޖެހުމަކީ އިޖުތިމާޢީ ކުރިއެރުމާއި އިންސާނީ ތަރައްޤީއާ ވަރަށް ގާތުން ގުޅިފައިވާ ކަމެކެވެ. ހަމަޖެހޭ ޤައުމަކަށް ތަޢުލީމާއި، ސިއްޙީ ފަރުވާއާއި، އިންފްރާސްޓްރަކްޗަރއާއި، އިޖްތިމާޢީ ރައްކާތެރިކަމުގެ ނިޒާމުތައް ރަނގަޅު ކުރުމަށް ވަސީލަތްތައް ރަނގަޅަށް ދޫކުރެ ވޭނެއެވެ. އެއީ ސަރުކާރު ތަކަށް ފަގީރުކަން ކުޑަކުރުމާއި، ޖެންޑަރ އިކުއަލިޓީއާއި، ރައްޔިތުންނަށް އަސާސީ ހިދުމަތްތައް ފޯރުކޮށް ދިނުމަށް ފޯކަސް ކުރުމުގެ ފުރުސަތު ލިބިގެންދާ ކަމެކެވެ. ހަމަޖެހުމަކީ އިޖުތިމާއީ އެއްބައިވަންތަކަން އިތުރުވެ، ކުށުގެ ނިސްބަތް މަދުވެ، އާބާދީގެ މެދުގައި ރައްކާތެރިކަމާއި ރަނގަޅު ކަމުގެ އިހުސާސް އުފެއްދުމަށް މަގުފަހިކޮށްދޭ ކަމެކެވެ.

ޤައުމެއްގެ ތަރައްޤީއަށްޓަކައި ހަމަޖެހޭ ސިޔާސީ މާޙައުލެއް ކޮންމެހެން ބޭނުންތެރިއެވެ. ސިޔާސީ މުއައްސަސާތައް ސްޓޭބަލް އަދި އިންކްލޫސިވް ވާއިރު، އެ މުއައްސަސާތަކުން ފައިދާހުރި ވެރިކަމެއް ހިންގުމާއި، ސިޔާސަތު އެކުލަވާލުމާއި، ތަންފީޒު ކުރުމުގެ އޮނިގަނޑެއް ލިބިގެން ދެއެވެ. ސްޓޭބަލް ސިޔާސީ ނިޒާމުތަކުގެ ސަބަބުން އެކި ސްޓޭކް ހޯލްޑަރުންގެ މެދުގައި އިތުބާރާއި، އެއްބާރުލުމާއި، އިއްތިފާގު ބިނާވެ، ދިގު މުއްދަތުގެ ޕްލޭނިންގ އާއި ދެމެހެއްޓެނިވި ތަރައްޤީގެ ސްޓްރެޓެޖީތައް ފަހިވެގެން ދެއެވެ. މީގެ އިތުރުން ސިޔާސީ ގޮތުން ސްޓޭބަލް ޓްރާންސިޝަންތަކާއި ސުލްހަވެރިކަމާއެކު ވެރިކަން ބަދަލު ކުރުމަކީ ކުރިއަށް ގެންދިއުމަށް ހުރަސްއެޅި، ކުރިއެރުމަށް ހުރަސް އެޅިދާނެ ބުރޫއެރުންތައް ހުއްޓުވުމެވެ.

ސްޓޭބަލް ގައުމުތަކުން ބޭރުގެ އިންވެސްޓްމަންޓްތައް ޝައުގުވެރިކޮށް ބައިނަލްއަގްވާމީ ވިޔަފާރި ތަކުގައި ބައިވެރިވުމުގެ ފުރުސަތު ބޮޑުވެއެވެ. އިންވެސްޓަރުންނާއި ވިޔަފާރި ބައިވެރިން އިސްކަންދެނީ އިތުބާރު ހުރި ގާނޫނީ ނިޒާމުތަކާއި، ހާމަކަން ބޮޑު ގަވާއިދުތަކާއި، އެއްގޮތް ސިޔާސަތު ތަކެއް ހުރި ހަމަޖެހޭ މާހައުލު ތަކަށެވެ. ހަމަޖެހުމަކީ ދުނިޔޭގެ ބާޒާރުގައި ޤައުމެއްގެ އަބުރާއި އިތުބާރު އިތުރުވެ، ވިޔަފާރީގެ ފުރުޞަތުތައް އިތުރުވެ، ރައުސުލްމާލާއި ޓެކްނޮލޮޖީއާއި މާކެޓްތައް ލިބިގަތުމަށް މަގު ފަހިކޮށްދޭ ކަމެކެވެ. މި މުޢާމަލާތް ތަކުގެ ސަބަބުން އިޤްތިޞާދީ ކުރިއެރުން އިތުރުވެ، ވަޒީފާ އުފެއްދުމާއި، އިނޮވޭޝަން އާއި ޢިލްމު ފުޅާކުރުމަށް ބާރު އަޅައިދެއެވެ.

ހަމަޖެހުމަކީ ރައްޔިތުންނާއި ވިޔަފާރިތަކާއި ބައިނަލްއަޤްވާމީ ބައިވެރިންގެ މެދުގައި އިތުބާރާއި ގުޅުން އުފެދޭ ކަމެކެވެ. މީހުންނަށް އާންމު ދިރިއުޅުމުގައި ރައްކާތެރިކަން އިހުސާސް ކުރެވޭއިރު، އެމީހުންގެ މުއައްސަސާތަކަށް އީމާންތެރިކަން އުފެދި، އިގްތިސާދީ އަދި އިޖުތިމާއީ ހަރަކާތްތަކުގައި ބައިވެރިވާން މާ ޝައުގުވެރިވެއެވެ. ސަރުކާރަށް ޒަރޫރީ ހިދުމަތްތައް ފޯރުކޮށްދިނުމާއި ގާނޫނާއި ގަވާއިދު ދެމެހެއްޓުމުގެ ގާބިލްކަމަށް އިތުބާރު ކުރެވޭތީ އިޖުތިމާއީ އެއްބައިވަންތަކަން އިތުރުވެ، އިޖުތިމާއީ ޓެންޝަންތައް ކުޑަވެ، އެއްބާރުލުމާއި ޖަމާޢަތުގައި ކުރިއެރުމުގެ މާޙައުލެއް އުފެދެއެވެ.

ހަމަޖެހުމުގެ ސަބަބުން ސަރުކާރު ތަކަށާއި މުއައްސަސާތަކަށް ދިގު މުއްދަތުގެ ޕްލޭނިންގ އާއި ސިޔާސަތު އެކުލަވާލުމުގައި ބައިވެރި ވެވޭނެއެވެ. ގައުމެއް ސްޓޭބަލް ވާއިރު، ސިޔާސަތު ކަނޑައަޅާ ފަރާތްތަކަށް އިންފްރާސްޓްރަކްޗަރ ޕްރޮޖެކްޓްތަކާއި، ތައުލީމީ އިސްލާހުތަކާއި، ދެމެހެއްޓެނިވި ގޮތެއްގައި ވަސީލަތްތައް ބެލެހެއްޓުން ފަދަ ސްޓްރެޓެޖިކް ޑިވެލޮޕްމަންޓް އިނިޝިއޭޓިވްތަކަށް ފޯކަސް ކުރެވިދެއެވެ. ދިގުމުއްދަތުގެ ޕްލޭނިންގ ގެ ސަބަބުން ވަސީލަތްތައް ރަނގަޅަށް ބެހުމަށް މަގުފަހިވެ، ދެމެހެއްޓެނިވި އުސޫލުތައް ކުރިއެރުވުމާއި، ތަރައްޤީގެ މަސައްކަތްތައް ޤައުމުގެ ލަނޑުދަނޑިތަކާއި އުންމީދުތަކާ އެއްގޮތް ވާކަން ކަށަވަރު ވެގެންދެއެވެ.

ނިންމާލަމުން ދަންނަވާނަމަ، އިޤްތިޞާދީ ކުރިއެރުމާއި، އިޖުތިމާޢީ ކުރިއެރުމާއި، ސިޔާސީ ހަމަޖެހުމާއި، ބައިނަލްއަޤްވާމީ ގޮތުން ގުޅިގެން މަސައްކަތް ކުރުމުގެ ބިންގާ އަޅާތީ، ޤައުމެއްގެ ތަރައްޤީއަށް ހަމަޖެހުމަކީ ވަރަށް މުހިންމު ކަމެކެވެ. ލަފާކުރެވޭ އަދި ރައްކާތެރި މާހައުލެއް ފޯރުކޮށް ދިނުމުން، ހަމަޖެހުމަކީ އިންވެސްޓްމަންޓްތައް ޝައުގުވެރިކޮށް، ވިޔަފާރިއަށް ހިތްވަރުދީ، ފައިދާހުރި ވެރިކަމާއި ދިގުމުއްދަތުގެ ޕްލޭނިންގ އަށް މަގުފަހިކޮށްދޭ ކަމެކެވެ. އެއީ ދެމެހެއްޓެނިވި ތަރައްޤީއާއި ޤައުމެއްގެ ރައްޔިތުންގެ ދިރިއުޅުމުގެ ފެންވަރު ރަނގަޅު ކުރުމަށް ކޮންމެހެން ބޭނުންވާ މާއްދާއެކެވެ

]]> Mon, 29 May 2023 18:31:27 +0500 ޒުރޫ ރާއްޖޭގެ ކުރިމަގަށް ފަހި ވިސްނުމަކުން ވިސްނުން https://heerasnews.com/1464 https://heerasnews.com/1464 ރާއްޖެ އަކީ މޫސުމަށް އަންނަ ބަދަލުތަކުގެ އަސަރުތައް އެންމެ ބޮޑަށް ކުރިމަތިވާ އެއް ގައުމެވެ. ކުރިއަށް އޮތްތަނުގައި އާޓިފިޝަލް އައިލެންޑްތައް ހެދުމާއި، ރެސިލިއަންޓް އިންފްރާސްޓްރަކްޗަރ ބިނާކުރުމާއި، މޫސުމަށް އަންނަ ބަދަލުތަކުގެ އަސަރު ކުޑަ ކުރުމަށް ދެމެހެއްޓެނިވި ފަތުރުވެރިކަމުގެ އުސޫލުތައް ތަންފީޒު ކުރުން ފަދަ އެޑެޕްޓޭޝަން ފިޔަވަޅުތަކަށް ރާއްޖެއިން އިން ފޯކަސް ކުރުން މުހިންމެވެ.

ރާއްޖޭގެ އިގްތިސާދު ވަރަށް ބޮޑަށް ބަރޯސާވެފައި ވަނީ ފަތުރުވެރިކަމަށެވެ. ކުރިއަށް އޮތްތަނުގައި ރަށްތަކުގެ ނާޒުކު އިކޯސިސްޓަމް ދެމެހެއްޓުމަށްޓަކައި ދެމެހެއްޓެނިވި ފަތުރުވެރިކަމުގެ އުސޫލުތަކަށް ބޮޑު އަހަންމިއްޔަތުކަމެއް ދިނުން މުހިންމެވެ. ކުނިމެނޭޖްކުރުމާއި ގުޅޭ ގަވާއިދުތަކާއި، އީކޯ ފްރެންޑްލީ އެކޮމޮޑޭޝަންތަކާއި، މުރަކަތަކާއި ކަނޑުގެ ދިރުންތައް ހިމާޔަތް ކުރުމަށް ޒިންމާދާރު ފަތުރުވެރިކަން ކުރިއެރުވުން ހިމެނިދާނެ އެވެ. އިމްޕޯޓްކުރާ ފޮސިލް ފިއުލް ތަކަށް ބަރޯސާވުން ކުޑަކުރުމަށާއި މޫސުމަށް އަންނަ ބަދަލުތަކާ ދެކޮޅަށް މަސައްކަތް ކުރުމަށް ރާއްޖެ އިން އިއާދަ ކުރަނިވި ހަކަތައާއި ދިމާއަށް ބަދަލުވުން ކުރިއަށް ގެންދާން ޖެހެއެވެ. މީގެ ތެރޭގައި ސޯލާ ޕަވަރ އިންސްޓޯލޭޝަން ތަކާއި ވިންޑް ފާމްތަކާއި، ޖަޒީރާ ތަކަށް ކަރަންޓް ފޯރުކޮށްދިނުމަށްޓަކައި ސާފު ހަކަތަ އުފެއްދުމުގެ އެހެނިހެން މަސައްކަތްތައް ފުޅާކުރުން ހިމެނިދާނެއެވެ.

ޓެކްނޮލޮޖީ ކުރިއަރަމުންދާ ވަރަކަށް ރާއްޖެއިން ދެމެހެއްޓެނިވި ތަރައްގީ އާއި އިގްތިސާދީ ކުރިއެރުމަށް އެ ޓެކްނޮލޮޖީ ޑެލީވަރ ކުރުމުގެ ފުރުސަތު ހޯދަންޖެހެއެވެ. މީގެ ތެރޭގައި ކުނިމެނޭޖްކުރުމާއި، ފެން ޑީސެލިނޭޝަނާއި، ދަތުރު ފަތުރުގެ ދާއިރާއިން އާ ހައްލުތައް ބޭނުންކޮށްގެން ވަޒީފާގެ ރަނގަޅުކަން އިތުރުކޮށް، ތިމާވެއްޓަށް ކުރާ އަސަރު ކުޑަކުރުން ހިމެނިދާނެއެވެ. މީގެ އިތުރުން ފަތުރުވެރިކަމުގެ ތަޖުރިބާތައް އިތުރުކޮށް، ހައިޓެކް މަންޒިލެއްގެ ގޮތުގައި ރާއްޖެ ޕްރޮމޯޓް ކުރުމުގައި ޓެކްނޮލޮޖީގެ ދައުރެއް އޮވެދާނެއެވެ. ރާއްޖޭގެ ސިޔާސީ ހަމަޖެހުމުގެ މުސްތަގުބަލު ބިނާވެފައި އޮންނާނީ ޑިމޮކްރެޓިކް ޕްރޮސެސްތަކާއި، އިގްތިސާދީ ތަރައްގީއާއި، އިޖުތިމާއީ އެއްބައިވަންތަކަން ހިމެނޭ ގޮތަށްއެކި ކަންކަމުގެ މައްޗަށެވެ. ސިޔާސީ ހަމަޖެހުމާއި ފައިދާހުރި ވެރިކަމެއް ދެމެހެއްޓުމަކީ ގައުމުގެ ކުރިއެރުމާއި އިންވެސްޓްމަންޓް ޝައުގުވެރި ކުރުވުމަށް ވަރަށް މުހިންމު ކަމެއްކަމަށް ދެކެންޖެހެއެވެ.

މުއްސަނދި ބަޔޯޑައިވަރސިޓީއާއި ކަނޑުގެ އިކޯސިސްޓަމް ތަކުގެ މުހިންމުކަން ރާއްޖެއަށް ބަލާއިރު، ކޮންޒަވޭޝަންގެ މަސައްކަތްތައް އިތުރަށް ކުރިއަރާނެ ކަމަށް ބެލެވެއެވެ. ކަނޑުގެ ހިމާޔަތްކޮށްފައިވާ ސަރަހައްދުތައް ހަރުދަނާ ކުރުމާއި، ދެމެހެއްޓެނިވި މަސްވެރިކަމުގެ އުސޫލުތައް ތަންފީޒު ކުރުމާއި، ކަނޑުތައް ހިމާޔަތް ކުރުމުގެ މުހިންމުކަމާ މެދު ހޭލުންތެރި ކުރުމަކީ ކުރިއަށް އޮތްތަނުގައި މުހިންމު އިސްކަމެއް ދޭންޖެހޭ ކަންތައްތަކެވެ.

]]> Mon, 29 May 2023 18:26:09 +0500 ޒުރޫ ފާފު މަންޒަރުތައް ހަޖަމެއް ނުވާނެ! https://heerasnews.com/1451 https://heerasnews.com/1451 ރައީސުލްޖުމްހޫރިއްޔާ މިހާރު ފާފު އަތޮޅަށް ކުރައްވަމުންގެންދަވާ ދަތުރުފުޅުގައި ފާފު އަތޮޅުގެ ގިނަ ރަށްތަކަށް ދަނީ ޒިޔާރަތް ކުރަމުންނެވެ. ހަމަ ޔަގީނުން ވެސް މިއީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށާއި އަދު ގެ ސަރުކާރަށް ހިތް ހަމަޖެހުން ގެނެސް ދެއްވާނެ ދަތުރުފުޅެކެވެ. ގިނަ މިޙުން ހީކުރިވަރަށް ވުރެ ބޮޑަށް ރައީސް އަށާއި ސަރުކާރަށް ތާއީދު ދަނީ މިރަށް ތަކުން އޮހެމުންނެވެ. އެހެން ކަމުން ފެންނަ މަންޒަރުތައް އިދިކޮޅަށާއި ކުރީގެ ރައީސުންނަށް ހަޖަމް ނުވާނެކަން ކަށަވަރެވެ.

މަންޒަރުތަކުން ވާދަވެރިން ކިތަންމެ ހިތް ނުތަނަސްވިޔަސް މިއަދު ރާއްޖެ އޮތްގޮތުގެ މިސާލެއް ފާފު އަތޮޅުން މިވަނީ ދައްކާލާފައެވެ. ރައްޔިތުން ތިބީ މިއަދުގެ ސަރުކާރު ދޫކޮށް ދާގޮތަކަށް ނޫނެވެ އަދި ރާއީސް އިބްރާހިމް މުހައްމަދު ސޯލިހުގެ ފަހަތްޕުޅުގައި ތިބީ ފިސާރި ކެރިގެން ކުރިއަށް ދިއުމަށެވެ. ރަށްތަކުން ފެނިގެން ދިޔައީ އެތަކެއް ޕްރޮޖެކްތަކެއް ނިމިގެން ގޮސްފައިވާ މަންޒަރެވެ. ފެނާއި ނަރުދަމާގެ ޕްރޮޖެކްތަކެވެ. ފުޓުސެލް ދަނޑުތަކާއި ، ވޮލީ ކޯޓްތައްވެސް މެއެވެ. ސިއްހީ ދާއިރާގެ ގިނަކަންކަމާއި ތައުލީމީދާއިރާގެ ގިނަ ކަންކަމެވެ. އެހެން ކަމުން ރައްޔިތުން ތިބީ މިއަދުގެ ސަރުކާރާއި ރައީސްގެ މަސަތްކަތްޕުޅު ބަލައިގަނެ ދެވަނަ ދައުރަކަށް ރައީސް އިބްރާހިމް މުހައްމަދު ސޯލިހްގެ ދެވަނަ ދައުރެއްގެ އިންތިޒާރުގައެވެ. ފެންނަ މަންޒަރުތަކުން ރައްޔިތުން ތިބީ ވޯޓް ފޮށީގެ އިންތިޒާރުގައި ރައީސައް ވޯޓް އަޅަން ކެތްމަދު ވެފައެވެ.

ފެންނަ މަންޒަރުތައް ދައްކުވައި ދެނީ ފާފު އަތޮޅުގެ ރައްޔިތުމީހާ ރައީސް އިބްރާހިމް މުހައްމަދު ސޯލިހުގެ ތަރައްގީ އަދިވެސް ބޭނުންވެފައިވާ ކަމެވެ. ރައްޔިތުމީހާގެ މި މަންޒަރު އިދިކޮޅު ފަރާތްތަކަށް ބަލައިގަންނަން އެހާ ފަސޭހަ ނުވާނެކަން ކަށަވަރެވެ. އަދި މި މަންޒަރު ތަކަށް ކެތްނުވެ ހާވާލާނެ ހަޑިއެއް ހޯދާނެކަން ވެސް ކަށަވަރެވެ. އެހެން ނަމަވެސް ފާފު އަތޮޅުން މިފެނުނު މަންޒަރުން ދެން އިތުރަށް ދައްކާނީ ކޮން ވާހަކައެއް ބާވައޭ ވެސް ހިތައް އަރައެވެ. ރައީސް އިސްތަށިފުޅުގައި އަޅުވާނީ ކޮން އިލްޒާމެއްބާއޭ ވެސް ހިތަށް އަރައެވެ.

އިދިކޮޅުން ދައްކާ ހޮޅިވާހަކައާއި ހަދާ ދޮގުތަކާއި ސަރުކާރާއި ރައީސްގެ އަގުވައްޓާލުމަށް ދައްކަމުންދާ ވާހަކަތަކަށް ހެއްލޭނެ ގިނަ ރައްޔިތަކު ނެތެވެ. ރައްޔިތުމިހާއަށް އެމީހާގެ ހަމަ ލޮލަށް އެމީހާއަށް ވާމޮޅާއި ލިބޭ ލުއިފަސޭހަ އެބަ ފެނެއެވެ. ހެއްދެވީއްސުރެ އުޅޭރަށުން ނުލިބިއޮތް އަސާސީ ހިދުމަތްތައް ލިބޭކަން ތަޖުރިބާ ކުރަނީ ރަށުގައި ހުރި ރައްޔިތުމީހާއެވެ. ފިކުރެއްގެ މަސްތުގައި ޖެހިފައިވާ މީހާއަށް ވާނުވާ ނޭނގިދާނެއެވެ. ކަނޑުގައި ރޮނގުއަޅަން އުޅޭ ބައިގަނޑަށް ތިމާމެން ކަނޑުގައި އަޅާ ރޮނގު ލޮލަށް ނުފެނުނަސް ރައީސް ސޯލިހުގެ ތަރައްގީގެ ހަމަހަމަކަން ލޮލަށް ފެނެއެވެ. ރޭނގަޑުގެ އިރާދަމުން ބައެއްގައި މަގުމަތީގައި ހުކުން ހަރާން ކުރާ މީހުނަށް ޖަލުނޫނީ ހުންނަކަން ނޭނގިދާނެއެވެ. އެމަންޒަރުން ސާފުވަނީ ތަރައްގީއަށް ފެންބޮވައިގެންފައިވާ ރައްޔިތުމީހާ ނުކުމެ ތަރައްގީގެ ރައީސައް ދެވަނަ ދައުރެއް ދިނުމަށް ކެތްމަދުވެފައިވާ ތަނެވެ.

]]> Sat, 27 May 2023 22:22:46 +0500 ޒުރޫ ރައީސްގެ އެންމެ ދަތުރަކުން އިދިކޮޅު ސައިޒަށް https://heerasnews.com/1450 https://heerasnews.com/1450 ރައީސް އިބްރާހިމް މުހައްމަދު ސޯލިހް ފާފު އަތޮޅަށް ކުރައްވަމުން ގެންދަވާ ދަތުފުޅުން އިދިކޮޅުން ހިންދެމި ނުލެވިމ އުޅެނިކޮށް އަނެއްކާވެސް ކޮށި އަރުވާރާލައިފިއެވެ. ރަޢީސް ފާފު އަތޮޅަށް ވަޑައިގެންނެވީ ތަރައްގީގެ އެތައް ޕްރޮޖެކްޓެއް ނިންމުމަށްފަހު އެ ޕޮރޮޖެކްތައް ހުޅުއްވައިދެއްވުމަށެވެ. ރައްޔިތުންނާއި ކައުންސިލްތަކާއި އެކު މަސަތްކަތް ކުރައްވާ ކުރިއަށް ހުރި ތަރައްޤީގެ ކަންކަން ކުރިއަށް ގެންދެވުމައްޓަކައި މަސްވަރާ ކުރެއްވުމަށެވެ. 

މިއަދު މުޅި ރާއްޖެއަށް ފެނިގެން ދިޔައީ  ރައީސަށާއި އަދުގެ ސަރުކާރަށް އޮތް ތާއީދެވެ. ރައްޔިތުމީހާގެ ކުރިއެރުމަށް މިއަދުގެ ސަރުކާރުން ކޮށްދެމުން ގެންދަވާ މަސަތްކަތްތައް ރައްޔިތުން ބަލައިގެންފިކަން ދައްކުވައި ދެއްވިއެވެ. އެހެން ކަމުން މިއަދު ފެނުނު މަންޒަރު ތަކުން ހަމަ ގައިމުވެސް އިދިކޮޅު ފަރާތްތައް ކޮށިއަރާ ގޮތްވާނެއެވެ. ރައްޔިތުން ބޮޑުމަންޒަރު ދައްކައިދެމުން ދާގޮތުން ބައެއް އިދިކޮޅު ފަރާތްތަކުން ސައިޒުވެލަން މަޖުބޫރު ވެސް ވާނެއެވެ.

އެނގި ޔަޤީން ވާކަމަކީ ރައްޔިތުމީހާ މިއަދު ނުކުމެހުރީ ރައްޔިތުމީހާ ހިތްހަމަޖެހޭ މިންވަރަށް މަސަތްކަތް ކުރެވި އިތުރަށް ތަރައްގީ ބޭނުން ވާތީކަމެވެ. ރައީސްގެ ހިއްވަރުފުޅާއި މަސަތްކަތްޕުޅުތައް މަޑުޖެހުމެއް ނެތްކަން މިއަދުގެ މަންޒަރުން އެކަނިވެސް ސާފުވެގެން ދާނައެވެ. ހިތުގަ ޖެހޭބަޔަކު ގޮތް ދޫކުރަންވެސް ފާފު އަތޮޅު މަންޒަރުތައް ފުދޭނެއެވެ.

ފާފު އަތޮޅުގެ ހުރިހާ ރަށަކުން ވެސް ފެނިގެން ދިޔައީ ކުދިބޮޑު އެންމެން ނުކުމެ ރައީސްއަށް އޮތް ލޯތްބާއި ތާއިދު ދައްކާލިތަނެވެ. ހަޖްމްކުރަން ކިތަންމެ އުނދާގު ވިއަސް ، ގަބޫލުކުރަން ކިތަންމެ ދަތިވިޔަސް މިއަދު ގެ ހަގީގަތަކީ އެއީއެވެ. ބޮޑު މަންޒަރު ސިފަވަނީ އެގޮތަށެވެ. ފަސްފަހަތުން ދުވެ ޑިފެންސައް ކުޅެން ތިއްބާ މާތް ﷲ ގެ އިރާދަފުޅުން ދެވަނަ ދައުރެއް ރައީސް އިބްރާހިމް މުހައްމަދު ސޯލިހް ކާމިޔާބު ކުރައްވާނީ ފަސޭހަކަމާއި އެކުގައެވެ. އެއްބުރުންނެވެ. ރައްޔިތުމީހާ މިއަދު ރައީސްއާއި ސަރުކާރުން ކުރައްވާ މަސަތްކަތްތައް ބަލައިގެންފިއެވެ. ފެންނަ މަންޒަރު ހަޖަމް ނުވަންޔާ ހަޖަމް ކުރާބޭހެއް ކާލައިގެން ހަމަޖެހިލާ ބޮޑުމަންޒަރު ކުލަވަންދެން ސިފަކޮށްލާށެވެ.  

]]> Sat, 27 May 2023 22:20:15 +0500 ޒުރޫ ސްޓެލްކޯ އެމްޑީ ޝަރީފް މޭސްތެރިކަމުގެ ހިދުމަތުން ސަފްހާއެއް https://heerasnews.com/1444 https://heerasnews.com/1444 ސްޓެލްކޯގެ އެމްޑީ ޝަރީފްއަކީ ކޮންމެ ސަރުކާރެއްގައި ވެސް ހަވާލު ކުރެވޭ މަސަތްކަތެއް އެންމެ ފުރިހަމައައް އަދާ ކުރާ އެމްޑިއޭ ބުނުމަކީ ދޮގަކަށް ނުވާނެއެވެ. މިއަދު ސްޓެލްކޯ މި ދެކޭ ކުރިއެރުމުގެ އެއް މޭސްތިރިއަކީ ވެސް އެމްޑީ ސަރީފްއެވެ. ކުރީ ސަރުކާރު ތަކުގައިވެސް ސްޓެލްކޯ، ސްޓެލްކޯ އަކަށް ހެއްދެވި ސަރީފް ވަނީ ތަފާތު ދައްކައި ދީފައެވެ. އޭރުވެސް ހިދުމަތައް އެތަކެއް ގިނަގުނަ ކުރިއެރުން ތަކެއް ހޯއްދަވާ ދެއްވިއެވެ.

ރައްޔިތުންނަށް އެމަނިކުފާނު ބޮޑަށް މަސްހޫރުވެގެން ދިޔަޢި އިލެކްޝަން ކޮމިޝަންގައި މަސަތްކަތް ކުރައްވަން ފެއްޓެވި ހިސާބުންނެވެ. ގޮންޖެހުންތަކާއި ފާޑުކިއުންތަކަށް މާބޮޑު ސަމާލުކަމެއް ނުދެއްވާ ގައުމަށް ހިދުމަތް ކޮށްދިނުމުގައި ސާބިތުވެ ހުންނެވިއެވެ. މީހެއްގެ ނުވަތަ ބައެއްގެ ޕްރެސަރަށް ބެލުމެއްނެތި ކުރެއްވި ކޮންމެ ކަމެއްގައި އިހުލާސްތެރިކަމާއި އެކު ނަތީޖާ ނެރެދެއްވިއެވެ. އިލެކްޝަންގައި މަސަތްކަތް ކުރެއްވިއިރު ސަރުކާރު ތަކުން އައި ޕްރެސަރާ ރައްޔިތުންގެ ފަރާތުން އައި ޕްރެސަރު ހޭންޑަލް ކުރެއްވީ އިހުލާސްތެރިކަމާއި ކެތްތެރިކަމާއި މަޑުމައިތިރި ކަމާއި އެކުގައެވެ. ހަނގުރާމައެއްގެ މައިދާނުގައިހެން އެ ދުވަހު އިހުލާސްތެރި ހާލިސް ހިތަކުން ރައްޔިތުންނަށް ކޮށްދެއްވި ބުރަ މަސަތްކަތުގެ ނަތިޖާއަކަށް ވެގެން ދިޔައީ ރާއީސް އިބްރާހިން މުހައްމަދު ސޯލިހުގެ ސަރުކާރުގައި ވެސް ސްޓެލްކޯގެ މެނޭޖިން ޑައިރެކްޓަރގެ މަގާމް އެ ބޭފުޅާއަށް ދެއްވުމެވެ.

ސަރުކާރުން އެ ބޭފުޅާއަށް އިތުބާރު ކުރައްވާ ކުންފުނި ހަވާލު ކުރެވީ ނުހަމު މާތް މަތިވެރި މަގުސަދެއްގައިކަން ޔަގީނެވެ. ރައްޔިތުންނަށް ބޭނުންވާ ހިދުމަތްތައް ދިނުމައް މިއަދު އެބޭފުޅާގެ ކުރައްވަމުން ގެންދަވާ މަސަތްކަތަކީ ލާމަސީލު މަސަތްކަތް ތަކެވެ. ދާއިރާގައި މަސަތް ކުރައްވާ މުވައްޒަފުން ތަމްރީންކޮށް  ހިދުމަތައް ނެރުއްވާ، އަލައް ވަޒީފާތަކަށް ނުކުންނަ ގިނަ ކުދިންތަކަށް ފުރުސަތުދެއްވާ ، މާދަމާގެ މުސްތަގުބަލު އުޖާލާ ކުރެއްވުމަށް ނުހަނު އިސްކަމެއް ދެއްވައެވެ. ސަރުކާރާއި ގުޅިގެން އެމްޑީ ސަރީފް ކުރައްވަމުން ގެންދަވާ މަސަތްކަތަކީ މުޅި ގައުމާއި ، ގައުމުގެ ރައްޔިތުންނާ ގުޅިލާ މެހިފައިވާ މަސަތްކަތެއްކަމުން ، މި މަސަތްކަތް ކުރުމުގައި އެމްޑީ ސަރީފު ދައްކަވާ ނަމޫނާއަކީ އެ ދާއިރާގައި މަސަތްކަތް ކުރައްވާ އެހެނިހެން ބޭފުޅުންނަށް ނަމޫނާ މަސަތްކަތްތަކެކެވެ.

ކަމަށް ކަމޭހިއްތަވައިގެން ދައުލަތަށް ވަފާތެރި ކަމާއެކު ކުރިންވެސް ކުރަމުން އައި މުހިންމު މަސަތްކަތް އެ ބޭފުޅާ މިހާރުވެސް ކުރައްވަމުން ގެންދަވަނީ ތަފާތެއް ނެތިއެވެ. ނުވަތަ އެއަށްވުރެ ވެސް ފުރިހަމަކޮށެވެ. ބަޔަކަށް ކިތަންމެ ހަޖަމް ނުވިއަސް އެހުޅުކޮޅު ނިއްވާލުމަށް އެތެރެއާއި ބޭރުން ކިތަންމެ ހަމަލާއެއް ދިނަސް ސަރީފު ހުންނެވީ ސާބިތިކާއި އެކު ކުރިއަށް ވަޑައިގަތުމަށެވެ. ރައްޔިތުންނަށް ދެމުންދާ ހިދުމަތް އިތުރަށް ފުރިހަމަކޮށް ގައުމުގެ ތަރައްގީ ހަލުވި ދުވެލީގައި ކުރިއަށް ގެންދެވުމަށެވެ.

އެމްޑީ ސަރީފުގެ އަގު ވައްޓާލުމަށް އެތައްކަމެއް ބަޔަކަށް ކުރެވިއްޖެއެވެ. ކުރަމުންވެސް ދެއެވެ. އެހެން ނަމަވެސް ކުޅަދާނަކަމާއި ކެތްތެރިކަމުގެ ނަތީޖާއިން ސަރީފު ކުރައްވާ މަސަތްކަތް މިއަދު ގައުމު ބަލައިގެންފިއެވެ. އެހުޅުކޮޅު ނިވާލެވޭނެ މާބޮޑު ހަކަތައެއް އިދިކޮޅަކުނެތެވެ. ބައެއް ފަރާތްތަކަށް މިއަދު ޝަރީފުގެ މަސްތްކަތް ހަޖަމްކުރަން އުނދަގޫ ވެސް ވެދާނެއެވެ. ބަލައިގަންނަން އުނދަގޫ ވެސް ވެދާނެއެވެއެވެ. އެއީ ސަރުކާރަށް އެންމެ ބޮޑަށް ތާއިދާއި ސަޕޯރޓް ހޯއްދަވާ ދެއްވުމުގައި ސަރީފުގެ މަސަތްކަތް ތަފާތުވެފައި އެހެން ގިނަ މީހުންނަށްވުރެ ޝަރީފުގެ މަސަތްކަތުގެ ދުވެލި ބާރުވެފައި ހަލުވި ވުމެވެ.

]]> Fri, 26 May 2023 13:56:22 +0500 ޒުރޫ ހުދުމުހުތާރު ވެރިންގެ ސިފަ https://heerasnews.com/1425 https://heerasnews.com/1425 ހުދުމުހުތާރު ވެރިންގެ ގޮތްތައް ހުދުމުހުތާރު ވުމުގައި އެއްގޮތް ނުވެދާނެއެވެ. އެ މީހެއްގެ ވެރިކަމުގެ ޙާލަތަށް ބަލާފައި ވަރަށް ބޮޑަށް އެކެއް އަނެކަކާއި ތަފާތު ވެދާނެއެވެ. ނަމަވެސް ގިނަ ފަހަރަށް ހުދުމުހުތާރު ވެރިކަމާ ގުޅިފައިވާ ބައެއް އާންމު އުސޫލުތަކާއި ސިފަތައް އެބަހުއްޓެވެ. މިހުރީ ހުދުމުހުތާރު ވެރިން ތަބާވާ އާންމު މަދު އުސޫލު ތަކެކެވެ.

ބާރު ވަރުގަދަ ކުރުން: 

ހުދުމުހުތާރު ވެރިން އާންމުކޮށް މަސައްކަތް ކުރަނީ އެ މީހުންގެ އަތުގައި ބާރު ޖަމާކޮށް، ކުރިމަތިވެދާނެ އިދިކޮޅު ފަރާތްތައް ނައްތާލުމަށް ނުވަތަ ބާކީ ކުރުމަށެވެ. ވެރިކަން ކުރަން ބޭނުން ވާނީ ސިޔާސީ އިދިކޮޅު ފަރާތްތައް ފިއްތާލައި، މީޑިއާ ސެންސަރުކޮށް، އަސްކަރީ އަދި ސަލާމަތީ ބާރުތައް ކޮންޓްރޯލް ކޮށްގެންނެއެވެ.

ޝަޚުޞިއްޔަތުގެ ކަލްޓް:

ހުދުމުހުތާރު ވެރިން އެ މީހުންގެ ވަށައިގެން ޝަޚުޞިއްޔަތުގެ ކަލްޓެއް އާލާކޮށް، ވަރުގަދަ ލީޑަރުންގެ ގޮތުގައި ސިފަކޮށް، ކުށެއް ނެތްކަމުގެ ތަޞައްވުރެއް ކުރިއަރުވައެވެ. މި ތަސްވީރު ދެމެހެއްޓުމަށާއި، ޚިޔާލު ތަފާތުވާ އެއްވެސް ވިސްނުމެއް ނެތި ފިއްތާލުމަށްޓަކައި އެ މީހުން ގިނައިން ބޭނުން ކުރަނީ ޕްރޮޕެގެންޑާއާއި ކޮންޓްރޯލް ކުރާ މީޑިއާއެވެ.

މަދަނީ މިނިވަންކަން ހަނިކުރުން: 

ހުދުމުހުތާރު ވެރިން އެތައް ފަހަރަކު އެއް ވާހަކައެއް ދައްކާ އަސްލު އޮޅުވާލުމާއި، ގިނަ ގިނައިން އެއްވެ އުޅުމާއި، ޖަމާޢަތް އުފެއްދުމުގެ މިނިވަންކަން ފަދަ މަދަނީ މިނިވަންކަން ހުޅުވާފައި އޮވެމެ ކުދިކުދި ދަތި ކަންކަން ކުރިމަތި ކުރުވާ ކަން ފުރިހަމަ ނުވާނޭގޮތަށް ކަންކަން ތަރުތީބު ކުރެއެވެ. ހަރުކަށި ސެންސަރުތައް  ހެދުމާއި، ސިޔާސީ ޕާޓީ ނުވަތަ ޖަމިއްޔާތައް މަނާކުރުން ވެސް އެއީ ކޮށް އުޅޭކަމެކެވެ. އިދިކޮޅަކަށް ފާޑުކިޔުން މަނާކުރުމާއި، އަމިއްލަޔައް ވާދަވެރި ޕްރައިމަރީ ތަކުން މަނާވެގަތުން ހިމެނެއެވެ.

ޝަރުއީ ނިޒާމު ކޮންޓްރޯލް ކުރުން:

ޝަރުއީ ނިޒާމު މެނިޕުއަލޭޓް ކުރުމާއި ކޮންޓްރޯލް ކުރުމަކީ އެ މީހުންގެ ވެރިކަން ގޮންޖެހުމެއް ނެތި ކުރިއަށް ގެންދިއުމަށް ކުރާ ކަމެކެވެ. ވެރިކަމަށް އަތުވެދާނެ ކަމަށް ހީވާ ނުރައްކާތަކާއި ކުރިމަތިލުމަށް ވަފާތެރި ފަނޑިޔާރުން އައްޔަންކޮށް، ގާނޫނީ ޝަރީއަތް ތަކަށް ވަދެގަނެއެވެ. ނުވަތަ ހާއްސަ ކޯޓުތައް ގާއިމް ކުރާނެއެވެ.

އިދިކޮޅު ފިއްތުންތައް ފިއްތާލުން: 

ޑިމޮކްރަސީން ، ޑިކްޓޭޓަރަކަށްވާ ވެރިން އިދިކޮޅު ފިއްތުންތައް ނެތި ކޮށްލުމަށް ސިޔާސީ ގޮތުން ދޭ ފިއްތުން ތަކާއި، ޖަލަށްލުމާއި، އަނިޔާ ކުރުމާއި، ޝަރީޢަތުގެ ބޭރުން ކަންކަން ކުރުން ހިމެނެއެވެ. އަދި ޚިޔާލު ތަފާތުވާ މީހުނާއި ތަފާތު ހިޔާލު ފާޅުކުރާ މީހުން މޮނިޓަރކޮށް ބިރުދެއްކުމަށް ވެސް ސަވައިލެންސް އާއި އިންފޮމޭޓަރުން ބޭނުން ކުރާނެއެވެ.

އިންތިޚާބުތައް މެނިޕުއަލް ކުރުން: 

ހުދު މުހުތާރު ވެރިން އިންތިޚާބުތައް ބާއްވަނީ ޝަރުޢީ ކަމުގެ ސިފައެއް ދެމެހެއްޓުމަށެވެ. ނަމަވެސް މި އިންތިޚާބުތައް ގިނަ ފަހަރަށް ވަރަށް ބޮޑަށް މެނިޕުލޭޓް ކުރުމާ އެމީހުންގެ ފައިދާއަށް އޮޅުވާލައެވެ. އެ މީހުން އިންތިޚާބުގެ މަރުހަލާ ކޮންޓްރޯލްކޮށް، އިދިކޮޅު ކެންޑިޑޭޓުންނަށް ފުރުސަތު ހަނިކޮށް،  ބިރުދެއްކުމާއި މަޖުބޫރުކޮށްގެން އެދެވޭ ނަތީޖާއެއް ކަށަވަރު ކުރުމަށް މަސަތްކަތް ކުރާނެއެވެ.

އިޤްތިޞާދު ކޮންޓްރޯލްކުރުން: 

ހުދުމުހުތާރު ވެރިން ގިނައިން އިޤްތިޞާދުގެ މައްޗަށް ކޮންޓްރޯލް ހިންގަނީ، ގިނަ ފަހަރަށް އިޤްތިޞާދީ ފުރުޞަތުތަކާއި ވަސީލަތްތައް ހުރިހާ އެކުވެރިންނަށް ނުވަތަ ވަފާތެރި ސަޕޯޓަރުންނަށް ބައިއަޅައިގެންނެވެ. އެ މީހުން ކޮރަޕްޝަންގައި ބައިވެރިވެ، މުހިންމު ސިނާއަތްތައް މޮނޮޕޮލީކޮށް، ނުވަތަ ވަކި ޖަމާއަތް ތަކެއްގެ ވަފާތެރިކަން ދެމެހެއްޓުމަށް އިގްތިސާދީ އިނާޔަތްތައް ބޭނުން ކުރާނެއެއެވެ. 

ބިރުވެރިކަމާއި ޕްރޮޕެގެންޑާ ޕްރޮޕަގޭޓްކުރުން :

ތަންތަން ރޯކުރުމާއި ތަޅާފޮޅުމަށް ހިއްވަރު ދިނުމާއި، ބަލިގަބޫލު ނުކުރުމާއި، ނެތިދާ ބާރުވެރިކަން ހަޖަމް ނުވުމާއިއެކު ތާރީޚީ ވާހަކަތައް މެނިޕުއަލް ކުރުމަށާއި، އޭނާގެ ވެރިކަމުގެ ފިކުރު ކުރިއެރުވުމަށް އުޅޭނެއެވެ. 

ބައިނަލްއަޤްވާމީ ނުފޫޒު ހަނިކުރުން: 

ހުދުމުހުތާރު ވެރިން ގިނަ ފަހަރަށް މަސައްކަތް ކުރަނީ ބޭރުގެ ނުފޫޒު ހަނިކޮށް، އެކަހެރިކަމުގެ ފެންވަރެއް ދަމަހައްޓާށެވެ. އެއީ ބޭރު ދުނިޔެއިން މައުލޫމާތު ފޯރުކޮށްދިނުން ހަނިކޮށް، ބައިނަލްއަގްވާމީ މީޑިއާގެ ކަވަރޭޖް ކޮންޓްރޯލްކޮށް، ބައިނަލްއަގްވާމީ ޖަމިއްޔާތަކަށް އެ މީހުންގެ ގައުމަށް ވަދެވޭނެ ގޮތްހަނި ކުރުމަށެވެ.

]]> Mon, 22 May 2023 13:13:06 +0500 ޒުރޫ ނަމުން ޑިމޮކްރަސީ & ކަމުން މުގާބޭ https://heerasnews.com/1419 https://heerasnews.com/1419 މީގެ ކުރިން ރަށްޔިތުންނަށް ފެންނަމުންދިޔައީ ކުރީގެ ރައީސް ނަސީދު އެއްފަޅިއެވެ. އެއީ އެ ބޭފުޅާ މަގުމަތީ އުޅުއްވާ ގޮތެވެ. ހަމައެކަނި ޕޯޑިއަމްތަކަށް އަރާ ދައްކަމުންދާ ވާހަކައެވެ. 2018 ވަނަ އަހަރު އެމްޑީޕީ ވެރިކަމަށް ކުރިމަތިލީ ރައީސް ނަސީދު ސިޔާސީ މައިދާނުގައި ހުރިކަމަށް ބަލައިގެނެއްނޫނެވެ.

ޑީލަކުން ޖަލުން ނިކުމެ ވަޑައިގެން ބޭހަށް ވަޑައިގެން އަމިއްލަފުޅަށް އަރުވާލެއްވިގެން ހުންނެވި ރައީސް ނަޝީދަށް އެނބުރި ރާއްޖެ ވަޑައިގެންނެވުމުގެ ސަބަބަކަށްވީ އެމްޑީޕީ އިސްވެ ހިންގާ ވެރިކަމެއް ރާއްޖެއަށް އައުމެވެ. ރައީސް ނަސީދު ކުރެއްވި ބޮޑުކުށަށް ވީގޮތެެއްވެ އެކަން ރައްޔިތުންގެ ހަނދާނުން ފުހެވުނެވެ. އަރުވާލެއްވިގެން ހުންނެވި ރައީސް ނަސީދުގެ އަސްލު ސިޔާސީ ސޫރައިގައި މަގުމައްޗައް ރައީސް ސޯލިހު ނެރެދެއްވިއެވެ. އެވަރުން ވެސް ނުފުދުނެވެ.

ބޭނުންފުޅުވެ ވަޑައިގެން ރައީސް ނަޝީދު ވިދާޅުވި ކޮންމެ މީހަކަށް ސިޔާސީ މަގަމު ދެއްވިއެވެ. ގިނަ ޕްރޮޖެކްތަކެއް ސީދާ އެ ބޭފުޅާ ބޭނުންވެ ވަޑައިގެން ގޮތަކަށް އޮޕަރޭޓް ކުރެއްވުމަށް ފުރުސަތު ދެއްވިއެވެ. ފުލޯޓިން ސިޓީ ހެދުން ފަދަ ބޮޑެތި އެތައް ޕްރޮޖެކްތަކެއް އެ ބޭފުޅާގެ އިހުތިޔާރަށް ދޫކޮށް ދެއްވިއެވެ. މަޖިލީހުގެ މެންބަރުކަމަށް ހޮވައިދީ، ދައުލަތު އެއްބާރު އެ ބޭފުޅާއާއި ހަވާލު ކުރެއްވިއެވެ. ދިވެހިރާއްޖޭގައި މުޅިން އަލަށް މަޖިލީހުގެ ރައީސަކަށް ހާއްސަ ގެކޮޅެއް ތައްޔާރުކޮށް ދެއްވިއެވެ. އަދި ރައީސަކަށް ނުލިބޭވަރުގެ ހައި ސެކިއުރިޓީ ދެއްވިއެވެ. އެމްޑީޕީ އިސްކޮށް އޮތް އިބުގެ ސަރުކާރުން ރައީސް ނަޝީދަށް ކޮށްނުދެނީ ކޮންކަމެއް ހެއްޔެވެ. ކުރުކޮށް ބުނާނަމަ ރައީސުލްޖުމްހޫރިއްޔާ ކަން ނުކުރަށްވާ ކަމެވެ. 

މަންޒަރު ބަދަލުވީ ވެރިކަމުގެ ބައިވެރިންނާ ދެކޮޅުވެރިވެ ވަޑައިގެން ކޯލިޝަން ޕާޓްނަރުން ބޭރުކޮށްލެއްވުމަށް ބޭނުންފުޅުވެ ވަޑައިގެން ހިސާބުންނެވެ. ސަރުކާރު ހިންގުމުގެ ބާރު ރައީސް ނަޝީދުގެ އަތްޕުޅު މައްޗަށް ފޮރޮޅާލެއްވުމަށް ފިޔަވަޅު ނެންގެވުމުން ރައީސް ސޯލިހުގެ އެއްބާރު ލެއްވުން ލިބި ވަޑައިނުގެން ހިސާބުންނެވެ. ބޮޑުވަޒީރުކަން ހޯއްދަވާ ދެއްވާ ރައީސް ސޯލިހު އެކަހެރިވެ ވަޑައިގަތުމަށް ދެންނެވުމުން އެކަމަށް އެއްބާރުލުން ނުދެއްވި ހިސާބުންނެވެ. ޕާޓީގެ ގުނަންތަކުން އެބޭފުޅާގެ މެޖޯރިތީ ގެއްލި އެ ބޭފުޅާއާއި އެ ބޭފުޅާގެ ޓީމް އިންތިހާބުތަކުން ބަލިވާން ފެށުމުންނެވެ.

ޑިމޮކްރަސީގެ ބައްޕައަށް ޕްރައިމަރީތައް ކަމަކު ނުދިއައެވެ. ވޯޓް ލެވުނު ގޮތާއި އިންތިހާބުތައް ބޭއްވުނު ގޮތްވެސް އެ ބޭފުޅާއަށް ކަމަކު ނުދިޔައެވެ. އެމްޑީޕީ އަކީ ގޯނި ގޯންޏަށާއި، ސިމެންތިގަށާ މެސިން ތަކަށްވެސް ޕްރައިމަރީގައި ވޯޓްލީ ފިސާރި މެންބަރުން ތަކެއް ތިބި ޕާރޓީއެކެވެ. އެމްޑީޕީ ޗެއަރޕާރސަން އިންތިހާބުގައިވެސް ބަލިވީ އެ ބޭފުޅާގެ ޓީމެވެ. އެހިސާބުން މުޅި މަސްރަހު ބަދަލުވިއެވެ.

"ތިމަންނަގެ ބާރު ނުހިނގާނަމަ ، ތިމަންނައަށް ވެރިކަމަށް ނާދެވޭނަމަ" އެމްޑީޕީގައި ވެރިކަން ބާއްވަން ވެސް ބޭނުންފުޅެއް ނުވިއެވެ. ރިޔާސީ އިންތިހާބުގައި އެމްޑީޕީގެ ފަރާތުން ވާދަކުރާނެ ކެނޑިޑޭޓަކު ހޮވުމަށް ބޭއްވުނު ތާރީހީ ޕްރައިމަރީ މިހާރުގެ ރައީސް އިބްރާހިމް މުހައްމަދު ސޯލިހް ކާމިޔާބު ކުރެއްވި ހިސާބުން މުޅި ސިޔާސީ މަސްރަހަށް ރައީސް ނަޝީދުގެ ހަގީގީ ސޫރަ ސާފުވިއެވެ. ރައީސް ނަސީދާ އެ ބޭފުޅާގެ ޓީމަށް ވެރިކަން ނޫން އެއްޗެއް ބޭނުމެއް ނޫނެވެ.

ކުރީގެ އެތައް ރައީސުންނަށް ތިރީސް އަހަރޭ ، މުގަބޭއޭ، ވިދާޅުވެ ޑިމޮކްރަސީގެ ނިވަލުގައި ހުންނެވި ރައީސް ނަޝީދަކީ ރައީސް ނަސިރާއި ރައީސް މައުމޫނާއި ރައީސް ޔާމީނަށްވުރެ ވެސް މުގާބޭކަން ބޮޑު ބޭފުޅެކެވެ. ރައީސް ނަޝީދާ އަޅާ ކިޔާލާނަމަ އެބޭފުޅުންގެ މުގާބޭކަމުގެ ބުރަދަން ރައީސް ނަޝީދާ އަޅާ ބަލައިފިނަމަ ހުވަނދަކަށްވެސް ނުވާނެއެވެ. އެހާވެސް މުގާބޭއެވެ. ވޯޓަކީ ދެނެވަޑައި ގަންނަވާ އެއްޗެއްވެސް ނޫނެވެ. ޕްރައިމަރީ އާއި އިންތިހާބުގައި ބަލިވުމަކީ ރައީސް ނަޝީދު ނޫން އެހެން އެންމެނަށް އޮންނަ ކަމެކެވެ. ރައީސް ނަޝީދު ނޫން މީހަކު ވެރިކަން ކުރުމަކީ ޑިމޮކްރަސީއެއް ނޫނެވެ. ޕްރައިމަރީއަކާ ނުލާ ވެރިކަމަށް ކުފޫ ހަމަ އެހެން މީހަކު ރައީސް ނަޝީދު ނޫނީ ނެތެވެ.

ރައްޔިތުން ބާރުވެރި ކުރަން ނުކުތް މީހާއަށް މިވީ ކިހިނެތް ހެއްޔެވެ. މަންޑެލާ ހެދިގެން ޑިމޮކްރަސީގެ ބަޕައަވެގެން މިއުޅުނީ ވެރިކަމުގެ ދަހިވެތިކަމުގައިތާއެވެ. މުގާބޭވެސް ފަހުވަގުތު ފަހަތަށް ޖެހުނެވެ. އެކަމަކު އެންމެ ބޮޑު ޑިމޮކްރޭޓް މިވީ ވެރިކަމުގެ ބަގުޑި ނައްޓާލަން ބޭނުންނުވާ ޑިކްޓޭޓަރަކަށެވެ، 

]]> Sun, 21 May 2023 20:16:08 +0500 ޒުރޫ ރައީސް ނަސީދު ރާއްޖޭގެ ޑިމޮކްރަސީ އޮޔާލުން https://heerasnews.com/1418 https://heerasnews.com/1418 އާއެކެވެ. މީގެ އަހަރުތަކެއް ކުރިން އެންމެންވެސް ހީކުރަމުން އައީ ރައީސް ނަސީދަކީ ހަމަ ހަގީގަތުގައިވެސް ވަރަށް ޑިމޮކްރަޓިކް ބޭފުޅެއްކަމަށެވެ. ރައްޔިތުން ނުހަނު އިތުބާރުކޮށް ނަސީދާއެކު މަގުތަކަށް ނުކުތީ ރައްޔިތުންގެ ހައްގު މިންވަރު ހޯދާށެވެ. ވެރިޔަކީ ރަޢިސް ނަސީދުކަމަށް ދެކިގެން އެ ބޭފުޅާ ފޮލޯކުރަމުން އެ ބޭފުޅާ ހިންގެވި މަގަކުން ރަށްޔިތުންގެ ގިނަ ބަޔަކު ހިނގިއެވެ. މި ހުރިހާ މަރުހަލާތަކެއް ކަޑައްތު ކުރަމުން ގޮސް ރާއްޖޭގެ ރައީސްކަން ވެސް އެބޭފުޅާއާއި ހަވާލުކުރެވުނެވެ.

ނަމަވެސް ވެރިކަމުގެ ތިން އަހަރު ވޭތު ކުރުމަށް ފަހު ރައްޔިތުން ނުކުމެ ވެރިކަމުން ބޭލިއެވެ. އޭގެ ފަހުން ވެސް އެ ބޭފުޅާ ހިންގެވި މަގުންނާއި ހިނގަން ދެއްކެވިހާ މަގަކުން ރައްޔިތުމީހާ ހިނގިއެވެ. ކޮށާ ކުދިކޮށް މަގުމަށްޗައް ތިރިކޮށްލި އިރުވެސް އެ ބޭފުޅާ އާއި ރައްޔިތުމީހާގެ ހިމާޔަތުގަ ރައްޔިތުމީހާ ވިއެވެ. މިއީ ދިވެހި ތާރީހު ދައްކި ހަގީގަތެވެ.

ނޭނގި އޮތް އެއްޗަކީ ރައީސް ނަސީދުގެ ހިތުގައި އޮތް ވެރިކަމުގެ ދަހިވެތިކަމެވެ. ވެރިކަމަށްޓަކައި ޕާޓީ އާއި އެ ބޭފުޅާއަށްޓަކައި ގުރުބާންވި ފަހުލަވާނުންގެ ބޮލަށް ފައިން އަރާފާނެކަން ދިވެހި ރައްޔިތުންގެ އެތައް ބަޔަކަށް ނޭގުނީއެވެ. އެ ބޭފުޅާގެ އަރިސް ބޭފުޅުން ވިދާޅުވާ ގޮތުން ނަމަ ރައީސް ނަސީދުގެ ބޭފުޅިޒަމް ނިޒާމަކީ ކުރީގެ ބޭފުޅުޒަމް އަށްވުރެ އެއްދަރު ހެޔޮ ބޭފުޅިޒަމްއެކެވެ.

ބޭރުފުށުން ރައްޔިތުނަށް ފެންނަ ނަސީދު އާއި އަސްލު ނަސީދުއަކީ ދޭއްޗެކެވެ. ބޭރުފުށުން ކިތަންމެ ރައްޔިތުމީހާއޭ ދެއްކިޔަސް ނަސީދަކީ ހަގީގަތުގަ މައުމޫނިޒަމްއަށް ދޫނުކުރާނެ ފަދަ ބޭފުޅިޒަމް ބޮޑު މީހެކެވެ. އެ ބޭފުޅާގެ އަރިސްމީހުން މިކަމަށް ހެކިވާނެއެވެ. އެހެންކަމުން ސޫލާ ސަރާބި ނޫނީ އެއްވެސް އެއްޗެއް އެ ބޭފުޅާއަށް ހަޖަމެއް ނުވާނެކަމަށް ކުދިން ކިޔާއުޅެއެވެ.

ކިރިޔާ ބާރުވެރިކަން ދައްވެލާހެން ހީވުމުން ކޮށްލިވަރު ނިކަން ދެކިލަ ބަލާށެވެ. ރާއްޖޭގެ އެންމެ ޑޮމޮކްރެޓީކް ޕާރޓީ އެމްޑީޕީ ގެ ޕްރައިމަރީގެ ނަތީޖާ ގަބޫލު ނުކުރެވުނެވެ. ދެން މާދަމާ އިންތިހާބެއް ބާއްވާގެން ބަލިވިޔަސް ސަރުކާރާއި ، އެލެކްސަން ކޮމިސަން ހައިވާނުންނަށް ވާނެއެވެ. މީގެ އެންމެ ނުރައްކާވާ ހިސާބަކީ މީނާގެ ސަބަބުން ދެންހުރި ހުރިހާ އިންތިހާބަށް މި އަސަރުކުރުމެވެ. ޕްރައިމަރީގެ އިންތިހާބުން ބަލިވިޔަސް އެންމެން ވާދަކުރަން ފެށުމެވެ. ޕްރައިމަރީތައް ގަޑުބަޑުވުމެވެ.

ބަލިވީމާ ޕާރޓީ ގޯސްކޮށް ލީވޯޓް ބޮލާލާ ޖަހަން ފަސްނުޖެހޭނެ ޖީލެއް އުފަން ކުރުވަނީއެވެ. ހުދުމުހުތާރުކަން އޭގެ އެންމެ ފުންމިނަށް މީނައާއި ހުރެ ދަނީއެވެ. ރާއްޖޭގެ ޑޮމޮކްރަސީއަށް ބޮޑު ތުރާލަކަށް ވީނޫންތޯއެވެ. ޅަފަތުގައި ކުރިއަރަމުން އައި ޑިމޮކްރަސީ އެތައް ގުނައަކަށް ފަހަތައް ދިޔައީ ނޫންތޯއެވެ. މިއީ ޑިމޮކްރަސީއަށް ހާދަހާވާ ހަޑި މުޑުދާރު މަންޒަރެކެވެ. ރައްޔިތުންނާއި ޑިމޮކްރަސީއަށް ކުޑަވެސް ކުލުނެތް އަގަލެއް ހުރިނަމަ ތިޔަ މަސަތްކަތް ހުއްޓާލާށެވެ. ރައްޔިތުމީހާ އަށްލިބުނު ބާރު އަނބުރާ މުށުތެރެއަށް ނުލައްވާށެވެ. ވެރިކަމުގެ ސަރުބަތައްޓަކައި ރާއްޖޭގެ ޑިމޮކްރަސީ އޮޔާލިޔަ ނުދޭށެވެ.

]]> Sun, 21 May 2023 20:12:14 +0500 ޒުރޫ ޖޭޕީގެ މިލަންދޫ ފަހުލަވާނު ހަބީބާ އެމްޑީޕީއަށް https://heerasnews.com/1417 https://heerasnews.com/1417 ށ. މިލަންދޫއަކީ ޒަމާނަށްސުރެ އެމްޑީޕީގެ މެޖޯރިޓީ ނަގަހައްޓަމުންދާ އެއްރަށެވެ. މިލަންދޫ ދާއިރައަކީ ރައީސް ސޯލިއުއަށް ކާމިޔާބު ދާއިރާއެކެވެ. މުޅި ދާއިރާގައި ތަފާތު ކުރުމެއްނެތި ހިންގަމުންދާ ތަރައްގީގެ މަސްރޫއު ތަކަކީ ރައީސް ސޯލިހު އެ ދާއިރާއަށް ބަހައްޓަވާ ގާތްކަން ހާމަކޮށްދޭ އެއްކަމެވެ.

މިލަންދޫ ގައި ޖޭޕީ ލީޑުކުރަމުންދާ ފަރާތަކީ ހަބީބާ އާއި އޭނަގެ އާއިލާއެވެ. މިލަންދޫން ޖޭޕީން ވަނީ މީގެ ކުރިން ބައެއް ކާމިޔާބީތައް ވެސް ހާސިލްކޮށްފައެވެ. އެހެން ނަމަވެސް އެމްޑީޕީން ރަށްރަށަށް ކުރި ދަތުރުތަކުގައި އެންމެ ފާހަގަ ކޮށްލެވިގެން ދިޔަ އެއް ކަމަކީ ޖޭޕީގެ ޒަމާންވީ ސަޕޯޓަރު އަދި ބަދަލުވުމެއްނެތި ޖޭޕީގެ ހަރަކާތް މިލަންދޫއާއި މިލަންދޫ ދާއިރާގައި ހިންގަމުންދާ ފަރާތްކަމުގައިވާ ހަބީބާ އެމްޑީޕީއަށް ސޮއިކުރުމެވެ.

ހަބީބާ އެމްޑީޕީއަށް ސޮއިކުރުން ކުރިއަށް ގެންގޮސްފައި ވަނީ މިލަންދޫ އެމްޑީޕީ ހަރުގޭގައި ބޭއްވި ހާއްސަ ރަސްމިއްޔާތެއްގައެވެ. ހަބީބާގެ ފޯމާ ހަވާލުވެ ވަޑައިގަތީ މިލަންދޫ ދާއިރާގެ މެންބަރު އަލީ ރިޒާއެވެ. ފޯމާއި ހަވާލުވެ ވަޑައިގަތުމަށް ފަހު ވާހަކަ ދައްކަވަމުން އަލީ ރިޒާ ވިދާޅުވީ ، މިއީ ތާރިހީ ކާމިޔާބީއެއްކަމަށާއި ކުރިއަށް އޮތްތަނުގައި ނަތީޖާތައް ދެގުނަ ކުރުމަށް ލިބެގެން ދިޔަ ފަހި ފުރުސަތެއް ކަމަށެވެ. މި ރަސްމިއްޔާތުގައި މިހާރު މިލަންދޫއަށް އަންނަމުންދާ ތަރައްގީއާއި ،ކުރިއަށް ރޭވިފައިވާ ކަންކަމަށް އަލި އަޅުވާލެއްވިއެވެ. މި ރަސްމިއްޔާތުގައި އެމްޕީ އަލީ ރިޒާގެ އިތުރުން އެމްޑީޕީގެ ގިނަ ސަޕޯރޓަރުންނާއި އެކު ސަރުކާރުގެ ވުޒާރާތަކުގެ ބައެއް އިސްބޭފުޅުން ވެސް ބައިވެރިވެ ވަޑައިގަތެވެ. ސޮއިކުރެއްވުމަށްފަހު ހަބިބާ ވިދާޅުވީ ސަރުކާރުން މިލަންދޫއައް ގެންނަމުންދާ ތަރައްޤީ ހުއްޓެން ބޭނުން ނުވާކަމަށާއި ، މިލަންދޫ ދާއިރާގެ މެންބަރާއި ، ރައީސް އިބްރާހިމް މުހައްމަދު ސޯލިހު މިލަންދޫއާއި މިލަންދޫ ދާއިރާއަށް ގެނެސްދެއްވާ ތަރައްގީ ބަލައިގަންނަ ކަމަށެވެ. އެހެން ކަމުން އެންމެ ރަނގަޅު ގޮތަކީ އަދި އެންމެ ފައިދާހުރި ގޮތަކީ ދެވަނަ ދައުރެއް ރައީސް އިބްރާހިމް މުހައްމަދު ސޯލިހަށް ދެއްވުން ކަމުގައެވެ. ސޮއިކުރުމުގެ ރަސްމިއްޔާތަށް ފަހު އޮތް ދިދަ ނެގުމުގެ ރަސްމިއްޔާތުގައި ވެސް އިސްކޮށް ހުންނެވީ ހަބީބާއެވެ. މި ފޯރިގަދަ ހަރަކާތް ނިމިގެން ދިޔައީ ރަޢީސްގެ ކެމްޕެއިން ޕޯސްޓާރ ހަރުކުރުމާއިއެކު މެންބަރުގެ ހާއްސަ ސައިފޮދަކާ އެކުއެވެ.

]]> Sun, 21 May 2023 19:41:09 +0500 ޒުރޫ ދެވަނަ ދައުރެއް ރައީސަށް ދޭންޖެހޭ https://heerasnews.com/1416 https://heerasnews.com/1416 އާންމުކޮށް ރައީސް ސޯލިހުގެ ނަމުން މަޝްހޫރު ވެފައިވާ އިބްރާހިމް މުހައްމަދު ސޯލިހު 2018 ވަނަ އަހަރުން ފެށިގެން ރާއްޖޭގެ ރައީސްގެ މަގާމު ފުރުއްވާއިރު، ދެވަނަ ދައުރަކަށް ރައީސަކަށް ގެނައުމަށް ބެލެވިދާނެ ބައެއް އާންމު ސަބަބުތައް ފާހަގަ ކޮށްލެވެއެވެ. ކާމިޔާބީ ތަކާއި ވައުދުތައް ފުއްދައި ދިނުން: ރައީސް ސޯލިހުގެ ކެމްޕޭން ވައުދުތައް ކާމިޔާބު ކަމާއެކު ތަންފީޒުކޮށް، ފުރަތަމަ ދައުރުގައި މުހިންމު މައިލްސްޓޯން ތަކެއް ހާސިލްކޮށްފައިވާ ވުމުން، އެއީ އިބްރާހިމް މުހައްމަދު ސޯލިހު ވައުދުތައް ލީޑްކޮށް ފުއްދުމުގެ ގާބިލްކަން ދައްކުވައި ދޭނެ ކަމެކެވެ. މިކަމުގެ ސަބަބުން ދެވަނަ ދައުރަކަށް އެންމެ ފަހި ކެންޑިޑޭޓަކަށް އިބްރާހިމް މުހައްމަދު ސޯލިހު ވެއެވެ.

ހަމަޖެހުމާއި އިގްތިސާދީ ކުރިއެރުން: 

ރައީސް ސޯލިހުގެ ވެރިކަމުގައި ގައުމަށް ހަމަޖެހުން ގެނެސްދީ، އިގްތިސާދު ރަނގަޅުވެ، ވިޔަފާރިތަކަށާއި އިންވެސްޓްމަންޓް ތަކަށް ފަހިސަރުތު  ތަކެއް އުފެދިއްޖެއެވެ. އެއީ ދެވަނަ ދައުރަކަށް އިބްރާހިމް މުހައްމަދު ސޯލިހު ފުރުސަތު ދިނުމަށް ބެލުމުގައި ހެޔޮ ކަމެއްގެ ގޮތުގައި ފުދެއެއެވެ.

ޕޮޕިއުލަރ ސަޕޯޓް: 

އާންމުންގެ ސަޕޯޓާއި އެޕްރޫވަލް ރޭޓިންގްސްގެ މަތީ ފެންވަރަކީ ލީޑަރެއް ދެވަނަ ދައުރެއް ނެގުމުގައި ވަރުގަދަ އިޝާރާތަކަށް ވެދާނެއެވެ. އާބާދީގެ މެދުގައި ރައީސް ސޯލިހަށް ފުޅާ ދާއިރާއެއްގައި މަގުބޫލު ކަމާއި އިތުބާރު ލިބިވަޑައިގެންފަވެއެވެ، އެކަމުގެ ސަބަބުން އެމަނިކުފާނަށް އަލުން އިންތިހާބު ވުމުގެ ފުރުސަތު ވަރުގަދައެވެ.

ކޮންޓިނިއުޓީއާއި ތަޖުރިބާ: 

ދެވަނަ ދައުރަކަށް ރައީސަކު އަލުން އިންތިޚާބުކުރުމަކީވެރިކަން ހިންގުމުގައި ކޮންޓިނިއުޓީ ލިބި، ހިނގަމުންދާ މަޝްރޫޢުތައް ނިންމުމާއިދިގުމުއްދަތުގެ ސްޓްރެޓެޖީތައް ތަންފީޒު ކުރުމުގެ ފުރުޞަތު ލިބިގެންދާނެ ކަމެކެވެ. މިހާރުގެ ލީޑަރުގެ ހައިސިއްޔަތުން ރައީސް ސޯލިހުގެ ތަޖުރިބާއަކީ ހަމަޖެހުން ކަށަވަރުކޮށްދީ ކުރިއެރުން ދެމިއޮތުމަށް ލިބޭ ފައިދާއެއްގެ ގޮތުގައި ބެލެވެއެވެ.

ފާހަގަކޮށްލަންޖެހޭ މުހިންމުކަމަކީ ލީޑަރަކަށް ދެވަނަ ދައުރެއް ދިނުމަށް ނިންމުމަކީ އެންމެ ފަހުން ވޯޓުލާ މީހުންނާއި ޑިމޮކްރެޓިކް ޕްރޮސެސްގެ މައްޗަށް ބިނާވެފައިވާ ނިންމުމެކެވެ. ސިޔާސީ ޑައިނަމިކްސް، އާންމުންގެ ޝުޢޫރު، އަދި ރާއްޖެއަށް ޚާއްޞަ އެހެން ކަންތައް ތަކުން އާޚިރުގައި ނިންމުންތައް ނިންމުމުގެ ޕްރޮސެސް ބައްޓަން ކުރެވޭނެއެވެ. ސަބަބުތައް ކިޔާ ކޮޅުން ނުލާނެހާ ވެސް ސަބަބުތައް ގިނައެވެ. ޑިމޮކްރެޓިކް އުސޫލަކުން ވިސްނާނަމަ އިބްރާހިމް މުހައްމަދު ސޯލިހުއަށް ދެވަނަ ދައުރެއް ރައީސައް ހައްގު ނުވާންވީ އެއްވެސް ސަބަބެއް ވާދަވެރި ފަރާތްތަކަށް ނުދެއްކޭނެއެވެ.

]]> Sun, 21 May 2023 19:32:00 +0500 ޒުރޫ އިބޫގެ މޫނުމަތިން ނުތަނަވަސްކަމެއް ހާސްކަމެއް ނުފެނޭ https://heerasnews.com/1375 https://heerasnews.com/1375 ހުރިހާ ސިޔާސީ ޕާޓީތަކާއި ހުރިހާ ހުރިހާ ސިޔާސީވެރިން ވެސް މިއަދު ސިޔާސީ ކަންކަމުގައި މަރުފަލި ޖަހަމުންދާއިރު، ރައްޔިތުން ވެސް މިއަދު ހޭބޯނާރައި އުޅެމުން ދަނީ ސިޔާސީ ކަންކަމުގައެވެ. އަދި ކުރިއައް އޮތް ރިޔާސީ އިންތިހާބަށް ތައްޔާރުވުމުގެ ގޮތުން ކުރެވެންހުރި ހުރިހާކަމެއް ކުރުމުގައި ސިޔާސީ ފަރާތްތަކުން ފަލި ބާލައިގެން ފަލިޖަހަނީއެވެ. މަހުޖަނުން ޖާޑިތައް ހުޅުވާލާ ރައްޔިތުންނަށް ޖާޑީގައި ހުރިއެއްޗެއް ދައްކަން މަސަތްކަތް ކުރާއިރު، މުޖިރުމުން އެއީ ހުދުކާފޫރުކަން ދައްކަން މަސަތްކަތްކުރެއެވެ.

މިދެންނެވި ފަރާތްތަކުގެ އަމާޒު ފަތްގަނޑަކައް މިއަދު ވެފައިވަނީ މިހާރުގެ ރާއީސް އިބްރާހިމް މުހައްމަދު ސޯލިހުއެވެ.  މަހުޖަނުންނާއި ސިޔާސީ ފަރާތްތަކުން ރައީސައް ނުކުރާ ޖެއްސުމެއް ނެތެވެ. ނުކުރާ ފުރައްސާރައެއް ނެތެވެ. ސަރުކާރުގެ ތެރޭގައި ތިބެގެންނާއި، ޕާޓީގެ އިސްސަފުގައި ތިބެގެންވެސް މެއެވެ. ކައިރިންނާއި ދުރުންވެސް ކުރެވެން އޮތްހާ ޖެއްސުމެއް ކުރަމުން ދެއެވެ.

މުޅި ދުނިއަށް ދިމާވި އާލަމީ ބަލިމަޑުކަމުގެ ތެރޭންވެސް ދިވެހިންނަށް ދިން ހިއްވަރާއި ކެނޑިނޭޅި ރައްޔިތުންނާއިއެކު ކުރިބުރަ މަސަތްކަތުން ގައުމު ސަލާމަތްކޮށް ރައްޔިތުންނަށް ރައްކަތެރިކަން ފޯރުކޮށްދިނުމުގައި ރައީސް އެންމެ ތަންކޮޅެއްވެސް ފަހަތަކަށް ނުޖެހެއެވެ. އުނދަގުލާއި އެކުވެސް ގައުމު އަމާން އައްސޭރިއައް ވާސިލް ކޮށްދެއްވައިފިއެވެ. ރައްޔިތުން ބިކަވިޔަނުދީ ގައުމުގެ މާލީހާލަތު ކައިރިން ބައްލަވާ މޫނުތަކަށް ނުތަނަވަސް ވެރިނުވާނޭ މިންވަރަށް މަސަތްކަތް ކޮށްދެއްވިއެވެ. އިދިކީލި ސިޔާސީ ހުރިހާ ފަރާތްތަކުން ޖެއްސުން ކުރަމުން ދަނިކޮށްވެސް ކެއްތެރިކަމާއިއެކު ރައްޔިތުނާއެކު ރައީސް ސޯލިހު ވިއެވެ. ކުޑަވެސް މާޔޫސްކަމެއް ނެތްފަދައިން ގައުމައިގެން ކުރިއަށް ދިމުގައި ސާބިތުވެ ހުއްޓެވެ.

މިއަދު އެންމެން ސިޔާސީކަންކަމާއި ހޭކެނޑިވެގެން އުޅޭއިރު ރައީސް ފެންނަނި ވަރަށް ބޮޑަށް ހަމަޖެހި ރައްޔިތުންގެ ކަންކަމުގައި އަވަދިނެތި އުޅުއްވާތަނެވެ. އެންމެންގެ ހިތުގައި އުފެދޭ ސުވާލަކީ މިއޮއްފަދަ ދުވަސްވަރު ރައީސް މިހާ ހަމަޖެހިގެން މިހުންނަ ވަނީ ކީއްވެބާއެވެ. މިކަމާ އެންމެ ހައިރާންވެ އަންތަރީސް ވަނީ ރައީސްއާއި އިދިކޮޅު ފަރާތްތަކުންނެވެ.

މީހަކު އުފާވެފައި ހުންނަނީ އެ މީހަކު ހިތްހަމަޖެހޭ މިންވަރަށް ކަންކަން ކުރެވެމުން ދާތީއެވެ. ހިތްތަކަށް އުފާވެރިކަން ދެއްވަނީ އަނެކުންނާއި ދޭތެރޭ ރަނގަޅައް ކަންކަން ކުރެވިފައި ވާތީއެވެ. ކުރެވޭ އިހުލާސްތެރި މަސައްކަތާއި އެކު ލިބެވޭ ލޯތްބާއި އިތުބާރާއި ކާމިޔާބީއެވެ.

މިއަދު ރައީސްގެ މޫނުމަތިން ފެނިގެންދާ ހަމަޖެހުމަކީ މާދާމައަކީވެސް ގައުމަށް ހަމަޖެހިގެން ކުރިއަށް ދިޔުމަށް އޮތްފަހި މަގެއްގެ ނިސާން ކަމަށް ގަބޫލު ކުރެވިދާނެއެވެ. ރައީސްގެ މޫނުމަތިން ހާސްކަމެއް ނުފެނުން އެއީ މާދާމާ ރައްޔިތުމީހާ ކުރަމުން އަންނަ އުންމީދުތައް ހާސްކަމެއްނެތި ފުއްދާދެވިގެންދާނެކަމުގެ ޔަގީންކަން ކަމަށްވެސް ވެދާނެއެވެ. މާދަމާ ކަންވާނެ ގޮތް އެނގޭނީ ވީމައެވެ. ކުރެވޭނީ އުންމީދެވެ. އުންމީދު ހާސިލުކުރުމަށް ކުރެވޭނީ މަސައްކަތެވެ.  މިއަދުގެ ދުއާއަކީ ގައުމަށް ރަނގަޅު ގޮތްވުމެވެ. މިހާރުވެސް މިއޮތް ހަމަޖެހުމާއި އެއްބައިވަންތަ ކަމުގައި ގައުމު ލެހެއްޓެވެމުވެ. 

]]> Fri, 12 May 2023 19:42:16 +0500 ޒުރޫ ބޭސް ހުސްވީ ކަމެއް ބެޓެރި ހުސްވީކަމެއްނޭގެ! https://heerasnews.com/1374 https://heerasnews.com/1374 ވިއްސާރަ މޫސުމްވެސް މިއޮތީ ލައިގެންފައެވެ. ވިއްސާރަ އަލިވެ މޫސުން ވެސް ރަނަގަޅުވާނެތާއެވެ. މިދުވަސްވަރު ކިތަންމެ ވިއްސާރަޔަސް ރާއްޖޭގެ އޮޑި ދުވަނީ އަންނަ ކޮޅިގަނޑުތަކުން ނައްޓަމުން ސަލާމަތުގެ އައްސޭރިއަށެވެ. ރާއްޖޭގެ ތަރައްގީގެ ދުވެލި ހުރީ ރަނގަޅު މާލިމީއަކާއި އެކު ރަނގަޅު މިސްރާބަކަށެވެ. ހަލުވި ދުވެލީގައި މިދާގޮތައް ދާނަމަ ރައީސް އިބޫއާއި އަރާހަމަކުރެވުމަކީ އުނދަގޫ ކަމަށް ވާނެއެވެ. އެކަމަކު ވެސް އެންމެ ފާގަހަ ކުރެވޭ ކަމަކީ މިވަރުންވެސް ބަޔަކު އިބޫ ފަހާ ދުވަން އުޅޭތީއެވެ. އަތުނުވާނެކަން އެނގޭ އިރުވެސް ހަމަ ދުވަނީއެވެ.

އެއް ރިމޯޓުން ހަތަރުކާރު ކޮންޓްރޯލް ނުކުރެވިގެން އުޅޭއިރު އިބޫ ކޮންޓްރޯލް ކޮށްލުމަކީ އެ މީހުނަށް ވާނެކަމެއް ނޫނެވެ. ބެޓެރިބައި ބަދަލުކުރިޔަސް އިބޫ އާއި އަރާހަމަކުރެވޭ ވަރަށް ޗާރޖު ހުންނާނެކަމަކަށް ގަބޫލެއް ނުކުރެވެއެވެ. އެ އުޅޭ ބަޔަކު ލައިގެން އުޅޭ ވިއްސާރަކޯޓްތައް މިމޫސުމަކަށް ނުވެސް ގުޅެއެވެ. އަނެއްކާވެސް ރައީސް ސޯލިހު އަތުލުމަށް އިތުރު ހުރަސްތަކެއް ކުރިމަތީވީއެވެ. ހަމައިގައި ނެތަތީ ދެވޭ ނުދެވޭ ތަނެތް ނޭގުމަކީވެސް ރައީސް ސޯލިހު އާއި އަރާ ހަމަކުރުމަށް އޮތް ވަރަށްބޮޑު ހުރަހެކެވެ.

ކޮންމެ ގޮތެއްވިޔަސް އުޅޭ ބަޔަކު ރައީސް ސޯލިހާއި އަޅައިގަނެން އުޅޭނެތާއެވެ. އެވެރިންނަށްް ފަހުން ގަތް ކާރުތައް ދުއްވެން އޮތް ހަމައެކަނި ގޮތަކީ މިކަހަލަ ކަމެއްކޮށްލައިގެން ކުރެވޭނެކަމެކެވެ. ކުޑަކޮށްވެސް ބެޓެރީގައި ޗާޖު ހުންނާނީ އޭރުންނެވެ. އިއްޔެ މިވެރިންނަށް ދިވެހިން ނަކީ މޮޔައިންނެވެ. ދިވެހިންނަކީ އެއްވެސް އެއްޗެއް ވިސްނޭ ބައެއްވެސް ނޫނެވެ. ދިވެހިން ކައިގެން ބޮއިގެން އުޅެނީ މިމީހުން ތައްޕާހުންނެވެ. މި މީހުން ހިތުން ދިވެހިން މީ އެ ހާވެސް ދަށުދަރަޖައިގެ ބައެވެ. އެކަމަކު ކުއްލިޔަކަށް މާ ރައްޔިތުން ވެގެން ނުކުމެ ރައްޔިތުން ނަށް ރަން އިލޮށިން ކަދުރުކާންދޭން މަސަތްކަތް ކުރަނީއެވެ.

ރައްޔިތުމީހާ ހަމަ އެހާ މޮޔަހެއްޔެވެ.  މަހުޖަނުންނާއި ، ފިކުރުތަކުން ނުކުމެ ރައްޔިތުން މޮޔަހައްދަން ހަމަ އެހާ ފަސޭހަ ވާނެކަމަށް ދެކެނީ ހެއްޔެވެ. ރައްޔިތުން ނުކުމެ ހަމަބިމަށް ސައިޒުކޮށްލި ހަނދާން ކުރަންޖޭހޭ ބަޔަކުވެސް ތިބޭނެއެވެ. ސޫލާ ސަރާބީގެ ތަންމަތީގައި އޮވާ ވެރިކަން ފޮރޮޅިގެން ދިޔަހަނދާންވެސް ރައްޔިތުން ހުންނާއެވެ. ކޮވިޑުގެ އާލަމީ ބަލިމަޑުކަމުގައި ނާށިގަނޑު ހިފާގެން މަހުޖަނުކައިރިއަށް ދިޔަ ޒުވާނާއަށް އެންމެ އެއްހާސް ރުފިޔާގެ މުސާރައެއްދިން ހަނދާން ރައްޔިތުމީހާއާއި އޭނާގެ މައިންބަފައިންނާއި ދަރިން ހަނދާން ހުންނާނެއެވެ. މިއަދު ނުކުމެ ރައްޔިޔުންނަށް އިންޑިޔާ އާއި އިންގިރޭސިވިލާތް ވެސް ހޯދަދޭނަމޭ ތިވެރިން ބުނެފާނެއެވެ. އެއީ ރައްޔިތުންނަކީ އެހާވެސް މޮޔަ ބައެއްކަމަށް އެވެރިން ދެކޭތީއެވެ. މި ވަރުބަޔަކު ހިކުމަތްރި ރައީސަކު ފަހަތުން ދުވެ އަތުލެވޭނެ ގޮތެއް ނުވިސްނެއެވެ. އަމުދުން ދިވެހި ރައްޔިތުން ހެއްލޭނެ ވާހަކައެއް ދެއްކިދާނެކަމަކަށް ނުފެނެއެވެ. އުޅޭ ގޮތުން ބޭސް ހުސްވީކަމެއް ބެޓެރި ހުސްވީކަމެއްވެސް ނޭގެއެވެ.

]]> Fri, 12 May 2023 19:39:34 +0500 ޒުރޫ ރައީސް ސޯލިހުގެ ތަފާތު ދަރަވަންދޫން https://heerasnews.com/1364 https://heerasnews.com/1364 ބ ދަރަވަންދޫ އަކީ ފަތުރުވެރިކަމުގެ ދާއިރާގައި އުތުރުން އެންމެ ނަގާކިޔާ އެއްރަށެވެ. ގެސްޓް ހައުސް ގިނައެވެ. ފަތުރުވެރިކަމާއި ގުޅުން ހުރި ވިޔަފާރިތަކާ ހިދުމަތްތައް ގިނައެވެ. އެހެންނަމަވެސް ރައްޔިތުން އެދޭމިންވަރު ކީއްކުރަން ހެއްޔެވެ. ރަށަށް އަރާފައިބާ ގެސްޓުންނަށް އެކަށީގެންވާ ހިދުމަތެއް ދެވޭ ވަރަށް ކުރީގެ ސަރުކާރު ތަކުން ކަމެއް ކޮށެއް ނުދެއެވެ. 

ހުޅުލޭގައި އޮންނަ އިންޓަނޭޝަނަލް އެއަރޕޯޓް ފިޔަވާ އެންމެ ގިނަ މީހުން އަރާފައިބާ އެއަރޕޯޓް އޮތީ ދަރަވަންދޫގައެވެ. ކޮވިޑްގެ ކުރީން ދުވާލަކު ތިރީހަކަށް ފްލައިޓް ދަރަވަންދޫގައި ޖެއްސިއެވެ. ކޮވިޑަށް ފަހު އެއަދަދަށް އަދި ނޭރިޔަސް އަދިވެސް ރާއްޖޭގައި ދެވަނައަށް އެންމެ ބާރުބޮޑު އެއަރޕޯޓް އޮތީ ދަރަވަންދޫގައެވެ.

އެހެންކަމުން ދަރަވަންދޫގައި ގާއިމުކުރެވޭ ހުރިހާ ހިދުމަތަކީ ވެސް ރަށުގެ އާބަދީއަށް އެކަނި ބަލައިގެން ވާކަށް އޮތްކަމެއް ނޫނެވެ. އެހެން އެކަން ވާކަށް ނޯވެއެވެ. ކަރަންޓާ ފެނާ ނަރުދަމާ ވެސް ގާއިމުކުރެވެން ޖެހެނީ ފަތުރުވެރި ހިދުމަތަށް ފަހިވާ ގޮތަށެވެ. އެނޫން ހިދުމަތްތައް ވެސް ތަރުތީބުވާން ޖެހެނީ އެމަގަށެވެ.

ކުރީގެ ސަރުކާރުގެ ދޯހަޅިކަމުން އެއިން ކަމަކަށް ސަމާލުކަމެއް ނުދެއެވެ. ދިނުމުގެ ވިސްނުމެއް ވެސް ނެތެވެ. ކަރަންޓް ދިނީ ނަމަކަށެވެ. އިންޖީނުގެއާއި ދުރުގައި ހުންނަ ގެތަކާއި ގެސްޓްހައުސްތަކަށް ކަރަންޓް ލިބެނީ ބަލިމީހަކަށް އައިވީ ލިބޭހެންނެވެ. ފަންކާ އެނބުރެނީ ވައިމަޑު ދުވަހެއްގައި އެބުރޭ ބުރަފައްޗެއްގެ މިސާލުގައެވެ. ގެސްޓް ހައުސްތަކުގެ ކަރަންޓްގެ ހާލަތު ދަށްވެ ފަތުރުވެރިން ކުރާ ޝަކުވާ ކޮޅުނެތް ކޮޅެވެ. ފަތުރުވެރިން ފެން ވަރަން ލިބެނީ ތަގައްޔަރުވެފައިވާ ނަޖިސްފެނެވެ. ނަރުދަމާއެއް ނެތެވެ. ސެޕްޓިކްޓޭންކް ސާފުކުރުމަކީ ކޮންމެ ދުވަހަކުހެން ރަށުތެރޭގައި ހިގާ ނަޖިސް އަމަލެކެވެ. އުޅޭހާ ފަތުރުވެރިންނާއި ރައްޔިތުންނަށް އެ ނުބައިވަހުން ނޯންދަމާ ނުލާ އުޅެން ޖެހެއެވެ. 

ރަށްގިރުމުގެ ނުރައްކާ ބޮޑުވެ މޫދަށް އެރެލާނެ ރީތި މޫދެއް ރީތި ތުޑިއެއް ލިބެނީ އަހަރެއްގެ ތެރޭގައި މަދު ދުވަސް ކޮޅެއްގައެވެ. ދެން އޮތީ ސިއްހީ ހިދުމަތެވެ. ރަށުގެ އާއްމު ރައްޔިތުންނަށް ބޭނުންވާވަރާ ގާތަށްވެސް ހިދުމަތް ނުދެވޭ ސިއްހީ މަރުކަޒަކުން ގިނަ އަދަދެއްގެ ގެސްޓުންނަށް ފެންވަރު ހުރި ހިދުމަތެއް ދޭނީ ކިހިނެއް ހެއްޔެވެ. އަމްދުން ގިނަ އަދަދެއްގެ ފްލައީޓް ޖައްސާ އެއަރޕޯޓެއް އޮތް ރަށެއްގައި ހިނގާފާނެ ކުއްލި ހާލަތަކަށް ތައްޔާރުވެފައި ކުޑަމިނުން ފުރަތަމަ އެހީގެ ހިދުމަތެއް އިންތިޒާމުވެފައެއް ނުވެއެވެ. ރަށުގެ ފަޅު ފުރިބާރުވެ އެކަތިން އަނެކަތިން ގެސްޓުން ރަށަށް އަރުވާ ބާލަން ޖެހި ނުރައްކާތެރި ހާލަތްތައް ކުރިމަތިވެ ރިސޯޓްތަކާއި ލަފާފުރާ އެންމެންނަށް ނުރައްކާތެރި ތަނަކަށް ދަރަވަންދޫ ފަޅު ވެފައި އޮތް އިރު ދެކޭނެ މީހަކު ނެތެވެ. ކުޅިވަރުކުޅޭ ތަންތަނާއި އެހެން ލުއިފަސޭހަތައް ނެތް ވާހަކަ ދެއްކުމެއް ނެތްތާއެވެ. 

ދައުލަތަށް އެންމެ ގިނަ ފައިސާ ލިބޭ އެއްރަށަކީ ދަރަވަންދޫއެވެ. ރަށުގެ އެއްފަޅި އެއަރޕޯޓަށް ދީގެން އެއަރޕޯޓަށް ލިބޭ ހުރިހާ އާމްދަނީ އަކީ ދަރަވަންދޫން ދައުލަތަށް ލިބޭފައިސާއެވެ. ކޮންމެ ނަމެއްގައި ލިބުނު ނަމަވެހެވެ. އެޔަކުން ދަރަވަންދޫ ރައްޔިތަކަށް ކައުންސިލަކަށް ލިބޭ އެއްޗެއް ނޯވެއެވެ. އެހެނެއް ކަމަކު ކުރީގެ ސަރުކާރު ތަކުން ދަރަވަންދޫ އޮތީ ވަރަށް ބޮޑަށް އިހުމާލު ކޮށްލާފައެވެ.

ރައީސް އިބްރާހިމް މުހައްމަދު ސޯލިހު ވެރިކަމާއި އެކު އުއްމީދު އައުވިއެވެ. ހައްލު ތަކެއް ހޯއްދަވާ ދެއްވާ ތަން ލޮލަށް ފެނެއެވެ. ރަށް ގިރުމުގެ މައްސަލަ އެކީ އެކައްޗަކަށް ހައްލުކޮށް ދެއްވައިފިއެވެ. އެކި ހިސާބުގައި ޓޫރިސްޓް ބީޗްތައް ހެދިގެން ހިގައްޖެއެވެ. ތޯލާފުޅީގައި ލިބުނު ކަރަންޓް ބޭނުން ވަރަކަށް ލިބެން ފަށައިފިއެވެ. ސާފު ފެނުގެ ނިޒާމަކުން މުޅި ރަށް ގުޅުވާލާ ފެން ލިބެން ފަށައިފިއެވެ. ނަރުދަމާގެ މަސައްކަތް ފެށިގެން ބާރަށް ކުރިއަށް ދަނީއެވެ. ހުވަފެން ތަކުގައި ކުލަޖެހެން ފެށީއެވެ.

ސިއްހީ މަރުކަޒުގައި އިމަޖެންސީ ހެލްތުކެއަރ ސެންޓަރެއް ބިނާ ކުރައްވާ އެތާގެ ހިދުމަތްތައް ފުޅާކޮށް ވަސީލަތް ގާއިމުކޮށް ކުއްލި ނުރައްކަލަށް އެހުރީ ތައްޔާރު ވެފައެވެ. ބޭރުތޮށިލާ ރަށް ހިމާޔަތްކޮށް ނިންމާ ތޮއްޖެހި ފުރި ބާރުވާ ފަޅުގެ މައްސަލަ ހައްލު ކުރުމުގެ މަސައްކަތް އެހެރަ ދަނީ ހިނގަމުންނެވެ.   

ކުރީގެ ސަރުކާރުން ޒުވާނުންގެ ފުޓްސެލް ދަނޑުގެ ކާޕެޓްތައް ނާޅާ ހަލާކުވާން ދޫކޮއްލިޔަސް މި ސަރުކާރަކުން ފެނުނީ ފުޓްސަލް ދަނޑު ފަށާ ނިންމާލި ތަނެވެ. އިޖުތިމާއީ މަރުކަޒެއް ގާއިމުކޮށް ފުޓްބޯޅަ ދަނޑު ޒަމާނީ ފެންވަރަށް ތަރއްގީ ކުރުމުގެ މަސައްކަތް ދަނީ ހިނގަމުންނެވެ. ރައްޔިތުން އިސްވެ ކުރާން ނިކުތް ކޮންމެ ކަމެއް ކޮށްދިނުމުގައި މިސަރުކާރު ފަހަކަށް ނުޖެހެއެވެ.

ދަރަވަންދޫ ބިމަކީ ރަން ބިމަކަށްވެ ބިމުގެ އަގު ބޮޑުވެ ދަރަވަންދޫއަކީ އެ ބިމުން މީހުން ބިން ބޭނުންވާ ރަށަކަށް ވުމުގެ ސިއްރަކީ ޓޫރިޒަމެވެ. ބިން ލިބުން ދަތި ދަރަވަންދޫގެ ބޯހިޔާވަހިކަމުގެ މައްސަލައަށް ހައްލު ހޯދާ ދެއްވުމުގެ ގޮތުން ދަރަވަންދޫގެ ލޭންޑުޔޫސް ޕްލޭން ފައިނަލްކޮށް ކައުންސިލުން އެދޭގޮތަށް ގޯތި ދޫކުރުމަށް ހުއްދަދެވި އަދި ކައުންސިލުން ވަނީ ގޯއްޗައް އެދޭ ފަރާތް ތަކަށް ފޯމު ހުށައަޅަން ހުޅުވާލާފައެވެ.

ރާއްޖޭގެ ޓޫރިޒަމް ކުރިއަރުވަން ކުރެވޭ ކަންކަމާއި ރޭވޭ ކަންކަމުން ދަރަވަންދޫ އެކަހެރި ނުކުރެވޭނެ ކަން މި ސަރުކާރު ދަނެއެވެ. އުތުރުގެ ލޯކަލް ޓޫރިޒަމާއި ދަރަވަންދޫ ވަނީ ގުޅި ލާމެހިފައެވެ. ހަނިފަރުބޭއާއި ފެހުރިއްސާއި މަންތާ ގެ ވާހަކަ ދެއްކޭނީ ދަރަވަންދޫގެ ވާހަކަ ދައްކައިގެނެވެ. ދައުލަތުގެ އާމްދަނީގެ އެއް ބަހާއަކީ ދަރަވަންދޫއެވެ. އައިލެންޑް އޭވިއޭޝަނަށް ލިބޭ ކޮންމެ ފައިދާއެއްގައި ދަރަވަންދޫގެ ހިއްސާ ބޮޑެވެ. އެހެނެއް ކަމަކު ދަރަވަންދޫ އެއަރޕޯޓަކީ އެންމެ ހާލުދެރަ އެންމެ ވަސީލަތް މަދު އެންމެ ހާސްކަން ބޮޑު އެންމެ ފައިދާ ލިބޭ އެއަރޕޯޓެވެ.

ރައީސް ސޯލިހުވެސް ދާދި އަވަހަށް މި ޕަޒްލް ހައްލު ކުރައްވަން އެބަ ޖެހެއެވެ. ދަރަވަންދޫ އެއަރޕޯޓް އަޕްގްރޭޑް ކުރަން ލަސްވެއްޖެއެވެ. ރާއްޖޭގެ ފަތުރުވެރި ކަމަށްޓަކައެވެ. ދަތުރފަތުރުން ރަށްތައް ގުޅުވާލުމުގެ ބޭނުމަށްޓަކައެވެ. އުންމީދީ ނަތީޖާއެއް ހާސިލު ކުރުމަށް ދަރަވަންދޫ ގިނަ ރައްޔިތުން އިބްރާހީމް މުހައްމަދު ސޯލިހްއަށް ދެވެނަ ދައުރެއް ދޭން ތައްޔާރެވެ.

]]> Wed, 10 May 2023 14:54:24 +0500 ޒުރޫ އަމާން ކަމާއި އެކު ގައުމައިގެން ކުރިއަށް https://heerasnews.com/1363 https://heerasnews.com/1363 އިދިކޮޅު ފަރާތްތަކުން މުޒާހަރާ ކުރިޔަށް ގެންދަނީ މާލޭގެ އެކި ސަރަހައްދުތަކުގައި ގްރޫޕު ހަދާގެން ރައްޔިތުންނަށް އެތަކެއް ތަކުލީފުތަކެއް ލިބޭގޮތަށެވެ. އެގޮތުން އިދިކޮޅު ޕީޕީއެމް އިންނާއި އެހެން ފަރާތްތަކުންވެސް މަގުމަތީގެ ހަރަކާތްތައް ކުރިއަށް ގެންގޮސްފައިވާނީ ރައްޔިތުންނަށް ބެލުމެއްނެތި އަޅުގަނޑުމެން ދަރިންގެ ކުރިމަތީ އެތަކެއް ހަޑިހުތުރު ބަސްތަކެއް ބޭނުންކޮށް ގައުމު ހަލަބޮލި ކުރާނެ ހުރިހާ ގޮތްތަކެއް ބޭނުންކޮށްގެނެވެ. މީގެން އެއްވެސް ކަމަކުން ހެޔޮ ނަތީޖާއެއް ނުނިކުންނަކަން އެގޭއިރު ވެސް ދިޔައީ ގައުމު ހަލަބޮލި ކުރުމުގައި އަވަދިނެތި އުޅެމުންނެވެ. 

މިއަދު އިބުރާހިމް މުހައްމަދު ސޯލިހުގެ ވެރިކަމުގައި މުޅި މަންޒަރު މިވަނީ ބަދަލު ކޮށްލާފައެވެ. އިމެއް ނެތް މިންވަރަށް މިނިވަންކަން ދެވިފައިވީ ނަމަވެސް މަގުމަތިތައް އަމާނެވެ. ހަލަބޮލިމަގުތައް ސާފުކޮށް އަމާންކޮށް ދެއްވައިފިއެވެ. ރެއާއި ދުވާލު ހަޑިހުތުރު ބަސްތައް މަގުމަތީ ގޮވާ، މީހުނަށް ބުލީ ކުރަމުން ދިޔަމީހުންތައް މިއަދު ގެއްލިއްޖެއެވެ. ވެރިއެއްގެ ހިކުމަތްތެރިކަމާއި ރޭވުންތެރިކަން މިވެރިކަމުގައި ދަނީ ފެންނަމުންނެވެ. އަދި ކެއްތެރިކަމާއެކު ކަންކަން ނިންމެވުމާއި ، ކަންކަން ނިންމަވާއިރު ރައްޔިތުމީހާގެ ބަސް އިސް ކުރައްވަމުން ދާތަން ފެނެއެވެ.

ކައުންސިލްތަކާއި ސިވިލް ސާރވިސް ބާރުވެރިކޮށް އެކަށޭނެ އުޖޫރަ ދެވެއެވެ. ދިވެހި ރައްޔިތުންނަށް މިނިވަން ޖައްވަކަށް ނޭލެވޭކަމުގެ އިހުސާސް ކުރެވެއެވެ. އަލުން އަނބުރާ ހަލަބޮލި މާހައުލަކަށް ދިވިހިންގެ އެކަކުވެސް ދާކަށް ބޭނުމެއް ނުވާނެއެވެ. ކޮރަޕްޝަނާއި ހަޑިހުތުރު ފާސިގު ބައެއްގެ އަތްމައްޗައް ހަމަ ޔަގީނުން ވެސް ވެރިކަން ހަވާލެއް ނުކުރާނައެވެ. 

ޤައުމެއްގެ މިނިވަން ކަމަކީ އެ ގައުމެއް ދިރިދެމި އޮތުމުގެ އެންމެ މުހިއްމު ރުކުނެވެ. ސުލްޙަ މަސަލަސްކަމާއި ހަމަޖެހުމާއި އުފާ ފާގަތިކަމާއި ތަރައްގީ ގުޅިލާމެހެނީ މިނިވަންކަމުގެ ފޮނި މީރުކަމާއެވެ. ދިވެހިންނަކީ ފެށުނީއްސުރެ، މިނިވަންކަމަށް ލޯބިކުރާ ބައެކެވެ. އެކަތިގަނޑެއްގެ ގޮތުގައި މިނިވަން ކަމަށްޓަކާ ވާންޖެހުނު ކޮންމެ ގުުރުބާނީއެއް ދިވެހިން ވަނީ ވެފައެވެ. އިންޑިއާ ކަނޑަށް ދޮށީ މި ގައުމުގެ ލިޔެވިފައިނެތް ގަދީމީ ތާރީހާއި އޭގެފަހުގެ ތާރީހުން މި މަންޒަރު ސާފުކޮށް ބަޔާން ވެފައި އެބައޮތެވެ. މިނިވަން މުސްތަގިއްލު، އަމިއްލަ ވެރިކަމެއްގައި ދެމިތިބުން ނޫން ގޮތަކީ ދިވެހިން ރުހޭ ގޮތެއް ނޫނެވެ.

]]> Wed, 10 May 2023 14:51:21 +0500 ޒުރޫ އިންވަކިކޮށްލަން މާގިނަ ދުވަހެއްނެތް https://heerasnews.com/1360 https://heerasnews.com/1360 މިހާރަކަށް އައިސް މި ފެންނަނީ އެކްސްޕަޔާރޑް ބަންޑާރަނައިބުންތަކަކާއި އަތުގުޅައިގެން މަހުޖަނު ގާސިމް އާއި ދައުލަތް އަންބޮނޑިއަށް ކަހާލައިގެން ޖަލުގައި އޮންނެވި ކުރީގެ ރައީސްއާއި ދެމޫނުގެ ވެރިޔާ މައުމޫނާއި، ފަކުރެއްގެ އަޅުވެތިކަމުން ބަދެވިގެން އުޅުއްވާ ރައީސާއި އެއްވެ މޮޑެލަން އުޅުނު މަސްހުނިގަނޑެކެވެ. ލޮނާއި މިރުސް އަޅާ ރަހަ ހެޔޮވަރުކޮށްލުމަށް ހަރުގަނޑު އުމަރާއި، ބަގާވާތުގެ ހުރިހާ އަހުލުވެރިންވެސް މަސްހުނިގަޑު ތެރެއަށް އަތްދަރާލައިގެން އުޅޭތީ ފެނެއެވެ. މި އެންމެންނަކީ ވެސް ކުރިއައް އޮތް ރިޔާސީ އިންތިހާބު ކާމިޔާބުކޮށް ކަށަވަރު ކޮށްގެން ތިބި ކެނޑިޑޭޓުންނެވެ. ބޭރަށް ހިންގާ ގެރިތަކެއް އުސޫލުން މީޑިއަތަކަށް އަރާ ގައުމު ވިއްކާލީއޭ، އަތުން ބައެއް ދިޔައީއޭ، ނުވިތާކަށް ރިސްވަތޭ ވެސް ކިޔަނީއެވެ. ފަތްފުއްތައް ބަލާލައިލުމުން އަނދަގޮޑި ޖަހާނުޖެހޭ އެކަކުނެތެވެ.

ވާ ވަރުވެއްޖޭ ކިޔާ ގޭ އުނދޯލީގައި އޮންނަން ބުންޏަސް އޮވެވޭނީ ކިހނަކުން ހެއްޔެވެ. ދައުލަތް އެއްކޮށް ބައެއް ބޭފުޅުންނަށް ދިނަސް ވެސް ވެރިކަމަށް ފޫ ނުހާކާ ވަރެއް ނުވާނެއެވެ. ގައުމަށް ހެޔޮއެދިގެން އުޅޭ ބައެއް ކަމަށް ގަބޫލުކޮށްދޭން މަސަތްކަތް ކުރާއިރު ހިމާރާއި ކަންބަޅިތަކެއް އެއްކޮށްޓަކަށްލައިގެން ގޭގައި ގެންގުޅުންވެސް މާ ހެޔޮވާނެއެވެ.  މިމީހުން ވެރިކަމަށް ގެނަން އުޅުމަށްވުރެ އެފާޑުކޮޢްޓެއް ބެލެހެއްޓުންވެސް ހައްޓައް ލުއިވެފައި ސިކުނޑިއަށް ބުރަކުޑަ ވާނެއެވެ.

މިހާ ހިސާބުން އިންވަކިކޮށްލާ ހިސާބު ކަނޑައަޅާލަމާހިނގާށެވެ. އެއްއުރައެއްގައި ފިތި ބާރުވެ އެތިބީ ހުސްވެސް ކެނޑިޑޭޓުންނެވެ. އެ އުރަތެރޭން ފަޅައިގެން ނުކުންނާނެ އިރެއް ބަލަން މިތިބީ ކެތްމަދުވެފައެވެ. މާދަމާ އެބޭފުޅުން އެބޭފުޅުންނަށް އިން ވަކިކޮށް އެކަކު އަނެކަކަށް ހަޔާތައްގޮވާ، ކޭ އެއްޗެއްސާ ނުކާ އެއްޗެއްސަށްގޮވާ، ބުއި ހުރިހާ ސަރުބަތެއްގެ ވާހަކަ ގޮވާ ، ކައްވާލި ހުރިހާ ރަށަކާއި  ރައްތައް ވިއްކައިގެން ދިރުނު ޑޮލަރުތަކުގެ ވާހަކައާއި، ބާގީ އާއި ލާދީނީއަށް ގޮވާދުވަސް މިއޮތީ ކައިރީގައެވެ. މިލިޔުން ކިޔާލުމަށްފަހު ހަނދާނަކަށް ވިޔަސް ބައިންދާލާށެވެ. އޭރުން މިބުނި އެއްޗެއް ކުޑަދުވަސްކޮޅެއް ފަހުން ފަހުމްވެގެން ދާނެއެވެ. 

ވިއްކަން އުޅުނު ކޮތަޅުގަނޑުފެޅި ޖެހުނު ދިމާލަކުން ހަވަޔައް އަރައިގެން ދަނީއެވެ. ކަޑުގެ ވާހަކަ ނިމޭނީ އެ އެންމެން ކަނޑުވެ އޮޔާގޮސް ގެންނެވެ. ސުލޯ އޭކިޔަކިޔައި ތިއްބާ މުސަޅަށް ޖެހުނު ހާލުޖެހި މިހާރުވެސް އަތުނުވާހިސާބައް ގޮސް ސޯލިހު އޮބައިފިއެވެ. ވައި ހިނދި ފާނޯ ވާއިރު ބެހިގެންދާ މީހުންގެ ހޭ ހުންނާނެ ކަމެއް ނުހުންނާނެ ކަމެއް ނޭގެއެވެ. 

މިފަހަރު އިންކަނޑަ އަޅާލާ ގޮތުން ޖާޑިތައް ފަޅާގެންދާތަން ބަލަން އެބަތިބީމެވެ. ކަނޑަ އަޅާ އިމެއް ތިބޭފުޅުންގެ މެދުގައި ކަނޑަ އަޅާށެވެ. އެކަމަކު އިބޫ އަތުވާ ވަރަށްވުރެ އަދި ތިޔަތާ ތިބި މީހުން ބަރުހެލިވެފައި ބުރަހެލިވެސް މެއެވެ. ތިޔަ މަރުފަލި ނުޖަހާ ގައުމު ގައުމާގެން މި ހަމަޖެހުމާގެން ކުރިއަށް ދިޔަދޭށެވެ.

]]> Tue, 09 May 2023 20:38:04 +0500 ޒުރޫ އޮއެ ކާއްޓަކަސް، ފެންނެތް ކާއްޓަކަސް ގޯންޏައް ލާންބޭނުން https://heerasnews.com/1359 https://heerasnews.com/1359 ފާއިތުވި ދުވަސްތަކުގައި އެންމެ ހަރުކޮށް އިވެމުންދިޔަ އެއް އަޑަކީ މާމިމިގިލީ ދާއިރާގެ މެންބަރު ގާސިމް އިބްރާހިމް އިންތިހާބައް ކުރިމަތިލާ ވާހަކައެވެ. ގާސިމް އިބްރާހިމް ފަހަތަށް ބަރިބަރިއަށް މީހުން އަރަމުންދާ ވާހަކައެވެ. އިންތިހާބު ކާމިޔާބުކޮށް އުފާ ފާޅުކުރަމުން ދާހެންވެސް ހީވެއެވެ. އޭގެ ދުވަސްކޮޅެއް ފަހުން މުޅިން އެހެން ވާހަކައެކެވެ. ރައީސް މައުމޫން ދޫކޮށް އެމް އާރު އެމް ސިޔާސީބޭފުޅުން ދިޔަވާހަކައާއި، އިދިކޮޅު ފަރާތްތަކުން ޕީޕީއެމް އާއި މަސްވަރާ ކުރަމުންދާ ވާހަކަތަކާއި ގާސިމް އާއި ފަކުރެއްގެ ނުތާހިރުކަމުން އަރައިނުގަނެވި ތިއްބެވި ބޭފުޅުންވެސް އެހެން ކަންކަމާއި އުޅުއްވާކަމަށް ފެންމަތިވެގެން ދިޔައެވެ. 

ހިތައް ކުޅަދާނަ ނުވާ މިންވަރަށް މި ވާހަކަތައް އިވެމުން ދިއުމުން ގާސިމް ވަނީ އަދީބުގެ ޕާޓީއާއި ބައްދަލްކޮށް މަސްވަރާކޮށްފައެވެ. އަދި މި މަސްވަރާތަކުގައި އެ ޕާޓީއާއި ގުޅިގެން ކުރިއައްދިއުމަށް ވެސް ތައްޔާރަށް ހުރި ވާހަކަ ދެންނެވިއެވެ. މިއަދު މިއޮތީ ތެލާ ފެނާވެސް އެކުވެފައެވެ. ނުވިތާކަށް ދެޖާޑި އެއްކޮށް މަތިހުޅުވާލާން ވެސް މިއޮތީ ޖެހިފައެވެ. މި ދައްކަނީ އާދައިގެ މީހެއްގެ ވާހަކައެއް ނޫނެވެ. ގައުމުގެ މާލިއްޔަތާއި، ލިބިފައި އޮތް އެއްޗަކާއި، ލިބެންއޮތް އެއްޗެއް ކާލައިގެން ޓަގުބޯޓެއްގައި ބަޗަން އުޅުނު މީހެއްގެ ވާހަކައެވެ. މިފަދަ ބޮޑު މުޖުރިމެއްގެ ފަހަތައް އަރަން ގާސިމް އިބްރާމިން ނިންމެވި ނިންމެވުމަކީ މާއްލިޔަތައް ހުރި ދަހިވެތިކަމާއި ހިތްނިޔަތް ނުބައި ކަމުގެ ލާމަސީލު މިސާލެކެވެ. އެނޫން ގޮތެއް ވެސް ނެތަތީ ގާސިމްގެ މިއަދުގެ ހާލަތު ކަމަށް ވުމަކީވެސް އެކަށީގެންވާ ކަމެކެވެ. މިއަދު މިއޮތީ ބޭސް ހުސްވޭތޯ ބަލަން ސެކިއުރެޓީ ބަހައްޓަން ޖެހޭ ހަމަޔައް ގޮސްފައެވެ.

އަޅެފަހެ މީހަކު މޮއެއް ނުވާނެހެއްޔެވެ. މިއަދު އަދީބު ހުދު ކާފޫރަށް ވެގެން ދިޔައުމާއި ، ކޮވިޑުތެރޭ މުވައްޒަފުން މަގުމަތިކޮށްލާ މަހުމުސާރައަށް އެންމެ އެއްހާސްރުފިޔާ ދިންވާހަކަ ގުޅުވާލީމަ ބޮޑު މަންޒަރު ސިފަވެގެން ދާނެއެވެ. ގާސިމް އިބްރާހިމް މިއަދު ރައްޔިތުންގެ ހާދިމަކަށް ވުމަށް އެދޭއިރު އެދުވަހު ރައްތުންނައް ޖެއްސި ނިކަމެތިހާލު އަދިވެސް ރައްޔިތުން ހަނދާން ހުންނާނެއެވެ. ރައްޔިތުން ހޭލާތިބީ މަހުޖަނަށް ރުފިޔާ ޖާޑިއެއްހެން ދައުލަތުގެ މާއްލިޔަތު ހަވާލު ވިޔަ ނުދިއުމަށް ފޫގަޅައިގެނެވެ.  މިއަދު ގާސިމު ހުދުކާފުރަށް ވެގެން ބަޔަކު އުޅުނަސް މިހާރު މަޖިލީހުގެ މެންބަރުކަން ނުކޮށްލެވިގެން އުޅޭމީހަކަށް ދައުލަތެއްގެ ވެރިކަން ކުރެއްވޭނީ ކިހިނަކުނެހެއްޔެވެ.

ރައްޔިތުން ވިސްނާނެއެވެ. މަޖިލީހުގެ ޖަލްސާތަކަށް އެންމެ މަދުން ހާޒުރިވީ ގާސިމެވެ. ކޮވިޑުތެރޭގައި ފިއްލަވާ ހުންނެވީ ރިސޯޓުގައެވެ. އެހެނެއް ކަމަކު މުސާރައިން އެންމެ ރުފިޔާއެއްވެސް އުނި ވުމަކަމަށް މަހުޖަނު ނޭދެއެވެ. މިވަރުގެ ބޭފުޅުކަށް ދައުލަތް ހަވާލު ކުރަން ދިވެހިރައްޔިތުން ބޭނުންވާނެތޯއެވެ. ގޯންޏައް ލާނެ ކާއްޓެއްނެތީމަ ، އޮއެ ކާއްޓަކަސް، ފެންނެތް ކާއްޓަކަސް ، ކުރޮޅިއަކަސް މިޖެހެނީ ކާށީގެ ނަމުގައި ކާށިބަސްތާއަށް ލާށެވެ.

]]> Tue, 09 May 2023 18:02:14 +0500 ޒުރޫ އަލިފުށި ދާއިރާގެ މެންބަރ ބިގޭއާއި މެދު ރައްޔިތުން ފަހުރުވެރިވޭ https://heerasnews.com/1358 https://heerasnews.com/1358 އަލިފުއްޓަކީ އޮޑިދޯނިފަހަރާއި އަދި ސަފާރީ އާއި ކަންނެލި ދޯނިފަހަރު ބަނުމަށް ހާއްސަ ރަށެކެވެ. ވަކިން ހާއްސަކޮށް އަލިފުށީގެ ވަޑިން ބޯރޓް ޔާޑްހަދައިގެން ކުރަމުންދާ މިފުޅާ ވިޔަފާރިއަކީ ގައުމީ ފެންވަރެއްގައި ފާހަގަކޮށްލެވޭ ވިޔަފާރިއެކެވެ. މިދެންނެވި ވިޔަފާއާއި އެހެނިހެން ވިޔަފާރިތައް ކުރިއެރުވޭނެ ގޮތްތައް ހޯދުމަށް ކައުންސިލާއި ރައްޔިތުން ގުޅިގެން ކެނޑިނޭޅި ދަނީ މަސަތްކަތް ކުރަމުންނެވެ.

ހުރިހާ މަސަތްކަތެއް ކުރުމަށް އެންމެ އިސްސަފެއްގައި ފޫގަޅާލާގެން ދޫދިނުމެއްނެތި މަސަތްކަތް ކުރަމުން ގެންދަނީ އަލިފުށީ ދާއިރާގެ މެންބަރު ބިގޭއެވެ. ރައްޔިތުން ތިބީވެސް މެމްބަރުގެ މަސަތްކަތާއި މެދު ހިތްހަމަ ޖެހިފައެވެ. އެތަކެއް އުއްމީދުތަކާއިއެކު ރައްޔިތުންނާއި ކައިރިން ކުރައްވަމުން ގެންދަވާ މަސަތްކަތްތަކުގައި ނުހަނު ބާރައް ދަނީ ކުލަޖެހެމުންނެވެ. އެ ގޮތުން ރަށުގައި އެއާރޕޯރޓް އެޅުމުގެ އިތުރުން، ޓިވެޓް ސެންޓަރު ހެދުން ފަދަ ބޮޑެތި މަސްރޫޢުތައް ކުރިއައް އެބަގެންދަވައެވެ. އަދި  ސުކޫލުގައި ކުރަންހުރި ކަންކަމާއި ، މަގުހެދުން ފަދަ އެތައް ކަމެއް ކުރިއަށް އޮތްތަނުގައި ފެށިގެން ކުރިއަށް ގެންދިއުމަށް ވަނީ ހަމަޖެހިފައެވެ.

އަނެއްކޮޅުން ރަށުފެންވަރުގައި ކުރަންހުރި އެހެނިހެން މަސަތްކަތްތައް ވެސް ކުރިއަށް ގެންދިއުމަށް ވަނީ ރޭވި ހަމަޖެހިފައެވެ. އަލިފުއްޓަށް އަންނަމުންދާ ތަރައްގީ ރައްޔިތުން ބަލައިގަންނަނީ އުފަލާއި އެކުގައެވެ. އަދި ސަރުކާރާ ގުޅިގެން މިދެންނެވި ހުރިހާ މަސަތްކަތެއްގައި އަމަލީ ސިފަ ޖެއްސުމައް އެމްޕީ ބިގޭ ކުރަމުންދާ މަސަތްކަތް ވެސް ބަލައިގަންނަނީ ނުހަނު އުފަލާއިއެކުގައެވެ. ރަށުގެ ރައްޔިތުން ތަފާތު ކުރުމެއްނެތި މެންބަރު ރައްޔިތުންނަށް ގެނެސްދެއްވާ ތަރައްގީއަކީ އެހެން ސިޔާސީ ބޭފުޅުންނަށް ނަމޫނޫނާ މަސަތްކަތެކެވެ. 

]]> Tue, 09 May 2023 17:17:05 +0500 ޒުރޫ އަލިފުށި ޓިވެޓްސެންޓަރު ހުޅުވުމުގެ މަޝްވަރާތައް ކުރެވިއްޖެ https://heerasnews.com/1357 https://heerasnews.com/1357 މިނިސްޓްރީ އޮފް ހަޔަރއެޑިއުކޭޝަން އާއި އަލިފުށި ކައުންސިލްއާއި އަލިފުށި ދާއިރާގެ މެންބަރު އަލިފުށީގައި ވަނީ ބައްދަލްކުރައްވާފައެވެ. އަދި އެ ބައްދަލަކުރެއްވުމުގައި ހަޔަރ އެޑިއުކޭޝަން މިނިސްޓަރވެސް ބައިވެރިވެ ވަޑައިގަތެވެ. މި ބައްދަލުވުމުގައި ޓިވެޓް ސެންޓަރުގައި މިހާރު ކުރިއައްދާ މަސަތްކަތާއި ޓިވެޓް ސެންޓަރ ހުޅުވުމާއިގުޅޭ އެހެނިހެން މަސަތްކަތާއި ބެހޭ ގޮތުން ވާހަކަދެކެވި މަސްވަރާ ކުރެވުނެވެ.

އަލިފުށި ކައުންސިލުން ފާހަގަ ކުރާގޮތުގައި ރަށުގައި ކުރިއައްދާ ޕޮރޮޖެކްޓްތަކުގެ ތެރެއިން ކައުންސިލުން އެންމެ ހިތްހަމަޖެހޭ އެއް ޕްރޮޖެކްޓަކީ ޓިވެޓް ސެންޓަރ ޕްރޮޖެކްޓެވެ. އަދި ޕްރޮޖެކްޓަކީ ސެޑިއުލްއާއި އެއްގޮތައް ކުރިއައްދާ ޕްރޮޖެކްޓެއްކަމާއި، ކައުންސިލާ މިނިސްޓްރީއާއި ވަރަށްކައިރިން ގުޅިގެން ކުރިއައްގެންދާ ޕްރިޖެކްޓެއްކަން ވެސް ފާހަގަ ކުރިއެވެ. މިނިސްޓްރީ އޮފް ހަޔައެޑިއުކޭސަންގެ ފަރާތުން ކުރިއައްގެންދާ މި ޕްރޮޖެކްޓުގެ މަސަތްކަތާއިމެދު ވޯލްޑްބޭންކްގެ ބޭފުޅުން ވެސް ތިއްބެވީ ނުހަނު ހިތްހަމަޖެހިފައިކަން ކައުންސިލުންވެސް ފާހަގަކުރިއެވެ. ޓިވެޓްސެންޓަރަށް އިކުއިޕްމަންޓްސްއާއި އެހެނިހެން ތަކެތި ފޯރުކޮށްދޭނީ ވޯލްޑްބޭންކުގެ ހިލޭ އެހީގެ ދަށުންނެވެ. 

ޓިވެޓްސެންޓަރު ތަކަކީ ރާއްޖޭގެ ތައުލީމީ ދާއިރާ އިތުރު ހަރުފަތަކަށް ގެންދިއުމަށް ހުޅުވިގެންދާ ދޮރެކެވެ. ޓިވެޓްސެންޓާރުތަކުން ރައްޔިތުންނާއި ދަރިވަރުންނަށް ބޭނުންވާ ތަޢުލީމާއި އެހެނިހެން ތަމްރީން ޕްރޮގުރާމްތައް ފުޅާދާއިރާއެއްގައި ހިންގާނެއެވެ.

]]> Tue, 09 May 2023 17:12:59 +0500 ޒުރޫ ހަޔަރއެޑިއުކޭސަނުން އަލިފުށީގައި ކެރިއަރ ގައިޑެންސް ޕްރޮގުރާމެއް https://heerasnews.com/1356 https://heerasnews.com/1356 މިނިސްޓްރީ އޮފޮ ހަޔަރ އެޑިއުކޭސަންއާއި އަލިފުށީ ސުކޫލާއި ކައުންސިލް ގުޅިގެން ވަނީ އަލިފުށީ ސުކޫލުގެ ދަރިވަރުންނަށް ކެރިއަރ ގައިޑެންސް ހިންގަވާފައެވެ. މި ޕްރޮގްރާމްގެ ތެރޭން ދަރިވަރުން ކުރިއައް އޮތް ތަނުގައި ކުރިއަށް ދާނެ ދާއިރާތައް ހިޔާރުކުރާނެ ގޮތާއި މަތީތަޢުލީމުގެ މުހިންމުކަމާއި ގުޅޭގޮތުން ވާހަކަ ދެކެވުނެވެ.

ކުރިއައް އޮތްތަނުގައި އަލިފުއްޓައް ދަރިވަރުނަށް ކޮއްދެވިދާނެ މުހިންމު ކަންކަމާއި ، ރަށުފެންވަރުގައި ހިންގުމަށް ދަރިވަރުން އެންމެ ބޭނުން ތަމްރީން ޕްރޮގުރާމްތަކާއި ކޯސްތަކާއި ބެހޭގޮތުން ހިޔާލު ބަދަލު ކުރެވުނެވެ.

ސުކޫލުގެ ޕްރިންސިޕަލް ފާހަގަ ކުރައްވާ ގޮތުގައި މިފަދަ ޕްރޮގުރާމްތައް ކުރިއައް އޮތްތަނުގައި ވެސް ހިންގުމަށް އެދޭކަމަށާއި ، މި ޕްރޮގްރާމަކީ ވެސް ބޭނުންތެރި އަދި އެހާމެ މިފަދަ ޕްރޮގުރާމަކަށް އުއްމީދުކޮށްގެން ތިއްބާ ލިބުނު ފުރުސަތެކެވެ.

މި ޕްރޮގުރާމް ކުރިއަށް ގެންގެދެވުމުގައި ލީޑުކުރެއްވީ ގިނަ ދުވަހު ތަޢުލީމީ ދާއިރާގައި މަސަތްކަތް ކުރައްވާފައިވާ ،މިހާރު މިނިސްޓްރީ އޮފް ހަޔަރ އެޑިއުކޭސަންގެ ޑިރެކްޓަރ ޖެނެރަލް ހިކުމާއެވެ. އަދި މިނިސްޓްރީގެ ހުރިހާބޭފުޅުން ވެސް ޕްރޮގްރާމް ކުރިއަށް ގެންދެވުގައި އެކިގޮތްގޮތުން ބައިވެރިވެވަޑިގެންނެވިއެވެ.

މި ޕްރޮގުރާމް ނިމުމުން ކުރިއައް އޮތްތަނުގައި ވެސް މިފަދަ ޕްރޮގުރާމްތައް ހިންގައިދިނުމައް ދަރިވަރުން އެދިފައިވެއެވެ.

]]> Tue, 09 May 2023 17:10:32 +0500 ޒުރޫ އެނބުރުނަސް ބުރުނޭގޭ ވަރަށް ނޭބުރޭތި! https://heerasnews.com/1332 https://heerasnews.com/1332 ޗާގޯސްގެ މައްސަލައިގައި ސަރުކާރާ ދެކޮޅަށް ކުރީގެ ބައެއް ބަންޑާރަ ނައިބުންނާއި ސިޔާސީ ޕާޓީތަކުން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އުޝާމް ވިދާޅުވީ ޗާގޯސް މައްސަލައިގައި ދިވެހިންނަށް ލިބުނު ފައިދާއެއް ނެތްކަމަށެވެ. އެގޮތުން މި ކަމުގައި އުޅުއްވި ބޭފުޅުންނާ ދެކޮޅަށް ކުރިއަށް އޮތް ދެތިން ދުވަހުގެ ތެރޭގައި އިތުބާރު ނެތް ކަމުގެ މައްސަލަ މަޖިލީހަށް ވައްދާނެކަމަށް އުޝާމް ވިދާޅުވިއެވެ. ސިޔާސީ ގޮތުން ތަންމައްޗައް ހީސްލާވަރު ޅަކުދިން މިކަހަލަ ވާހަކަ ދައްކަވާނެއެވެ. 

އިޓްލޮސްގެ ނިންމުން ގޯސް ކަމަށް ތުހުމަތު ކުރައްވައި ނަޝީދުވެސް މަސައްކަތް ކުރެއްވީ މިމައްސަލަ ވެސް އޮޅުއްވާލައްވާށެވެ. ޗާގޯސްގެ ރަށްތަކުގެ ސިޔާދަތީ ބާރު ދޫކޮށްލެއްވީ ކަމަށާއި އޭގެ ސަބަބުން ދިވެހި އިގްތިސާދީ ސަރަހައްދުން ބައެއް ގެއްލުނީ ކަމަށް އެ މަނިކުފާނު ވެސް ވިދާޅުވިއެވެ. އިޓްލޮސްގައި ހިނގީ ޗާގޯސްގެ މިލްކުވެރިކަމާ ގުޅިގެން ކުރި ދައުވާއެއް ނޫނެވެ. ޗާގޯސްގެ މިނިވަންކަމާއި މިލްކުވެރިކަމާ މެދު މޮރިޝަސް އާއި އިނގިރޭސިން އަރާރުންވާތާ އެތައް އަހަރެއް ވެއްޖެއެވެ. ރާއްޖެއިން ދުވަހަކު ވެސް އެ ރަށްތަކުގެ މިލްކުވެރިކަމަށް ދައުވާއެއް ނުކުރެއެވެ. ނަޝީދުގެ ވެރިކަމުގައި ވެސް އެކަން ކުރެއްވީ އެ މަގުންނެވެ. ވެރިކަމުގައި ހުންނެވިއިރު، ނަޝީދު ވެސް މި މައްސަލައިގައި ގެންގުޅުއްވީ ހަމަ މިސިޔާސަތެވެ. މިއަދު، އެ މަނިކުފާނުގެ ވިސްނުންފުޅު ބަދަލުވެ، ޗާގޯސް އަކީ ދިވެހިންގެ ތަނެއް ކަމަށް ވިދާޅުވަނީ ހަމައިގަވެސް ނެތީމަކަށް ވެދާނެއެވެ. މިހާތަނަށް މިމައްސަލަގައި ރާއްޖެއިން އަމަލުކޮށްފައިވާ ގޮތަށް ބަލާއިރު 1992 ވަނަ އަހަރު ރައީސް މައުމޫންގެ ވެރިކަމުގައި އިނގިރޭސި ސަރުކާރާއި ދިވެހި ސަރުކާރާ ދެމެދު މަޝްވަރާކޮށް ކޮށްފައިވާއިރު 2010 ވަނަ އަހަރު ރައީސް މުހައްމަދު ނަޝީދުގެ ވެރިކަމުގައި މޮރިޝަސްގެ ސަރުކާރާއެކު މަޝްވަރާކޮށް އެއްބަސްވެފައިވެއެވެ. 

ރައީސް ނަޝީދުގެ ވެރިކަމުގައި 2010 ވަނަ އަހަރުގެ އޮކްޓޫބަރު 21ގައި މޮރީޝަސްގެ ކެބިނެޓް ސެކްރެޓަރީ ރާއްޖެއަށް ކުރެއްވި ޒިޔާރަތުގައި ރާއްޖޭގެ އޭރުގެ ފޮރިން މިނިސްޓަރު އަހްމަދު ޝަހީދާއި ބައްދަލުކުރައްވާ މަޝްވަރާކުރައްވާފައިވާއިރު ޗާގޯސްއަކީ މޮރީޝަސްގެ ސިޔާދަތީ ބާރު އޮތްތަނެއްކަން އެ މަޝްވަރާތަކުގެ ތެރޭގައި ރާއްޖެއިން އެއްބަސްވެފައިވެއެވެ. 23 އިއްތިހާދުގެ ޗެއާމަން ޤާސިމް ކަލޭފާނު ވެރިކަމަށް ކުރިމަތިލަނީ ޗާގޯސް އާއި ، މަލިކާއި ވެސް ދިވެހިންނަށް ހޯދާދޭނެ ކަމުގެ ވައުދާއެކުގައެވެ. މެނިފެސްޓީއަކީވެސް ، މޮޓޯއަކީވެސް ޗާގޯސް އާއި ، މަލިކުވެސް ހޯދުމެވެ. މިމީހުންގެ ފެންވަރު ދިވެހިންވަނީ ކޮވިޑުގެ ބަލިމަޑު ކަމުގެ ތެރޭގައިވެސް ތަޖުރިބާ ކޮށްފައެވެ. އެބުނާ ލީޑަރސިޕާއި ގަފޮޅުކަންވެސް ވަނީ ފެނިފައެވެ. އެތައް ހާސް ދިވެހި މުވައްޒަފުންނަށް މުސާރައެއްގެ ގޮތުގައި އެންމެ 1000 ރުފިޔާދީ މަގުމަތިކޮށްލިއެވެ. ނުވިތާކަށް ކޮވިޑައް ފިލަން އެ މަނިކުފާނު ގޮސްހުރީ ރިސޯރޓްގައެވެ. މަޖިލިސްގެ ގޮނޑި އިނީ ހިރަފުސް ފޮޅަން ބައިންދާފައެވެ. މިވަރުގެ ގައްދާރު ފަރަންޖީނަށް ދިވެހިންގެ ހައްޤުތައް ހޯދައިދެވޭނީ ކިހިނަކުން ހެއްޔެވެ. އެޔެއް މިއެއް ނޭގޭ ވަރަށް ބުރުނޭގޭ ވަރަށް އެނބުރެމުން ދިވެހިނަށް ހޯދައިދެވޭނީ ކޮށް ފޯޅަވައްސަކާއި މަލިކެއްހެއްޔެވެ. ހޯދިފަ ހުރިއެއްޗެހި މެނޭޖު ކުރެވޭތޯބަލާށެވެ. އަދި އެއްވާހަކައެވެ. މިހާތަނަށް ރާއްޖޭގެ ތާރީހުގައި ރާއްޖެއިން ބައެއް ވިއްކަން ފައި ވިއްދާފައި ހުރީ އެންމެ ވެރިއެކެވެ. އެއީ ފ އަތޮޅު ވިއްކާލަން އުޅުނު މައްސަލައެވެ. އެކަންވެސް ދިފާއުކޮށް ފ އަތޮޅަކީ އެތަނުގެ ވަޒަންވެރިންގެ ތަނެއްގެ ގޮތުގައި ބޭއްވުމަށް އެންމެ ބޮޑަށް ވަކާލާތުކުރީ އެމްޑީޕީންނެވެ. މިހާރު ދެން މިކަމުގައި އިދިކޮޅުން ދައްކާނެ ވާހަކައެއް ނެތެވެ. ކުރެވޭނެ ކަމެއްވެސްނެތެވެ. 

ޗާގޯސްގެ ސިޔާދަތީ ބާރު މޮރިޝަސް އަށް ލިބުމަށް ރާއްޖެއިން ތާއީދުކުރުމަކީރާއްޖެއަށް މުހިންމު ، ސަބަބުވެރި އިންސާނެއްގެ ސިކުނޑިން ވިސްނާއިރު ރަނގަޅު ސަބަބުތަކެއް އޭގައި އެކުލެވޭ ނިންމުމެކޭ ބުނެވިދާނެއެވެ. އެކަމަކު އަމިއްލަ ސިކުނޑިން ވިސްނާބަޔަކަށެވެ.

]]> Fri, 05 May 2023 00:18:30 +0500 ޒުރޫ އިދިކޮޅުގޮވައިގެން ކުރީ ގައުމީ ފުރައްސާރަ https://heerasnews.com/1335 https://heerasnews.com/1335 ޗާގޯސް މައްސަލައިގައި ކުރީގެ ބައެއް ބަންޑާރަ ނައިބުންނާއި އިދިކޮޅު ފަރާތްތަކުން ނެންގެވީ މާ ކުރީގެ ޤާނޫނަކާ އެ ޤާނޫން އުވާލާފައި ދެން ހެދި ޤާނޫނެއްގެ ބައެކެވެ. 1976 ގައި ހަދާފައި އޮތް ޤާނޫނެއްގައި ރާއްޖޭގެ ސަރަހައްދު ކަނޑައަޅާގޮތް އޮތްއިރު އޭގެ ފަހުން ރާއްޖެއިން 1982 ގައި ސޮއި ކުރި ބައިނަލްއަޤްވާމީ މުއާހަދާއަކުން 76 ގެ ޤާނޫންއުވާލައި އާޤާނޫނެއް ހަދަން ޖެހިގެން 1996 ގައި ތިޔަ ބުނާ ޤާނޫނު ހެދިކަން މުނައްވަރުނޫނަކަސް ދެން ތިބި މީހުންނަށް ވެސް އެނގެއެވެ. 

އަދި އެޤާނޫނުގެ އެއްބައިގާ ބުނާ 200 މޭލުގެ ވާހަކަ ބުނެފައި ނިންމާލިއިރު އެއީ ރާއްޖޭގެ އުތުރުގެ ވާހަކަ ކަން މުނައްވަރު ވިދާޅުނުވިއަސް ޤާނޫނީ އެހެން ވަކީލުންނަށް އެނގެއެވެ. އަދި ރާއްޖޭގެ ދެކުނުގައިރާއްޖޭގެ އިން ކަނޑައެޅިފައި ނެތީތީއާއި އިންކަނޑައަޅާއިރު އެހެން ޤައުމަކާ ދެމެދު ވަކިވާ ބައިގާ 200 މޭލު ނެތްކަން އެނގޭތީ އެ ޤާނޫނުގައި ހިމެނި މާއްދާ މުނައްވަރު ވިދާޅުނުވިއަސް އެ ޤާނޫނަކުން އުންޏެއް ނުވާނެއެވެ. 

ދައުލަތާއި ދައުލަތުގެ މަގާމު ތަކުގައި ތިބީ ގައުމައް ހެޔޮ އެދޭ ބައެއް ނޫން ކަމަށާއި، މުވައްސަސާތަކުގައި އެކަށްވެސް ތިއްބެވީ މަކަރު ހެދުމާއި ، ދޮގު ހެދުމާއި ، ރިސްވަތު ނަގާ ބޭފުޅުންގެ ގޮތުގައި ސިފަ ކުރެއްވިއެވެ. ހީހީފައި ދައުލަތާއި މުވައްޒަފުންނަށް ފުރައްސާރަ ކުރުން ނޫން ކަމެއް ހާސިލެއް ނުކުރެވުނެވެ. ދައުލަތުގެ ވެރިންނާއި މުވައްޒަފުން ގެއަށް ކަނޑާލުމަށް އަންގާ އިންޒާރު ދެމުން ގެންދެވިއެވެ.

ސަރުކާރުން ކުރަމުން އަންނަ ހަރުދަނާ އަދި ދިވެހިންނަށް ލާބަ ލިބޭ އެތައް ކަމެއް ނުވާކަމަކަށް ދައްކައިގެން ކަނުބަންނަން މަސަތްކަތް ކުރިއެވެ.  ދިވެހިންގެ ޖީބުން ވައްކަން ކޮށްގެން ޖަލުގައި ހުންނެވި މީހެއްގެ ވާހަކަ އޮއްބާލަން ފޫގަޅާލިއެވެ. މުޅިންވެސް ދިވެހިހީވާގި މުވައްޒަފުންނަށް ކުރީ ފުރައްސާރައެވެ. ނޫސްވެރިންގެ މިނިވަން ކަމުގެ ދުވަހު ބޭއްވި މި ޕްރެސް ކޮންފަރެންސްގައި ނޫސްވެރިންނަށް ވެސް ކުރީ ފުރައްސާރައެވެ. 

ރައީސް ސޯލިހުއަކީ ދިވެހި މުވައްވަޒުންނަށް އޯގާތެރި އަދި މުވައްޒަފުންގެ މަސަތްކަތް ބަލައިގަންނަ، މަސަތްކަތެރި ކަމަށް ހިއްވަރުދޭ ފަރާތެކެވެ. އެހެން ރައީސުންނާއި ތަފާތުކޮށް މުވައްޒަފުންގެ މަސަތްކަތައް ތައުރީފުކޮށް ކުރިއެރުމައް އަމަލީ ގޮތުންމަސަތްކަތް ކުރައްވާ ފަރާތަކީވެސް ރައީސް ސޯލިހުއެވެ. ކުރީގެ ބައެއް ބަންޑާރަ ނައިބުންނާއި އިދިކޮޅު ފަރާތްތަކަށް ރައީސް ސޯލިހުގެ ތަރައްޤީ ހަޖަމް ނުވުމަކީ ގެއްއަށް ކަނޑާލަން ގޮވާ ފުރައްސާރަ ކުރަން ޖެހޭ ސަބަބެއް ނޫނެވެ. 

 

]]> Thu, 04 May 2023 21:44:56 +0500 ޒުރޫ މުޖުތަމައުގެ ކުރިއެރުމަށް ސުލްހަ މަސަލަސްކަމުގެ މުހިންމުކަން https://heerasnews.com/1334 https://heerasnews.com/1334 ސުލްހައަކީ މުޖުތަމަޢަށް ކުރިއެރުމާއި ތަނަވަސްކަން ގެނައުމަށް ގެންދާ މަގެވެ. ސުލްހަމަސަލަސްކަމާއި ހަމަޖެހުން ނުލިބިއްޖެނަމަ، ސިޔާސީ ބާރާއި، އިޤްތިޞާދީ ހަމަޖެހުމާއި، ސަޤާފީ ކުރިއެރުން ހޯދުމަކީ ކުރެވޭނެ ކަމެއް ނޫނެވެ. މީގެ އިތުރުން، ހަމަހިމޭންކަމާއި ސުލްހައިގެ ފޮނިމީރުކަމުގެ ތަޞައްވުރު އެހެން މީހުންނަށް ފޯރުކޮށްދިނުމުގެ ކުރިން، އަޅުގަނޑުމެންގެ އެތެރޭގައި ސުލްޙަވެރިކަން ގާއިމްކުރުމަކީ ވަރަށް މުހިންމު ކަމެކެވެ. ހަމަޖެހުން ދެމެހެއްޓުމަކީ ވަކި ފަރުދެއްގެ ޒިންމާއެއް ނޫން ކަނާއި އެއީ ކޮންމެ މީހެއްގެ ވާޖިބެއް ކަން ގަބޫލުކުރެވެން ޖެހެއެވެ. 

ސުލްހައިގެ މުހިންމުކަން

ތާރިހަށް ބަލާއިރު ޤައުމުތަކުގެ މެދުގައި އެކި ފެންވަރުގައި ހުރިހާ ދުވަސްވަރެއްގައި ވެސް ހަގުރާމަތައް ހިންގައި ލޭއޮހޮރުވުންތައް ހިންގައިފައިވާކަމުގެ ހެކިތައް ފެންނަން އެބަހުއްޓެވެ. މިގޮތުން މި ހަނގުރާމަތައް ނިމުމަކަށް ގެނައުމުގައި ނުވަތަ ބައެއް ހަނގުރާމަތައް ހުއްޓުވުމުގައި ވެސް ސުލްހަވެރިކަމުގެ މުހިންމު ދައުރެއް އޮތްކަން އެނގެއެވެ.

އެތައް ހާސް ފަނާކުރަނިވި ހަނގުރާމަތަކަށް ފަހު އިންސާނުންނަށް ސުލްހައިގެ މުހިންމުކަން ވިސްނުނެވެ. ދުނިޔޭގައި ދިރިހުރުމަށްޓަކައި ބޭނުންވަނީ ހަމަޖެހުމެވެ. މިއީ ހަނގުރާމަތަކާއި، ތަޣައްޔަރުވުމާއި، ގުދުރަތީ ކާރިސާތަކާއި އަދިވެސް އެތައް ކަމެއް ހިމެނޭ ގޮތަށް ކޮންމެ އޭންގަލަކަށް ވެސް ޚާއްޞަ ކަމެކެވެ. ހަމަޖެހުމާއި ހަމަޖެހުން ދެމެހެއްޓުމުން އެއްވެސް ލަސްވުމެއް ނެތި ކަންކަން އޮމާންކަމާއެކު ކުރިއަށް ދާނެއެވެ. މީގެ އިތުރުން ހިޔާލު ތަފާތުވާ ހަރަކާތެއް ނުވަތަ އެއަށްވުރެ ގިނަ ހަރަކާތް ތަކެއްގައި ބައިވެރިވާން ބޭނުން ނުވާ ގިނަ ބަޔަކަށް ސަލާމަތްތެރިކަން ސުލްހަ ލިބިދޭނެއެވެ. އެހެން ގޮތަކަށް ބުނާނަމަ ހަނގުރާމަތައް ނުވަތަ ފިތުނަވެރިކަމުން ލިބޭ ގެއްލުންތައް ކުޑަވެ ސުލްހަމަސަލަސްކަން ބިނާވެ ވަރުގަދަވުމުގެ އިތުރުން އެކުވެރކަން އަލުން އާލާވެއެވެ. މީގެ އިތުރުން ސުލްހައަކީ ޒާތީ ކަމެއް ކަމުން އަޅުގަނޑުމެންގެ ދިރިއުޅުން ރަނގަޅު ކުރުމަށްޓަކައި އަމާންކަމާއި ހަމަޖެހުން ހޯދައި، ހާސްކަމާއި ހަލަބޮލިކަމުން ދުރުހެލިވެއެވެ.

ސުލްހަ ދެމެހެއްޓޭނެ ގޮތް

އަޅުގަނޑުމެންނަށް އެކި ފެންވަރުގައި ސުލްހަ ދެމެހެއްޓޭނެ ގިނަ ގޮތްތަކެއް އެބަހުއްޓެވެ. އިންސާނިއްޔަތުން ފެށިގެން ކޮންމެ ޤައުމެއްގެ ސިޔާސީ ތަރުތީބު ދެމެހެއްޓުމަށްޓަކައި ހަމަހަމަކަމާއި އަމާންކަމާއި އިންސާފު ދެމެހެއްޓުމަކީ ކޮންމެހެން ބޭނުންތެރި ކަމެކެވެ.

މީގެ އިތުރަށް، އާޚިރުގައި ހުރިހާ އިންސާނުންނަށް ފައިދާހުރި އަދި މީހުންގެ ދުޅަހެޔޮކަން ދެމެހެއްޓޭނެ ޓެކްނޮލޮޖީއާއި ސައިންސްގެ ކުރިއެރުން ކުރިއަރުވަން އަޅުގަނޑުމެނަށް ފުރުސަތު ފަހިވެގެން ދެއެވެ. މީގެ އިތުރުން ސުލްހައަކީ ދުނިޔޭގެ އިގްތިސާދީ ނިޒާމަށް ބުރޫއެރުމާއި، އިތުބާރު ނެތުމާއި ސަރަހައްދީ އިންބެލެންސް ނައްތާލުމަށް އެހީތެރިވެދޭނެ ކަމެކެވެ.

އަދި ސުލްހައިގެ ތެރެއިން އިކޯލޮޖިކަލް ޕްރޮސްޕެރިޓީ ކުރިއެރުވުމަށް ހިތްވަރުދީ، ތިމާވެށީގެ ދަތިކަން ހައްލު ކުރުމަށް ހައްލުތައް ހިމަނައި ދިނުމަކީ ކޮންމެހެން ބޭނުންތެރި ކަމެކެވެ. މިއީ އަނެއްކާވެސް ކާމިޔާބީ ހިއްސާކޮށް، ތާރީޚީ ތަފާތު ކުރުންތައް ނިމުމަކަށް ގެނައުމަށް ފަރުދުންގެ ޒިންމާ އަދާކުރަން ޖެހޭ ވަގުތެވެ.

ހަމައެފަދައިން، ހަމަޖެހުން ފެތުރުމަށް އެހީތެރިކަމުގެ ވިސްނުމެއް އެކުލެވިގެންވާ ނަފްސާނީ އަދި ރޫޙާނީ ފިކުރެއް ވެސް ގެންގުޅެން ޖެހެއެވެ. އަދި ތަފާތު ސަގާފަތް ތަކުގެ އެންމެންނާ އެކު އެކުވެރިކަން އިތުރު ކުރުމަށްޓަކައި ޖަޒުބާތު ފާޅުކުރުމަށް ތަފާތުކަމާއި އިންޓަގްރޭޝަން ދެނެގަންނަން ޖެހެއެވެ.

އެންމެ ފަހުން، އެންމެންގެ ދިރިއުޅުމުގެ ދިގު ދެމިގެންދާ ހެޔޮ ދުޅަހެޔޮކަމުގެ ކަންތައްތަކަށް އޭގެ ޙިއްޞާ ފާޅުކޮށް، ސުލްޙަ ކުރިއެރުވުމަކީ އެންމެންގެ މަތިވެރި މިޝަނަކަށް ވާންޖެހެއެވެ. މިގޮތުން އަޅުގަނޑުމެން އެންމެންވެސް އެމީހެއްގެ ފެންވަރުން ކުރެވެން އޮތް ހުރިހާ މަސައްކަތެއް ކުރަން ޖެހޭނީ ހަމަޖެހު ހޯދުމަށާއި ހަމަޖެހުން ދެމެހެއްޓުމަށެވެ.

]]> Thu, 04 May 2023 21:40:03 +0500 ޒުރޫ ކުރީގެ ބަންޑާރަނައިބުން ބަންޑާރަ ބިމަށް މަޑަޖެހުން https://heerasnews.com/1333 https://heerasnews.com/1333 ރަޢީސް ސޯލިހުގެސަރުކާރާ ފެޔަށް ޖެހުމަށް ފަހުގައި، ޗާގޯސް މައްސަލަ ފެންމަތިވުމުން ރައީސް ނަސީދުގެ ރާގުވެސް ވަނީ ބަދަލުވެފައެވެ. ދައްކަވަން އުޅުއްވީ ޚުދު އެ މަނިކުފާނު ވެސް އިމުގެ މައްސަލައިގައި ގެންގުޅުއްވި ސިޔާސަތަކީ ގެއްލުން ބޮޑު ސިޔާސަތެއް ކަމަށެވެ. އަދި، ޗާގޯސްގެ ރަށްތަކުގެ ހަގީގީ މިލްކުވެރިންނަކީ ދިވެހިން ކަމަށް ވިދާޅުވެ، އެ މަނިކުފާނު ދެއްކެވީ ހައްތަހާ ވެސް ސިޔާސީ ވާހަކަފުޅުތަކެވެ. މިއީ ސިޔާސީ ބޭފުޅުން، އެ ބޭފުޅުން ބޭނުންވާ ސިޔާސީ މަގުސަދު ހާސިލުކުރައްވަން ގެންގުޅުއްވާ ހަޔާތްކުޑަ ވިސްނުމެވެ. ބޮލައް ތެޔޮއަރައިފައި އިން ގިތޮލެއް ތެޅޭ ވަރަށް ތެޅެން ޖެހޭ އެހެން ސަބަބެއް ނުވަތަ ސަބަބުތަކެއް ވެސް އޮންނާނެއެވެ.

ރާއްޖެއިން އަބަދުވެސް މިކަމުގައި ވަކާލާތު ކުރަމުން ދިޔައީ މި މައްސަލައަކީ ރާއްޖެ ފަދަ މަސްވެރިކަމަށް ބަރޯސަވާ ގައުމަކަށް މުހިންމު މައްސަލައަކަށް ވާތީ، މި މައްސަލައިގައި ބައިނަލްއަގުވާމީ ހަމަތަކުގެ މަތިން، ޓްރައިބިއުނަލްގައި ރާއްޖޭގެ މަސްލަހަތުތައް ދިފާއު ކޮށްގެންނެވެ. ރައީސުލްޖުމްހޫރިއްޔާ ފޮނުއްވި ސިޓީއަކުން ޤައުމުގެ ބޮޑުބައެއް ގެއްލިއްޖެއޭ" ބުނެ މާ ބޮޑު ޕްރެސް ކޮންފަރެންސެއް އިދިކޮޅުން ރާވަމުން އަންނަތާ ދުވަސްތަކެއް ވެއްޖެއެވެ. އޭގައި ނަގައިގަތް ބަންޑާރަ ނައިބުންނާ ފުންނާބު އުސް ޤާނޫނީ ވަކީލުން ހިމެނޭނެ ވާހަކަވެސް އައީ އިސްތިހާރު ކުރަމުންނެވެ. އެބުނާ ބަންޑާރަ ނައިބުން ތަކެއްގެ ތެރޭން ޑރ. މުނައްވަރު ކިޔާ ބަންޑާރަނައިބުގެ ދުލުކުރިން އަބަދުވެސް ނުކުންނަނީ ގެއަށް "ކަނޑާލާ" މިބަހެވެ.

ޗާގޯސް އެއީ ކޮންބައެއްގެ ތަނެއްކަމާއި، ދިވެހިން އެތަން ހޯދަން ކުރި މަސަތްކަތް ބުނެނުދެވުނުތާ، ކިހިލިފަތާ، ފޫކޮޅާ، ތުނބުޅި ހިރުވާ ވަރުން އެތަން ތަން ކަހަމުން ބުނެވުނީ ޗާގޮސް އެއީ ދުވަހަކުވެސް ދިވެހިންގެ ތަނެއް ނޫންކަމަށެވެ. މިއޮތީ އިދިކޮޅު އެއްވެ ވެރިކަން ވައްޓާލަން ތައްޔާރު ވެފައެވެ. އިހުގެ މާޒީ ގެނެސް އިއާދަ ކުރާނަމޭ ބުނެއެވެ. 23 އިއްތިހާދު ގެނެސް މި ފުރޮޅާލަނީއޭ ބުނާފަދައެވެ. ދެން އެތާތިބި އެހެން ބޭފުޅުންގެ އަނގަމަތީ ތަފާލަކުން ޖެހިފަދައެވެ.  ބުނާ ކަހަލައެވެ. މިއޮއް ހުރިހާ ދުވަހު އިދިކޮޅުން ސަރުކާރަށް ބަވާ ނެގީ ޗާގޯސް އަކީ ރާއްޖޭގެ ތަނެއް ކަމަށް ބުނެއެވެ. މުނައްވަރެއް ކަމަކު ހެޔޮވާނީ ކިހިނެއް ހެއްޔެވެ. އިދިކޮޅުން ޗާގޯސްއަކީ ރާއްޖޭގެ ތަނެއްކަމަށް ހަދައި މިސަރުކާރުން އެތަން ވިއްކާލިކަމަށް ދައްކާ ވާހަކަތައް ތިޔަ ހުއްޓުވާލީއެވެ. ތިޔަ ޖެއްސެވީ ބަންޑާރަބިމަށް މަޑައެވެ. 

]]> Thu, 04 May 2023 21:34:29 +0500 ޒުރޫ ޓުއަރިޒަމްގެ ދުވެލި ފައްކާވެ ތަރައްޤީއަށް އާރޯކަން https://heerasnews.com/1325 https://heerasnews.com/1325 2019  ވަނަ އަހަރު ނިމުނުއިރު ފަތުރުވެރިންގެ އަދަދު ވަނީ 1.7 މިލިއަނަށް އަރާފައެވެ. ކޯވިޑް-19 އާއި ގުޅިގެން 2020 ވަނަ އަހަރު ރާއްޖެ އަންނަ މީހުންގެ އަދަދު މަދުވި ނަމަވެސް 2020 ވަނަ އަހަރުގެ ޖުލައި މަހު ބޯޑަރުތައް ހުޅުވުމަށްފަހު ފަތުރުވެރިންގެ އަދަދު ލަފާކުރި ވަރަށް ވުރެ މައްޗަށް ދިޔައެވެ .

ދުނިޔޭގެ ވައިގެ ދަތުރުފަތުރުތައް 2022 ވަނަ އަހަރު ރަނގަޅުވާނެ ކަމަށް ލަފާކުރިއިރު، ވެލާނާ އިންޓަނޭޝަނަލް އެއާޕޯޓް ފުޅާކުރުމުގެ މަޝްރޫއު މި އަހަރު ނިންމުމަށް ވަނީ ހަމަޖެހިފައެވެ. މިއާއިއެކު ޓޫރިސްޓުން އަންނަ މިންވަރު ވަރަށް ބޮޑަށް އިތުރުވާނެ ކަމަށް ބެލެވެއެވެ.

78000 އަކަމީޓަރުގެ ފްލޯ ސްޕޭސްއެއް ހިމެނޭ ގޮތަށް މި އަހަރު ހުޅުވަން ރާވާފައިވާ ވީއައިއޭގެ އާ ޕެސެންޖަރ ޓާމިނަލް ފަރުމާކޮށްފައި ވަނީ އަހަރަކު 7.28 މިލިއަނަށްވުރެ ގިނަ ފަސިންޖަރުންނަށް ޚިދުމަތް ދިނުމަށެވެ. މި ޓާމިނަލްގައި ބައިނަލްއަގްވާމީ 14 އެއަރ ޓްރެފިކް މޫވްމަންޓް މެނޭޖް ކުރުމުގެ ގާބިލްކަން ހުންނައިރު، ކޮންމެ ގަޑިއިރަކު އަންނަ 1700 އަށް ވުރެ ގިނަ ފަސިންޖަރުންނާއި ފުރާ 1600 އަށް ވުރެ ގިނަ ފަސިންޖަރުންނަށް ހިދުމަތް ލިބޭނެ އެވެ. 9000 އަކަމީޓަރުގެ ސަރަހައްދެއްގައި ދުނިޔޭގެ އެކި ކަންކޮޅުތަކުގެ ބައިނަލްއަގްވާމީ ބްރޭންޑްތަކާއެކު ލަގްޒަރީ ޑިއުޓީ ފްރީ ބޮޓިކްތަކާއި އެކި ގައުމުތަކުގެ ރަހަތަކާއި ކެއުމަށް ހާއްސަކޮށް އެފް އެންޑް ބީ ފެސިލިޓީތައް ބެހެއްޓޭނެއެވެ.

މި އަހަރުގެ ނިޔަލަށް މި ދާއިރާއަށް 35،000 އާ އެނދު އިތުރު ކުރުމަށް ސަރުކާރުން އަމާޒު ހިފާފައިވާއިރު، މި ދާއިރާ ފުޅާކުރުމުގެ ސަމާލުކަން ދީފައިވަނީ ޑައިވަރސިފިކޭޝަން އަދި ލޮކަލައިޒޭޝަން އަށެވެ.

ވަން އިލެންޑް ވަން ރިސޯރޓް ކޮންސެޕްޓަށް ބިނާކޮށް ހައި ވެލިއު ޑިވެލޮޕްމަންޓްތަކާއި ޔޮޓް މެރީނާތަކާއި ލަގްޒަރީ އެކޮމޮޑޭޝަން އަދި ހޮޓަލްތަކާއި ގެސްޓްހައުސް ދާއިރާގައި އިންވެސްޓުކުރުމަށް މިހާރު ވަނީ ބޭރުގެ އިންވެސްޓަރުންނަށް ހުޅުވާލާފައެވެ.

ސަގާފަތާއި ވެލްނެސް ޓޫރިޒަމް ފުޅާކޮށްދޭނެ އިންވެސްޓްމަންޓްތަކާއި އީކޯޓޫރިޒަމް އާއި އެމްއައިސީއީ އަދި އެޑްވެންޗާ ޓޫރިޒަމްއަށް ވެސް މަރުހަބާ ކިޔައެވެ. އިންޓަގްރޭޓެޑް ޓޫރިޒަމް ޑިވެލޮޕްމަންޓް ޕްރޮޖެކްޓްތަކާއި ހޮލިޑޭ ހޯމްތަކާއި ލޯކަލް ގެސްޓްހައުސް ހިމެނޭ ގޮތަށް ޓޫރިޒަމް ރިއަލް އެސްޓޭޓަށް އިންވެސްޓްކުރުމަކީ އިންވެސްޓަރުންނަށް ހުރި އޮޕްސަންތަކެވެ. 27 އެޕްރީލް 2023 ގެ ނިޔަލައް 666830 ފަތުރުވެރިން ޒިޔާރަތްކޮށްފައިވާއިރު މިއީ ކުރީ އަހަރުގެ މި މަހާއި އަޅާބަލާއިރު 19.6 ޕަސެންޓްގެ ކުރިއެރުމެކެވެ.

]]> Tue, 02 May 2023 14:30:10 +0500 ޒުރޫ ރަސިޔާ ޔޫކުރޭން ހަނގުރާމައިގެ އަދާހަމަ https://heerasnews.com/1322 https://heerasnews.com/1322 ޔޫކްރޭންގެ އިރުމަތީ ޑޮންބާސް ސަރަހައްދުގައި އޮންނަ ސްލޮވިއަންސްކަށް ރަޝިޔާއިން ދިން ބޮމުގެ ހަމަލާތަކުގައި 11 މީހަކު ވަރުވެއްޖެއެވެ. އޭގެ ތެރޭގައި ދެ އަހަރުގެ ކުޑަކުއްޖަކު ވެސް ހިމެނެއެވެ. ގަވަރުނަރު ޕަވްލޯ ކައިރިލެންކޯ ވިދާޅުވީ އެ މީހުންގެ މައިރެސިޑެންޝަލް ޑިސްޓްރިކްޓަކަށް ދިން ހަމަލާގައި ގާތްގަނޑަކަށް 21 މީހުން ޒަޚަމްވެފައިވާ ކަމަށެވެ.

ގަވަރުނަރު ކައިރިލެންކޯ އިތުރަށް ވިދާޅުވީ އިތުރު ބައެއް މީހުން ގެއްލިފައިވާ ކަމަށެވެ. އެމީހުން އިމާރާތްތަކުގެ ދަށުގައި ތާށިވެފައި ވެދާނެ ކަމަށް ބެލެވޭކަމަށް ވެސް އެނާ ލަފާ ކުރެއްވިއެވެ. ސޯޝަލް މީޑިއާއަށް ކުރެއްވި ޕޯސްޓެއްގައި ރައީސް ވޮލޮޑިމިއާ ޒެލެންސްކީ ވަނީ އެއީ އަނިޔާވެރި އަދި ނުބައި ހަމަލާއެއް ކަމަށް ވިދާޅުވެ އެކަން ކުށްވެރި ކުރައްވާފައެވެ.

"ނުބައި ދައުލަތުން އަނެއްކާވެސް އޭގެ ޖާޒުބިއްޔަތު ދައްކުވައިދެނީ،" ޓެލެގްރާމްގައި އޭނާ ލިޔުއްވާފައިވެއެވެ. ޒެލެންސްކީ ވިދާޅުވާ ގޮތުގައި އެއީ "ދުވާލު އަލިކަމުގައި މީހުން މަރާލުން އަދި ހުރިހާ ދިރުމެއް ހަލާކުކޮށް، ފަނާކޮށްލުން."އެވެ.

އޮފިޝަލުން ކަށަވަރުކޮށްދިން ގޮތުގައި މަރުވި މީހުންގެ ތެރެއިން އެކަކީ އުމުރުން ދެ އަހަރުގެ ކުޑަކުއްޖެކެވެ. ޒެލެންސްކީގެ ސީނިއާ އެޑްވައިޒަރަކު ވިދާޅުވީ ކުއްޖާ ދިރިހުއްޓާ އިމާރާތްތަކުގެ ތެރެއިން ދަމައިގަތް ނަމަވެސް ހޮސްޕިޓަލަށް ގެންދިޔައިރު އެމްބިއުލާންސްގައި މަރުވެފައިވާ ކަމަށެވެ.

ގަވަރުނަރު ކައިރިލެންކޯ ވިދާޅުވީ ހަމަލާތަކުގައި ފަސް ގެއަކާއި ފަސް ބްލޮކެއްގެ ފްލެޓްތަކަށް ގެއްލުން ލިބިފައިވާއިރު، ވިޔަފާރިތަކަށާއި ފިހާރަތަކަށް ވެސް ގެއްލުންތަކެއް ލިބިފައިވާ ކަމަށެވެ. އިތުރަށް އޭނާ ވިދާޅުވީ ހަމަލާ ދީފައިވަނީ ރީޕާޕަސްޓް އެސް-300 މިސައިލްތައް ބޭނުންކޮށްގެން ކަމަށް ބެލެވޭ ކަމަށެވެ.

ގޮވުމެއް ހިނގި ސަރަހައްދުގައި ސަލާމަތްވި މީހުން ހޯދުމަށް ސަލާމަތީ މަސައްކަތްތެރިން މަސަތްކަތް ކުރަމުން ދިޔައިރު، މަގު ހުރަސްކޮށް ހުރި އިމާރާތަކުން ކަޅު ދުންތައް އަރަމުންމުން ދިޔަތަން އޭއެފްޕީގެ ނޫސް އެޖެންސީގެ ނޫސްވެރިންނަށް ފެނިފައިވެއެވެ. އެމީހުން ބުނި ގޮތުގައި ކުޅިވަރު ކުޅޭ ސަރަހައްދެއް ހިމެނޭ މަގެއް މަތީގައި ސްކޫލް ފޮތްތަކާއި ކުޑަކުދިންގެ ކުރެހުންތަކުގެ ބުރައިގެން ގޮސްފައިވާ ޞަފްޙާތައް ހިމެނޭ ގޮތަށް ކުނިތައް ގިނަ ކަމަށެވެ. މީގެ ކުރިން އަންޑްރީ ޔަރްމަކް - މިސްޓަރ ޒެލެންސްކީގެ އަމިއްލަ އޮފީހުގެ ވެރިޔާ - ވިދާޅުވީ އެސަރަހައްދުގައި ހަތް ގޮވުމުގެ އަޑު އިވިފައިވާ ކަމަށާއި އޭގެ ތެރެއިން ބައެއް ގޮވުން ހިނގާފައިވަނީ ސްކޫލެއް ކައިރީގައި ކަމަށެވެ.

ޔޫކްރޭނުން އަދިވެސް ސްލޮވިއަންސްކް ކޮންޓްރޯލް ކުރާއިރު، އެ ސިޓީ އޮތީ ރަޝިޔާގެ ނުރައްކާ ހަމަލާއެއްގެ މަރުކަޒަކަށް ވެފައިވާ ބަޚްމުތުގެ ހުޅަނގު އުތުރުން އެންމެ 27 މޭލު (45 ކިލޯމީޓަރު) ދުރުގަ އެވެ.

މިދިޔަ ހޫނު މޫސުމުން ފެށިގެން ރަޝިޔާއިން އެ ސިޓީ ހިފުމަށް މަސައްކަތް ކުރަމުން އަންނައިރު، ހުކުރު ދުވަހު މޮސްކޯގައި ތިބި ޑިފެންސް އޮފިޝަލުން ބުނީ ވެގްނަރ ގްރޫޕްގެ ކުލީ ސިފައިން އެ ސިޓީއަށް ހަމަލާދެމުންދާ ކަމަށެވެ.

ރަޝިޔާގެ ވައިގެ ސިފައިން ދިޔައީ "އެސޯލްޓް ސްކޮޑްތަކަށް އެހީތެރިކަން ފޯރުކޮށްދީ، ސިޓީއަށް ވަޒަން ފޯރުކޮށްދީ ރިޒާވް ގެނައުމަށް ދުޝްމަނުން ކުރާ މަސައްކަތްތައް ހުއްޓުވަމުން" ކަމަށް ބަޔާނުގައި އިތުރަށް ބުނެފައިވެ އެވެ.

އަސްކަރީ ތަހުލީލުކުރާ ފަރާތްތަކުން ބުނާ ގޮތުގައި ސްޓްރެޓެޖިކް ވެލިއު މަދު ބަޚްމުތު ދިފާއު ކުރަމުން ގެންދާނެ ކަމަށް ޔޫކްރޭނުން ބުނަމުންދެ އެވެ. އެކަމަކު ރަޝިޔާއަށް އެ ސިޓީ އަތުލަން އުޅުމުގެ ތެރޭގައި އިންތިހާއަށް ގިނަ ގެއްލުންތަކެއް ލިބިފައިވާ ކަމަށް ބެލެވެ އެވެ.

ބީބީސީގެ ރަޝިޔާގެ ހިދުމަތުން ކުރިއަށް ގެންދިޔަ އޮޕަން ސޯސްތަކުގެ ތަހުލީލަކުން ހަނގުރާމަ ފެށުނު ފަހުން މަރުވި މަދުވެގެން 20،451 ރަޝިޔާ ސިފައިންގެ އައިޑެންޓިޓީ ކަށަވަރުވި އެވެ. އެ މަރުތަކުގެ ތެރެއިން 1،820 އެއްހާ މީހުން މަރުވެފައި ވަނީ މިދިޔަ ދެ ހަފްތާގެ ތެރޭގައި ކަމަށް ތަހުލީލުތަކުން ދައްކަ އެވެ.

]]> Mon, 01 May 2023 15:51:29 +0500 ޒުރޫ ރައީސް އާއި އެމްޑިޕީ ދެވަނަ ދައުރަށް ތައްޔާރު https://heerasnews.com/1321 https://heerasnews.com/1321 ލާމަރުކަޒީ ނިޒާމުން ކައުންސިލްތައް ހިންގަން އެންމެ ބޮޑު ބާރެއް ދިނީ މިހާރުގެ މަޖިލީހުން މިހާރުގެ ސަރުކާރުންނެވެ. ޖުޑިޝަރީ އިސްލާހު ކުރުމަކީވެސް އެމްޑީޕީގެ ފަތްފުށްތަކުގައި އޮތް ސޮފުހާއެކެވެ. މި ވެރިކަމުގައި އެކަން ކުރެވެމުން ދާކަންވެސް ފާހަގަ ކުރެވެއެވެ. މިފަދަ އެތަކެއް އުއްމީދުތަކެއް ހާސިލްކުރުމަށް އެމްޑީޕީ އޮތީ ސަފުތައް ރުކުރުވާލާ ބަދަހިކަމާއިއެކު ރައީސް ސޯލިހުގެ ފަހަތްޕުޅުގައެވެ. ކުރިއައް އޮތް ތަނުގައި އެކަން ފެނިގެން ދާތަން ބަލަން ތިބޭށެވެ.  

ރައީސް ސޯލިހް ބޭނުންފުޅުވެ ވަޑައިގަންނަވަނީ އިދިކޮޅު ކެންޑިޑޭޓުންނާ ރިޔާސީ އިންތިހާބުގައި ވާދަ ކުރައްވައިގެން ރިޔާސީ ދެވަނަ ދައުރެއް ކަށަވަރު ކުރެއްވުމެވެ. އެ އަމާޒަށް ވާސިލުވެ ވަޑައިގަތުމަށް ކުރައްވަން ޖެހިވަޑައިގަންނަވާ ކަންކަން ކުރައްވަމުން ކާމިޔާބަކަށްފަހު ކާމިޔާބެއް އެވަޑައިގަންނަވަނީ ހާސިލު ކުރައް ވަމުންނެވެ.

ރާއްޖެއަށް މަލްޓި ޕާޓީ ޑިމޮކްރަސީ އައިފަހުން މި ހޭދަވި 14 ވަރަކަށް އަހަރުގެ ތެރޭގައި ބައެއް ދާއިރާ ތަކަކީ އިންތިހާބު ބޭއްވުމުގެ ކުރިން އެ އިންތިހާބެއް ގެންދާނީ އެމްޑީޕީ ނުވަތަ ޕީޕީއެމްކަން ގާތްގަނޑަކަށް އެނގޭ ދާއިރާ ތަކެކެވެ. އެ ގޮތުން މިވޭތުވެ ދިޔަ 14 އަހަރުގެ ތެރޭގައި ބޭއްވި ގުރައިދޫ ދާއިރާގެ އިންތިހާބުތައް އެއީ ޕީޕީއެމް އިން ކަށަވަރު ކަމާއެކު އަބަދުވެސް ގެންދާނެ ކަމަށް ބެލެވޭ ދާއިރާ އެކެވެ. ނަމަވެސް އެކަމަށް ނިމުން ގެނެސް ތާރީހު ބަދަލުކޮށް އެމްޑީޕީން މިވަނީ ކ. ގުރައިދޫ ދާއިރާ ރީދޫ ކުލައަށް ބަދަލުކޮށްލާފައެވެ. 

ގުރައިދޫ ދާއިރާގެ ރައްޔިތުންގެ މަޖިލީހުގެ ބައި-އިލެކްޝަނުން ދައްކައި ދިނީ ރިޔާސީ އިންތިހާބު އައިސް ބޯމަތިވެފައި އޮއްވާ އެ ދާއިރާގެ ރައްޔިތުންގެ ތާއީދު މިސަރުކާރަށް އޮތް މިންވަރެވެ. މީގެ ހަތަރު މަހެއްހާ ދުވަހަށް ފަހު ބާއްވާ ރިޔާސީ އިންތިހާބުގެ ބޮޑު މަންޒަރު މި އިންތިހާބުން މިއޮތީ ކޮންމެ ވެސް މިންވަރަކަށް ކުރަހައި ދީފަ އެވެ. އެކަން ޔަގީނުން ވެސް ގުރައިދޫ ދާއިރާގެ ރައްޔިތުންގެ އަޣުލަބިއްޔަތުން އެއޮތީ ދައްކައިދީފައެވެ.

ރާއްޖޭގެ ގިނަ ރަށްތައް މިބީދައިން ތަސްވީރު ކުރަހައިދެމުން ދާއިރު، ރަޢީސް ސޯލިހުއަށް މީ އިތުބަރު ބޮޑު އިންތިހާބެކެވެ. އަދި ކާމިޔާބަށް ވާސިލްވުމަށް ފަސޭހަ ވެގެންދާނެ އިންތިހާބެކެވެ. ކުރިއަށް އޮތް ރިޔާސީ އިންތިހާބު ކާމިޔާބު ކުރާނީ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ކަމަށް ރާއްޖޭގެ ތިންކް ޓޭންކެއް ކަމަށްވާ ބާނި ސެންޓާ ފޯ އިންޓަނޭޝަނަލް ޕޮލިސީން ކުރިއަށް ގެންދިޔަ ސާވޭ އަކުންވެސް ވަނީ ދައްކާފައެވެ. މިސާވޭގައި ރާއްޖޭގެ ހުރިހާ ސަރަހައްދަކުން އެކި އުމުރުފުރާގެ 384 މީހަކާ ސުވާލުކޮށްފައިއެވެ. ސާވޭގެ ނަތީޖާ ދެއްކި ގޮތުން ސާވޭއަށް މައުލޫމާތު ދިން މީހުންގެ 81 ޕަސަންޓް މީހުން ބުނެފައިވަނީ ރައީސް ސޯލިހަށް ވޯޓު ދޭނެ ކަމަށެވެ. ކަން މިހެން އޮތް އިރު ރާއްޖޭގެ ރައްޔިތުންގެ އިތުބާރާއި ޔަގީންކަން ރައީސްއައް އޮތްކަން ހާމަވެގެން ހިނގައްޖެއެވެ. އަދި ރައީސް ސޯލިހު ގެނެސް ދެއްވާ ތަރައްގީއާއި ހަމަހަމަ ސިޔާސަތު ރައްޔިތުންގެ ގިނަ ބަޔަކު ބަލައިގެންފައި ވާކަން ވަރަށް ބޮޑަށް އެނގެއެވެ

]]> Mon, 01 May 2023 15:44:59 +0500 ޒުރޫ އިސްލާމްދީނުގައި ޢިލްމު ހޯދުމުގެ މުހިންމުކަން https://heerasnews.com/1315 https://heerasnews.com/1315 އިސްލާމްދީނުގައި ޢިލްމު ހޯދުމަކީ ލާޒިމު ކަމެކެވެ. ވިސްނައި ފިކުރު ކުރުމަށް ބުއްދީގެ ބޭނުން ކުރުމަށް ބާރުއަޅާ އެތައް އާޔަތްތަކެއް ޤުރުއާނުން ފެންނަން އެބައޮތެވެ. އިންސާނުންގެ އަމިއްލަ ނަފުސްތައް ދަށު ދަރަޖައިން ޠާހިރު އަދި ކަރާމާތްތެރި އެއްޗަކަށް އުފުލިގެން ދަނީ ޢިލްމުގެ ތެރެއިންނެވެ. އަލްއިމާމް އައްޒަރުނޫޖީ އޭނާގެ ފޮތް 'ދަރިވަރަށް އިރުޝާދު: އުނގެނުމުގެ އުސޫލު' ގައި ފާހަގަ ކުރައްވާފައިވާ ގޮތުގައި ޢިލްމަކީ އޯގާތެރިކަމާއި ހޭލުންތެރިކަން ޙާޞިލުކުރުމަށް މާތްރަސްކަލާނގެ ލެއްވި ވަސީލަތެވެ.

އަޅުގަނޑުމެންނަށް ހިތްވަރު ލިބެނީ އާ ހުނަރުތައް ދަސްކޮށް، އާ ޢިލްމު ޙާޞިލުކޮށްގެން އަމިއްލަ ނަފްސު މައްޗަށް ބާރު ފޯރުވައިގެންނެވެ. ސުވާލު ކުރުމާއި، ތަޙުލީލު ކުރުމާއި، ވިސްނުމަކީ ޢިލްމުގެ ސަޤާފަތެވެ. އަޅުގަނޑުމެން ފަށައިގަންނަނީ ކިޔެވުމުގެ އަދަބިއްޔާތު ފުޅާކޮށްގެންނެވެ. އިޙްތިރާމާއެކު ސުވާލު އުފައްދައި، ފާޑުކިޔުމުގެ ވިސްނުމަށް ޖާގަދެމުންނެވެ. ބައެއްފަހަރު ޢިލްމަށް ހޯދަން މަސައްކަތް ކުރެވޭ ގޮތަކުން އިތުރަށް ނިކަމެތިވާން ޖެހޭތަން އާދެއެވެ. ހުރިހާ ކަމެއް އެނގޭ ކަމަށް ނުދެކި ފިކުރީ ކިބުރުވެރި ކަމުން ދުރުހެލިވާން ޖެހެނީ މިސަބަބައްޓަކައެވެ. ކިބުރުވެރި ކަމަކީ ހަގީގަތަށް ފުރައްސާރަ ކުރުމާއި (އަމިއްލަ ނަފްސުގެ ބޮޑާކަމުން) މީހުންނަށް ފުރައްސާރަ ކުރުމެވެ.

އެކަށީގެންވާ ވަސީލަތްތަކުގެ ތެރެއިން ޢިލްމު ހޯދުމުގެ ޢަމަލަކީ ހެޔޮ ސިފައެކެވެ. އެއީ އެ ހޯދާ މީހާއަށް ގިނަ ޘަވާބު ލިބިގެންދާ ކަމެކެވެ. އެހެން ގޮތަކަށް ބުނާނަމަ، ސަވާބު ހޯދުމަށްޓަކައި ކޮންމެހެން ކުޅަދާނަ ދީނީ ޢިލްމުވެރިއަކަށް ވާކަށް ނުޖެހެއެވެ. މުހިންމީ އުނގެނުމުގައި ކުރެވޭ އިޚްލާޞްތެރި މަސައްކަތެވެ. އުނގެނުމަށް އިހުލާސްތެރި މަސއްކަތް ކުރާ މީހުންގެ ސަފުތައް الله ގެ ޙަޟްރަތުގައި އުފުލިގެންވެއެވެ.

ފާހަގަކޮށްލަން މުހިންމު ކަމަކީ الله ސ.ވ. އަކީ މީހެއްގެ ދަރަޖަ މަތިކޮށް ދަށްކުރާ ރަސްކަލާނގެ ކަމެވެ. އަޅުގަނޑުމެންނަށް އެހެން މީހުންނަށް ނިކަމެތިކޮށް ބެލުމަކީ ހުއްދަ ކަމެއް ނޫނެވެ. އަދި ހަމައެކަނި އުނގެނުމުގެ މަގުގައި ތިބެގެން އަޅުގަނޑުމެންގެ ދަރަޖަތައް އެހެން މީހުންނަށްވުރެ މައްޗަށް އުފުލިއްޖެ ކަމަށް ހީކުރުމަކީ އަޅުގަނޑުމެންގެ މޮޔަ ކުށް ހީއެކެވެ. އަޅުގަނޑުމެން ﷲ ގެ ނިޢުމަތްތަކަށް ޝުކުރުވެރި ވާންޖެހެއެވެ. ހަމަކަށަވަރުން މާތް ﷲ އަކީ ހުރިހާ ކަމެއް ދެނެވޮޑިގެންވާ ރަސްކަލާނގެއެވެ.

ދީނީ ޢިލްމުގެ އިތުރުން، ޙާލަތާ ދިމާވާ ޢިލްމު އުނގެނި ދަސްކުރަން ވެސް ލާޒިމު ވެގެންވެއެވެ. މިސާލަކަށް ވިޔަފާރީގެ ފުރުސަތުތައް ހޯދަމުން ދާނަމަ، އާމްދަނީ ހޯދުމަށްޓަކައި ވިޔަފާރީގެ ސްޓްރެޓެޖީތަކާއި އާމްދަނީ ހޯދާނެ ގޮތްތައް ދަސްކުރަން ޖެހެއެވެ. ވިޔަފާރީގެ ޢަމަލުގައި ބައިވެރިވާ ކޮންމެ މީހަކުވެސް ވިޔަފާރީގެ މުޢާމަލާތްތަކުގައި މަނާ ކަންތައްތައް ހުއްދަ ކަންތައް ދަސްކުރަން ޖެހެއެވެ.

އިމާމް އަލް ޒަރުނޫޖީ އޭނާގެ ފޮތުގައި އިތުރަށް ވިދާޅުވެފައިވަނީ، “ހުރިހާ ހާލަތެއްގައިވެސް މީހަކަށް އަސަރުކުރާ ހުރިހާ ކަމެއްގެ ޢިލްމަކީ ކާނާއާ އެއްގޮތް މަޤާމެއްގައި އޮންނަ ކަމެއް ކަމަށެވެ. އެއީ އެއްވެސް މީހަކަށް އެކަން ދޫނުކުރެވޭނެ ކަމެކެވެ. އިލްމަކީ ކޮންމެ ހާލަތެއްގައި ވެސް އަޅުގަނޑުމެންގެ މިނިކަމެތި ހަށިގަނޑު ހަމައަކަށް އަޅުވާދޭ ކަނާއެވެ. މަންމަ ބަނޑުން ދުނިއަށް އައިއްސުރެ ސުވަރުގެ ވަނުމާ ހަމައަށް އުންގެނުމަށް އަންގަވާފައިވަނީ ހާދަހާވާ މާތް މަގުސަދެއްގައެވެ.

]]> Sun, 30 Apr 2023 06:32:11 +0500 ޒުރޫ އ.ދ އިން ތޯލިބާނުންގެ ނިންމުން ކުއްވެރިކޮއްފި! https://heerasnews.com/1312 https://heerasnews.com/1312 އަފްޣާނިސްތާނުގެ އަންހެނުންނަށް އދ.ގައި މަސައްކަތް ކުރުން މަނާކުރުމަށް ތޯލިބާނުން ނިންމި ނިންމުން ކުށްވެރިކޮށް އދ.ގެ ސަލާމަތީ މަޖިލީހުން ބުރާސްފަތި ދުވަހު ގަރާރެއް ނެރެފިއެވެ. އެގަރާރުގައި ވަނީ ތާލިބާނުންގެ ލީޑަރުންގެ ނިންމުން އަބުރާ ގެންދިއުމައް ގޮވާލާފައެވެ. 15 މެމްބަރުންގެ އިއްތިފާގުން ފާސްކުރި ގަރާރުގައި އަފްޣާނިސްތާނުގައި އަންހެނުންނާއި އަންހެން ކުދިންގެ ހަމަހަމާކަމާއި އަދި ރައްކާތެރިކަމާއި ފުރިހަމަ ބައިވެރިވުގެ މުހިންމުކަން ފާހަގަ ކޮށްފައިވެއެވެ.

ޢާންމު ދިރިއުޅުމުން އަންހެނުން ބާރުވެރިކަން ފޮހެލާފައިވާ ސިޔާސަތުތަކަށް އަވަސް ބަދަލުތަކެއް ގެނައުމަށް ހަރުކަށި ފިކުރުގެ ވެރިންނަށް ނުފޫޒު ފޯރުވާ ހުރިހާ ޤައުމުތަކަށާއި ޖަމްޢިއްޔާ ޖަމާޢަތްތަކަށް އިލްތިމާސްކޮށް ގޮވާލާފާވެއެވެ.

ތޯލިބާނުންގެ މި ނިންމުމާ ގުޅިގެން އެންމެ ކަންބޮޑުވާ ކަމަކީ އެހީތެރިކަން ފޯރުކޮށް ދިނުމުގެ މިޝަންއަށް ބޮޑު ގޮންޖެހުމަކާ ކުރިމަތިލާން ޖެހުން ކަމަށް އ.ދ އިން ބުނެއެވެ.

އދ.އިން ބުނާގޮތުގައި އަފްޣާނިސްތާނުގައި 28.3 މިލިއަން މީހުންނަށް މި އަހަރު އެހީތެރިކަން ދޭން ބޭނުންވެއެވެ. މިއީ ރެކޯޑު އަދަދެއް ކަމަށާއި މިއީ ދުނިޔޭގައި ހިންގާ އެންމެ ބޮޑު އެހީގެ އޮޕަރޭޝަން ކަމަށްވެއެވެ.

]]> Sat, 29 Apr 2023 18:50:41 +0500 ޒުރޫ ގަވާއިދާ ޚިލާފަށް އުޅޭ ބިދޭސީން https://heerasnews.com/1307 https://heerasnews.com/1307 ގަވާއިދާ ޚިލާފަށް އުޅޭ ބިދޭސީން ޑިޕޯޓް ކުރުމަކީ ވެސް ފަސޭހަ ކަމެއް ނޫނެވެ. ރާއްޖޭގައި ހުންނަ އެހެން ގައުމު ތަކުގެ އެމްބަސީން ވެސް ޕާސްޕޯޓް ނެތް މީހުންނާ ހަވާލުވެ އެ މީހުން ގައުމަށް ފޮނުވާލަން އެހީވުމުގައި އުޒުރު ދައްކައެވެ. ހައްޔަރުކޮށްފައި ބައިތިއްބާނެ ތަނެއް ވެސް ނެތެވެ. ގަވާއިދާ ޚިލާފަށް އުޅޭ ބިދޭސީން ހައްޔަރު ކޮށްފައި ބައިތިއްބަން ހުޅުމާލޭގައި ހުންނަ ޑިޓެންޝަން ސެންޓަރުގެ ޖާގަވެސް މަދެވެ.

ގަވާއިދާ ޚިލާފު ވުމުން އެތަނަށް މީހަކު ލިޔަސް އެ މީހަކީ ކާކުތޯ ދެނެގަތުމަށް ދެ މަހެއްހާ ދުވަސް ހޭދަވެއެވެ. ދައުލަތުގެ ބަޖެޓުން އެ މީހުންގެ ބަންދަށް ވެސް ބޮޑު ހޭދައެއް ކުރަން ޖެހެއެވެ. އަނެއް ކޮލުން މިހާރު އެކިއެކި ކުއްތަކަށް އަރައިގަންނަ ބިދޭސީން ވަރަށް ވެސް ގިނައެވެ. އެ ގޮތުން މަސްތުވާ ތަކެތި ވިއްކުމާއި ވައްކަން ކުރުމާއި، މަގު ފޮށުމާއި ހަށިވިއްކުމާއި ހަށިގަތުން ފަދަ އެތައްކަމެއް އަންނަނީ ކުރަމުންނެވެ. 

ރާއްޖޭގައި މިހާރު ވިޔަފާރި ކުރާ ދިވެހިންނަށް ވުރެ ވިޔަފާރި ކުރާ ބިދޭސީން މާގިނައެވެ. އަންދާޒާ ކުރާގޮތުގައި 250،000 އަށް ވުރެގިނަ ބިދޭސީން ރާއްޖޭގައި މިހާރު އެބަ އުޅެއެވެ. އޭގެ ތެރެއިން ބައެއްގެ ހުނަރާއ އެ މީހުންގެ ޖާދޫގައި ގިނަ ދިވެހިން ތަކެއް ވަނީ ޖެހިފައެވެ .

ދިވެހިންގެ އާބާދީގެ ދެބައިކުޅަ އެއްބައިހާ ބިދޭސީން ރާއްޖޭގައި އުޅޭ އިރު އެ މީހުންގެ ތެރޭގައި ކުށްކުރާ އެތައް ބަޔަކު ތިބުމަކީ ވަރަށް ކަން ބޮޑުވާން ޖެހޭ ބޮޑު މައްސަަލައެކެވެ. ކުށުގެ ރެކޯޑަށް ބަލައިލި ކަމުގައި ވިޔަސް ބިދޭސީންގެ އެތައް މައްސަލަތަކެއް އަންނަނީ ރިޕޯޓު ކުރެވެމުންނެވެ. ބިދޭސީންގެ ތެރޭގައި މަސްތުވާ ތަކެތީގެ ވިޔަފާރިފުޅާ ދާއިރާއެއްގައި ކުރާ ފަރާތްތަކެއް އެބައުޅެއެވެ. މަސްތުވާ ތަކެތި ރާއްޖެއަށް އެތެރެ ކުރުމުގެ ބޮޑެތި ވިއުގަތައް ބިދޭސީން އޮޕަރޭޓް ކުރެއެވެ. ބޭރު ފައިސާ ގަނެވިއްކުމުގެ ވިޔާފާރިތައް ވެސް ބިދޭސީންގެ އަތްމައްޗަށް ފުރޮޅިއްޖެއެވެ. ކުޑަ ކުދީންނަށް ޖިންސީ ގޯނާކުރުމުގައި އުޅޭ ބިދޭސީންގެ މައްސަލަތައް ވެސް ފާހަގަކޮށްލެވެއެވެ.

މިދިޔަ ނޮވެމްބަރު މަހުގެ ތެރޭގައި ބަންގްލަދޭޝުން ރާއްޖެއަށް އައި ބިދޭސީއެއްގެ ލަގެޖުން 2339 ޕާޓީ ޕިލް ވަނީ ފެނިފައެވެ. ރާއްޖޭގައި ފުލުހުން ހިންގާ ހާއްސަ އޮޕަރޭޝަން ތަކުގައި ގިނަ އަދަދެއްގެ ބަނގުރާ ފުޅިތަކާއެކު ވެސް ބިދޭސީން ފެންނަ މައްސަލަތައް އަންނަނީ އިތުރު ވަމުންނެވެ. ދިވެހިން މި ކަންކަމާއި އިތުރައް ސަމާލުވެ ކުރިއައް އޮތް ތަަނުގައި ފިޔަޅުތަކެއް އެޅުމަކީ ވަރަށް މުހިންމު ކަމެވެ

]]> Sat, 29 Apr 2023 02:38:59 +0500 ޒުރޫ އެކާރާ މިކާރު : ޔާމިނު ކައްވާލި ލަގްޒަރީކާރު https://heerasnews.com/1306 https://heerasnews.com/1306 އަބަދުވެސް އެކި އެކި މުވައްސަސާތަކަށް އަދި ކުންފުނިތަކަށް ވެހިކަލް ގަނެއެވެ. ދާދިފަހުން އެންމެ ހަލުވިކަމާއިއެކު ފެތުރިގެންދިޔަ ވާހަކައަކީ ފެނަކަ އަށް ހޯދި ކާރެއްގެ ވާހަކައެވެ. އެހެންނަމަވެސް އޭގެ ކުރިން ފެނަކަ ސައީދަށް އިދިކޮޅުގެ ރުޅިގަނޑު ބާލަނީ ކީއްވެތޯ ވެސް ބަލައިލާނަމެވެ.

ހުރިހާ ގޮންޖެހުންތަކާ އެކީގައި ވެސް ރާއްޖޭގެ އަތޮޅުތަކުގެ ރައްޔިތުންނަށް ކުންފުނީގެ ހުރި ދަތިތަކުގެ އިހުސާސް ވިޔަނުދެއްވާ 24 ގަޑިއިރު ކަރަންޓުގެ ހިދުމަތައި އެހެން ޔޫޓިލިޓީގެ ހިދުމަތް ދެއްވާކަމީ އެއީ ސައީދުގެ ހަމަ ކުޅަދާނަކަމެވެ. ފެނަކަ އިން ކުރަމުންދާ މަސައްކަތްތަކަށް ބައިނަލްއަގުވާމީ ގިނަ އެވޯޑުތަކެއް ވެސް ވަނީ ލިބިފަ އެވެ. މީގެ ތެރޭގައި އެ ކުންފުނީގެ ޕްރޮޖެކްޓުތަކަށް ލިބުނު އެވޯޑުތަކާއި އެ ކުންފުނީގެ އެމްޑީ އަހުމަދު ސައީދުއަށް ލިބުނު އެވޯޑު ވެސް ހިމެނެއެވެ.

ފެނަކައިން ދައްކަން ޖެހޭ ދަރަނިތައް ވެސް ދައްކާ ހަލާސް ކުރަމުން ދާއިރު ބޮޑު އިސްކަމެއް ދީގެން ރަށްރަށުގެ ކަރަންޓް މައްސަލަ އެ ކުންފުނިން ދަނީ ހައްލު ކުރަމުންނެވެ. އެގޮތުން ކުރިން ކަރަންޓް ކެނޑިގެން އަތޮޅުތަކުގެ ރައްޔިތުން އުފުލަންޖެހޭ ބުރަ ކުޑަ ކުރުމަށް އެ ކުންފުނިން ވަނީ އަމާޒު ހިފައިފައެވެ.

ރާއްޖޭގެ އުތުރުގެ ސިޓީ ކުޅުދުއްފުށީސިޓީގެ (ފެނަކަ) ހިސްޓްރީއަށް ބަލާއިރު މީގެކުރިން ދިހަ ބާރަ ފަހަރު ސާރވޭ ކުރެވި ހަތަރު ވައްތަރަކަށް ކުރަހާ ފޮޓޯ ނަގާ ބޮޑެތި ފައިލް ތަކަށްލައި ރަނގަޅު ޝޯ ކޭސްތަކުގައި ބަހައްޓާފައި އެބަހުއްޓެވެ. ރައީސް ސޯލިހުގެ ސަރކާރު އައިސް ފެނަކައިގެ ހިންގުން ހަރުދަނާކޮށް ރައްޔިތުންނަށް ކުރިން ނުފެންނަވަރުގެ ހިދުމަތެއް ދެމުންދާތީއާއި ދައްކަމުންދާ ނަތީޖާތަކަށް ބަލާއިރު އިދިކޮޅަށް އެންމެ ގޮންޖެހުން ބޮޑު ކުންފުންޏަކަށް ވާނީވެސް ފެނަކައެވެ. ފެނަކައަށް ވާދަވެރިންގެ ބަސްތައް އަމާޒުވަނީވެސް މިފަދަ ސަބަބުތަކާ ހުރެއެވެ.

އެބުނާ ކާރެއް ވާހަކަ ދައްކާލަމާ ހިންގާށެވެ. ދާދިފަހަކުން ފެނަކައަށް ގެނައި ކާރަކި ފެނަކައިގެ ބޭނުމަށް ގެނެވުނު ފެނަކައިގެ ހަރުމުދަލެކެވެ. ފެނަކަ ދޫކޮށް ސައިދު މާދަމާ ގެއަށްވަޑައިގެންނެވިއަސް އެކާރު އޮނާނީ ފެނަކާއިގައި ފެނަކައިގެ ބޭނުންތަކަށެވެ. ދުއްވާނީ ކޮންމެވެސް އެހެން މީހެކެވެ. މިއީ މިސަރުކާރުގެ ކާރުގެ ވާހަކައެވެ. ދެން ދައްކާލަން އޮތީ އެސަރުކާރުގެ ކާރުވާހަކައެވެ. ރައީސް ޔާމިންގެ އަބިކަނަބަލުންނަށް ހަދިޔާގެ ގޮތުގައި ލިބިވަޑައިގެންނެވިކާރުތަކާއި ބާރތުޑޭ ގިފްޓްގޮތުގައި ލިބުނު ކާރުގެ ވާހަކަ ދައްކާލަން ނުކެރެނީ ކީއްވެތޯއެވެ. ރައީސް ކަން ކުރައްވާ ބޭފުޅުން ދުއްވަން ބޭރުގެ ގައުމުތަކުން ދެއްވާ ކާރުތައް އަމިއްލަ ނަން މައްޗަށް ބަދަލުކުރެއްވި ވާހަކަ ދައްކާލަން ނުކެރެނި ކީއްވެހެއްޔެވެ. ޗާރޓަރ ފުލައިޓް ތަކުގައި ދަރިން ގެނައި ކާރުތަކުގެ ވާހަކަވެސް ދައްކާލަންވީނޫންތޯއެވެ. ކާރުގެ ވާހަކަ ދައްކަން އިދިކޮޅުން ލަދު ނުގަންނަނީ ލަދުހަޔާތް ކުޑަކަމުންނެކޭ ދަންނަވާކަށް ނެތީމެވެ. އެއްއެމްޕީއާރުސީއާއި އެސްއީޒެޑްގެ ތެރޭން ލިބުނުކަޓުގެ ދަންތުރައިގައި ޖެހިދާނެތީ ކޮންމެ ވާހަކައެއް ވެސް ދެއްކި ދާނެއެވެ. އެއީ އެސަރުކާރާއި މިސަރުކާރުގެ ކާރު ވީމާ ވާކަމެއް ނޫނެވެ.

]]> Sat, 29 Apr 2023 02:33:05 +0500 ޒުރޫ މުއިއްޒަށް ޕީޕީއެމް ޓިކެޓް: ރައީސް ޔާމިން ޗަ ގޯސް https://heerasnews.com/1305 https://heerasnews.com/1305 ރިއާސީ އިންތިހާބު ބޯމަތިވެފައިމިވާ ދަނޑިވަޅުގައި އިދިކޮޅު ޕީޕީއެމް އަށް އަދިވެސް އުޅެނީ ނެރޭނެ ކެނޑިޑެޓަކު ނުނިންމިގެނެވެ. އަޑިއަޑިން ރިއާސީ ޓިކެޓަށް ދޮންކޮށްގެން ތިބި އެތައްބަޔަކު އެބަތިއްބެވެ. ބޭރައް ފެންނަން ނެތް ނަމަވެސް މުޅި ޕީޕީއެމް ޕީއެންސީ އޮތީ ހުޅު ރޯވެފައެވެ. އެތެރޭގައި އެހާމެ ފޯރިގަދަކޮށް ޓިކެޓާއި ހިފާގަނެފައިވެއެވެ. ޕީޕީއެމްގެ ފެކްސަންތަކުން ދަނީ ޓިކެޓް ހޯދުމަތް އެތެރޭގެ ގައުމީ މަޖިލީސްގެ ގޮޑިތައް ކަށަވަރު ކުރަމުންނެވެ. ޕީޕީއެމްގެ މިހާރުގެ ހަރަކާތަކީ ރައީސް ޔާމިނަށް ހުވަފެން ދެއްކުމެވެ.

ޕީޕީއެމް ޕީއެންސީން ރަސްމީކޮށް ބުނަމުންދަނީ ޔާމީން ޖަލުގައި ހުންނެވިޔަސް ރިޔާސީ ޓިކެޓާ ގުޅޭ ވާހަކަ ދައްކަން ޖެހޭ އެއްވެސް ހާލަތެއް ނެތް ކަމަށެވެ. ޕީޕީއެމްގެ ހުރިހާ މެންބަރުންގެ އިއްތިފާގުން ރިޔާސީ ކެންޑިޑޭޓުގެ ޓިކެޓު ވެސް ޔާމީނަށް ވަނީ ޙަވާލުކޮށްފައެވެ. އެހެން ނަމަވެސް ޔާމީންގެ މައްޗަށް ކްރިމިނަލް ކޯޓުން 11 އަހަރުގެ ޖަލު ޙުކުމެއް އިއްވާފައިވަނީ މިދިޔަ އަހަރުގެ ޑިސެމްބަރު މަހުގެ 25 ވަނަ ދުވަހުއެވެ. އެ ޙުކުމް ޔާމީނުގެ ފަރާތުން ދިވެހިރާއްޖޭގެ ހައިކޯޓުގައި އިސްތިއުނާފު ކުރުމުން ހައިކޯޓުން ވަނީ އިސްތިއުނާފު ބަލައިގެންފައެވެ.

ރައީސުލްޖުމްހޫރިއްޔާ އަކަށް އިންތިޚާބުކުރާ މީހެއްގެ ކިބައިގައި ހުންނަންޖެހޭ ޝަރުތުތައް ޤާނޫނުއަސާސީގެ 109 ވަނަ މާއްދާގައި ސާފުކޮށް ބަޔާންކޮށްފައިވެއެވެ. ޤާނޫނު އަސާސީގެ 109 ވަނަ މާއްދާގައި ބުނެފައިވާ ގޮތުން ޖިނާޢީ ކުށެއް ކުރިކަން ސާބިތުވެ އެއް އަހަރަށް ވުރެ ދިގު ޙުކުމެއް އައިސްފައިވާ މީހަކު ނަމަ އެ މީހަކަށް ރިޔާސީ އިންތިޚާބުގައި ވާދަ ކުރެވޭނީ އަދަބު ތަންފީޒުކޮށް ނިމޭތާ 3 އަހަރު ފަހުންނެވެ

ޙުކުމް އެގޮތުގައި އޮއްވައި، ކެންޑިޑެސީ ހުށައެޅުއްވި ކަމުގައި ވީނަމަވެސް އިލެކްޝަންސް ކޮމިޝަނަށް ޔާމީނުގެ ކެނޑިޑެސީ ބަލައި ނުގަނެވެނޭ ކަމަށް ޤާނޫނީ ބޭފުޅުން ވިދާޅުވެއެވެ. ސަބަބަކީ ކެނޑިޑޭޓުންގެ އަސާސީ ޝަރުތުތައް ފުރިހަމަ ނުވުމެވެ. 

ދެން އޮތް ގޮތަކީ ޙުކުމެއް އިސްތިއުނާފުކޮށްފައި އޮއްވައި އިންތިޚާބުގައި ވާދަ ކުރުމުގެ ފުރުސަތު ލިބިދޭތޯ ކޯޓުގެ ދޮރުގައި ޓަކިޖެހުމެވެ. ނަމަވެސް ޤާނޫނުއަސާސީގައި އެހާ ސާފުކޮށް ޝަރުތުތައް ބަޔާންކޮށްފައި އޮއްވައި ކޯޓުން ޔާމީނަށް އެ ފުރުސަތު ލިބުން އެއީ ވުމަށްވުރެ ނުމުން ގާތް ކަމެކެވެ. 

މުއިއްޒުއަކީ ޕީޕީއެމް ޕީއެންސީގެ ގައުމީމަޖިލިސް ކޮންޓްރޯލް މިހާރު އޮތް ބޭފުޅެކެވެ. އެހެން ކަމުން ނޫންކަމަށް ހަދައިގެން ހުރެ ޕީޕީއެމް ޓިކެޓް އެންމެ ފަސޭހައިން ދަމައިގެނޭވެ އެކަކީވެސް މުއިއްޒުއެވެ. ނޫން ކަމަށް ހެދިގެން ހުރި ނަމަވެސް ޓިކެޓް އިނީ ވަނދު ބަނބުކޭލެއް ގޮތަށް ތަނޑި ދޮންވެ ވެއްޓެން ކައިރިވެފައިކަން އިދިކޮޅު ލީޑަރުންނަށް ވެސް އެނގެއެވެ. އެއީ ދެބަސް ނުވެވޭނެ ހަގީގަތެކެވެ. 

ވަނދުވެ ވެއްޓެން ކަރިވެފައިވާ ޕީޕީއެމް ޓިކެޓް ޖަހއިގަންނާނީ ވެސް މުއިއްޒުއެވެ. މުއިއްޒު ހުރީ ކުޅިބައި ހަމަކޮށް ތައްޔާރު ވެގެންނެވެ. މި ވަގުތު ރައީސް ޔާމިންގެ ހަރަކާތް ތަކަކީ އެހެން ގޮތެއް ނެތިގެން މީހުން ހިފަހައްޓަން މަޖުބޫރު ވެގެން ހިންގަމުން ދާހަރަކާތް ތަކެވެ. ބައިބައިވުމެއް ނެތްކަމަށް ބޭރަށް މަންޒަރު ދައްކާލަން ކުރެވެން އޮތް ހަމައެކަނި ކަންތައް ވެސް މެއެވެ. ސައްކެޔޮ ގަހަށް މަކުނު އަރާ ބީދައިން ޕިޕީއެމް ޓެކެޓައް އަރައި ގަންނާނެއެވެ. ރައީސް ޔާމިނާއި ޕީޕީއެމް ޕީއެންސީ ކިތަންމެވަރަށް ޗަ ގޯހޭ ބުންޔަސް މުއިއްޒް މި ފަހަރު ޓިކެޓް ދަމައި ގަންނާނެ ކަން ޔަގީނެވެ

]]> Sat, 29 Apr 2023 02:28:27 +0500 ޒުރޫ ވާދަވެރިންނަށް ނޭގުނު އިބޫގެ ތަރައްޤީ ފޯމިއުލާ https://heerasnews.com/1298 https://heerasnews.com/1298 2019 ވަނަ އަހަރު މުޅި ދުނިޔެއަށް ކުރިމަތިވި ކޮވިޑް-19 ގެ ބަލިމަޑުކަމާއިއެކު އިގްތިޞާދީ ބޮޑު އަނދަވަޅެއްގެ ތެރެއަށް ގައުމުތައް ވެއްޓުނެވެ. 2020 ވަނަ އަހަރަކީ މި ބަލިމަޑުކަން ރާއްޖެއާއި ހަމައަށް ފޯރައި ރާއްޖޭގެ އިގްތިޞާދީ މައި މަސައްކަތް ހުއްޓުމަކަށް އައި އަހަރެވެ. ކޮވިޑް-19 ގެ ބަލިމަޑުކަމުގެ ސަބަބުން މުޅި ދުނިޔޭގައި އިންސާނުންގެ ފުރާނަތަށް ގެއްލިފައިވާއިރު، މިއީ އާންމު ސިއްހަތާއި ކާބޯތަކެތީގެ ނިޒާމުތަކާއި މަސައްކަތުގެ ދުނިޔެއަށް މީގެ ކުރިން ނުފެންނަ ގޮންޖެހުމެކެވެ. ކޮވިޑް-19ގެ ސަބަބުން ކުރިމަތިވެފައިވާ އިގްތިސާދީ އަދި އިޖުތިމާއީ ބުރޫއެރުމަކީ މީގެކުރިން ދުވަހަކުވެސް ކުރިމަތިނުލާ ފަދަ ކާރިސާއެކެވެ. ކޮވިޑް-19ގެ ބަލިމަޑުކަމުގެ ސަބަބުން ވަޒީފާތައް ގެއްލި، އެތައް މިލިއަން ބައެއްގެ ދިރިއުޅުން ނުރައްކަލުގެ ތެރެއަށް ވަނީ ވެއްޓުނެވެ.

ދިވެހިރާއްޖޭގައި ވެސް މިކަން ތަޖުރިބާ ކުރަން ޖެހުނީ މި ފަދައިންނެވެ. ކޮވިޑް-19ގެ ބަލިމަޑުކަމުގައި ދުނިޔެ ހުއްޓުމަކަށް އައިސް، އިގްތިސާދުތައް ހީނަރުވެ، މީހުންގެ އަތްމަތި ދަތިވެ، ގިނަގުނަ ގޮންޖެހުންތައް ދިގުލައި ދިޔުމާއެކު ދިރިއުޅުން ކޮޅަށް ޖަހާ މިނިވަންކަމާއެކު ކުރިން އުޅުނު ގޮތައް އުޅެވޭނެ ދުވަހަކަށް އިންސާނުން ތިބީ ކެތްމަދުވެފައެވެ. ކޮވިޑް- 19 ގެ ސަބަބުން ދެކުނު އޭޝިއާ އިން އެންމެ ބޮޑު އަސަރެއް ކުރާނީ ރާއްޖޭގެ އިގްތިސާދަށް ކަމަށް ވޯލްޑް ބޭންކުން އޭރުވެސް ބުނެފައިވެއެވެ.

ވޯލްޑް ބޭންކުން މިހެން ބުނެފައި ވަނީ އެ ބޭންކުން އެކުލަވާލި “ސައުތު އޭޝިޔާ އިކޮނޮމިކް ފޯކަސް: ސްޕްރިންގް 2020” ރިޕޯޓްގައެވެ. އެރިޕޯޓުގައިވާ ގޮތުން ދެކުނު އޭޝިއާ ސަރަހައްދުގެ ގައުމުތަކުގެ ތެރެއިން ކޮރޯނާ ވައިރަހުގެ ސަބަބުން ރާއްޖޭގެ އިގްތިސާދުގެ ކުރިއެރުން 13- އާއި 8- އާއި ދެމެދަށް ވެއްޓޭނެއެވެ. މިހެން ކަންތައް ދިމާވާނެ މައިގަނޑު ސަބަބެއް ކަމުގައި އެ ބޭންކުން ބުނީ ރާއްޖެއަކީ ޓޫރިޒަމަށް ބަރޯސާވާ ގައުމަކަށް ވުމުން ކޮވިޑް 19 އާ ގުޅިގެން އެ އިންޑަސްޓްރީ އެއްކޮށް ހުއްޓިފައި އޮތުމެވެ.

ދުނިޔޭގައި ފެތުރެމުންދިޔަ ކޮވިޑް-19 ދިވެހިރާއްޖޭގައި ވެސް ފެތުރެމުންދާތީ، އެ ބަލި ފެތުރުން ކުޑަކުރުމަށްޓަކައި ޚާއްޞަ ފިޔަވަޅުތަކެއް އެޅުއްވުމަށް ރައީސުލްޖުމްހުރިއްޔާ ނިންމެވިއެވެ. މި ގޮތުން އަޅުއްވަން ނިންމެވި ފިޔަވަޅުތަކަކީ:-

1. 2020 މާރިޗު 19 ވަނަ ދުވަހުން ފެށިގެން 26 ވަނަ ދުވަހުގެ ނިޔަލަށް، ސަރުކާރު ބަންދު ކުރެއްވުން.

2. ސަރުކާރު ބަންދު ކުރި މުއްދަތުގައި، ތިރީގައި މިވާ ޚިދުމަތްތައް މެދުނުކެނޑި ރައްޔިތުންނަށް ލިބޭނެ އިންތިޒާމު ހަމަޖެހިފައިވާކަން، ދައުލަތުގެ ކަމާބެހޭ އިދާރާތަކުން ކަށަވަރު ކުރެއްވުން.

(ހ)  ޞިއްޙީ ޚިދުމަތްދޭ މަރުކަޒުތަކާއި ފާމަސީތަކުގެ ޚިދުމަތްތައް؛

(ށ)  ފެނާއި، ކަރަންޓާއި، ނަރުދަމާގެ ޚިދުމަތް؛

(ނ)  ބްރޯޑްކާސްޓިންގގެ ޚިދުމަތް؛

(ރ)  ފޯނާއި އިންޓަރނެޓުގެ ޚިދުމަތް؛

(ބ)  ބޭންކުތަކުން ދޭ ޚިދުމަތް؛

(ޅ)  ކައްކާ ގޭހާއި ފިޔުލްގެ ޚިދުމަތް؛

(ކ)  ވައިގެ ދަތުރުފަތުރުގެ ޚިދުމަތްތަކާއި ވިޔަފާރި ބަނދަރުތަކުގެ ޚިދުމަތް؛

(އ)  ކަސްޓަމްސްއާއި އިމިގްރޭޝަނާއި އޭވިއޭޝަން ކޮމާންޑުގެ ޚިދުމަތް؛

(ވ)  ސިފައިންނާއި ފުލުހުންގެ ޚިދުމަތް؛

(މ)  ފަޔަރ އެންޑް ރެސްކިއުގެ ޚިދުމަތް؛

(ފ)  ޢަދުލު އިންސާފު ޤާއިމުކުރުމުގެ ބާރުގެ ޚިދުމަތާއި ކޯޓުތަކުގެ ޚިދުމަތް؛

(ދ)  ޚާރިޖީ ގުޅުންތަކާބެހޭ ޚިދުމަތް؛

(ތ)  އިޖުތިމާޢީ ރައްކައުތެރިކަން ފޯރުކޮށްދިނުމުގެ ޚިދުމަތް؛

(ލ)  ދައުލަތުގެ ބެލުމުގެ ދަށުގައި ބައިތިއްބައިގެން މީހުންނާއި ކުދިން ބަލަހައްޓާ މަރުކަޒުތަކުން ދޭ ޚިދުމަތް؛

(ގ)  ޖަލުތަކުގެ ޚިދުމަތް؛  

(ޏ)  ރަށް ކުނިކަހައި ބެލެހެއްޓުމުގެ ޚިދުމަތާއި، ކުނިނަގައި އުކައިލުމުގެ ޚިދުމަތް؛

(ސ) މޫސުމާބެހޭ ޚިދުމަތް.

3. ބަޔާންވެ ދިޔަ ޚިދުމަތްތައް ދިނުމުގެ އިންތިޒާމު ހަމަޖެއްސެވުމަށްޓަކައި ދައުލަތުގެ އިދާރާއަކުން ކޮންމެހެން މަސައްކަތަށް ނެރުއްވި މުވައްޒަފުންނާއި، ޤާނޫނު ނަންބަރު 2012/7 (ޢާންމު ޞިއްޙަތު ރައްކާތެރިކުރުމުގެ ޤާނޫނު) ގެ 33 ވަނަ މާއްދާގެދަށުން 2020 މާރިޗު 12 ވަނަ ދުވަހު އިޢުލާނު ކުރައްވައިފައިވާ "ޢާންމު ޞިއްޙަތުގެ ކުއްލި ނުރައްކަލުގެ ޙާލަތު" ގައި، ޑިރެކްޓަރ ޖެނެރަލް އޮފް ޕަބްލިކް ހެލްތް ކަނޑައަޅުއްވާ ފިޔަވަޅުތައް އެޅުއްވުމަށްޓަކައި ދައުލަތުގެ އިދާރާތަކުން ކުރަންޖެހޭ ކަންތައްތައް ކުރުމަށް މަސައްކަތަށް ނެރުއްވި މުވައްޒަފުން ފިޔަވައި އެހެން މުވައްޒަފުން މަސައްކަތަށް ނުނެރުއްވުން.

4. ސަރުކާރު ބަންދު ކުރެއްވި މުއްދަތުގެ ތެރޭގައި ދައުލަތުގެ އިދާރާއަކުން ކޮންމެހެން ދޭންޖެހޭ ޚިދުމަތެއް ދިނުމަށްޓަކައި، އެ އިދާރާއެއްގެ އެންމެ އިސްވެރިއަކު ކަނޑައަޅުއްވި ގޮތެއްގެ މަތިން އެ އިދާރާއަކުން ކުރަންޖެހުނު މަސައްކަތްތައް ކުރެއްވުން.

5. ސަރުކާރު ބަންދު ކުރެއްވުމުގެ އެންމެ ބޮޑު ބޭނުމަކީ ކޮވިޑް-19 ކޮންޓްރޯލް ކުރުން ކަމަށްވާތީ، އިޖުތިމާޢީ ގައިދުރުކަން (ސޯޝަލް ޑިސްޓެންސިންގ) ތަންފީޒު ކުރުމުގެ ގޮތުން،  ސަރުކާރުގެ އިދާރާތަކުގެ މުވައްޒަފުން ޟަރޫރީ ބޭނުމެއްގައި މެނުވީ ގެއިން ބޭރަށް ނުކުމެ ނޫޅުން ހިމެނެއެވެ.

ކޮވިޑް 19 އާ ގުޅިގެން ރާއްޖޭގެ އިގްތިސޯދު ހީނަރުވުމާއި ގުޅިގެން އާންމު ވިޔަފާރިތައް ނުހުއްޓި ކުރިއަށް ގެންދިއުމަށްޓަކައި ރިލީފް ޕެކޭޖުތަކެއް ސަރުކާރުން ތައާރަފު ކުރިއެވެ. ވަޒީފާ ގެއްލުނު ފަރާތްތަކަށް ހާއްސަ އެހީ ފޯރުކޮށްދީ މުޖުތަމަޢު ހިނިތުންކޮށްލިއެވެ. މަސައްކަތްތެރިންނަށް ކުރިމަތިވާ ދަތިތަކުން އަރައިގަތުމަށް ދިވެހިރާއްޖެ އަށް އެހީތެރިވުމަށްޓަކައި ހިންގުމަށް ހަމަޖެހިފައިވާ 'ކޮވިޑް-19 އިމަޖެންސީ އިންކަމް ސަޕޯޓް ޕްރޮޖެކްޓް' ވާލްޑް ބޭންކުގެ ޑިރެކްޓަރުންގެ ބޯޑުން ފާސްކުރުމާއި އެކު ކުރިމަގުގައި ދިމާވެދާނެ ކުއްލި ހާލަތަކަށް ތައްޔާރުވުމަށްޓަކައި މި މަޝްރޫއުގެ ދަށުން ރާއްޖޭގެ އިޖުތިމާޢީ ރައްކާތެރިކަމުގެ ޕްރޮގްރާމްތައް ވެސް ވަރުގަދަ ކުރެވިގެން ދިޔައެވެ. ބަލިމަޑުކަމުން ހަގީގަތުގައި އަރައިގަނެވި ހިންދަމާ ނުލެވުނު ނަމަވެސް ތަރައްގީގެ މަސައްކަތްތައް ހުއްޓުމެއްނެތި ގެންދިވީ ކުރިއަށެވެ. އަދިވެސް ދަނީ ކުރިއަށެވެ.

ކޮވިޑް19އާއި ގުޅިގެން އެންމެ ފަހުން ބަންދުކުރެވި އެންމެ ކުރިން ހުޅުވުނު ބޯޑަރަކީ ރާއްޖޭގެ ބޯޑަރެވެ. ނަތީޖާއެއްގެ ގޮތުން ދިވެހިރާއްޖެ އިން 2023 ވަނަ އަހަރުގެ ފުރަތަމަ ތިން މަހު 172،536 ފަތުރުވެރިންނަށް މަރުހަބާ ކިޔައިފިއެވެ. ޓްރޭޑިން އިކޮނޮމިކްސް ގްލޯބަލް މެކްރޯ މޮޑެލްސް އަދި އެނަލިސްޓުން ލަފާކުރާ ގޮތުގައި 2023 ވަނަ އަހަރު ނިމޭއިރު ރާއްޖޭގެ ޖީޑީޕީ 5.83 ބިލިއަން ޑޮލަރަށް އަރާނެއެވެ.

]]> Thu, 27 Apr 2023 19:21:33 +0500 ޒުރޫ ގައުމު ފާލަކަށް އަޅުވާ އުއްމީދު އާކޮށްދެއްވީ އިބޫ! https://heerasnews.com/1297 https://heerasnews.com/1297 ރައީސް ސޯލިހުގެ ސަރުކާރުގެ ތައުލީމީ ސިޔާސަތުގެ މައިގަނޑު އަމާޒަކީ، ޒަމާނީ ތައުލީމް އުނގެނި، އީޖާދީ އުފެއްދުންތެރި ކަމަށް ވިސްނުން ހިންގާ، ހުނަރުވެރި ޖީލެއް ބިނާކުރުމެވެ. ސާނަވީއާއި މަތީ ސާނަވީ ތައުލީމުން މަތީ ދަރަޖައިގައި ފާސްވާ ދަރިވަރުންނަށް، ވަރަށް ގިނަ ގައުމުތަކުގެ ޔުނިވާސިޓީތަކުން ކިޔެވޭނެ ފުރުސަތު ހަމަޖައްސައިދިނީ، އެ މުހިންމު މަގުސަދު ހާސިލުކުރުމުގެ ބޭނުމުގައެވެ. މިއީ މަސައްކަތް ވެސް ދަސްކޮށްދޭން ޖެހޭ ޒަމާނެކެވެ.

ރައީސް ގަބޫލުކުއްރައްވާ ގޮތުގައި ވަޑާންކުރުން ވެސް، އޮޑި ދޯނި ފަހަރު ބަނުން ވެސް، ގެދޮރު އިމާރާތް ކުރުން ވެސް، މިއިން ކޮންމެ މަސައްކަތަކީ، އިލްމީ އެތައް ތިއަރީއެއްގެ މައްޗަށް ބިނާކޮށް، ތަރައްގީކޮށްފައިވާ މަސައްކަތެކެވެ. މިއީ، ވަކި ގްރޭޑަކުން ދަރިފުޅު ސްކޫލުން ވަކިކޮށް، މަސައްކަތަށް ފޮނުވާ ޒަމާނެއް ނޫނެވެ. މިއީ މަސައްކަތެއް ދަސްކޮށްނުދީ، ހަމައެކަނި ސްކޫލްގެ ފިލާވަޅުތައް ހިތުދަސްކުރާ ޒަމާނެއް ވެސް ނޫނެވެ.

ހަގީގީ ތައުލީމަކީ، މަސައްކަތުގެ ހުނަރާ އެކުގައި އުނގެނޭ ތައުލީމެވެ. ސްކޫލް މަރުހަލާގެ އެންމެ މުހިންމު އެއްކަމަކީ، ދަރިވަރުންގެ ކިބައިގައި ހުންނަ ހުނަރާއި ފަންނުތައް ދެނެގަނެ، އެ ހުނަރާއި ފަންނުތައް އިތުރަށް ތަރައްގީ ކުރެވޭނެ ގޮތަކަށް އަމާޒުކޮށްގެން ކިޔަވައިދިނުމެވެ. އިދިކޮޅު ފަރާތްތަކާ ހިލާފަށް އެމްޑީޕީގެ އަމާޒެއް އެބަ އޮތެވެ. ހަރުދަނާ ސިޔާސަތުތަކެއް އެބަހުއްޓެވެ. ވެރިކަމަށް އައީ އުންމީދު ތަކަކާ އެކުގައެވެ. އެކަން ހާސިލްކުރުމަށް، ޑިމޮކްރެޓިކް މިނިޒާމުގެ ތެރެއިން، އެންމެން ގުޅިގެން މުޅިން އާ ޤައުމިއްޔަތެއް ބިނާ ކުރުމަށް މަސްތްކަތް ކުރެއެވެ.

ވާދަވެރިން އެ އުޅުއްވަނީ އެއް ބޭފުޅެއް އަނެއްބޭފުޅެއްގެ ފުރާނައަށް ޓަކައެވެ. އެބޭފުޅުން އެއްބޭފުޅަކު އަނެއް ބޭފުޅަކު ވީދާ ކަމުން ދާއިރު ޕާޓީގައި ރައީސްކަން ބޭނުންވާމީހުން ގިނަ ކަމުންނާއި ޖަލު ގޮޅިން އަންނަ ނޯޓްގެ ސަބަބުން ބަސްހުއްޓި ހަމަ ހިމޭން ވެފައި ތިބީއެވެ.  އިދިކޮޅުން އަޗާތަޅަން ތިއްބާ ދައުރުގެ ބާކީ އޮތް ތަނުގައި ރައީސް ސޯލިހުގެ ސަރުކާރުގެ އަމާޒަކަށްވީ ވަޒީފާގެ ފުރުޞަތުތައް އިތުރުކޮށް ރައްޔިތުމީހާ ހަމަ އިސްކޮޅައް ނެގުމަށެވެ.

ރާއްޖޭގެ އެކި ސަރަޙައްދުތަކުގައި ވަޒީފާގެ ފުރުޞަތުތަކެއް އުފެދޭނެ ބާވަތުގެ މަސައްކަތްތައް އިތުރުކޮށް ރައްޔިތުމީހާ ހިންދެމެލެވޭނެ މަގު ހޯދައި ދިނުމަށެވެ. ތަޢުލީމާއި މަސަތްކަތުގެ ދާއިރާ ރައީސް ސޯލިހް ވަނީ ރައްޔިތުން ހީނުކުރާ ވަރަށް ތަރައްގީ ކޮށްދެއްވާފައެވެ. ގައުމު ފާލަކަށް އަޅުވާ އުއްމީދު އާކޮށްދެއްވާފައެވެ.

]]> Thu, 27 Apr 2023 19:16:33 +0500 ޒުރޫ ހިތި ހަބަރަށްވި ފިޔާތޮށި ފިނިފެންމާ https://heerasnews.com/1293 https://heerasnews.com/1293 ކުރިން އިކޮނިމިކް މިނިސްޓަރު ކަންވެސް ކުރައްވާފައިވާ މާވަށު ދާއިރާގެ ޕީއެންސީ މެންބަރު މުހައްމަދު ސައީދު ވިދާޅުވަނީ ފޯޅަވައްސަކީ އެއްވެސް ޒަމާނެއްގައި މޮރިޝަސްއަށް މިލްކުވެރިކަން ލިބިފައި އޮތް ތަނެއް ނޫން ކަމަށެވެ.  ފޯޅަވައްސަކީ ރާއްޖޭގެ މިލްކެއް ކަމަކަށް ވެސް ބުނެއެއް ނުދެވުނެވެ. އެހެން ބުނާކަށް ނުވެސް ކެރުނެވެ.

މިހާރަކަށް އައިސް ރައީސް އިބްރާހިމް މުހައްމަދު ސޯލިހުއަށް އެންމެ ހަރުއަޑުން ހަނގާ ކުރާ އެކަކީ މާވަށުދާއިރާގެ މެމްބަރު މުހައްމަދު ސައިދުއެވެ. ރައީސް ޔާމިންގެ ސަރުކާރުގައި އެންމެ ރަނޑުކޮށް ވަޒީރުކަން ކުރެއްވި އެއްވަޒީރަކީވެސް އެބޭފުޅާއެވެ. އޭރުގެ ފަސްޓްލޭޑީ ކިތަންމެ ގަޔާވިޔަސް ރައްޔިތުންގެ މެދުގައި އެހާ މަގުބޫލު ވަޒީރަކަށް ސައިދު ނުވެއެވެ.   

ސައިދުމެންފަދަ ބޭފުޅުން ރައީސް ސޯލިހުއާއި ޖެހިގެނެގެން ބަޔަކު ހިތްރުއްސަން އުޅުނަސް އެކަމެއް ވާކަށްނެތެވެ. ދެއްކޭ ނުދެއްކޭ ވާހަކައެއް މިހާރު ސައިދަށް ވެސް ނޭގެއެވެ. ފޯޅަވަހި ބަހުސްގައި ވާހަކަދައްކަމުން  ހއ. ތުރާކުނުން ފެށިގެން ލ. އަތޮޅާއި ހަމައަށް މޮރިސަސްއަށް ދީފިކަމަށް ބުންޏެވެ. ދެރައީ ނިދަން އަރާ ބާލީހާއި، ރަޖާގަނޑާ، ގޮދަޑި އެލިސްޓްގައި ހިމަނާނުލީމައެވެ.

ފޯޅަވަހި ކާރޑްކުޅެގެން ރައީސް ސޯލިހު ބަލިކުރެވިދާނެ ކަމަށް ދުށުމަކީ ކުށްހީއެކެވެ. އެސް އީޒެޑް ހަދާ ރާއްޖޭގެ ރަށްތައް ވިއްކާލީ ތިޔަބޭފުޅާގެ މޭސްތިކަމުގެ ދަށުންކަމަށް ދުނިއެވެސް ހެކިދެއެވެ. އަދި އެކަމަކީ އިއްޔެ ވިހޭ ކުއްޖާއަށްވެސް ނުއޮޅޭ މިންވަރަށް މަނިކުފާނުމެން ކޮށްލި ވައްކަމެކެވެ.

ކިތަންމެ ރަނޑު ކަމަށް ފެނުނަސް އަދީބުލައްވާ ހުރިހާގަނޑެއް ގަތީވެސް ހަމަ ތިޔަބޭފުޅުންނެވެ. ރައީސް ޔާމިނަށް ލޮޓިދިނީވެސް ހަމަ ތިޔަބޭފުޅުންނެވެ. ދޮންކަޅުމިން ބަޔަކަށް އަންގާނުލައި ފ ވިއްކާލަންއުޅެ، ރަށްތައް ވިއްކާ ނުހައްގުން ދިން ލާރި އަންބޮޑިއްލުމުގެ ނަތިޖާއެއްގެ ގޮތުން ރަޢީސް ޔާމިން އެ އޮންނެވީ ހުރަގޮޅީގައެވެ. އެތައް ބަޔަކަށް ރަށްތައް ވިއްކައިގެން އެންމެ ފަހުން އެމީހުނަށްވެސް ލޮޓިދިނީ މަނިކުފާނެވެ.

ދަރުމަވަންތަ ދެޓަވަރުތެރޭން އެއްޓަވަރު ކަޓުވާލީވެސް ފިނިފެންމަލުގެ ދާނުގައި އޮވެގެނެވެ. ބުރިޖުގެ އެއްލޭނުވެސް ކަޓުވާލީ ދަންވަރު ފިނިފެންމާ ބަގީޗާގައި އިންދެގެނެވެ.  ސައިދު އަދި އެގޮތް ކިތަންމެ ބޭނުންވިޔަސް ވާންނެތްކަމެއް ނުވާނެއެވެ. އެކަމުގެ ވާހަކަ ދައްކާކަށް ނެތީމެވެ. މިހާރުވެސް ރައީސް ޔާމިން މިނިވަން ވާން މަނިކުފާންމެން ނޭދެއެވެ.

ކަރުހިއްކާގަނެ ފެންބޮވައިގަނެފައި ތިވަނީ ވެރިކަމުގެ ސާނާ ސަރުބަތަށެވެ. ސިޔާސީ މައިދާނުގައި ރައީސް އިބޫއާ ބެހިލެވޭ ވަރަށްވުރެ މަނިކުފާނު އަދި މާ ރަނޑެވެ. ރައީސް އިބޫއާއި ފައިހަމަ ކޮށްލެވޭނީ ތަންކޮޅެއް ފިރިހެން ވެގެންނެވެ. ދިއްކޮށްލި ފިނިފެންމަލުން ކަރުބުޑުގައި ހިތިރިހަ ލުމަކީ ރައީސް އިބޫއާ ޖެހިގަންނަން ޖެހޭ ސަބަބެއް ނޫނެވެ.

]]> Wed, 26 Apr 2023 19:07:49 +0500 ޒުރޫ ގުދުރަތީ ނިޒާމާ އިންސާނާ އޮންނަގުޅުން https://heerasnews.com/1288 https://heerasnews.com/1288 އަޅުގަނޑުމެން މި އުޅެނީ، ފެންނަ ފެނުމުގައި ޙައްދެއް ނެތް މިންވަރަށް މަޢުލޫމާތު ލިބިފައިވާ ޒަމާނެއްގައެވެ. މިއަދު މިއުޅެވެނީ ސަތާރަވަނަ ގަރުނު އިނގިރޭސިވިލާތުގައި މުޅި އުމުރު އާދައިގެ މީހަކަށް ލިބުނު މައުލޫމާތަށްވުރެ ގިނަ މައުލޫމާތު ނިއުޔޯކް ޓައިމްސްގެ ހަފްތާ ބަންދުގެ އެޑިޝަންގައި ހިމެނޭ ކަހަލަ މާހައުލެއްގައެވެ.  

ފާއިތުވި ޒަމާންތަކަށް ނަޒަރުކޮށްލުމުން އަހަރެންގެ ރޫޙު އަލުން އާލާކޮށްދެއެވެ. ވާހަކަ ދެއްކުމުގެ އެންގޭޖްމަންޓްތަކާއި ފޮތްކިއުމާއި، މީޑިއާއަށް ސަމާލުކަންދިން ބިޒީ ހަފްތާއަކަށް ފަހު، ގަސްގަހާގެހި ހުރި ޕާކެއްގައި އިށީނދެ ފަތްތަކުގެ ތެރެއިން ވައި ދަތުރުކުރާ އަޑު އަޑު އެހުމުގެ ސާދާ އަމަލުން އަހަރެންނަށް ހިމޭންކަމާއި ހަމަޖެހުމުގެ އިހުސާސެއް ކުރެވެއެވެ. އަހަރެން އިސްކަންދޭ ކަންތައްތައް ސާފުވެ، އަހަރެންގެ ވާޖިބުތައް މަދުވެ، އަހަރެންގެ ސިކުނޑި އަދިވެސް ބޮޑުވަމުންދެއެވެ. ގުދުރަތާ މުއާމަލާތް ކުރުމަކީ ވެސް ތިމާގެ އުފެއްދުންތެރިކަން ހުޅުވާލައި އާ ޚިޔާލުތައް އުފެއްދުމަށް ލިބޭ ވަރަށް މޮޅު ކަމެކެވެ.

ނިއުޓަން ގްރެވިޓީގެ ގާނޫނުތައް އެކުލަވާލީ އާފަލު ގަހެއްގެ ދަށުގައި އަރާމުކޮށްލަމުންނެވެ. ހަމައެފަދައިން ސްވިސް ޑިޒައިނަރު ޖޯޖް ޑި މެސްޓްރަލް ވެލްކްރޯ އުފެއްދީ ފަރުބަދަމަތީގައި ހިނގާފައި ދިޔައިރު އޭނާގެ ބުޅަލުގައި ތާށިވެފައި ހުރި ބާޑޮކް ބުރުތައް ބެލުމަށް ފަހުއެވެ. ވަށައިގެންވާ ގުދުރަތީ މާހައުލަކީ އަހަރެމެންގެ ހަގީގީ އުދާސްތައް މިނިވަން ކުރުމަށްޓަކައި އަހަރެމެންގެ ސިކުނޑި ފުރިގެންދާ ނިމުމެއް ނެތް ވާހަކަތައް ތަސައްލީކޮށް ރޫހު އާކޮށް ދިނުމަށް ޚިދުމަތްކުރާ އެއްޗެކެވެ.

އަދި ގުދުރަތީ އުފާ ހޯދުމަށް ވަގުތު ހޭދަ ކުރާއިރު، ފުންކޮށް ސަމާލު ކަމަކާއެކު ތިމާގެ ވަށައިގެންވާ މާހައުލު ބަލާށެވެ. މަލެއްގެ ކޮމްޕްލެކްސިޓީ ނުވަތަ ހިގާ ކޯރެއްގައި ކަރަންޓް ދަތުރުކުރާ ގޮތް ދިރާސާ ކުރުމުގެ ވާހަކައަށް ނަޒަރު ކުރާށެވެ. ބޫޓު ނަގައި ފައިދަށުގައި ހުރި ޗަސްބިން އިހުސާސް ކޮށްލާށެވެ. ގުދުރަތުގެ މި ޚާއްޞަ ހަދިޔާތަކުން އުފާ ހޯދުމުގެ އިމްތިޔާޒު ލިބިފައިވާތީ ހިމޭންކަމާއެކު ޝުކުރު އަދާކުރައްވާށެވެ. ގިނަ ބަޔަކަށް އެކަން ނުކުރެވެއެވެ. މަހާތުމާ ގާންދީ ފާހަގަކުރެއްވި ފަދައިން، “އިރު އޮއްސޭ އަޖައިބަށް ނުވަތަ ހަނދުގެ ރީތިކަމަށް އަހަރެން ތައުރީފު ކުރާއިރު އަހަރެންގެ ނަފްސު ޚާލިޤުވަންތަ ރަސްކަލާނގެއަށް އަޅުކަންކުރުމުގައި ފުޅާވެގެންދެއެވެ".

]]> Tue, 25 Apr 2023 20:15:21 +0500 ޒުރޫ ރައީސް އިބޫއާއި ހެޔޮވެރިކަން: ދެވަނަ ދައުރެއް ހައްގު https://heerasnews.com/1287 https://heerasnews.com/1287 ހެޔޮ ވެރިކަމަކީ އާންމު މުއައްސަސާތަކުން ރައްޔިތުންނާއިގުޅުންހުރި ކަންކަން ހިންގައި، އާންމު ވަސީލަތްތައް ބެލެހެއްޓުމާއި، އިންސާނީ ހައްގުތައް ކަށަވަރުކޮށް ހަޤީޤަތަކަށް ހެދުމެވެ.  ކޮރަޕްޝަނުން އެއްކިބާވެ، ޤާނޫނުގެ ވެރިކަމަށް ރިޢާޔަތްކޮށްގެން ކުރެވޭ ޕްރޮސެސްއެކެވެ. 'ރަނގަޅު' ވެރިކަމެއްގެ ހަގީގީ އިމްތިހާނަކީ އިންސާނީ ހައްގުތަކުގެ ވައުދެވެ. އަދި މަދަނީ، ސަގާފީ، އިގްތިސާދީ، ސިޔާސީ އަދި އިޖުތިމާއީ ހައްގުތައް ފުއްދައިދޭ މިންވަރެވެ.

ހެޔޮވެރިކަމުގެ ހަޤީޤީ މާނައަށް ނަޒަރު ހިންގާލުމުން ވެސް ރައީސް އިބޫއަށް ދެވަނަ ދައުރެއް ހައްޤެވެ. ދިވެހިރާއްޖެއަށް މުހިންމީ މައުމޫނާއި ، ނާސިރުގެ ފަލްސަފާއެއް ނޫނެވެ. އަދި މައުމޫނާއި ނާސިރުގެ ހާރިޖީ ސިޔާސަތެއް ވެސް ނޫނެވެ. ބޭނުމީ ހިކުމަތްރިކަމާއި، ކެތްތެރިކަމާއިއެކު ގައުމު ސަލާމަތުގެ އައްސޭރީގައި ބާއްވައިދޭނެ ސިޔާސަތެކެވެ. ތާރީހަށް ބަލާއިރު އެކަމަށް އެންމެ އެކަށޭނެ ވެރިއަކީ ރައީސް އިބްރާހިމް މުހައްމަދު ސޯލިހުއެވެ.

ރާއްޖޭގެ އިޤްތިޞާދު ކުރިއެރުވުމަށްޓަކައި ރާއްޖޭގެ އެކި ހިސާބުތަކުގައި އެއަރޕޯޓްތަކާއި ބަނދަރުތައް ތަރައްޤީ ކުރައްވަމުން އެބަގެންދަވައެވެ. ރާއްޖޭގެ ޞިއްޙީ ދާއިރާ އިތުރު ހަރުފަތަކަށް ކުރިޔަށް ގެންދިޔުމަށްޓަކައި ގިނަގުނަ މަސައްކަތްތައް މި ސަރުކާރުން ރާއްވާ ހިންގަމުން އެބަ ގެންދެއެވެ. "ދިވެހިރާއްޖޭގެ ފޮރިން ސަވިސް" ގެ ނަމުގައި، ދިވެހި ސިވިލް ސަވިސްގައި ނުހިމެނޭ ވަކި ހިދުމަތެއް ގާއިމު ކުރެވިއްޖެއެވެ.  ފޮރިން ސާވިސް އެކުލެވިގެން ވަނީ، މިނިސްޓްރީއާއި، ދިވެހިރާއްޖޭގެ ޑިޕްލޮމެޓިކް މިޝަންތަކާއި، ކޮންސިއުލާ ޕޯސްޓުތަކާއި، އެ ގާނޫނުގެ ދަށުން އެކުލަވާލާ ފޮރިން ސާވިސްގެ މައްޗަށެވެ. ދިވެހިރާއްޖޭގެ ހާރިޖީ ސިޔާސަތު ކަނޑައަޅައި، ހިންގައި، އެ ސިޔާސަތު ހިނގާނުހިނގާ ގޮތް ބެލުމުގެ އެންމެ އިސްވެރިއަކީ ރައީސުލްޖުމްހޫރިއްޔާއެވެ.

ދެންއޮތީ ރައީސް އިބޫގެ ހެޔޮވެރިކަމުގެ ވާހަކައެވެ. ރައީސް އިބޫގެ ވެރިކަން ފެނިގެންދަނީ ހެޔޮވެރިކަމުގެ ފަލްސަފާތައް އެންމެ ފުރިހަމަށް އެތުރިފައިވާ ވެރިކަމުގެ ގޮތުގައެވެ. އެގޮތުން ލޯކަލް އިންތިޚާބުތައް ކުރިއަށް ގެންދަނީ މިނިވަންކަމާއި އިންސާފުވެރިކަމާއެކު، ބައިނަލްއަޤްވާމީ މިންގަނޑުތަކާއި، ޤާނޫނުތަކާ އެއްގޮތަށް، އަދި އެއްވެސް މަކަރާއި ހީލަތެއް ނެތިއެވެ. އާންމު ހަރަކާތް ތަކުގައި ކަނޑައެޅިފައިވާ ގޮތްތަކެއްގެމަތިން އެންމެނަށް ބައިވެރިވެއެވެ. ހުރިހާ އަންހެނުންނާއި ފިރިހެނުންނަށް ނިންމުންތައް ނިންމުމުގައި ސީދާ ނުވަތަ އެމީހުންގެ މަސްލަހަތު ތަމްސީލުކުރާ ޝަރުއީ ހަމަތަކުގެ ތެރެއިން އަޑު އިއްވެއެވެ. މިފަދަ ފުޅާ ބައިވެރިވުމެއް ބިނާވެފައި ވަނީ ޚިޔާލު ފާޅުކުރުމާއި އެއްވެ އުޅުމާއި ޖަމްޢިއްޔާ ޖަމާޢަތްތަކުގެ މިނިވަންކަމުގެ މައްޗަށެވެ.

ނިންމުންތައް ނިންމުމުގައި، އިމްތިޔާޒު ކުޑަ އަދި އެންމެ ނާޒުކު މީހުންގެ އަޑުތައް ހިމެނޭ ގޮތަށް ހުރިހާ އަޑުތަކެއް އިއްވޭނެ ގޮތައް، ކަންކަން ތަރުތީބު ކުރެވިފައިވެއެވެ. މުޅި މުޖުތަމަޢަށް އެންމެ ފައިދާހުރި ކަންކަމާއި، އެކަންކަން ހާސިލް ކުރެވޭނެ ގޮތްތަކާ މެދު ފުޅާ ދާއިރާއެއްގައި އިއްތިފާޤަކަށް އައުމަށް އަބަދުވެސް ތެދުވެރިކަމާއެކު މަސައްކަތް ކުރެވެއެވެ. ގިނަ ބައެއްގެ ވިސްނުމާއި އެއްގޮތަށް ނިންމުންތައް ނިންމާއިރު މަދު ބައެއްގެ ހައްގުތަކާއި ޝަރުއީ މަސްލަހަތަށް އިހުތިރާމް ކުރެވެއެވެ. އަމާޒުތަކާއި، މަޤްޞަދުތަކާއި، އޮނިގަނޑުތަކާއި، އުސޫލުތައް ތަރުތީބުކޮށްފައި ވަނީ ރައްޔިތުންގެ ޝަރުޢީ އުންމީދުތަކާއި ބޭނުންތަކަށެވެ. އާންމު ހިދުމަތްތައް ފޯރުކޮށްދިނުމާއި، އާއްމުހިދުމަތުގެ އެދުންތަކާއި ޝަކުވާތަކަށް އެކަށީގެންވާ މުއްދަތެއްގެ ތެރޭގައި ޖަވާބުދާރީވެއެވެ. ނިންމުންތައް ނިންމައި ތަންފީޒު ކުރަނީ ޤާނޫނާއި ގަވާއިދުތަކާ އެއްގޮތަށެވެ.

ގާނޫނުގައި ބަޔާންކޮށްފައިވާ ގޮތުގެމަތިން ރަނގަޅަށް ކަނޑައެޅިފައިވާ ސަބަބުތަކާހުރެ (ޕްރައިވެސީ ހިމާޔަތް ކުރުން ނުވަތަ ޕްރޮކިއުމަންޓް ޕްރޮސީޖަރތަކުގެ އިންސާފުވެރިކަން ކަށަވަރުކުރުން ފަދަ) ގިންތިކުރެވިފައި ނުވާ ހުރިހާ މައުލޫމާތެއް އާންމުންނަށް ލިބިގެންދެއެވެ. ނިންމުންތައް ނިންމުމާއި، ސިޔާސަތުތައް ތަންފީޒު ކުރުމާއި، ނަތީޖާއާބެހޭ މައުލޫމާތު އާންމުންނަށް ފޯރުކޮށް ދެނީ، ލޯކަލް އޮތޯރިޓީތަކުގެ މަސައްކަތްތަކަށް ފުށުނާރައި ފައިދާހުރި ގޮތެއްގައި ޙިއްޞާ ކުރެވޭނެ ގޮތަކަށެވެ. އުސޫލުތަކާއި ގަވާއިދުތައް ފާސް ކުރަނީ ގާނޫނުގައި ކަނޑައަޅާފައިވާ އިޖުރާއަތްތަކާ އެއްގޮތަށެވެ. އަދި އެ ގަވާއިދުތައް ތަންފީޒު ކުރަނީ ގާނޫނުގައި ކަނޑައަޅާފައިވާ އިޖުރާއަތްތަކާ އެއްގޮތަށް އެއްވެސް ފަރާތަކަށް ނުބަލައެވެ. ކޮރަޕްޝަންގެ ހުރިހާ ބާވަތެއްގެ ކޮރަޕްޝަން ހުއްޓުވައި އެކަމާ ދެކޮޅަށް މަސައްކަތް ކުރުމަށް އަމަލީ ފިޔަވަޅުތަކެއް އެބަހުއްޓެވެ.

މަސްލަހަތު ފުށުއަރާ ކަންކަން ވަގުތުން އިއުލާން ކުރެވޭއިރު، އެކަމުގައި ބައިވެރިވާ ފަރާތްތަކުން ކަމާބެހޭ ނިންމުންތަކުގައި ބައިވެރިވުން ދުރުހެލިކުރުވައެވެ. މިހާރުގެ ސިޔާސަތުތަކުގައި އަންނަން އޮތް ޖީލުތަކުގެ ބޭނުންތަކަށް ރިއާޔަތްކޮށްފައިވެއެވެ. މުޖުތަމައުގެ ހައްޤުތައް ދެމެހެއްޓެނިވި ގޮތެއްގައި ކުރިއަށް ގެންދިއުމަށް މެދުނުކެނޑި މަސަތްކަތް ކުރެވެއެވެ. ތިމާވެށީގެ، ޢުމްރާނީ، މާލީ، އިޤްތިޞާދީ ނުވަތަ އިޖުތިމާޢީ މައްސަލަތަކާއި ޓެންޝަންތައް އަންނަން އޮތް ޖީލުތަކަށް ކުޑަކުރުމަށް މަސަތްކަތް ކުރެވެއެވެ.

ތަރައްޤީއަށް ބޭނުންވާ ކަންކަމުގެ ވިސްނުންތެރިކަމާއިއެކު ކޮމިއުނިޓީގެ މުސްތަޤްބަލާ މެދު ފުޅާ އަދި ދިގު މުއްދަތުގެ ވިސްނުމެއް ގެންގުޅެއެވެ. މި ނަޒަރިއްޔާތު ބިނާވެފައިވާ ތާރީޚީ، ސަގާފީ އަދި އިޖުތިމާޢީ ކޮމްޕްލެކްސިޓީތަކުގެ ވިސްނުމެއް އެބައޮތެވެ. ލޯނުތައް ކޮންޓްރެކްޓް ކުރުމާއި ބޭނުންކުރުމާއި، ވަސީލަތްތަކާއި އާމްދަނީއާއި ރިޒާވް އަންދާޒާކުރުމާއި، ޚާއްޞަ އާމްދަނީ ބޭނުން ކުރުމުގައި ވެސް މާލީ ކަންކަން ބެލެހެއްޓުމުގައި ވިސްނުންތެރިކަން ފާހަގަ ކުރެވެއެވެ.

ސަގާފީ ތަފާތު ކުރުމަކީ ބޮޑު މައްސަލައެއްގެ ގޮތުގައި ބަލައި، ކޮމިއުނިޓީގައި އެންމެންގެ ހިއްސާ އެކުލެވިގެންވާ ގޮތައް ވެރިކަން ހިންގުމާއި އެންމެ ފަރުދަކުވެސް ބާކީވެފައިވާ ކަމުގެ އިހުސާސް ނުކުރުމަށް މެދުނުކެނޑި މަސައްކަތް ކުރެއެވެ. ޚާއްޞަކޮށް އާބާދީގެ އެންމެ ކުދި ރަށްތަކަށް ވެސް ތަފާތު ކުރުމެއްނެތި ޒަރޫރީ ޚިދުމަތްތައް ލިބޭނެ ގޮތް ރައްކާތެރިކޮށް ދެއްވައެވެ.

މިދެންނެވި ފަލްސަފާތަކަކީ ހެޔޮވެރިކަމެއްގެ ފަލްސަފާތައް ވެސް މެއެވެ. ރައްޔިތުން ހަމަޖެހިލައިގެން މިދިޔަ ހަތަރު އަހަރު މި ހޭދަކޮށްލެވުނީ މިދެންނެވި ހެޔޮވެރިކަމުގެ ފަލްސަފާތައް ރަޢީސް ސޯލިހު ތަންފީޒު ކުރެއްވީތީއެވެ. ރަޢީސް އިބޫއަށް ދެވަނަ ދައުރެއް ދޭން ޖެހެނީ ހަމަޖެހޭ ދިރިއުޅުމެއް ރައްޔިތުމީހާ ބޭނުންވާތީއެވެ. އެކަން ކޮށްދީ ދައްކައިދީ ކަށަވަރުކޮށްދީފައިވަނީ ރަޢީސް އިބޫއެވެ.

]]> Tue, 25 Apr 2023 20:12:02 +0500 ޒުރޫ މަތީތަޢުލީމާއި ތަމްރީނުދޭ މަރުކަޒުތަކާއިއެކު އިބޫ ތާރީހުގެ ތެރެއަށް https://heerasnews.com/1286 https://heerasnews.com/1286 މަތީތަޢުލީމާއި ތަމްރީނުދޭ މަރުކަޒުތައް ބިނާކުރުމަކީ މި ސަރުކާރުގެ ސްޓްރެޓީޖިކް އެކްޝަން ޕްލޭންގައި ހިމަނައިގެން ކުރިޔަށް ގެންދާ ޕްރޮޖެކްޓްތަކުގެ ތެރެއިން ޕްރޮޖެކްޓެކެވެ. މި ޕްރޮޖެކްޓް ހިންގަނީ ރަޢީސުލް ޖުމްހޫރިއްޔާ ހާއްސަ އިސްކަމެއްދެއްވައިގެން މިނިސްޓްރީ އޮފް ހަޔަރ އެޑިޔުކޭޝަނުގެ ފަރާތުންނެވެ. މަގުސަދަކީ ރާއްޖޭގެ އެކި ސަރަޙައްދު ތަކަށް އަމާޒުކޮށް މަތީތަޢުލީމާއި ތަމްރީނު ދޭ މަރުކަޒުތައް ބިނާކޮށް ހިންގުމެވެ.

އެހާ ބޮޑު އިސްކަމެއް ދީގެން ހިންގާ މި މަޝްރޫއަކީ ރަށްރަށުގެ ސްކޫލްތައް ނިންމައިގެން ހިދުމަތަށް އަލަށް ނިކުންނަ ކުދިން ނުވަތަ ގްރޭޑް 10 ނިންމައިގެން ނިކުންނަ ދަރިވަރުން މާލެ އަންނަން ނުޖެހި، މަތީ ތަޢުލީމު ލިބޭނެ މަގު ފަހިކޮށްދިނުމަށް ކުރިއަށްގެންދާ މަސައްކަތެކެވެ. މިކަމުގެ އެންމެ ބޮޑު މަޤުޞަދަކީ ރާއްޖޭ ކޮންމެ ސަރަޙައްދަކީ ވެސް، މަތީ ތަޢުލީމުގެ ފުރުޞަތު ފަހިވެފައިވާ ތަނަކަށް ހެދުމެވެ.

ހއ. ދިއްދޫގައި ބިނާކުރާ ޖޫނިއަރ ކޮލެޖް ޚާއްސަ ކޮށްފައިވަނީ ފުޑް ޕްރޮސެސިންގ އަދި ޓެކްނޮލޮޖީ ދާއިރާގެ އެކި ލެވެލްގެ ކޯސްތައް ހިންގުމަށެވެ. އެހެން ނަމަވެސް ތަފާތު އެހެނިހެން ދާއިރާތަކުން ވޮކޭޝަނަލް ކޯސްތައް ވެސް ދިއްދޫ އިންސްޓިޓިއުޓުގައި ހިންގާނެއެވެ. ދިއްދޫ ޖޫނިއަރ ކޮލެޖުގައި ފުޑް ޕްރޮސެސިންގ ލެބަކާއި، ފުޑް ޓެސްޓިންގ ލެބަކާއި، މަލްޓި-ޕާޕަސް ވޯކްޝޮޕެއްގެ އިތުރުން އަށް ކްލާސް ރޫމާއި އައި.ސީ.ޓީ ލެބޯޓަރީއެއް ހުންނާނެއެވެ. އަދި އިދާރީ ހިދުމަތްތަކަށް ހާއްސަ އޭރިއާއަކާއި ސްޓާފް ރޫމަކާއި ދަރިވަރުންގެ ހިދުމަތް ތަކަށް ހާއްސަ އޭރިއާއެއްގެ އިތުރުން އޮޑިޓޯރިއަމަކާއި މީޓިންގ ރޫމްތަކާއި ސްޓަޑީ ރޫމްތަކާއި ލައިބްރަރީ ވެސް ހުންނާނެއެވެ.

ރ. އަލިފުށީގައި އިމާރާތްކުރާ ޓިވެޓް ސެންޓަރުގެ ކޮންސްޓްރަކްޝަން މަސައްކަތުގެ ބޮޑު ބައެއް މިހާރު ވަނީ ނިމިފައެވެ. މިހާތަނަށް ބަލާއިރު މިތަނުގައި ތަރައްޤީކުރާ 3 ބްލޮކްގެވެސް ކޮންކްރިޓް ހުރިހާ މަސައްކަތްތަކެއް ނިންމާލާ މިހާރު ކުރިއަށްދަނީ ރޭނުމުގެ މަސައްކަތް ކަމަށް ހަޔަރ އެޑިއުކޭޝަން މިނިސްޓްރީން ވިދާޅުވެއެވެ. އެއާއި މިހާރު ކުރިއަށްދަނީ އަލިފުށި ޓިވެޓް ސެންޓަރ ހިންގަން ފެށުމަށް ވާންޖެހޭ އެންމެ ފަހުގެ ތައްޔާރީތަކެވެ. އެގޮތުން ކިޔަވައިދޭ ޕްރޮގްރާމްތަކުގެ ޓެކްނިކަލް މަސައްކަތްތަކާއި، އިދާރީ އިންތިޒާމް ހަމަޖެއްސުމުގެ މަސައްކަތް ކުރިއަށް އެބަދެއެވެ. ރ. އަލިފުށީ ޓިވެޓް ސެންޓަރ ހާއްސަ ކުރުމަށް ހަމަޖެހިފައިވަނީ ބޯޓް ބިލްޑިންގ ދާއިރާގެ އެކި ލެވެލްގެ ކޯސްތައް ހިންގުމަށެވެ. މީގެ އިތުރުން ތަފާތު އެހެނިހެން ދާއިރާތަކުން ވޮކޭޝަނަލް ކޯސްތައް މި އިންސްޓިޓިއުޓްގައި ވެސް ހިންގުމަށް ހަމަޖެހިފައިވެއެވެ.

ނ. ކެނދިކުޅުދޫގައި ޖޫނިއަރ ކޮލެޖް ތަރައްގީ ކުރުމުގެ މަސައްކަތް ވެސް އަންނަނީ ކުރަމުންނެވެ. އަދި ނ. އަތޮޅު ވެލިދޫއަކީ ޖޫނިއަރ ކޮލެޖް ޤާއިމް ކުރަން ނިންމެވި 3 ވަނަ ރަށެވެ. އއ އުކުޅަހުގައި ވެސް ޖޫނިއަރ ކޮލެޖެއް ގާއިމްކުރުމުގެ މަސްވަރާތައް ހަޔައެޑިއުކޭސަނާއި އުކުޅަހު ކައުންސިލާއި އެކު ދަނީ ކުރެވެމުންނެވެ.

އަމިއްލަ ވަޒަނުގައި ކިޔެވޭނޭ ފުރުސަތު ލިބުމަކީ އާއިލާ ކައިރީގައި އުފާވެރި މާހައުލެއްގައި ތިބެ ތައުލީމު ލިބުމަށް ހުޅުވޭ ދޮރެކެވެ. އަދި ރަށުގެ ޒުވާނުން ރަށުގައި ހިފެހެއްޓުމަށް ލިބޭ ރަނުގެ ފުރުސަތެކެވެ. މިއީ އަތޮޅުތަކުގެ ކުދިންނަށް ލިބޭ ފަހި ފުރުސަތެކެވެ. މި ކާމިޔާބު މަސްރޫއާއި އެކު ރަޢީސް އިބޫ ތާރީހުގެތެރެއަށް ވަދެގެން ދާނެކަން ޔަޤީނެވެ.

]]> Tue, 25 Apr 2023 20:05:06 +0500 ޒުރޫ ދުފުންގަނޑު ރަތްނުވީމަ ގޯސްވާ މަޑިސީލަ https://heerasnews.com/1276 https://heerasnews.com/1276 ތެރިޕިޔާރޭ ޕލިޔާރޭ ސޫރަތުހޭގެ ލަވައިން ގާސިމު ހޭރުވި ކުރީގެ ރައްޔިތުންގެ މަޖިލީހުގެ ވިލިމާލޭ ދައިރާގެ މެމްބަރު އަހުމަދު ނިހާން ހުސެއިން މަނިކު މެން އިސްވެތިއްބަވާ އައްޑޫ ސިޓީ ހިތަދޫ ސްޓޭޑިއަމް ސަރަހައްދުގައި ބޭއްވި އެއްވުމެއްގައި ކުރީގެ ސަރުކާރަށާއި ރައީސް ޔާމީނަށް ތާއީދުކުރާ ބޭފުޅުން ބައިވެރިވެ ރިލީސްކުރި މަގޭ ދީނާއި މަގޭ ޤައުމާ ނުކުޅެއްޗޭ ފިލްމާއި ، 7 ފެބުރުއަރީ އާއި ގުޅިގެން ކުރީގެ ރައީސް ނަޝީދު ނެރުނު އަސަރުގަދަ ފިލްމު އެރޭ ހާދަރުއިމޭ ފިލްމުވެސް ހަންދާނުން ފިލާގެންދާހާ ދުވަހެއްނުވެއެވެ. މިހުރިހާ ފިލްމެއްގެވެސް ޑައިރެކްޓަރަކީ ގާސިމް އިބްރާހިމެވެ.

ޑައިރެކްޓަރު ގާސިމް ވިދާޅުވި ގޮތުގައި ފިލްމުގެ އެކްޓަރު ރައީސް ނަޝީދު އަމިއްލަފުޅަށް ބަޣާވާތް ކުރެއްވުމަށް ފަހު މަސައްކަތް ކުރައްވަނީ އެބޭފުޅާ އާއި ކުރީގެ ޕޮލިސް ކޮމިޝަނަރު އަބްދުﷲ ރިޔާޒު އަދި ކުރީގެ ޑިފެންސް މިނިސްޓަރ ކާނަލް ނާޒިމްގެ އަގު ވައްޓާލާށެވެ.  2021 ވަނަ އަހަރު މަޖިލީހުގެ ޖަލްސާއެއްގައި ނިޒާމީ ނުކުތާއެއް ނަންގަވައިގެން ވާހަކަފުޅު ދައްކަވަމުން ގާސިމް ވިދާޅުވި ގޮތުގައި ރައީސް ޔާމީންގެ ދައުރުގައި ގާސިމަށް ކްރިމިނަލް ކޯޓުން ހުކުން ކޮށްފައި ވަނީ އޭނާ އައިޖީއެމްއެޗްގައި އޮންނަވަނިކޮށެވެ. އަދި މަގޭ ދީނާއި މަގޭ ޤައުމާ ނުކުޅެއްޗޭ ފިލްމުގެ އެކްޓަރު ރައީސް ޔާމިނު ވަރުގެ އަނިޔާވެރި ވެރިޔަކު އަދި އެވަރުގެ ވަގަކު ދެކެވަޑައިނުގަންނަވާ ކަމަށް ގާސިމް އިބްރާހީމް ވިދާޅުވެއެވެ.

ގާސިމްއިބްރާހިމްގެ ދުފުންގަނޑު ރަތްނުވީމާ ހައްތަހާވެސް ވަގުންނެވެ. ކެތްނުވާހާ ހިތްދަތިކޮށްފިކަމަށާއި ، ގައިގެ އެތަން މިތަނަށް ކަށިޖަހާ، ހަރުފަ ވިހަލާހެން ވިހަލައިފިކަމަށާއި ދެން ދުވަހަކުވެސް ނަސީދާ އެކު ސިޔާސީ މަސަތްކަތް ނުކުރައްވާނެކަމައް ވިދާޅުވެއެވެ. އޭނާ ހިތުން އޭނާ ނޫން އެންމެންނަކީ މޮޔައިންނެވެ. ވަގުންނެވެ.   

އަސްތަ އަސްތާ ދެނަކާ ދެނެތް ނެތެވެ. ރައީސްސް ސޯލިހަކީ ގާސިމް އިބްރާހިމަށް މާ ކަމުދާ ވެރިއެކެވެ. ގާސިމް ގަބޫލު ކުރާގޮތުގައި އޭނައަށް ކިރިޔާވެސް ހިންދެމިލެވުނީ ރައީސް ސޯލިހުގެ ވެރިކަމުގައެވެ. ރައީސް ސޯލިހުގެ ހެޔޮފުޅުކަމުންނެވެ. އަދި ކީއްހެއްޔެވެ. ރައީސް ސޯލިހު ގައުމު ހިންގަވާ ގޮތައް ފުރިހަމައަށް ދެން ދުވަހަކުސް މީހަކަށް ވެރިކަން ނުކުރެވޭނެއެވެ. ފާއިތުވި ހަތަރު އަހަރު ދެމަފިރިންގެ ތައުރީފާއި ލޯބި ކޮޅުނެތް ކޮޅަށް ރައީސް ސޯލިހުއަށް ވެދުން ކުރަމުން ގެންދެވިއެވެ. 

ގާސިމް ވިދާޅުވާ ގޮތުގައި އެއިރެއްގައި އޮންނަ އިދިކޮޅު ޕާޓީއަކުން މަޖިލިސްގައި ސަރުކާރަށް ނުކުރެވޭ ކަންކަމުގެ ވާހަތަކާއި، ކުށް ދައްކަން އަބަދުވެސް މަސައްކަތް ކުރާނެއެވެ. ނަމަވެސް ރައީސް ސޯލިހުގެ ސަރުކާރުން ދިވެހި ރައްޔިތުންގެ ސަލާމަތާއި ރައްކާތެރިކަން ކަށަވަރުކޮށް، ފަރުދީ ގޮތުން ރައްކާތެރިކަން ދޭންޖެހޭ މީހަކަށް ނަމަ އެމީހަކަށް ވެސް ރައްކާތެރިކަން ކަށަވަރުކޮށް ދެއްވަމުންދާ ކަމަށް ވިދާޅުވިއެވެ. ދުފުންގަނޑު ރަތްކޮށްލަންވީމާ ތައުރީފާ ސަނާ މީ ހަކަށް ކިޔާލެވޭނީ މި ފެންވަރަށެވެ.

މޫސުން ބަދަލުވެ ވެރިކަމަށް ފައިހިއްޕުމަށް އެއްލި ސަފުހާ އާއިއެކު ކުރިން ދެންނެވި ކަށިހެރި މީހުންނާއި، އަނިޔާވެރި ވެރިންނާއި، ދުނިޔޭގައި ނެތްވަރުގެ ބޮޑެތި ވަގުން ކަމަށް ރައްޔިތުންނަށް ދެކި އެކްޓަރުން ހުދު ކާފޫރަށް ވެއްޖެއެވެ. ރައީސް ސޯލިހު ވަރުގެ ނުބައި މީހަކު މިހާރަކު ނެތެވެ. ވާނީ އެހެންތާއެވެ. މި އުޅެނީ އަނެއްކާ ވެސް ދުފުންގަނޑެއް ރަތްވޭތޯއެވެ.

ކުޑަ އަމީން ހެލްތު މިނިސްޓަރަކަށް ހުންނެވި އިރު، 2020 ވަނަ އަހަރު ކޮވިޑް-19 ގެ ބަލިމަޑުކަން ރާއްޖެއަށް އައުމުން ދުބާއީގެ އެގްޒެކިއުޓާސް ޖެނެރަލް ޓްރޭޑިން ނަމަކަށް ކިޔާ ކުންފުންޏަކާ ހަވާލުކޮށްގެން ރާއްޖެއަށް ގެންނަން އުޅުނު ވެންޓިލޭޓަރުތަކެއް ނުލިބި، އެ ކުންފުންޏަށް ފައިސާ ދިން މައްސަލައިގައި އެންމެ ބޮޑަށް ފާޑުވިދާޅުވި އެއް ބޭފުޅަކީ ރައްޔިތުންގެ މަޖިލީހުގެ ރައީސް މުހައްމަދު ނަޝީދެވެ. މޫސުން ބަދުލުވިއިރު ދިރުވިފިކުރާއި، ވެންޓިލޭޓަރު ވަގާއި ، ފުއްގުދަންވެސް މިއިނީ ސަން އައިލެންޑްގައެވެ. ވާނީވެސް އެހެންތާއެވެ. ރޮލެކްސް ގަޑިޔާއި ފުލެޓްވަގުންވެސް ސަން އައިލެންޑުގެ ލަގްޒަރީ ވިލާ ތަކުގައެވެ. އެނޫން ގޮތެއްނެތް ފިކުރަށް ވެންޓިލޭޓަރު ވަގުން އޯކޭވެ، ރޮލެކޮސް ގަޑިވެސް އޯކޭވެ، ބަގާވާތާއި ކަރަޕްސަން އޯކޭވެ ބަގުޑިބައްދާނެ ހައްރުއެއްޗެއް ބޭނުން ވެއެވެ. އެހެނަސް ދުފުންގަޑު ރަތްވާ ތަނެއް އަދި ނުފެނެއެވެ.  ދުފުންގަނޑު ރަތްވޭތޯ ލެވެން އޮތްހައި އެއްޗެއްލާނެއެވެ. ދެންވެސް ދުފުންގަނޑު ރަތްނުވީމާ މަޑިސީލަ އެއްލައިލާނީއެވެ.

ބަލަ މޮޔަފުޅުވީތޯއޭ ގޮވަމުން އަންނަތަން ބަލަން ރައްޔިތުމިހާ އެބަ ހުރީމެވެ.

]]> Sun, 23 Apr 2023 16:41:41 +0500 ޒުރޫ ސޫދާނުގައި ތިބި ޑިޕްލޮމެޓުން ސޫދާނުން ފޮނުވާދެނީ https://heerasnews.com/1273 https://heerasnews.com/1273 އިނގިރޭސިވިލާތް، ޗައިނާ އަދި ފަރަންސޭސިވިލާތު ޑިޕްލޮމެޓުން އަސްކަރީ މަތިންދާބޯޓު ތަކުގައި ސޫދާނުން ބޭރަށް ގެންދިއުމުގެ މަސައްކަތްތައް ކުރަމުން އަންނަ ކަމަށް ސޫދާނުގެ އަސްކަރިއްޔާ (އެސްއޭއެފް) އިން ބުނެފިއެވެ.

އަސްކަރިއްޔާގެ ވެރިޔާ އަބްދުލް ފައްތާހު އަލް ބުރުހާން ވިދާޅުވީ ބައެއް ގައުމުތަކުގެ ވެރިންނާ ވާހަކަ ދައްކައި، އެ ގައުމުތަކުގެ ރައްޔިތުން ރައްކާތެރިކަމާއެކު ސޫދަނުން ބޭލުމަށް އެދިފައިވާ ކަމަށެވެ. ނަމަވެސް ވެރިރަށް ޚަރްތޫމްގެ މައި ބައިނަލްއަގްވާމީ ވައިގެ ބަނދަރަށް ބޮޑެތި ހަމަލާތަކެއް އަމާޒުވެފައިވާތީ އެކަމަށް  އަސްކަރީ މަތިންދާބޯޓުތައް ބޭނުންވާނެ ކަމަށްވެއެވެ.

ގަލްފުގެ ކުޑަ ކުޑަ ގައުމެއް ކަމަށްވާ ޖިބޫޓީގައި ހުންނަ ކަނޑުގެ އަސްކަރީ މަރުކަޒަކަށް އިތުރު ސިފައިން ގެންދަނީ އެމެރިކާ އެމްބަސީގެ ސިފައިން ގެނައުމަށް ތައްޔާރުވުމުގެ ގޮތުން ކަމަށް ޕެންޓަގަން އިން ބުނެއެވެ.

ސޫދާނުގައި ހަނގުރާމަ ފެށި ފަހުން މިހާތަނަށް 400 އަށް ވުރެ ގިނަ މީހުން މަރުވެ އެތައް ހާސް ބަޔަކު ވަނީ ޒަހަމްވެފައެވެ. އެސްއޭއެފް އާއި ރެޕިޑް ސަޕޯޓް ފޯސަސް (އާރްއެސްއެފް) އިން ވެސް ހަނގުރާމަ ހުއްޓާލިކަން އިއުލާނުކުރި ނަމަވެސް މަގުމަތީގައި ހިނގަމުންދާ ހަނގުރާމަތަކާއި ވައިގެ ހަމަލާތަކާއި ވަރުގަދަ އާޓިލަރީ ބަޑީގެ ހަމަލާތައް އަދިވެސް ދަނީ ހިނގަމުންނެވެ.

]]> Sat, 22 Apr 2023 21:19:37 +0500 ޒުރޫ ފެނަކަ: ރައްޔިތުމީހާގެ އިތުބާރު ހޯދައިފައިވާ އެއްކުންފުނި https://heerasnews.com/1271 https://heerasnews.com/1271 ފާއިތުވެދިޔަ މާޒީގައި ފެނަކައިން ރައްޔިތުންނަށް ހަރުދަނާ ގޮތެއްގައި ހިދުމަތް ފޯރުކޮށް ނުދެވި، ކުންފުނީގެ ނަން ތަޣައްޔަރުވެ، ކިލަނބުވެފައި ވަނިކޮށް ނޮވެންބަރ 17، 2018 އިން ފެށިގެން މިއަދާ ހަމައަށް ކުންފުނީގެ ހިންގުމަށް ގެނައި އިންގިލާބީ ބަދަލާ ގުޅިގެން މިއަދު ހޯދިފައި އަދި ހޯދަމުންދާ ކާމިޔާބުތަކަށް ހަސަދަވެރިވާ މަދު ބަޔަކު ތިބިކަން ޔަގީނެވެ. ކުންފުންޏާއި ގުޅޭގޮތުން ހަގީގަތާ ހިލާފު ސާބިތު ނުހިފޭ ދޮގު ވާހަކަތައް ފެތުރުމަށް ފޫގަޅާފައި ތިބި ބަޔަކުވެސް އެބަތިއްބެވެ.

އެހެން ނަމަވެސް ކުންފުންޏާއި އަދި ކުންފުނީގެ ވެރިންނާމެދު އެކި ފަރާތްތަކުން ޝާއިއު ކުރަމުންދާ ހަގީގަތާ ހިލާފު ވާހަކައަކުން ދޭ ހިދުމަތަކަށް އަސަރެއް ނުކުރެއެވެ. އިހްލާސްތެރިކަމާއި ތެދުވެރިކަމާއި އަމާނާތްތެރިކަމާއެކު ރައްޔިތުންނަށް ދެމުންދާ އަސާސީ ހިދުމަތް އެންމެ ހިނދުކޮޅަކަށް ވެސް ފަސްޖެހުމަކާ ނުލާ ދަނީ ފޯރުކޮށްދެމުންނެވެ.

މި އަދުގެ ފެނަކަ އަކީ ރައްޔިތުނަށް ހިދުމަތްދިނުމުގައި ނަމޫނާ ކުންފުންޏެކެވެ. ތަޢުލީމާއި ތަމްރީންލިބި ހުނަރުވެރި މުވައްޒަފުންތަކެއް ބިނާކުރަމުންދާ ފަހުރުވެރި ކުންފުންޏެކެވެ. ރައްޔިތުންނަށް ތަކުލީފްތަކަކަށްވެފައިވާ ދުނބުޅި އިންޖީނުގެތައް ޒަމާނީފެންވަރަށް ބަދަލުކޮށް، މުވައްޒަފުންނަށް އެކަށީގެންވާ މާހައުލެއްގައި މަސަތްކަތް ކުރުމަށް ފުރުސަތު ހޯދައިދިން ކުންފުންޏަކީ ފެނައެވެ. އެކަމުގެ މޭސްތިރިއަކީ ފެނަކަ އެމްޑީ ސަޢީދުއެވެ.

ކުންފުނި ހަރުދަނާކުރުމުގެ ގޮތުން މުވައްޒަފުންނަށް އަމާޒުކޮށްގެން އެކިފެންވަރުގެ ކޯސްތަކާއި، ތަމްރީން ޕްރޮގްރާމްތައް ދަނީ ހިންގަމުންނެވެ. ކޮންމެ މުވައްޒަފަކީ ވެސް އެ މުވައްޒަފަކު އަދާކުރާ ވަޒީފާއަށް ގާބިލު ވަޒީފާއަށް ފުރިހަމައަށް ތައްޔާރުވެފައިވާ ފަރާތްތަކަކަށް ފެނަކަ ވަނީ ހަދާދީފައެވެ. މިހާރުވެސް އެކި ކަންކޮޅު ތަކުގައި އެ މަސަތްކަތް ދަނީ ކުރެވެމުންނެވެ. ރަށްރަށުގެ އިންޖީނުގެތައް ކުރިއެރުވުމުގައި ވަކިރަށެއް ތަފާތުނުކޮށް، އެ ރަށަކަށް އެކަށިީގެންވާވަރު އިންޖީނުގެއެއް އަޅުއްވާ، ރަށްޔިތުންނަށް ހިދުމަތްދިނުމަށް އެކަށީގެންވާ މުވައްޒަފުން ހަމަޖައްސައި ފުރިހަމަ ހިދުމަތެއް ރައްޔިތުނަށް ފޯރުކޮށްދެމުންދާތީ އެކަމާ ބަޔަކު މޭކަރަނީއެވެ. ފެނަކަ ދައްކަމުންދާ ފުރިހަމަ ނަތިޖާ ހަޖަމްވެސް ނުވަނީއެވެ.

އެހެންނަމަވެސް އިންޖީނުގޭގެ އަޑުފައްގަނޑާހުރެ ނިދިން މަހުރޫމުފައި ތިބި ރައްޔިތުމީއަށް ތަސައްލީ ހޯދައިދިން ފެނަކަމަތިން އެ ރައްޔިތުމީހާ ހަނދާން ހުންނާނެއެވެ. އެރައްޔިތުމީހާ އެކަން ބަލައިގަންނަނީ  އުފަލާއިއެކުގައެވެ. އެ ރައްޔިތުމީހާއަށް ފެނަކަ ކުންފުނި ފެންނަނީ ރައްޔިތުމީހާއަށް ތަސައްލީ ހޯދަދިން ކުންފުނީގެ ގޮތުގައެވެ.  

 

]]> Sat, 22 Apr 2023 19:52:20 +0500 ޒުރޫ އެވެސް ޑިމޮކްރަސީ! މިވެސް ޑިމޮކްރަސީ! https://heerasnews.com/1270 https://heerasnews.com/1270 ޑިމޮކްރަސީ މި ލަފުޒު އުފެދިފައިވަނީ ޔޫނާނީ ބަހުން "ޑެމޯސް"އާއި "ކްރެޓޯސް" އާއއި ދެލަފްޒު އެކުވެގެން ކަމަށް ވެއެވެ. "ޑެމޯސް"ގެ މާނައަކީ "މީހުން"އެވެ. އަދި "ކްރެޓޯސް" ގެ މާނައަކީ "ބާރު"އެވެ. އެހެންކަމުން ޑިމޮކްރަސީއަކީ "ރައްޔިތުންގެ ބާރު"އެވެ. އެ ގޮތަކީ ރައްޔިތުންގެ އިހުތިޔާރަށް ބަރޯސާވާ ވެރިކަން ހިންގުމުގެ ގޮތެކެވެ.

ޑިމޮކްރެޓިކް ވެރިކަމުގެ ތަފާތު މޮޑެލްތައް ދުނިޔޭގެ އެކި ކަންކޮޅުތަކުގައި އުފެދިފައިވެއެވެ. ޑިމޮކްރަސީގެ މަފްހޫމު ވިސްނައިގަނަން ވަރަށް ފަސޭހައެވެ. ޑިމޮކްރަސީއަކީ، ޔަޤީނުންވެސް ހުދުމުހުތާރު ވެރިކަމެއް ނޫނެވެ. ރަނގަޅަށް ވިސްނިއްޖެނަމަ، ޑިމޮކްރަސީއަކީ "މެޖޯރިޓީގެ ވެރިކަން" ކަމުގައި ވެސް ނުވެއެވެ. އޭގެ މުރާދަކީ މައިނޯރިޓީ ތަކުގެ މަސްލަހަތަށް މުޅިން އަޅާނުލާ ކަމަށް ވާނަމަ ހަގީގީ ޑިމޮކްރަސީއަކަށް ނުވާ ނުވުމެވެ. ޑިމޮކްރަސީއަކީ އެންމެ ކުޑަމިނުން، ހުރިހާ ރައްޔިތުންގެ ފަރާތުން، އެމީހުންގެ "އިހުތިޔާރަށް" ވެރިކަން ކުރުން ކަމުގައި ބުނެވިދާނެއެވެ.

ދިވެހިރާއްޖޭގައި 30 އަހަރުވީ ދިގު މާޒީން އަރައިގަތުމަށް ދިވެހީންގެ ތެރެއިން ގަދަ ހިތްވަރާއެކު މަސައްކަތް ކުރަމުން އައި ޑިމޮކުރަސީގެ ނަމުގައެވެ. ރާއްޖެއަށް ޑިމޮކުރަސީ ގެނައުމަށްޓަކައި އެއްގޮތަށް ވުރެ ގިނަ ގޮތްގޮތުން ދިވެހި ގަދީމީ ވެރިކަމުގެ ގޮތްގަނޑު ބަދަލުކުރުމަށް ބަޔަކު ކުރިމަތިލާ ގިނަގުނަ މަސައްކަތްތަކެއް ކުރިކަން ތާރީހުން ސާބިތުވާން އެބަހުއްޓެވެ. ސިޔާސީ ކުއްވެރިން ތަކެއްގެ ގޮތުގައި ޖަލުގެ ތޭރިތަކުގެ ތެރޭގައި ގިނަ ދުވަސްތަކެއް ހޭދަކޮށް ޑިމޮކުރަސީއަށްޓަކައި ގުރުބާނީތަކެއް ވަމުން އައި ހިތްވަރުގަދަ ފަހުލަވާނުން ތަކެއްވެސް ރާއްޖޭގައި އެބަތިއްބެވެ.

ރައްޔިތުންގެ ހާއްސަ މަޖިލިސް އެއްކުރެވި ގާނޫން އަސާސީ އިސްލާހު ކުރެވި ސިޔާސީ ޕާޓީ އުފެއްދުމުގެ ހައްގާއި ބަސްބުނުމުގެ ހައްގާއި ހިޔާލް ފާޅު ކުރުމުގެ ހައްގު ދިވެހިންނަށް ލިބިއްޖެއެވެ. ދިވެހިން ކަސްތަޅުތަކުން މިނިވަންވެ ސިޔާސީ މިނިވަންކަން ލިބިގެން ދިޔައީ ހަގީގަތުގައި 07 އޮގަސްޓް 2008 ގައެވެ. މިދެންނެވި މިނިވަންކަމާއިއެކު ރާއްޖޭގެ ހާންދާނީ ވެރިކަން ފޮރިޅިގެން އެމްޑީޕީގެ އަތްމައްޗަށް އެރިއެވެ.

ސަރުކާރުގެ ޕޮލިސީ ތަންފީޒު ކުރުމަށް ތިބޭ ސިވިލް ސާވިސް މުވައްޒަފުންނާއި ކޯޕަރޭޝަންތަކާއި ޔުޓިލިޓީޒް ތަކުގައި މަސައްކަތް ކުރައްވަމުން ގެންދެވި ގަދީމީ 30 އަހަރުގެ ފިކުރުގެ މުވައްޒަފުންގެ ބަރުހެލި މަސައްކަތުގެ ސްޕީޑުގެ ސަބަބުން ރާއްޖޭގައި 11 ނޮވެމްބަރ 2008 (އަންގާރަ) ދުވަހު އުފެދުނު އެމް.ޑީ.ޕީ އިއްތިހާދުގެ ވެރިކަން ދަމަހައްޓަން ތަފާތު އުދަގޫތައް އެކި ދިމަދިމާލުން އައީ ކުރަމުންނެވެ. ސިޔާސީ ލީޑަރުން ބައިވެރިވެގެން ވަކިން ހާއްސަކޮށް ގާސިމް އިބްރާހިމް ފަދަ ބޭފުޅުން ފަރުދާގެ ފުރަގަހުންނާއި ރޯމާދުވާލު އެންމެންގެ ކުރިމަތީ ތިއްބަވައިގެން ރާއްޖޭގެ ރައްޔިތުން އިންތިހާބު ކުރި ވެރިކަން 07 ފެބުރުއަރީ 2012 ގައި ފިރުކާލިއެވެ.

ޑިމޮކްރަޓިކް ވެރިކަމެއް އުފެދިގެން އަންނާނީ ރައްޔިތުންލާ ވޯޓު ކަރުދާހަކުންނެވެ. ސިޔާސީޕާޓީތަކުން ވެރިކަމަށް ކުރިމަތި ލުމުގަޔާއި ، ރައްޔިތުންގެ މަޖިލިސްއަށް ކުރިމަތިލުމުގައި އަދި ކައުންސިލްތަކަށް ކުރިމަތި ލުމުގައިވެސް ކެނޑިޑޭޓުން ނެގުމުގައި ގެންގުޅެނީ ޕްރައިމަރީ ބޭއްވުމުގެ އުސޫލެވެ. އެއީ އެންމެ ޑިމޮކްރެޓިކް ގޮތްވެސް މެއެވެ. ޕްރައިމަރީން ބަލިވާ މީހާ މޮޅުވާމީހާ ފަހަތައް އަރައި އިންތިހާބުން މޮޅުވާން މަސަތްކަތް ކުރުމެވެ.

ރާއްޖޭގެ ޑިމޮގްރަސީގެ ބައްޕަކަމަށް ގިނަބަޔަކު ބަލައިގެން އުޅުނު އެމްޑީޕީ އާއި ރައީސް ނަސީދުވެސް ރައްޔިތުންނަށް ދަސްކޮށްދިނީ މިދެންނެވި ޑިމޮކްރަސީއެވެ. އެހެންނަމަވެސް މިއަދު މި ފެންނަނީ ޑިމޮކްރަސީގެ ތެރޭން ބަލަން ހުތުރު އަޑު އަހަން އުނދަގޫ މަންޒަރުތަކެވެ. ރޯމާދުވާލު އެންމެންގެ ކުރިމަތީ ތިއްބަވައިގެން ރާއްޖޭގެ ރައްޔިތުން އިންތިހާބު ކުރި ވެރިކަން 07 ފެބުރުއަރީ 2012 ގައި ފިރުކާލުމުން ދެންވެސް ރައްޔިތުމީހާ ބުނަމުންދިޔައީ މަޗިސްޗިސް ކޮސްލިޔަސް ފިސްފިސްކޮށްލިޔަސް ނެތޭ ވެވޭކަށް ބާގީއަކަށް މިހެނެވެ. އެހެން ނަމަވެސް މިއަދު އަހަރެމެން މިކިޔާ ޑިމޮކްރަސީގެ ބަފައިންނަށް މިދެންނެވި ކޯޓްތައް ތުރުކުރަށްވަން ހެޔޮވަރެވެ. ހަމައެކަނި ތިމާގެ ޖާހާ ވެރިކަމުގެ ލައްޒަތުގެ ބޭނުމުގައެވެ.

ބޭނުންވީމާ މަޖިލީހުގެ ވިޕްލައިނެތްވެސް ނެތެވެ. ޕްރައިމަރީން ވަކިމީހަކު މޮޅުވުމުން އެކަމެއްވެސް ބަލައެއް ނުގަނެވެއެވެ. ރައްޔިތުން ގުރުބާންވެގެން ދެމެހެއްޓި ޕާރޓީގެ ނަން ކިލަންބުކޮށް ފިކުރެއްދިރުވަންވީމައި ބާގީންގެ ކޯޓްވެސް ހަމަ ހެޔޮވަރެވެ. ޕާރޓީއަކަށްބެލުމެއްނެތެވެ. ޕާރޓީގެ މެންބަރުންނަކަށް ބެލުމެއްނެތެވެ. އެބަޔަކަށްޓަކައި ޖާނާމާލު ގުރުބާންކުރި ރައްޔިތުމީހާގެ ބަހެއްވެސް ނުވިކެއެވެ. އެމީހުން ބޭނުންވީމައި އެވެސް ޑިމޮކްރަސީއެވެ. ފިކުރެއްދިރުވަންވީމައި މިވެސް ޑިމޮކްރަސީއެވެ. ހުރިހާ ހުތުރެއް ރައްޔިތުމީހާއަށެވެ. 

]]> Sat, 22 Apr 2023 19:41:30 +0500 ޒުރޫ ކޮމްޕްރޮމައިޒް: ދިރިއުޅުމުގައި މުހިންމު ކަމެއް https://heerasnews.com/1263 https://heerasnews.com/1263 އަމިއްލަ އެދުމަކީ އަޅުގަނޑުމެންގެ ތެރެއިން ގިނަ ބައެއްގެ އާއްމު ކަމެކެވެ. އެއީ ކުޑައިރު ކުޅޭ ތަކެތި އެހެން ކުދިންނަށް ހިއްސާ ކުރަން މައިންބަފައިން ދަސްކޮށް ދޭން ޖެހުނު ސަބަބެވެ. އެހެންވެ ކޮމްޕްރޮމައިޒް ކުރަން ދަސް ކުރުމަކީ ގުޅުން ތަކުގައި އުޅޭ ބައެއް މީހުންނަށް އުނދަގޫ ގޮންޖެހުމަކަށް ވެދާނެ އެވެ.

ކޮމްޕްރޮމައިޒް ކުރުމަކީ ކޮންމެ ވެސް ގުޅުމެއް އުފައްދުން ނުވަތަ ކެނޑުމަށް ވެދާނެއެވެ. ކޮމްޕްރޮމައިޒް މި ބަސް އިވޭ ކޮންމެ ފަހަރަކު، ގޭންގް ފިލްމުތަކާ މެދު ބައެއް މިހުނަށް ވަގުތުން ވިސްނެއެވެ. ހިޔާލަށް އަންނަނީ ދެކޮޅުވެރި ވެފައިވާ ކަންކަމުގައި ގޭންގު ލީޑަރުން ވާހަކަ ދައްކަން ބޭނުންވާ ހިނދު ކޮމްޕްރަމައިޒް ވަގޮތްގޮތެވެ. ގޭންގް ސްޓަރުންގެ ބަހުރުވައި ނަމަ އެއީ ޕާލޭއެވެ. ދެ ފަރާތުގެ މެދުގައި ދިމާވެދާނެ ކޮންމެ މައްސަލައެއް ހައްލު ކުރުމަށް ބާއްވާ ސުލްހަވެރި ބައްދަލުވުން ތަކެވެ. 

ތިބާ ބޭނުންވާ އެއްޗެއް ބޭނުން ވާއިރު ބައިވެރިޔާ ވެސް ބޭނުންވެއެވެ. އެއީ އަސާސީ މުއާމަލާތުގެ ބައެކެވެ. ޖަޖުކޮށް ނުވަތަ އޮޅުވާލާނެ ކަމުގެ ބިރަކާ ނުލައި ބައިވެރިޔާއަށް ތިމާއަށް އިހުސާސްވާ ގޮތް ނުވަތަ ބޭނުންވާ ގޮތް ބަޔާންކޮށް ދިނުމަކީ މުހިންމު ކަމެކެވެ. ކަމެއް ބޭނުން ވުމަކީ އޯކޭ ކަމެއް ނަމަވެސް ބައިވެރިޔާ ބޭނުންވާ ގޮތާ މެދު ވެސް ވިސްނަން ޖެހެއެވެ. ބައެއް ފަހަރު ބޭނުންވާ އެއްޗެހި ލިބެއެވެ. ބައެއް ފަހަރު ނުލިބެ އެވެ. ނިމުމުން އެއީ ތިޔަ ދެ މީހުންނަށް ވެސް ވިސްނުމަށް އަންނަ ނިންމުމަކަށް ވާންވާނެއެވެ. އެހެން ނޫން ނަމަ، އެއީ ޙަޤީޤަތުގައި ވެސް ކޮމްޕްރޮމައިޒެއް ނޫނެވެ. ކޮމްޕްރޮމައިޒް ކުރުމަށްޓަކައި ބައިވެރިޔާގެ ވާހަކަތައް އަޑުއަހައި، އޯޕަން ވިސްނުމުގައި ހުންނަން ޖެހެ އެވެ.

މޮޅުވާން ބޭނުންވާ ކަމުގެ އިހުސާސް ތަކުގެ މާނައަކީ ބައިވެރިޔާގެ ވާހަކަތައް އަޑުނޭހުމެއް ނޫނެވެ. ތިބާގެ ބޮޑާކަން އެއްފަރާތް ކުރާށެވެ! ކޮންމެ ކަމަކީ މުބާރާތެއް ނޫނެވެ. ދެބަސްވުމެއްގެ މައްޗަށް ނުކުންނަ ސުލްހަވެރި ހައްލަކީ މޮޅުވުމެއް ނުވަތަ ބަލިވުމެއް ނޫނެެވެ.

ކަންކަން ދޫކޮށްލާށެވެ. ކޮމްޕްރަމައިޒް ވުމަށް ފަހު ފަހުގެ ވާހަކަތަކާ ކުރީގެ ވާހަކަތަކާ އެއްވެސް ގުޅުމެއް ނޯންނާނެއެވެ. ދޫކޮށް މާފުކޮށް ކުރިއަށް ދާށެވެ. ބައެއް ފަހަރު އިހުސާސްތަކުގެ ތެރެއަށް ވަދެގެން ދެވެއެވެ. އެ ހާލަތުގައި ފުން ނޭވާއެއް ދޫކޮށްލުމަށްފަހު އަމިއްލަ ނަފްސާ ސުވާލުކޮށްލާށެވެ.

އުއްމީދުތައް ކުރުމާ އުންމީދުގެ މަތީގައި ހުރުމަކީ އެއްކަމެކެވެ. އަނެއް ކަމަކީ އެ އުއްމީދުތަކާ އެއްގޮތަށް އަމަލުކުރުމެވެ. އެއްބަސްވެވޭ ގޮތަށް އަމަލުނުކުރެވޭ ނަމަ ބަހަކީ އަގެއް ނެތް ބަސްތަކަކައް ވެގެންދެއެވެ. ހުސް ވައުދުތަކުން ފުރިގެން ނުވާކަން އެހެން މީހުންނަށް ދައްކަނީ އެއްބަސްވުމަށް އަމަލު ކުރެވޭ ހިސާބުންނެވެ. އަބަދުވެސް ގޮތްދޫކޮށް އެއްބަސްވިގޮތަށް ތިބާގެ ބަހުގައި ހިފަހައްޓައިގެން ކޮމްޕްރޮމައިޒުން މަންފާ ލިބިގަނެވޭނެއެވެ.

]]> Thu, 20 Apr 2023 17:30:48 +0500 ޒުރޫ ބަންގްލަދޭޝްއިން 11 ގައުމަކާއެކު މިނިވަން ވިޔަފާރީގެ މަޝްވަރާތައް ބާއްވަނީ! https://heerasnews.com/1262 https://heerasnews.com/1262 ބަންގްލަދޭޝްގެ ބޮޑުވަޒީރު ޝެއިޚް ހަސީނާ 11 ގައުމަކާއެކު މިނިވަން ވިޔަފާރީގެ އެއްބަސްވުންތަކާ ބެހޭ ގޮތުން މަޝްވަރާ ކުރަމުން އެބަދެއެވެ. ދެކުނު އޭޝިއާގެ އެ ގައުމުން އެކްސްޕޯޓް ކުރިއެރުވުމަށް އާ ވަސީލަތްތަކެއް ހޯދަމުން ދަނީ ތިން އަހަރު ދުވަހުގެ ތެރޭގައި ޕްރިފަރެންޝަލް ޓެރިފް ލުއިތަކާއެކުގައެވެ.

އަންނަ އަންގާރަ ދުވަހު ޖަޕާނަށް ކުރައްވާ ދަތުރުފުޅުގެ ކުރިން ބޮޑުވަޒީރު ވަނީ ބަންގްލަދޭޝްގެ ވެރިރަށް ޑާކާގައި ހުންނަ ނިކީ އޭޝިއާއާ ބައްދަލުކުރައްވައި ވާހަކަފުޅު ދައްކަވާފައެވެ. މި ދަތުރުފުޅުގައި ހަސީނާ އާއި ޖަޕާނުގެ ބޮޑުވަޒީރު ފުމިއޯ ކިޝިދާ ދެ ގައުމުގެ ގުޅުން "ސްޓްރެޓެޖިކް ކޮމްޕްރިހެންސިވް ޕާޓްނަޝިޕަކަށް" ބަދަލުކުރުމަށް އެއްބަސްވެވަޑައިގަންނަވާނެ ކަމަށް ބެލެވެއެވެ. މިދަތުރު ކުރައްވަނީ ޗައިނާގެ ބެލްޓް އެންޑް ރޯޑް އިނީޝިއޭޓިވްއާ ދެކޮޅަށް ޖަޕާނުން އިންޑިއާ ކަނޑުގެ އައްސޭރިފަށުގައި ސްޓްރެޓެޖިކް ގޮތުން އޮންނަ އިންފްރާސްޓްރަކްޗާ އިންވެސްޓްމަންޓްތައް އިތުރުކޮށްފައިވާ ދަނޑިވަޅެއްގައެވެ. ހަސީނާ ވިދާޅުވީ ބަންގްލަދޭޝްއަށް ކުރިމަތިލާން ޖެހޭނީ ކުރިއަރާފައިވާ ގައުމުތަކަށް އެކްސްޕޯޓުކުރާ މުދަލުން ފަގީރު ގައުމުތައް އިސްތިސްނާކުރާ އދ ގެ ކްލެސިފިކޭޝަނެއް ކަމަށްވާ "އެންމެ ކުޑަކޮށް ތަރައްގީވެފައިވާ ގައުމު" ގެ ދަރަޖަ އިން ވަކިވުމުން ވަރަށް ތަފާތު ހާލަތަކާ ކަމަށެވެ.

އާ ޕާޓްނަރުންގެ ނަންތައް ހަސީނާ ހާމަކޮށްފައި ނުވި ނަމަވެސް އެ ޕާޓްނަރުންގެ ތެރޭގައި އިންޑިއާ، ޗައިނާ އަދި ޖަޕާން ހިމެނޭނެ ކަމަށް ބެލެވެ އެވެ. ބަންގްލަދޭޝްއަކީ ޗައިނާއަށް ފަހު ދުނިޔޭގައި ދެވަނައަށް އެންމެ ގިނައިން ފޭރާން އެކްސްޕޯޓްކުރާ ގައުމެވެ. ހަސީނާ ފާހަގަކުރެއްވި ގޮތުގައި ކާބޯތަކެތީގެ ބާވަތްތައް ޕްރޮސެސް ކުރުމާއި ޑިޖިޓަލް އިކުއިޕްމަންޓަކީ އުންމީދީ ދާއިރާތަކެކެވެ. އަދި ބޭ އޮފް ބެންގާލްގެ ވަސީލަތްތަކުގެ އިތުރުން މަސްވެރިކަމުގެ ވަސީލަތްތަކަށް ވެސް އެކަމަނާ އަލިއަޅުއްވާލެއްވިއެވެ.

]]> Thu, 20 Apr 2023 16:36:23 +0500 ޒުރޫ ރާހުލް ގާންދީގެ އިސްތިއުނާފް ކޯޓުން ބޭރުކޮށްލައިފި! https://heerasnews.com/1261 https://heerasnews.com/1261  

2019 ވަނަ އަހަރުގެ އަބުރުގެ މައްސަލާގައި ރާހުލް ގާންދީގެ މައްޗަށް ކުށް ސާބިތުވެ، ދެ އަހަރަށް ޖަލަށްލުމަށް ދަށު ކޯޓުން ނެރުނު އަމުރު މަޑުޖައްސާލައި ސަސްޕެންޑް ކޮށްދިނުމަށް އެދިހުށަހެޅި މައްސަލައައް ސޫރަތު ސެޝަންސް ކޯޓުން ވަނީ އޭޕްރީލް މަހުގެ 13 ވަނަ ދުވަހު ދެ ފަރާތުގެ އަޑުއެހުމެއް ބާއްވައި ހުކުމް 20ވަނަ ދުވަހަށް ތާވަލްކޮށް ބޭއްވި އަޑުއެހުމުގައި ކޯޓުންވަނީ އިސްތިއުނާފް ކުރި މައްސަލަ ބޭރު ކޮށްލާފައެވެ. ރާހުލް ގާންދީގެ މައްޗަށް އިއްވާފައިވާ ހުކުމް ކޯޓުން މަޑުޖައްސާލި ނަމަ ނުވަތަ ސަސްޕެންޑް ކުރި ނަމަ، ކޮންގްރެސް ގެ ލީޑަރަށް ޕާލަމެންޓުގައި އަލުން ފުރުސަތު ލިބުނީހެވެ.

ކޮންގްރެސްގެ ޖެނެރަލް ސެކްރެޓަރީ ޖައިރާމް ރަމޭޝް ވިދާޅުވީ ގާނޫނުގެ ދަށުން އަދިވެސް ލިބެން ހުރި ހުރިހާ އޮޕްޝަނެއް އެ ޕާޓީން ބޭނުން ކުރަމުން ގެންދާނެ ކަމަށެވެ. "ހުރިހާ ވައްކަންކުރާ މީހުންނަށް ވެސް މޯދީގެ ނަން އެއްގޮތް ވަނީ ކީއްވެތޯ" ރާހުލް ގާންދީ ވިދާޅުވުމާ ގުޅިގެން، ރާހުލް ގާންދީ ވަނީ ލޯކް ސަބާގެ ގޮނޑި ނުގެއްލޭ ކަމަށް ނިންމައިފައެވެ.

ރާހުލް ގާންދީގެ އިސްތިއުނާފުގައި ސެޝަންސް ކޯޓުގައި ބުނެފައި ވަނީ އެންމެ ބޮޑު އަދަބެއް ދޭން ނުޖެހޭ ކަމަށާއި ޝަރީއަތަކީ އިންސާފުވެރި ޝަރީއަތެއް ނޫން ކަމަށެވެ. ރާހުލް ގާންދީގެ ވަކީލް ކޯޓުގައި ވިދާޅުވީ މެޖިސްޓްރޭޓްގެ ހުކުމަކީ އާދަޔާ ހިލާފު ހުކުމެއް ކަމަށާއި އެއީ ޝަރީއަތުގެ މަޖިލީހުގެ ގާޒީ "ރެކޯޑުގައި ހުރި ހުރިހާ ހެއްކެއްގެ ހޮޓްޕޮޗެއް" ހަދާފައިވާ ކަމަށެވެ.

ރާހުލް ގާންދީއަކީ ތަކުރާރުކޮށް ކުށްވެރިވާ ބޭފުޅެއް ކަމަށާއި އެ ވާހަކައަށް މައާފަށް އެދުމަށް ދެކޮޅު ހެއްދެވި ކަމަށް މައްސަލަ ހުށަހެޅި ޕޫރްނޭޝް މޯދީ ވަނީ ވިދާޅުވެފަ އެވެ.

]]> Thu, 20 Apr 2023 15:58:38 +0500 ޒުރޫ ރަޝިއާގެ ތެޔޮ ގިނައިން ދަނީ އިންޑިއާ އާއި ޗައިނާގެ ބަނދަރަށް https://heerasnews.com/1259 https://heerasnews.com/1259 އޭޕްރީލް މަހު ކުރީކޮޅު ބަރުކުރި ރަޝިއާގެ ޔޫރަލްސްގެ ތެލުގެ ކާގޯ ގިނައިން ގޮސްފައިވަނީ އިންޑިއާ އާއި ޗައިނާގެ ބަނދަރުތަކަށެވެ. ހިސާބުތަކުން ދައްކާ ގޮތުގައި އޭޕްރީލް މަހުގެ މިހާތަނަށް ރަޝިއާގެ ތެޔޮ ފީފާއެއްގެ އަގުން 60 ޑޮލަރަށްވުރެ މަތީ އަދަދެއް އިންޑިއާ އާއި ޗައިނާއިން ވަނީ ކަނޑާދީފައެވެ.

ޔޫކްރެއިންގައި ރަޝިޔާއިން ހިންގާ އަސްކަރީ އޮޕަރޭޝަންތަކަށް ބޭނުންވާ ފައިސާ ދައުރުވުން ހުއްޓުވުމަށް ހުޅަނގުން މަސައްކަތް ކުރި ނަމަވެސް ކްރެމްލިނަށް ވަރުގަދަ އާމްދަނީއެއް ދަނީ ލިބެމުންނެވެ. މޮސްކޯއަށް ޕޮލެންޑް ފަދަ ޔޫރަޕިއަން ޔޫނިއަންގެ ބައެއް ގައުމުތަކުން ޕްރެޝަރު ކުރި ނަމަވެސް ހުޅަނގުގެ ތެލުގެ އަގަށް މިވަގުތަށް ބަދަލެއް ނާންނާނެ ކަމަށް ޖީ-7 ގެ މަސްދަރަކުން ބުނެއެވެ.

ރަޝިޔާއަށް ތެޔޮ ދައުރުވުމުގެ ފުރުސަތު ހަނިކުރިޔަސް ރަޝިއާއަށް ލިބޭ އާމްދަނީ ކުޑައެއް ނުވެއެވެ. ނަމަވެސް ޔޫކްރެއިންގައި ރަޝިއާ އިން ހިންގާ ހަރަކާތް ތަކަށް މަޑުޖެހުމެއް އަންނަ ކަމަށްވެއެވެ. 

ކަނޑު ދަތުރު ފަތުރުގެ ސަޕްލައިގެ 70 ޕަސެންޓަށް ވުރެ ގިނައިން މިމަހު ހިއްސާކޮށްފައި ވަނީ އިންޑިއާ އިންނެވެ. މީގެ އިތުރުން ދުނިޔޭގެ ބެންޗްމާކްތަކާއި ހިލާފަށް ޔޫރަލްސްގެ މުދާ އުފުލުމުގެ އަގު ހެޔޮވުމާއި، ޔޫރަލްސްގެ ޑިސްކައުންޓް ކުޑަވުމުގެ ސަބަބުން، މިދިޔަ އޭޕްރީލް މަހުގެ ކުރީކޮޅު ދުވާލެއްގެ މައްޗަށް ބޮޑުތަކުން އަގު ވަނީ ދަށަށް ގޮސްފަ އެވެ.

އިންޑިއާ އާއި ޗައިނާ އިން އަގަށް ބޯލަނބަން އެއްބަސްނުވި ނަމަވެސް ހުޅަނގުން އުއްމީދު ކުރީ ދަތިކުރުމުގެ ފިޔަވަޅުތަކުގެ ބިރުވެރިކަމުގެ ސަބަބުން ގައުމުތަކުން  އެ ތެޔޮ ގަތުމަށް ވިޔަފާރިވެރިންނަށް އެހީތެރިކަން ފޯރުކޮށް ދިނުމަށް ހުރަސް އެޅޭނެ ކަމަށްބެލެވެއެވެ.

]]> Wed, 19 Apr 2023 20:41:55 +0500 ޒުރޫ ޖޯ ލޯ އަތުން 20 މިލިއަން ޑޮލަރު ލިބުނު: ޕްރަސް މިޝޭލް https://heerasnews.com/1258 https://heerasnews.com/1258 އެމެރިކާގެ ކުރީގެ ރައީސް ބަރަކް އޮބާމާއާ އެކު ފޮޓޯއެއް ނެގުމުގެ ފުރުސަތެއް ހޯދުމުގައި އެހީތެރިވުމުގެ ގޮތުން މެލޭޝިއާގެ ފައިނޭންސަރު ޖޯ ލޯގެ އަތުން 20 މިލިއަން ޑޮލަރު ލިބުނު ކަމަށް ފުގީސް ބޭންޑްގެ ރެޕް ލަވަކިޔުންތެރިޔާ ޕްރަކަޒްރެލް ޕްރަސް މިޝޭލް ބުނެފިއެވެ. އޮބާމާ ސަރުކާރާއި ޑޮނަލްޑް ޓްރަމްޕްގެ ސަރުކާރަށް ނުފޫޒު ފޯރުވަން ލޯއާ އެކު ރޭވި ކަމުގެ ތުހުމަތުގައި މިޝޭލްގެ މައްޗަށް ވަނީ ޖިނާއީ ދައުވާ ކޮށްފައެވެ.

އަންގާރަ ދުވަހު ވޮޝިންޓަން ޑީސީގައި ހުންނަ ޖޫރީއެއްގެ ކުރިމަތީގައި އަމިއްލަ ދިފާއުގައި ހެކިބަސް ދެމުން ގްރެމީ އެވޯޑް ހާސިލްކުރި ޖޯ ލޯ ބުނީ މެލޭޝިއާގެ ވަންއެމްޑީބީ ސޮވެރިން ވެލްތް ފަންޑުން 4.5 ބިލިއަން ޑޮލަރަށް ޚިޔާނާތްތެރިވި ކަމަށް ބުނާ ފައިސާއިން ކެމްޕެއިނަށް އެއްވެސް މިންވަރެއް ހަދިޔާ ކުރަން އަންގާފައި ނުވާނެ ކަމަށެވެ.

މިޝޭލް ވިދާޅުވީ ތިން ރަހުމަތްތެރިންނަށް ލިބުނު ބައެއް ފައިސާ ބޭނުންކޮށްގެން އޮބާމާއަށް 40،000 ޑޮލަރުގެ އަ ޕްލޭޓް ފަންޑްރައިޒާއަށް އެޓެންޑްވެފައިވާ ކަމަށެވެ. މިޝޭލް ބުނީ އެކަން ކުރުމަކީ ބޭއިންސާފެއް ކަން ނޭނގޭ ކަމަށެވެ. ލޯ އައް ލިބުނު ފައިސާ އަކީ ހިލޭ ފައިސާގެ ގޮތުގައި އޭނާ ސިފަކުރެއްވި އެވެ.

އެމެރިކާގެ އިންތިހާބީ ކެމްޕެއިންތަކަށް ބިދޭސީން ހަދިޔާ ކުރުމާއި ކެމްޕެއިން ކޮންޓްރިބިއުޝަނެއް ހެދުމަށް އެހެން މީހަކަށް ފައިސާ ދިނުމަކީ ގާނޫނާ ހިލާފު ކަމެކެވެ. މިޝޭލްގެ މައްޗަށް އުފުލާފައިވަނީ ލޯއާ އެކު ތިން ސްކީމެއްގައި ބައިވެރިވި ކަމުގެ ތުހުމަތެވެ.

]]> Wed, 19 Apr 2023 20:16:22 +0500 ޒުރޫ ކެންސަރާ ދެކޮޅަށް އެހީތެރިވެދޭ ވައިރަހެއް: https://heerasnews.com/1249 https://heerasnews.com/1249 އިންސާނުންގެ ޑީއެންއޭގެ ތެރޭގައި އެތައް މިލިއަން އަހަރެއް ވަންދެން ފޮރުވިފައިވާ ޒަމާންވީ ވައިރަހުގެ އާސާރީ ތަކެއްޗަކީ ކެންސަރާ ދެކޮޅަށް ހަށިގަނޑަށް އެހީތެރިވެދޭ އެއްޗެއް ކަމަށް ސައިންސްވެރިން ބުނެފިއެވެ. ފްރާންސިސް ކްރިކް އިންސްޓިޓިއުޓުން ކުރި ދިރާސާއިން ދައްކާ ގޮތުގައި ކެންސަރު ގެ ސެލްތައް ކޮންޓްރޯލުން ނެއްޓި ގެންދިއުމުން މި ދުވަސްވީ ވައިރަހުގެ ހަށިގަނޑަށް ހޭލެވެ އެވެ. މިއީ ނޭނގި ދިފާއީ ނިޒާމަށް ޓިއުމަރަށް އަމާޒުކޮށް ހަމަލާދިނުމަށް އެހީތެރިވެދޭ ކަމެކެވެ.

އެ ޓީމުން ބޭނުންވަނީ މި  ދިރާސާ ހޯދުމުގެ ބޭނުން ހިފައި ކެންސަރަށް ފަރުވާ އިތުރުކޮށްދޭނެ ނުވަތަ އެ ކަމުން ވެސް ރައްކާތެރި ވެވޭނެ ފަދަ ވެކްސިނެއް ފަރުމާ ކުރުމަށެވެ. ފުއްޕާމޭގެ ކެންސަރުން ސަލާމަތްވެ ތިބުމާއި، ބީ-ސެލް ކިޔާ ދިފާއީ ނިޒާމުގެ ބައެއް ޓިއުމަރު ތަކުގެ ވަށައިގެން ކްލަސްޓާ ކުރުމާ ގުޅުމެއް އޮތްކަން ސައިންސްވެރިންނަށް ފާހަގަ ކުރެވުނެވެ.

ބީ-ސެލްތަކަކީ އެންޓިބޮޑީޒް އުފައްދައިދޭ އަދި ކޮވިޑު ފަދަ އިންފެކްޝަންތަކާ ދެކޮޅަށް މަސައްކަތް ކުރުމުގައި އެ ސެލްތަކުގެ ދައުރު އެންމެ ބޮޑަށް ފާހަގަ ކޮށްލެވޭ ބައެކެވެ. ފުއްޕާމޭގެ ކެންސަރުގައި އެ މީހުން ކުރަމުން ދިޔަ ކަންތައްތަކަކީ ސިއްރެއް ނަމަވެސް ބަލިމީހުންގެ ސާމްޕަލްތަކާއި ޖަނަވާރުންގެ ޓެސްޓުތައް ބޭނުންކޮށްގެން ކުރި ތަހުލީލު ތަކުން އެނގުނު ގޮތުގައި ސައިންސްވެރިން  އަދިވެސް މަސައްކަތް ކުރަނީ ވައިރަސްއާ ހަނގުރާމަ ކުރުމަށެވެ.

ކެންސަރ ރިސާޗް ޔޫކޭގެ ޑރ ކްލެއާ ބްރޮމްލީ ވިދާޅުވީ، "އަހަރެމެން އެންމެންގެ ޖީންތަކުގައި ޒަމާންވީ ވައިރަލް ޑީއެންއޭ އެބަހުރި، ކާބަފައިންގެ ކިބައިން ފާސްވެފައިވާ، އަދި މި ހިތްގައިމު ދިރާސާއިން ކެންސަރުގައި އޭގެ ދައުރު އަދި އަޅުގަނޑުމެންގެ ދިފާއީ ނިޒާމުން ކެންސަރުގެ ސެލްތައް ދެނެގަނެ ހަލާކުކުރެވޭނެ ގޮތް ފާހަގަކުރެވިފައިވާ" ކަމަށެވެ.

]]> Tue, 18 Apr 2023 14:13:22 +0500 ޒުރޫ ނިދުމަކީ ކިހާ މުހިންމު ކަމެއް! https://heerasnews.com/1247 https://heerasnews.com/1247 ނިދުމަކީ ކޮންމެ މަރުހަލާއަކަށް ވެސް ކޮންމެހެން ބޭނުންތެރި ކަމެއް ކަމަށާއި އޭގެ ސަބަބުން ޖެހިގެން އަންނަ ދުވަހު ޖިސްމާނީ އަދި ނަފްސާނީ މަސައްކަތްތަކަށް އަސަރުކޮށް، ބަލިތަކާ ހަނގުރާމަކޮށް ދިފާއީ ބާރު އުފެއްދުމުގެ ގާބިލުކަމާއި މެޓަބޮލިޒަމް އާއި ދާއިމީ ބަލިތަކުގެ ނުރައްކަލަށް އަސަރު ކުރެއެވެ. ނިދުމަކީ ހަގީގަތުގައި ވެސް އިންޓަޑިސިޕްލިނަރީ އެއްޗަކަށް ވަނީ އެއީ ސިއްހަތުގެ ކޮންމެ ކަމެއްގައި ވެސް ބީހިގެންދާ ކަމަކަށް ވާތީ އެވެ.

ކެފެއިން ފަދަ ބައެއް މާއްދާތަކުގެ ސަބަބުން ނިދި އައުމަށް ނޭދެވޭ އަސަރު ކުރާކަން އެންމެންނަށް ވެސް އެނގެއެވެ. އަނެއްކޮޅުން ޓާޓް ޗެރީ، ކިވީ، ފެޓީ ފިޝް (ސެލްމަން އަދި ޓޫނާ ފަދަ) އަދި މަލްޓެޑް ކިރު ފަދަ އެހެން ކާނާގެ ސަބަބުން ނިދުމަށް ފައިދާހުރި އަސަރުތަކެއް ކުރާނެ ކަމުގެ ހެކި ދަނީ އިތުރުވަމުންނެވެ. ދާދި ފަހުން، ދިރާސާތަކުން ދައްކާ ގޮތުގައި، ޖުމްލަގޮތެއްގައި ސިއްހަތަށް ފައިދާހުރި ކެއުމުގެ ވައްޓަފާޅިއަކީ، ހަމައެކަނި ވަކި ކާނާއެއް ނޫނެވެ.

ނިދުމަކީ ހަށިގަނޑުގެ ކޮންމެ ހިސާބަކަށް ވެސް މުހިންމު ކަމެއް ކަމަށާއި ހާއްސަކޮށް ކުޑަކުދިންގެ ހަށިގަނޑާއި ސިކުނޑި ކުރިއަރަމުން އަންނަ އިރު އެއީ ވަރަށް މުހިންމު ކަމެކެވެ. ކުޑަކުދިންގެ ތެރޭގައި ނިދި ނުލިބުން ނުވަތަ ފެންވަރު ދަށް ނިދުމަކީ އުނދަގޫ އަމަލުތަކާއި، މައުލޫމާތު އުނގެނުމާއި ހިފެހެއްޓުމުގެ ގާބިލުކަން ދަށްވުމާއި، ކެއުމުގެ ވައްޓަފާޅި ދަށްވުމާއި ބަރުދަން އިތުރުވުން ފަދަ ކަންކަމާ ގުޅިފައިވާ ކަމެކެވެ.

ޒުވާން އުމުރުގެ ކުދިންނަށް ރެއަކު ގާތްގަނޑަކަށް 8-10 ގަޑިއިރުގެ ނިދި ބޭނުންވާއިރު، ބޮޑު ބަޔަކަށް އެ މިންވަރެއް ނުލިބެ އެވެ. މިސާލަކަށް، ފަހުގެ އަންދާޒާތަކުން ދައްކާ ގޮތުގައި މިޑްލް ސްކޫލް ކުދިންގެ 60 އިންސައްތަ ކުދިންނާއި، މަތީ ތައުލީމު ހާސިލްކުރާ ދަރިވަރުންގެ ތެރެއިން 70 އިންސައްތަ ކުދިންނަށް ސްކޫލް ރޭތަކުގައި އެކަށީގެންވާ ނިދި ނުލިބެއެވެ. މިޝިގަން ހައި ސްކޫލް ދަރިވަރުންނަށް މި އަދަދު މިއަށްވުރެ ވެސް ބޮޑު ކަމަށާއި އެއީ 80 ޕަސެންޓް ކަމަށެވެ. ޒުވާން އުމުރުގެ ކުދިންނަށް ނިދި ނުލިބުމުގެ އެންމެ ބޮޑު އެއް ސަބަބަކީ އެކުދިންގެ ސިކުނޑިއަށް އަންނަ ބަޔޮލޮޖިކަލް ބަދަލުތަކުގެ ސަބަބުން ނިދި އިހުސާސްވުމުން އަސަރުކުރުމެވެ. އެހެންކަމުން ނިދި ނުލިބުނަސް ގިނަ ފަހަރަށް އަވަހަށް ނުނިދޭނީ އެކުދިންގެ ސިކުނޑި އަދިވެސް ނިދަން ތައްޔާރު ނުވާތީއެވެ.

ނިދުމުގައި ލަސްވާ މި މައްސަލަތަކުގެ މައްސަލައަކީ ސްކޫލް ނުވަތަ ސްކޫލުގެ ކުރިން ހިންގާ ހަރަކާތްތައް ގިނަ ފަހަރަށް ފެށެނީ ވަރަށް އަވަހަށް ކަމަށްވާތީ، ޒުވާން އުމުރުގެ ކުދިން ދާއިމީކޮށް ނިދި ނުލިބުމަކީ އެކަށީގެންވާ ކަމެކެވެ. ސްކޫލްތަކުގެ ޑިސްޓްރިކްޓްތަކުގައި، ފަހުން ސްކޫލް ތައް ފެށުމުގެ ވަގުތުތައް ހަދާފައިވާ ޑިސްޓްރިކްޓްތަކުގައި، ދިރާސާތަކުން ދައްކަމުން ދަނީ ދަރިވަރުންނަށް ގިނައިން ނިދުމާއި، އޭގެ ނަތީޖާއެއްގެ ގޮތުން މޮޓޯ ވެހިކަލް އެކްސިޑެންޓްތައް މަދުވެ، ގްރޭޑްތައް ރަނގަޅުވެ، ނަފްސާނީ ދުޅަހެޔޮކަން ރަނގަޅުވާ ކަމެވެ.

އެމެރިކާ ޖެންސެން އަކީ ކުޑަކުދިންގެ ސިއްހަތާ ގުޅޭ ގޮތުން ކެއުމާއި ނިދުމަށް ހާއްސަ ސަމާލުކަމެއް ދެއްވާ ނިއުޓްރިޝަނަލް އެޕިޑެމިއޮލޮޖިސްޓެކެވެ. އޭނާގެ ދިރާސާގައި ހިމެނެނީ އާލީ ނިއުޓްރިޝަނަލް މާހައުލުތަކުގެ ސަބަބުން ކުޑަކުދިންގެ އޮބެސިޓީ އާއި ޒުވާންއުމުރުގެ ވަގުތަށް އަސަރުކުރާ ގޮތާއި، ނިދުމުގެ އެކި އެކި ކަންތައްތަކުގެ ސަބަބުން ކާޑިއޯމެޓަބޮލިކް ރިސްކް އުފެދުމާއި، ނިދުމާއި ކެއުމާއި ދެމެދު އޮންނަ ބައިޑިރެކްޝަނަލް އެސޯސިއޭޝަންތަކާއި، ނިދުމާއި ކާޑިއޯމެޓަބޮލިކް ސިއްހަތާ ދެމެދު އޮންނަ ގުޅުމުގެ މައްޗަށް ބިނާވެފައިވާ އެޕިޖެނެޓިކް މާކަރުތަކެވެ.

]]> Mon, 17 Apr 2023 21:39:09 +0500 ޒުރޫ ފްލޮރިޑާގައި އެބޯޝަން މަނާކުރުން https://heerasnews.com/1246 https://heerasnews.com/1246 އެމެރިކާގެ އަންހެނުންނަށް ގާނޫނުން ލިބިދީފައިވާ "ރިއޯ ވާސަސް ވޭޑް" މިދިޔަ އަހަރު އެމެރިކާގެ ފްލޮރިޑާ ސްޓޭޓްގައި އުވާލުމާ އެކު އެ ސްޓޭޓަކީ އެ ގައުމުގެ ދެކުނު އިރުމަތީ ސަރަހައްދުގައި އެބޯޝަން ހަދަން ބޭނުންވާ މީހުންނަށް ރައްކާތެރި ތަނެކަށް ވިއެވެ. އެ ސްޓޭޓުން މިހާރު އެބޯޝަން ހެދުމަށް ކަނޑައަޅާފައިވާ 15 ހަފުތާގެ ލިމިޓަކީ އެންމެ ލުއި އެއް ލިމިޓެވެ. އެހެންކަމުން ގިނަ ބަޔަކު އެހެން ސްޓޭޓް ތަކުން ފްލޮރިޑާއަށް އެ ޕްރޮސީޖާ ހެދުމަށް ދަތުރުކުރެއެވެ. ބަލިވެއިންނަތާ ހަ ހަފުތާ ވުމުން އެބޯޝަން ހެދުން މަނާކުރާ މި ފިޔަވަޅުގައި އިސްތިސްނާތަކެއް ދީފައި ވަނީ ރޭޕް ނުވަތަ އިންސެސްޓްގެ މައްސަލަތަކުގައި އެބޯޝަން ހެދުމަށެވެ. ފުލުހުންގެ ރިޕޯޓަކަށް ނުވަތަ ކޯޓު އަމުރަކުން ނޫން ގޮތަކަށް ހަ ހަފްތާ ވުމަށް ފަހު އެބޯޝަނެއް ނުހެދޭނެއެވެ. 

ހަމަސްވުމުން އެބޯޝަން މަނާކުރާ ބިލު ފްލޮރިޑާގެ ރިޕަބްލިކަން ޕާޓީ އިސްވެ އޮވެ ހައުސް އޮފް ރެޕްރެޒެންޓޭޓިވްސް އިން މި ދިޔަ ބުރާސްފަތި ދުވަހު ފާސްކުރިތާ ކުޑަ އިރުކޮޅެއް ފަހުން ފްލޮރިޑާގެ ގަވަރނަރު ޑިސަންޓިސް ވަނީ ބުރާސްފަތި ދުވަހުގެ ރޭ އެ ބިލުގައި ސޮއިކުރައްވާފައެވެ. ފްލޮރިޑާ ސްޓޭޓްގެ ރައްޔިތުންގެ ފުރާނައަށާއި އާއިލާއަށް އެހީތެރިކަން ފޯރުކޮށް ދިނުމަކީ ފަހުރުވެރިވާ ކަމެއް ކަމަށް ގަވަރުނަރު ވިދާޅުވެފައިވެއެވެ. އަދި އެ ގާނޫނުގެ ސަބަބުން އިންސާނީ ދިރިއުޅުމުގެ ކަރާމާތް ދިފާއުކޮށް ފްލޮރިޑާ އަކީ އާއިލާއަށް ތާއީދު ކުރާ ސްޓޭޓަކަށް ބަދަލުވެގެންދާނެ ކަމަށް އޭނާ ވިދާޅުވިއެވެ.

ރިޕަބްލިކަން ޕާޓީ ފަރާތްތަކުން ބުނާގޮތުގައި މާބަނޑުކަން ގިނަ އަންހެނުންނަށް ހަ ހަފުތާ ކުރިން އެނގޭ ކަމަށެވެ. ސްޓޭޓް ސެނެޓުން މި ބިލް ފާސްކޮށްފައި ވަނީ އޭޕްރީލް މަހުގެ 3 ވަނަ ދުވަހުއެވެ. މި ގާނޫނަށް އަމަލު ކުރަން ފަށާނީ މިހާރު އޮތް 15 ހަފުތާގެ ސަސްޕެންޝަނަށް އޮތް ގާނޫނީ ގޮންޖެހުމަކާ މެދު ކޯޓަކުން ހުކުމް ކޮށްގެންނެވެ.

ގަވަރނަރ ޑިސަންޓިސް މި ބިލުގައި ސޮއިކުރެއްވިތާ ކުޑަ އިރުކޮޅެއްގެ ތެރޭގައި ފްލޮރިޑާ އެލަޔަންސް އޮފް ޕްލޭންޑް ޕޭރެންޓްހޫޑް އެފިލިއޭޓްސް އިން ނެރުނު ބަޔާނެއްގައި ރޭޕް ނުވަތަ އިންސެސްޓް ކުރުމުން އެބޯޝަން މަނާކުރުމުން "ހާލުގައި ޖެހިފައިވާ ބަލި މީހުންނަށް އެދެވިގެންވާ ވަސީލަތެއް" ނުލިބޭނެ ކަމަށް ބުނެފައިވެއެވެ.

ހަ ހަފުތާގެ އާ އެބޯޝަން ގާނޫނުގެ ނަސީބު އަދިވެސް ބިނާވެފައި ވަނީ ފްލޮރިޑާގެ ސުޕްރީމް ކޯޓުގެ އެހެން ހުކުމެއްގެ މައްޗަށެވެ. އެބޯޝަން މަނާކުރާ ގާނޫނާ ގުޅިގެން ފްލޮރިޑާގެ އެންމެ މަތީ ކޯޓުގައި މިހާރު ކުރިއަށް ދަނީ އެބޯޝަން ކްލިނިކްތަކުން އެ ސްޓޭޓުގައި 15 ހަފުތާގެ މުއްދަތައްމަނާކޮށްފައި  އޮތް ގޮންޖެހުމުގެ އަޑުއެހުމެވެ. 

]]> Mon, 17 Apr 2023 21:35:16 +0500 ޒުރޫ